வெளிநாட்டில் இரண்டு மகள்களுடன் தவிக்கும் இந்திய தாய் : கணவனின் வருகைக்காக காத்திருக்கும் பரிதாபம்!!

இரண்டு மகள்களுடன்..

இந்தியாவில் கணவர் சி க்கி த விப்பதால், ஷார்ஜாவில் அவரின் குடும்பம் கடுமையான நிதி நெருக்கடியால் தவித்து வருகிறது. கொரோனா வைரஸ் பரவல் காரணமாக உலகின் பல்வேறு நாடுகளில் விமான போக்குவரத்து தடைபட்டுள்ளது.

இதனால் சொந்த நாட்டை விட்டு வெளிநாட்டிற்கு சென்றவர்கள், திரும்ப முடியாமல் தவித்து வருகின்றனர். இருப்பினும் அந்தந்த நாட்டு அரசு அவ்வப்போது தங்கள் நாட்டு மக்களுக்காக விமானங்களை அனுப்பி வைக்கின்றனர்.

இந்நிலையில், ஷார்ஜாவில் வசித்து வரும் இந்திய குடும்பம், தற்போது இந்தியாவில் சிக்கி தவிக்கும் கணவரை வருகை எதிர்நோக்கி காத்துக் கொண்டிருக்கிறது.

இது குறித்து அங்கிருக்கும் உள்ளூர் ஊடகம் வெளியிட்டிருக்கும் செய்தியில், ஷார்ஜாவின் Al Nahda-வில் தன் கணவர் மற்றும் இரண்டு பெண் குழந்தைகளுடன் வசித்து வருபவர் Sephali Panigrahi.

இவரின் கணவர் கடந்த மார்ச் மாதம் 15-ஆம் திகதி தந்தையை விடுவதற்காக இந்தியா சென்றுள்ளார். நான்கு நாட்களில் திரும்பிவிடுவார் என்பதால், கிரெடிட் கார்டுகளை அலுவலக லாக்கரில் வைத்து விட்டு சாவியை கொண்டு சென்றுள்ளார்.

ஆனால், தற்போது இந்த கொரோனா வைரஸ் காரணமாக இந்தியாவின் சிவப்பு மண்டலம் என்றழைக்கப்படும் மும்பையில் அவர் சிக்கிக் கொண்டார். அவரால் தற்போதைக்கு ஷார்ஜா திரும்ப முடியவில்லை.

இதனால் Sephali Panigrahi தன்னுடைய இரண்டு மகள்களை வைத்துக் கொண்டு கடுமையான நிதி நெருக்கடியை எதிர் கொண்டு வருகிறார். இது குறித்து அவர் கூறுகையில், இப்படி ஒரு நிலை வரும் என்று எதிர்பார்க்கவேயில்லை. நான்கு நாட்களில் திரும்பிவிடுவார் என்பதால், நாங்களும் சாதாரணமாக இருந்துவிட்டோம்.

ஆனால் இப்போது எங்களிடம் இருந்த பணம் தீர்ந்துவிட்டது. எங்களிடம் இருக்கும் பணம் உள்நாட்டு பணமதிப்பான திர்ஹாம்முக்கு குறைவாகவே இருக்கிறது.

எட்டாம் வகுப்பில் படிக்கும் என் இளைய மகளுக்கு பள்ளியிலிருந்து ஒரு இறுதி எச்சரிக்கை கிடைத்துள்ளது. நான் உடனடியாக அவளது கட்டணத்தை செலுத்தவில்லை என்றால், அவளை நீக்குவதாக அவர்கள் மி ரட்டியுள்ளனர்.

வங்கிகளிடமிருந்து எங்களுக்கு நிலுவைத் தொகையை கோருவதாக தெரிவித்துள்ளார். மேலும், வெளிநாட்டில் சிக்கியுள்ள ஐக்கிய அரபு எமிரேட் குடியிருப்பாளர்கள் குறிப்பிட்ட அளவுகோல்களை பூர்த்தி செய்தால் ஜூன் 1 முதல் திரும்ப முடியும்.

கணவரின் ஐசிஏ விண்ணப்பம் இன்னும் அங்கீகரிக்கப்படாததால் தான் நம்பிக்கையை இழந்து நிற்கிறேன், அவர் ஒரு நீரிழிவு நோயாளி, ஆஸ்துமாவால் அவதிப்படுகிறார். அவருக்கு பரிந்துரைக்கப்பட்ட மருந்து உள்ளூர் சந்தையில் கிடைக்கவில்லை. அவரது உடல்நிலை குறித்து நாங்கள் மிகவும் கவலைப்படுவதாக தெரிவித்துள்ளார்.

பிரித்தானியாவில் ஹிஜாப் அணிந்த இஸ்லாமிய பெண் முதல் முறையாக நீதிபதியாக நியமனம் : யார் இவர் தெரியுமா?

ரபியா அர்ஷத்..

பிரித்தானியாவில் ஹிஜாப் அணிந்த இஸ்லாமிய பெண் ரபியா அர்ஷத் என்பவர் முதல் முறையாக நீதிபதியாக நியமிக்கப்பட்டுள்ளதால், அவருக்கு வாழ்த்துக்கள் மற்றும் பாராட்டுகள் குவிந்து வருகிறது.

40 வயது மதிக்கத்தக்க Raffia Arshad, 17 ஆண்டுகால சட்ட வாழ்க்கைக்கு பிறகு கடந்த வாரம் மிட்லாண்ட்ஸ் சுற்று வட்டாரத்தில் துணை மாவட்ட நீதிபதியாக நியமிக்கப்பட்டுள்ளார்.

இது குறித்து Raffia Arshad கூறுகையில், நான் இதை தனிப்பட்ட சாதனையாக பார்க்கவில்லை. அதை விட பெரியது. இது இஸ்லாமிய பெண்களுக்கு மட்டுமல்ல, எல்லா பெண்களுக்கும் முக்கியமானது.

ஆனால் இது இஸ்லாமிய பெண்களுக்கு மிகவும் முக்கியமானது என்று கூறியுள்ளார். மேலும், அவர் புதிதாக நியமிக்கப்பட்ட நீதிபதி தளத்தின் பன்முகத்தன்மையை உறுதிசெய்ய பயன்படுத்த விரும்புவதாக தெரிவித்துள்ளார்.

கடந்த 2002-ஆம் ஆண்டு லண்டனில் பயிற்சி பெற்ற Raffia Arshad, 2004-ல் செயின்ட் மேரியின் குடும்ப சட்ட அறைகளில் சேர்ந்தார். இவர், கட்டாய திருமணம், பெண் பிறப்புறுப்பு சிதைவு மற்றும் இஸ்லாமிய சட்ட சிக்கல்கள் தொடர்பான வழக்குகள் உள்ளிட்ட பல்வேறு துறைகளில் பயிற்சி பெற்றவர்.

இருப்பினும், தான் இவ்வளவு அனுபவங்களை பெற்றிருந்தாலும், பாகுபாட்டையும் எதிர்கொள்வதாக Raffia Arshad குறிப்பிட்டுள்ளார்.

17 ஆண்டுகளுக்கும் மேலாக நான் இதில் இருப்பதற்கு, எனக்கு ஆதரவாக இருந்த, என்னை மிகவும் ஆதரித்த கணவருக்கு கடன்பட்டிருக்கிறேன். அவர் என் ஆர்வத்தைத் தொடர இடம் கொடுத்ததாகவும் உருக்கமுடன் கூறியுள்ளார். Raffia Arshad-வுக்கு மூன்று குழந்தைகள் உள்ளனர்.

72 வயது நபரை திருமணம் செய்யவுள்ள 27 வயது இளம் பெண்!!

27 வயது இளம் பெண்..

அமெரிக்காவில் 45 வயது இடைவெளி கொண்ட நபரை காதலித்து திருமணம் செய்யவுள்ள 27 வயது பெண் தங்களின் பா லியல் வாழ்க்கை தனித்துவமானது என்று கூறியுள்ளனர்.

பொதுவாகவே இப்போது அதிக வயது கொண்ட ஆணோ, பெண்ணோ தங்களை விட வயதில் குறைந்தவர்களை காதலித்து திருமணம் செய்து கொள்கின்றனர். அதன் பின் சமூகத்தில் இருக்கும் மக்கள் அவர்களை ஒரு விதமாக பேசுவர்.

ஆனால் அதை எல்லாம் கண்டுகொள்ளாமல் ஒரு சிலர் வாழ்ந்து வருகின்றனர். ஒரு சிலர் அவர்களின் வயது வித்தியாசத்தால், பா லியல் வாழ்க்கை குறித்து கிண்டலாக பேசுவார்கள், அதற்கு அவர்கள் சரியான பதிலடி கொடுப்பர்.

இந்நிலையில் இதே போன்று தான் 27 வயது மதிக்கத்தக்க தாய் ஒருவர் 72 வயது மதிக்கத்தக்க நபரை காதலித்து, நிச்சயதார்த்தம் செய்யப்பட்டு விரைவில் திருமணம் செய்யவுள்ளார். இது குறித்து பிரபல ஆங்கில ஊடகம் வெளியிட்டிருக்கும் செய்தியில், Rachael Chenault, 27 வயது கொண்ட தாயாரான இவர், John Penzera என்ற 72 வயது நபரை காதலித்து வருகிறார்.

இவர்கள் அமெரிக்காவில் வசித்து வருகின்றனர். இவர்கள் தங்களின் பா லியல் வாழ்க்கை குறித்த கேள்விக்கு, எங்களின் பா லியல் வாழ்க்கை தனித்துவமானது என்று கூறியுள்ளனர்.

கடந்த மூன்று ஆண்டுகளுக்கு முன்பு John Penzera-ஐ பா துகாப்பு நிறுவனத்தில், காவலராக பணிபுரிந்த போது பார்த்ததாகவும், அதன் பின் பழகிய நாங்கள் strip club ஒன்றில் காதலை வெளிப்படுத்திக் கொண்டதாகவும் Rachael Chenault தெரிவித்துள்ளார்.

தன்னுடைய தாய், தந்தையை விட John Penzera வயதில் மூத்தவராக இருந்தாலும், வயது என்பது வெறும் எண் மட்டுமே, எங்களுக்குள் நம்பமுடியாத நெருக்கமான உறவு உள்ளது. அது மிகவும் நெருக்கமானது, அவரை யாரும் ஒப்பிட முடியாது.

எங்களுக்குள் தனித்துவமான பா லியல் வாழ்க்கை உள்ளது. வயதுக்கும் இதற்கும் எந்த சம்பந்தமும் இல்லை, நாங்கள் தன்னிச்சையாக இருக்கிறோம். அவர் நடந்து கொண்ட விதம் அனைத்தும் எனக்கு பிடித்துவிட்டது.

நான் மட்டுமின்றி அவரும் அதை உணர்ந்தார். இருவரும் அதை உணர்ந்தோம். ஆரம்பத்தில் அவர் விவகாரத்திற்காக காத்துக் கொண்டிருந்தார். இதனால் இரண்டு ஆண்டுகள் வரை காத்திருந்த இந்த ஜோடி, தற்போது, காதலர்களாக மாறியுள்ளனர்.

இவர்களின் காதலை John Penzera-ன் 28 வயது மகன் மற்றும் 23 வயது மகள் கேட்டு மகிழ்ச்சியடைந்தனர். ஆனால் Rachael Chenault குடும்பத்தினர் இவர்களின் காதல் விஷயத்தில் மகிழ்ச்சியடையவில்லை.

அதன் பின் John Penzera-ஐ சந்தித்தவுடன் Rachael Chenault-ன் குடும்பத்தினருக்கு பிடித்துவிட்டதாக கூறப்படுகிறது. இந்த தம்பதி விரைவில் திருமணம் செய்யவுள்ளனர். ஆனால் தற்போது கொரோனா வைரஸ் காரணமாக இது எப்போது நடக்கும் என்று சொல்லமுடியாது என்று அவர்களே கூறியுள்ளனர்.

இதனால் இப்போதைய சூழ்நிலையில் Rachael Chenault தன்னுடைய மகனுடன் ஒரு குடியிருப்பிலும், அதே நேரத்தில் John Penzera பென்சில்வேனியாவின் லாட்ரோபில் ஒரு வீட்டை திருமணத்திற்கு பின் தங்குவதற்காக கட்டி வருவதாகவும் கூறப்படுகிறது.

மேலும் Rachael Chenault தன்னுடைய மகன் John Penzera-வுடன் நெருங்கி பழகுவதாகவும், இது ஒரு நல்ல முன்மாதிரி என்றும் கூறியுள்ளார். இந்த ஜோடி நண்பர்கள் மற்றும் குடும்பத்தினரால் ஏற்றுக்கொள்ளப்பட்டாலும், இணையவாசிகள் மற்றும் சமூகத்தில் பலர் கிண்டல் செய்யும் விதமாக பேசுவது குறித்து கேட்ட போது, நாங்கள் அதை எல்லாம் கண்டு கொள்வதே இல்லை.

நாங்கள் எவ்வளவு அழகாக இருக்கிறோம் என்பதை அவர்கள் சொல்ல மாட்டார்கள். வயது இடைவெளி படுக்கையறையில் உள்ள விஷயங்களுக்கும் தடையாக இருக்கவில்லை. நான் ஒவ்வொரு நாளும் அவரிடமிருந்து வேறு வழிகளில் கற்றுக் கொண்டிருக்கிறேன், அவர் என்னிடமிருந்து கற்றுக்கொள்கிறார், நாங்கள் ஒருபோதும் நிறுத்த மாட்டோம்.

சில விஷயங்களில் எங்கள் இருவருக்கும் கருத்து வேறுபாடு உள்ளன. அது திரைப்படங்கள் தான், அவர் பெரும்பாலும் பழைய திரைப்படங்களைப் பற்றி விளக்குவார், அது எனக்கு தெரியாது என்று கூறியுள்ளார். இருவருக்கும் இடையே இருக்கும் வயது இடைவெளியைப் பற்றி Rachael Chenault-க்கு இருக்கும் ஒரே பயம் விரைவில் John Penzera(அதாவது இறந்துவிடுவார்) இழப்பார்.

இது குறித்து Rachael Chenault-யிடம் கேட்ட போது, அவர் என்றென்றும் வாழப் போவதில்லை என்பது எனக்குத் தெரியும். இருப்பினும் இது ஒவ்வொரு நாளும் நான் கவலைப்பட வேண்டிய ஒன்றாக உள்ளதாக தெரிவித்துள்ளார்.

காதலர்களுக்கு மட்டும் தனது எல்லையை திறந்துவிட்ட நாடு : ஆனால் ஒரே ஒரு நிபந்தனை!!

காதலர்களுக்கு மட்டும்..

கொரோனா வைரஸ் பரவலை எதிர்கொள்ள அமுல்படுத்தப்பட்ட ஊரடங்கால் பிரிக்கப்பட்ட காதலர்களுக்கு டென்மார்க் தனது எல்லைகளைத் திறந்துவிட்டுள்ளது.

டென்மார்க்கில் திங்களன்று நிலவரப்படி, ஜேர்மனி, பின்லாந்து, ஐஸ்லாந்து, நோர்வே மற்றும் சுவீடன் ஆகிய நாடுகளில் வசிப்பவர்கள் மீண்டும் தங்கள் டேனிஷ் காதலர்களை சந்திக்கலாம் என கூறப்பட்டுள்ளது.

ஆனால் அவர்கள், தாங்கள் உறவில் இருப்பதை உரிய முறைப்படி நிரூபிக்க வேண்டும் எனவும் கோரப்பட்டுள்ளது. டென்மார்க்கில் உள்ள தமது காதலி அல்லது காதலரின் பெயர், முகவரி மற்றும் தொடர்பு விவரங்கள் தேவை என்று அதிகாரிகள் கூறுகின்றனர்.’

ஊரடங்கு காலத்திற்கும் ஆறு மாதங்கள் முன்னர் வரை தொடர்பில் இருந்தவர்கள், மற்றும் இதற்கு முன்னர் நேரடியாக சந்தித்துக்கொண்டவர்களுக்காகவே தற்போது எல்லையை திறக்க டென்மார்க் நிர்வாகம் முடிவு செய்துள்ளது.

ஆனால், இந்த இடைப்பட்ட காலத்தில் இணையம் வாயிலாக உறவை புதிதாக ஏற்படுத்திக் கொண்டவர்களுக்கு இந்த வாய்ப்பு பொருந்தாது. டென்மார்க்கில் தங்கள் காதலி அல்லது காதலரை காண் விரும்பும் நபர்கள், கண்டிப்பாக புகைப்படம் ஒன்று அல்லது காதல் கடிதம் என ஏதேனும் ஒன்றை எடுத்துச் செல்ல வேண்டும்.

வரும் நாட்களில், இருவரும் ஒன்றாக கையெழுத்திட்ட கடிதம் ஒன்று போதும் எனவும் அதிகாரிகள் தரப்பு தெரிவித்துள்ளது. டென்மார்க் அரசின் இந்த புதிய சட்டம் ஆயிரக்கணக்கான காதலர்களுக்கு நிம்மதியை அளித்துள்ளது.

அதில் ஒரு தம்பதி, டென்மார்க்கைச் சேர்ந்த 85 வயதான இங்கா ராஸ்முசென் மற்றும் ஜேர்மனியைச் சேர்ந்த 89 வயதான கார்ஸ்டன் ஹேன்சன். இந்த தம்பதி கடந்த வருடம், பெரும்பாலும் தினசி எல்லை நகரமான அவென்டோஃப்ட் அருகே தினமும் சந்தித்து, தங்கள் உறவை வளர்த்து வந்துள்ளனர்.

இதனிடையே, கொரோனா பரவலை அடுத்து, பொதுமக்கள் பொதுவெளியில் கூடுவதை தடை செய்ததுடன், தமது எல்லைகளையும் மூடியது டென்மார்க் அரசு.

ஐரோப்பிய நாடுகளில் கொரோனா பரவலை எதிர்கொள்ள ஊரடங்கை முதலில் அமுலுக்கு கொண்டுவந்த நாடு டென்மார்க் என்பது குறிப்பிடத்தக்கது.

தேன் எடுக்க காட்டுக்குச் சென்ற மாணவன் பரிதாபமாக பலி!!

மாணவன்..

திருகோணமலை – மொரவெவ பொலிஸ் பிரிவுக்குட்பட்ட பன்மதவாச்சி காட்டுப் பகுதிக்கு தேன் எடுக்க சென்ற மாணவன் பரிதாபமாக உ யிரிழந்துள்ளார். இச்சம்பவம் கடந்த செவ்வாய்க்கிழமை இடம்பெற்றுள்ளதாக பொலிஸார் குறிப்பிட்டுள்ளனர்.

இவ்வாறு உ யிரிழந்தவர் திருகோணமலை – சாம்பல்தீவு பகுதியைச் சேர்ந்த 19 வயதுடைய நடராசா ஆதவன் என தெரியவந்துள்ளது.

நிலாவெளி கைலேஸ்வரன் மஹா வித்தியாலயத்தில் க.பொ.த உயர்தரத்தில் கல்வி கற்று வரும் இவர் குடும்ப கஷ்ட நிலை காரணமாக விடுமுறை காலத்தில் கூலித்தொழில் செய்து வந்துள்ளார்.

இந்த நிலையில் மூன்று பேருடன் தேன் எடுப்பதற்காக காட்டுக்குச் சென்றுள்ளார். 16 அடி உயரமான மரத்தில் ஏறி மரத்தை வெட்டியபோது மரத்தின் கிளை அவர் மீது விழுந்துள்ளதாக பொலிஸார் மேற்கொண்ட ஆரம்பகட்ட விசாரணை மூலம் தெரியவந்துள்ளது.

சம்பவ இடத்திற்கு திடீர் மரண விசாரணை அதிகாரி ஏ.எஸ்.எம்.றூமி சென்று பார்வையிட்டதுடன் சடலத்தை சட்ட வைத்திய பரிசோதனைக்காக திருகோணமலை பொது வைத்தியசாலைக்கு கொண்டு செல்லுமாறு பொலிஸாருக்கு கட்டளையிட்டுள்ளார்.

சடலம் பிரேத பரிசோதனைக்கு பின்னர் உறவினர்களிடம் ஒப்படைக்கப்பட உள்ளதாகவும், சம்பவம் தொடர்பிலான விசாரணைகளை மேற்கொண்டு வருவதாகவும் மொரவெவ பொலிஸார் தெரிவித்துள்ளனர்.

வெளிநாடுகளிலிருந்து இலங்கை வர எதிர்பார்ப்பவர்களுக்காக எடுக்கப்படவுள்ள நடவடிக்கை!!

இலங்கை வர எதிர்பார்ப்பவர்களுக்காக..

கொரோனா வைரஸ் தொற்றிற்கு மத்தியில் இலங்கை வர முடியாமல் 21 நாடுகளில் சிக்கியிருந்த 5757 இலங்கையர்கள் நாட்டிற்கு அழைத்து வரப்பட்டுள்ளதாக ஜனாதிபதி செயலகம் தெரிவித்துள்ளது.

எதிர்வரும் நாட்களில் சிக்கியுள்ள ஏனைய இலங்கையர்களை அழைத்து வருவதற்கு நடவடிக்கை எடுக்கப்படவுள்ளதாக வெளிவிவகார நடவடிக்கை தொடர்பான மேலதிக செயலாளர் ஜயனாத் கொலம்பகே தெரிவித்துள்ளார்.

மேலும் 19ஆயிரம் இலங்கையர்கள் நாடு திரும்புவதற்காக காத்திருப்பதாக அவர் குறிப்பிட்டுள்ளார். இதேவேளை, வெளிநாடுகளில் உள்ள இலங்கையர்களை அழைத்து வருவதற்காக இரண்டு நாட்களுக்கு ஒரு முறை அழைத்து வருவதற்கு அவதானம் செலுத்தப்பட்டுள்ளதாக அவர் குறிப்பிட்டுள்ளார்.

அத்துடன் இலங்கையர்கள் யாராவது நாட்டிற்கு வருவதற்கு எதிர்பார்த்திருந்தால் அந்த நாட்டிலேயே பீ.சீ.ஆர் பரிசோதனை மேற்கொண்டு அறிக்கை பெற்றிருப்பது கட்டாயமாக்குவதற்கு நேற்று இடம்பெற்ற கலந்துரையாடலில் அவதானம் செலுத்தப்பட்டுள்ளது.

இலங்கை முழுவதும் மீண்டும் ஊரடங்கு சட்டம் : இன்று வெளியான புதிய தகவல்!!

ஊரடங்கு சட்டம்..

நாட்டில் எதிர்வரும் ஜுன் மாதம் 6ஆம் திகதி சனிக்கிழமை வரையும் அதன் பின்னரும் ஊரடங்கு சட்டம் அமுலாகும் முறை தொடர்பில் புதிய அறிக்கை ஒன்று ஜனாதிபதி ஊடக பிரிவு தெரிவித்துள்ளது.

அதற்கமைய மே மாதம் 31ஆம் திகதி நாடு முழுவதும் ஊரடங்கு சட்டம் அமுல்படுத்தப்பட்டுள்ளது. ஜுன் மாதம் முதலாம் திகதி முதல் ஜுன் மாதம் 3அம் திகதி புதன் கிழமை வரை நாட்டின் அனைத்து மாவட்டங்களுக்கும் வழமை போன்று இரவு 10 முதல் அதிகாலை 4 மணி வரையான ஊரடங்கு சட்டம் அமுல்படுத்தப்படும்.

எனினும் ஜுன் மாதம் 4ஆம் திகதி மற்றும் 5ஆம் திகதி நாடு முழுவதும் ஊரடங்கு சட்டம் அமுல்படுத்தப்படவுள்ளதாக தெரிவிக்கப்படுகின்றது.

ஜுன மாதம் 6ஆம் திகதி முதல் நாட்டின் அனைத்து பகுதிகளிலும் மீள் அறிவிப்பு வரை வழமையான இரவு 10 முதல் அதிகாலை 4 மணி வரையான ஊரடங்கு சட்டம் அமுல்படுத்தப்படும்.

கொழும்பு மற்றும் கம்பஹா மாவட்டங்களை தவிர்த்து ஏனைய மாவட்டங்களுக்கு போக்குவரத்து சேவைகளை மேற்கொள்ள அனுமதி வழங்கப்பட்டுள்ளமை குறிப்பிடத்தக்கது.

தந்தையின் சடலத்தை செல்போனில் பார்த்த மகன் மாரடைப்பால் மரணம் : சாலையிலேயே பிரிந்த உயிர்!!

தந்தையின் சடலத்தை..

இந்தியாவில் தந்தையின் சடலத்தை செல்போனில் பார்த்த மகன் மாரடைப்பால் உ யிரிழந்த சம்பவம் சோ கத்தை ஏற்படுத்தியுள்ளது. ஆந்திராவை சேர்ந்தவர் அஞ்சநேய நாயுடு (78). இவர் மகன் பாபு நாயுடு (50) தனது குடும்பத்துடன் பெங்களூரில் வசித்து வந்தார்.

இந்நிலையில் நேற்று முன் தினம் அஞ்சநேய நாயுடு உடல்நலக்குறைவால் உ யிரிழந்தார். இந்த தகவல் அவர் மகன் பாபுவுக்கு தெரிவிக்கப்பட்ட நிலையில் தந்தைக்கு இறுதிச்சடங்கு செய்ய பெங்களூரில் இருந்து காரில் சொந்த ஊருக்கு வந்து கொண்டிருந்தார்.

அப்போது வழியில் பாபு வாகனத்தை நிறுத்திய பொலிசார் எங்கு செல்கிறீர்கள் என கேட்டதற்கு தந்தை இறந்த செய்தி குறித்து கூறினார். பின்னர் அதை ஆதாரமாக காட்ட உறவினருக்கு போன் செய்து தந்தையின் சடலத்தை போட்டோ எடுத்து அனுப்ப சொன்னார்.

இதையடுத்து செல்போனில் தனது தந்தையின் சடலத்தை பார்த்த போது பாபுவுக்கு கடுமையான மாரடைப்பு ஏற்பட்டு கீழே சுருண்டு விழுந்தார். இதனால் அதிர்ச்சியடைந்த பொலிசார் பாபுவை உடனடியாக மீட்டு மருத்துவமனைக்கு கொண்டு சென்றனர்.

அங்கு அவரை பரிசோதித்த மருத்துவர்கள் பாபு ஏற்கனவே உ யிரிழந்துவிட்டதாக கூறினார்கள். தந்தையும், மகனும் அடுத்தடுத்து உ யிரிழந்த சம்பவம் அவர்களின் உறவினர்களையும், நண்பர்களையும் சோ த்தில் ஆழ்த்தியுள்ளது.

பெருந்தொகையான இலங்கையர்களை நாட்டை விட்டு வெளியேறுமாறு குவைத் அறிவிப்பு!!

இலங்கையர்களை..

குவைத் நாட்டில் விசா செல்லுபடியாகும் காலம் நிறைவடைந்தும் நாட்டில் தங்கியிருக்கும் அனைவரையும் நாட்டிலிருந்து வெளியேறுவதற்காக பொது மன்னிப்பு காலம் ஒன்று வழங்கப்பட்டுள்ளது.

குறித்த பொது மன்னிப்பு காலம் இதுவரையில் இறுதி நாட்களை நெருங்கியுள்ளது. ஒரு லட்சத்திற்கும் அதிகமான இலங்கையர்கள் சட்டரீதியாக அங்கு தங்கியுள்ள நிலையில் 19ஆயிரம் இலங்கையர்களின் விசா செல்லுபடியாகியுள்ள நிலையில் அங்கு தங்கியுள்ளனர்.

இதன் காரணமாக பொது மன்னிப்பு காலத்தில் அவர்களில் அதிகமானோர் இலங்கை வருவதற்கு எதிர்பார்த்துள்ளனர். அந்த நாட்டில் தங்கியுள்ள பாரியளவிலான இலங்கையர்கள் தற்போது கொரோனா வைரஸ் தொற்றுக்குள்ளாகியுள்ளதாக தகவல் வெளியாகியுள்ளது.

குவைத் அரசாங்கம் கொரோனா வைரஸின் போது உலகம் ஏற்றுக் கொண்ட மரபுகளுக்கு அப்பால் செயற்படுவதாக அரச வைத்திய அதிகாரிகள் சங்கம் தெரிவித்துள்ளது.

அவர்கள் இலங்கை உட்பட வெளிநாட்டு பணியாளர்களை வெளியேற்று போது உரிய சுகாதார பாதுகாப்பு முறையை பின்பற்றாமல், சிறிய இடங்களில் அதிகமானோரை தங்க வைத்துள்ளதாக சங்கத்தின் தலைவர் வைத்தியர் அனுருந்த பாதெனிய தெரிவித்துள்ளார்.

இதனால் அந்த நாட்டில் உள்ள இலங்கையர்கள் அனைவரும் கொரோனா தொற்றுக்குள்ளாக வாய்ப்புகள் உள்ளதாக அவர் குறிப்பிட்டுள்ளார். இதனால் எதிர்வரும் நாட்களில் குவைத்தில் இருந்து இலங்கையர்களை அழைத்து வரும் போது மிகவும் அவதானமாக இருக்க வேண்டும் என அவர் மேலும் தெரிவித்துள்ளார்.

ஆறுமுகன் தொண்டமானுக்காக திறக்கப்படும் நாடாளுமன்றம்!!

ஆறுமுகம் தொண்டமான்

அமரர் ஆறுமுகம் தொண்டமானின் பூதவுடல் இன்று (28.05.2020) நாடாளுமன்ற கட்டடத் தொகுதியில் அஞ்சலிக்காக வைக்கப்படவுள்ளது.

இறுதி அஞ்சலி செலுத்துவதற்காக இன்று காலை 14.45 முதல் காலை 11 மணி வரை நாடாளுமன்ற வளாகத்திற்கு முன்னால் உள்ள மண்டபத்தில் பூதவுடல் வைக்கப்படவுள்ளது.

பின்னர் பூதவுடன் காலை 11.30 மணிக்கு நாடாளுமன்ற வளாகத்திற்கு கொண்டு செல்லப்படும் என்று நாடாளுமன்ற தகவல் தொடர்புத் திணைக்களம் தெரிவித்துள்ளது.

ஜனாதிபதி கோட்டாபய ராஜபக்ஷ, பிரதமர் மஹிந்த ராஜபக்ஷ உட்பட அமைச்சர்கள் மற்றும் 8வது நாடாளுமன்றத்தின் முன்னாள் சபாநாயகர் கரு ஜயசூரிய உட்பட முன்னாள் நாடாளுமன்ற உறுப்பினர்கள் தொண்டமானின் பூதவுடலுக்கு அஞ்சலி செலுத்தவுள்ளனர்.

அஞ்சலி செலுத்தவுள்ள அரசியல்வாதிகள் அனைவரும் காலை 10.30 மணிக்கு நாடாளுமன்ற வளாகத்திற்கு அழைக்கப்பட்டுள்ளனர். அதன்பின்னர் அன்னாரின் பூதவுடல் கொழும்பிலுள்ள இலங்கைத் தொழிலாளர் காங்கிரசின் தலைமையகமான சௌமியபவனுக்கு கொண்டு செல்லப்படவுள்ளது.

ஆறுமுகன் தொண்டமானின் இறுதிக்கிரியைகள் எதிர்வரும் ஞாயிற்றுக்கிழமை நோர்வூட்டில் நடைபெறவுள்ளன. இறுதிக்கிரியைகள் அரச அனுசரணையில் இடம்பெறும் என பொது நிர்வாக அமைச்சு அறிவித்துள்ளது.

பூதவுடல் நாளை இறம்பொடையிலுள்ள அன்னாரின் இல்லத்திற்கு எடுத்துச் செல்லப்பட்டு, நாளை மறுதினம் (30) கொட்டகலையில் இறுதி அஞ்சலிக்காக வைக்கப்படவுள்ளது. எதிர்வரும் ஞாயிற்றுக்கிழமை மாலை 4 மணிக்கு நோர்வூட் சௌமியமூர்த்தி தொண்டமான் விளையாட்டரங்கில் அன்னாரின் இறுதிக்கிரியைகள் இடம்பெறவுள்ளதாக அறிவிக்கப்பட்டுள்ளது.

இலங்கைத் தொழிலாளர் காங்கிரஸின் தலைவரும் அமைச்சருமான ஆறுமுகன் தொண்டமான் தனது 55 ஆவது வயதில் நேற்று முன்தினம் இரவு காலமானார்.

தோல்வியில் முடிந்த 12 மணி நேர முயற்சி : ஆழ்துளை கிணற்றில் இருந்து சடலமாக எடுக்கப்பட்ட சிறுவன்!!

கிணற்றில் விழுந்த சிறுவன்..

தெலங்கானா மாநிலத்தில் ஆழ்துளை கிணற்றில் விழுந்த சிறுவன் சடலமாக மீட்கப்பட்ட நிலையில் அதன் முதல் வீடியோ காட்சி வெளியாகியுள்ளது.

தெலங்கானா மாநிலம் மேடக் மாவட்டம் பப்பன்னாபேட் மண்டலில், கோவர்தன் என்பவரின் 3 வயது மகன் ஷாய் வர்தன். தனது தந்தை மற்றும் தாத்தாவுடன் நேற்று விவசாய நிலத்தில் நடந்து சென்ற போது, தவறுதலாக மூடப்படாத 120 அடி ஆழ்துளை கிணற்றுக்குள் விழுந்து விட்டான்.

முதலில் 25 அடியில் சிக்கியிருந்த சிறுவனை மீட்கும் முயற்சியில் ஈடுபட்ட போது, மண் சரிவு ஏற்பட்டதால், குழந்தை கீழிறங்கியது.

தகவலறிந்து அங்கு விரைந்து வந்த போலீசாரும், தீயணைப்பு வீரர்களும் சிறுவனை மீட்கும் முயற்சியில் ஈடுபட்டனர்.

போர்வெல் இயந்திரங்கள் வரவழைக்கப்பட்டு சிறுவன் விழுந்த ஆழ்துளை கிணறு அருகே மற்றொரு கிணறு தோண்டப்பட்டது. இரவு நேரமானதால் விளக்குகள் பொருத்தப்பட்டு மீட்பு பணிகள் தொடர்ந்து நடைபெற்றன.

இந்நிலையில், இன்று காலை 3 வயது சிறுவனை தேசிய பேரிடர் மீட்புக் குழுவினர் சடலமாக மீட்டது அங்கு சோ கத்தை ஏற்படுத்தியது.

இதனிடையில் ஷாய் வர்தனின் சடலம் வெளியில் எடுக்கப்பட்ட முதல் வீடியோ வெளியாகயுள்ளது, இந்த வீடியோ சமூகவலைதளத்தில் வைரலாக பரவி வரும் நிலையில் பலரையும் க ண்ணீரில் ஆழ்த்தியுள்ளது.

பெண் போலீசை திருமணம் செய்துவிட்டு நகை மற்றும் பணத்துடன் தலைமறைவான கணவன்!!

பெண் பொலிசை திருமணம்..

தமிழகத்தில் பெண் பொலிசை ஏ மாற்றி திருமணம் செய்து 7 லட்சம் ரூபாய் மற்றும் 10 பவுன் நகையுடன் தலைமறைவான நபரை பொலிசார் தேடி வருகின்றனர்.

நெல்லை மாவட்டம் களக்காட்டில் பெண் பொலிசாராக பணியாற்றி வருபவர் தங்கராணி. இவருக்கும் அங்கிருக்கும் ராதாபுரத்தில் மளிகை கடை நடத்தி வரும், சிவ பிரேம்குமார் என்பவருக்கும் திருமணம் நடைபெற்றுள்ளது.

இதையடுத்து இருவரும் குடும்பம் நடத்தி வந்த நிலையில், சிவ பிரேம்குமார் தங்கராணியிடம் இருந்து 7 லட்சம் ரூபாய் மற்றும் 10 பவுன் நகைகளை பெற்றுள்ளார்.

அதன் பின், கடந்த சில நாட்களுக்கு முன்பு கணவன் மனைவி இருவருக்கும் இடையே ஏற்பட்ட கருத்து வேறுபாடு காரணமாக பிரிந்துள்ளனர்.

இதனால், தங்கராணி, சிவபிரேம்குமாரிடம் கொடுத்ததாக கூறப்படும் 7 லட்ச ரூபாய் மற்றும் நகைகளை திருப்பி கேட்டுள்ளார்.

பணத்தையும் நகைகளையும் திருப்பிக் கொடுக்க மறுத்துவந்த சிவபிரேம்குமார் பெண் பொலிஸ் தங்க ராணியை தகாதவார்த்தைகளால் திட்டியுள்ளார்.

இதையடுத்து தங்கராணி ராதாபுரம் பொலிசில் புகார் கொடுக்க, புகாரின்பேரில் ராதாபுரம் பொறுப்பு இன்ஸ்பெக்டர் ஜெகதா, பெண்கள் வன்கொடுமை ,மோசடி ஆகிய பிரிவுகளின் கீழ் வழக்குப்பதிவு செய்து தலைமறைவான சிவ பிரேம்குமாரை தேடி வருகிறார்.

புடவையை வைத்து காப்பாற்ற முயன்ற குடும்பத்தினர் : 120 அடி ஆழ்துளை கிணற்றில் விழுந்து தவிக்கும் 3 வயது சிறுவன்!!

3 வயது சிறுவன்..

இந்தியாவில் தெலுங்கானா மாநிலத்தில் 120 அடி ஆழ்துளை கிணற்றில் விழுந்த சிறுவனை கா ப்பாற்றுவதற்காக குடும்பத்தினர் ஆரம்பத்தில் புடவையை வைத்து கா ப்பாற்ற முயன்றுள்ளனர்.

தெலங்கானா மாநிலம் பதஞ்சேரு பகுதியில் வசித்து வருபவர் கோவர்தன், இவர் தனது மனைவி மற்றும் 3 வயது மகனுடன் மெடக் மாவட்டத்தில் உள்ள போச்சன்பள்ளி கிராமத்தில் உள்ள தனது தந்தை வீட்டுக்கு விடுமுறைக்காக சென்று தங்கியுள்ளார்.

அப்போது அங்கிருந்த விவசாய நிலத்தில் இருந்த சுமார் 120 அடி கொண்ட ஆழ்துளை கிணறு ஒன்றில் 3 வயது மதிக்கத்த மகன் விழுந்துவிட்டான். இதனால் அந்த சிறுவனை மீ ட்பதற்காக காவல்துறை மற்றும் தீயணைப்பு வீரர்கள் மீட்பு பணியில் ஈடுபட்டு வருகின்றனர்.

இந்நிலையில் இது குறித்து பிரபல ஆங்கில ஊடகம் வெளியிட்டிருக்கும் செய்தியில், சிறுவன் சரியாக உள்ளூர் நேரப்படி 5 மணிக்கு உள்ளே விழுந்துள்ளான். அதாவது தாத்தா மற்றும் தந்தையுடன் நடந்து சென்று கொண்டிருந்த போது, எதிர்பாரதவிதமாக அதன் உள்ளே விழுந்துள்ளான்.

இதைக் கண்ட குடும்பத்தினர் அ திர்ச்சியடைந்து, பொலிசாருக்கு தகவல் தெரிவித்தவுடன், முதலில் புடவையை பயன்படுத்தி மீட்க முயற்சித்துள்ளனர்.

ஆனால் குழந்தையால் ஒன்றும் செய்ய முடியவில்லை. தற்போது அந்த ஆழ்துளை கிணற்றின் உள்ளே குழந்தைக்கு ஆக்சிஜன் வழங்கப்பட்டு வருகிறது.

பூமியின் அகழ்வாராய்ச்சிக்கு பயன்படுத்தப்படும் இயந்திரங்கள் அதைச் சுற்றி தோண்டுவதற்கான வேலையில் ஈடுபட்டு வருவதாகவும், இரவு ஆகிவிட்டதால், விளக்குகள் பொறுத்தப்பட்டு மீட்கும் பணி நடைபெற்று வருவதாக குறிப்பிட்டுள்ளது.

சம்பவம் நடந்த இடத்திற்கு, மூத்த மாவட்ட மற்றும் காவல்துறை அதிகாரிகள் உடனடியாக சென்று கண்காணித்து வருவதாகவும், சிறுவனை கண்டுபிடிப்பதற்காக அவர்கள் போர்வெல்லுக்குள் கேமராக்களைப் பயன்படுத்துவதாகவும் அதிகாரி ஒருவர் தெரிவித்துள்ளார்.

இலங்கையில் ஒரே நாளில் 150 பேருக்கு கொரோனா தொற்று!!

கொரோனா தொற்று..

இலங்கையில் நேற்று மட்டும் கொரோனா தொற்றுடன் 150 பேர் அடையாளம் காணப்பட்டுள்ளனர். இதனையடுத்து, இலங்கையில் கொரோனா வைரஸ் தொற்றினால் பாதிக்கப்பட்டவர்களின் எண்ணிக்கை 1469 ஆக அதகரித்துள்ளதாக சுகாதார அமைச்சு தெரிவித்துள்ளது.

நேற்றுடன் சேர்த்து கடந்த ஐந்து நாட்களில் இலங்கையில் 406 பேர் கொரோனா வைரஸ் தொற்றுடன் அடையாளம் காணப்பட்டுள்ளனர்.

நேற்று அடையாளம் காணப்பட்ட 150 பேரில் 97 பேர் அண்மையில் வெளிநாடுகளில் இருந்து நாடு திரும்பியவர்கள் எனவும், ஏனைய 53 பேர் கடற்படையினர் எனவும் தெரிவிக்கப்பட்டுள்ளது.

தற்போது வரையில், 727 பேர் நோய் தொற்றிலிருந்து குணமடைந்துள்ளனர். 732 பேர் தொடர்ந்தும் சிகிச்சை பெற்று வருகின்றனர். 10 பேர் உயிரிழந்துள்ளமை குறிப்பிடத்தக்கது.

பாடசாலைகளை மீள திறப்பது குறித்து கல்வி அமைச்சு வெளியிட்டுள்ள அறிவிப்பு!!

பாடசாலைகளை மீள திறப்பது குறித்து..

இயல்பு வாழ்க்கை திரும்பிக்கொண்டிருக்கும் நிலையில் பாடசாலைகளை திறப்பது தொடர்பில் அடுத்த வாரம் இறுதி தீர்மானம் எடுக்கப்படும் என்று கல்வி அமைச்சர் டளஸ் அழகப்பெரும தெரிவித்துள்ளார்.

சுகாதார நிபுணர்களுடன் இடம்பெறவுள்ள கலந்துரையாடலின் பின்னர் இந்த முடிவு எடுக்கப்படும் என்று அவர் குறிப்பிட்டுள்ளார். சுகாதார அதிகாரிகள் இது தொடர்பில் தற்போது ஆராய்வுகளை மேற்கொண்டு வருகின்றனர்.

இந்நிலையில் பொதுமக்களின் பழக்கவழக்கங்கள் மற்றும் போக்குவரத்துக்கள் என்பவை தொடர்பில் அவர்கள் ஆராய்வுகளை மேற்கொண்டு வருகின்றனர். அத்துடன் சமூக இடைவெளி தொடர்பிலும் அவர்கள் ஆராய்ந்துக்கொண்டிருப்பதாக கல்வி அமைச்சர் குறிப்பிட்டுள்ளார்.

இதேவேளை பாடசாலைகள் ஆரம்பிக்கப்பட்டால் பொதுபோக்குவரத்துக்களே சவாலாக இருக்கும் என்று அவர் சுட்டிக்காட்டியுள்ளார்.

இதில் உரிய உறுதிப்பாடு கிடைக்காதுபோனால் பாடசாலைகளை திறப்பதில் எவ்வித பயன்களும் இல்லை என்றும் அவர் தெரிவித்துள்ளார்.

இது தொடர்பில் போக்குவரத்து அமைச்சுடன் கலந்துரையாடல்கள் இடம்பெற்று வருவதாகவும் டளஸ் அழகப்பெரும தெரிவித்துள்ளார்.

65 நாட்களின் பின் குணமடைந்த யாழில். கொரோனோ தொற்றுக்கு இலக்கான முதல் நபர்!!

கொரோனோ..

யாழில். கொரோனோ தொற்றுக்கு இலக்காகி முதலாவதாக அடையாளம் காணப்பட்ட நபர் சுமார் 65 நாள் சிகிச்சையின் பின்னர் வீடு திரும்பியுள்ளார். வடமாகாண சுகாதார சேவைகள் பணிப்பாளர் வைத்திய அதிகாரி ஆ.கேதீஸ்வரன் இதனை தெரிவித்துள்ளார்.

புதிதாக கட்டட ஒப்பந்தம் ஒன்றினை மேற்கொள்வது தொடர்பாக சுவிஸ் நாட்டிலிருந்த வந்த மத போதகருடன் பழகிய தாவடி பகுதியை சேர்ந்த நபர் ஒருவர் கொரோனோ தொற்றுக்கு இலக்காகி இருந்தார்.

கடந்த மார்ச் மாதம் 22ம் திகதி கொரோனோ தொற்று அடையாளம் காணப்பட்ட நிலையில் கொழும்புக்கு அனுப்பி வைக்கப்பட்டு அங்கு சிகிச்சை அளிக்கப்பட்டு வந்தது. கொழும்பில் சுமார் 65 நாட்கள் சிகிச்சை பெற்று வந்த நிலையில் தற்போது உடல்நலம் தேறி வீடு திரும்பியுள்ளார்.

குறித்த நபருக்கு நீரிழிவு நோய் தாக்கம் இருந்தமை காரணமாக நோய் எதிர்ப்பு சக்தி குறைவாக இருந்த காரணத்தாலும் நீண்ட கால சிக்கிச்சைக்கு உட்படுத்தப்பட்டு வருகின்றார் என யாழ்.போதனா வைத்தியசாலை பணிப்பாளர் கடந்த சில வாரங்களுக்கு முன்னர் தெரிவித்திருந்தமை குறிப்படத்தக்கது.