சிகரட் வகைகள் விற்பனை செய்வதனை தடை செய்யுமாறு ஜனாதிபதியிடம் கோரிக்கை!!

சிகரட்..

சிகரட் வகைகள் விற்பனை செய்வதனை தடை செய்யுமாறு ஜனாதிபதி கோட்டாபய ராஜபக்சவிடம் புகையிலை பொருள் உற்பத்திகளுக்கு எதிரான அமைப்பு மற்றும் சுகாதாரத் தரப்பினர் இணைந்து கோரிக்கையை முன்வைத்துள்ளனர்.

கொரோனா வைரஸ் தொற்று பரவி வரும் இந்தக் காலச் சூழ்நிலையில் புகையிலை உற்பத்திகளை விற்பனை செய்வதனை தடை செய்வது குறித்து கவனம் செலுத்துமாறு கோரிக்கை விடுக்கப்பட்டுள்ளது.

புகை பிடிப்பவர்களுக்கு கொரோனா வைரஸினால் அதிகளவு பாதிப்பு ஏற்படக்கூடிய சாத்தியங்கள் உண்டு என உலக சுகாதார ஸ்தாபனம் எச்சரிக்கை விடுத்துள்ளதாக புகையிலை பொருள் உற்பத்திகளுக்கு எதிரான அமைப்பின் பணிப்பாளர் டொக்டர் மகேஸ் ராஜசூரிய தெரிவித்துள்ளார்.

புகை பிடிக்கும் போது விரல்கள் உதடு என்பன அடிக்கடி தொடுகையுறுவதனால் இந்த வைரஸ் தொற்று பரவக்கூடிய சாத்தியங்கள் வெகு அதிகம் என அவர் சுட்டிக்காட்டியுள்ளார்.

புகைப்பிடிப்பவர்களுக்கு பொதுவாகவே சுவாசப் பிரச்சினைகள் அதிகளவில் காணப்படலாம் எனவும் கொரோனா தொற்றினால் நிலைமை மோசமடையலாம் எனவும் குறிப்பிட்டுள்ளார்.

கொரோனா தொற்றாளி பயன்படுத்திய சிகரட்டை பலர் புகைத்த காரணமாக அவர்களுக்கும் நோய்த் தொற்று ஏற்பட்ட சம்பவமொன்று அண்மையில் பதிவாகியிருந்தது என அவர் சுட்டிக்காட்டியுள்ளார்.

புகைப்பொருள் பாவனையற்ற ஓர் தலைமுறையை நாட்டில் உருவாக்குவதற்கு கிரமமான முன்னெடுப்புக்கள் மேற்கொள்ளப்பட்டு வருவதாக அவர் மேலும் தெரிவித்துள்ளார்.

போலி பதிவுகளை இடும் பயனர்களுக்கு எதிராக நடவடிக்கை எடுக்கும் முகநூல் நிறுவனம்!!

முகநூல் நிறுவனம்..

இலங்கையில் கொரோனா வைரஸ் தொற்று தொடர்பில் போலித் தகவல்களை பதிவிடும் முகநூல் பயனர்களுக்கு எதிராக நடவடிக்கை எடுக்கப்படும் என முகநூல் நிறுவனம் அறிவித்துள்ளது.

முகநூல் நிறுவனத்தின் இலங்கை முகாமையாளர் செனுர அபேவர்தன ஆங்கில ஊடகமொன்றுக்கு இதனைக் குறிப்பிட்டுள்ளார்.

போலியான தகவல்களை பிரசூரிக்கின்றார் என பயனர் ஒருவரை முடக்குவதற்கு சட்ட ரீதியான உத்தரவு கிடைக்கப் பெற்றால் முகநூல் நிறுவனம் நடவடிக்கை எடுக்கும் என அவர் தெரிவித்துள்ளார்.

கொரோனா வைரஸ் தொற்று தொடர்பில் போலியான செய்திகள் முகநூல் வழியாக பிரச்சாரம் செய்யப்படுவதனை தடுக்க நடவடிக்கைகள் எடுக்கப்பட்டுள்ளதாகத் தெரிவித்துள்ளார்.

கொரோனா வைரஸ் தொற்று தொடர்பில் சில சமூக ஊடகங்களில் போலியானதும், உறுதிப்படுத்தப்படாததுமான செய்திகள் வெளியாவது குறித்து அவதானிக்கப்பட்டு வருவதாகக் குறிப்பிட்டுள்ளார்.

இவ்வாறான போலிச் செய்திகள், உண்மைக்குப் புறம்பான தகவல்கள் தொடர்பில் கண்காணிப்பதற்கு பல்வேறு புதிய தொழிநுட்பங்கள் பயன்படுத்தப்பட்டு வருவதாகத் தெரிவித்துள்ளார்.

குறிப்பிட்ட ஓர் இன சமூகத்தை, அல்லது ஒரு குறிப்பிட்ட தரப்பை இலக்கு வைத்து குரோத உணர்வைத் தூண்டும் பதிவுகளும் முகநூலில் பிரசூரிக்கப்படுவதனை அவதானிக்க முடிகின்றது.

செய்தியின் உண்மைத் தன்மையை கண்டறியும் பொறிமுறைமையின் கீழ் இலங்கையில் பிரசூரமாகும் பதிவுகள் சரிபார்க்கப்படுவதாகவும் போலிச் செய்திகள் பிரசூரமாவதனை தடுக்க நடவடிக்கை எடுக்கப்படுவதாகவும் குறிப்பிட்டுள்ளார்.

எவ்வாறெனினும், போலிச் செய்தியொன்று நீக்கப்படுவதற்கான கால அவகாசம் சில நேரங்களில் மாறுபட்டதாக இருக்கும் எனவும் உண்மையான செய்தியா என்பதனை கண்டறிதல் சற்றே சிக்கல் மிகுந்த விடயம் என்பதனால் இந்த கால அவகாசம் தேவைப்படுவதாகவும் அவர் குறிப்பிட்டுள்ளார்.

இலங்கையில் நூதன முறையில் மேற்கொள்ளப்படும் மோசடி : கணினி அவசர நடவடிக்கைப் பிரிவு எச்சரிக்கை!!

நூதன முறையில்..

இணையத் தளங்களின் ஊடாக பொருட்களை விநியோகம் செய்வதாக தெரிவித்து பொதுமக்களின் கடனட்டை தரவுகள் திருடப்படும் சம்பவங்கள் தொடர்பில் எச்சரிக்கை விடுக்கப்பட்டுள்ளது.

இலங்கை கணினி அவசர நடவடிக்கை பிரிவின் தகவல் தொடர்பாடல் பிரிவு பொறியியலாளர் ரவிந்து மீகஸ்முல்ல இவ்வாறு குறிப்பிட்டுள்ளார்.

தொடர்ந்தும் பேசியுள்ள அவர், இவ்வாறான மோசடிகளில் ஈடுபடும் போலி இணையத்தளங்கள் தொடர்பில் முறைப்பாடுகள் கிடைத்துள்ளதாகவும் கூறியுள்ளார்.

இந்நிலையில், அடையாளத்தை உறுதிப்படுத்த முடியாத அவ்வாறான இணையத்தளங்களில் இருந்து பொருட்களை கொள்வனவு செய்யும் நடவடிக்கையில் ஈடுபடுவதைத் தவிர்க்குமாறு அவர் பொதுமக்களுக்கு அறிவுறுத்தியுள்ளார்.

எவ்வாறாயினும், பொருட்களை விநியோகிப்பதாக தெரிவித்து நிதி மோசடியில் ஈடுபட முயன்ற சில போலி இணையத்தளங்கள் முடக்கப்பட்டுள்ளதாகவும் அவர் கூறியுள்ளார்.

மட்டக்களப்பில் 2 வயது குழந்தைக்கு நடந்த சோகம்!!

குழந்தைக்கு..

மட்டக்களப்பு,கொக்கட்டிச்சோலை பொலிஸ் பிரிவுக்குட்பட்ட பன்சேனை பகுதியைச் சேர்ந்த 2 வயதுடைய இந்திரகுமார் றுஸ்மிதன் என்ற ஆ ண் கு ழந்தை, நீர் நிரப்பப்பட்ட வாளியில் தவறி விழுந்து உ யிரிழந்துள்ள சம்பவம், நேற்று முன்தினம் இடம்பெற்றுள்ளது.

உ யிரிழந்து கு ழந்தையும் அதே வயதுடைய அயல் வீட்டுக் கு ழந்தையும் வீட்டு முற்றத்தில் விளையாடிக் கொண்டிருந்தபோது, முற்றத்தில் நீர் நிரப்பி வைக்கப்பட்டிருந்த வாளியில் மேற்படி கு ழந்தை வி ழுந்துள்ளது.

கு ழந்தையின் அ ழுகை கு ரலைக் கேட்ட தாய் ஓடிவந்து பார்த்தபோது, கு ழந்தை நீ ருக்குள் கிடப்பதைக் கண்டெடுத்து, மகிழடித்தீவு வைத்தியசாலைக்கு கொண்டுசென்றபோது, கு ழந்தை உ யிரிழந்துள்ளதாக, வைத்தியர் தெரிவித்துள்ளார்.

இதனைத் தொடர்ந்து, மட்டக்களப்பு மாவட்ட நீதிமன்றத்தின் பணிப்புக்கமைய, திடீர் மரண விசாரணை அதிகாரி சந்திரவதனா நிஸ்ரமானந்தராசா, சம்பவ இடத்துக்குச் சென்று பார்வையிட்டு, சடலத்தை பிரேத பரிசோதனைக்காக மட்டக்களப்பு போதனா வைத்தியசாலையில் ஒப்படைத்துள்ளார். சம்பவம் குறித்த மேலதிக விசாரணையை கொக்கட்டிச்சோலைப் பொலிஸார் மேற்கொண்டு வருகின்றனர்.

இலங்கையில் கொரோனா அ ச்சுறுத்தலுக்கு மத்தியிலும் நெகிழ வைத்த மனிதாபிமானம்!!

மனிதாபிமானம்..

பொது மக்கள் சுகாதார பாதுகாப்புகளை பின்பற்றுகின்றார்களா என்பதனை பரிசோதிப்பதற்கு பொலிஸார் தற்போது நடவடிக்கை மேற்கொண்டுள்ள வருகின்றனர்.

இந்நிலையில் வெல்லவாய பிரதேசத்தில் பொலிஸ் அதிகாரி ஒருவர் சிறுவன் ஒருவரை நெகிழ வைத்த சம்பவம் ஒன்று இடம்பெற்றுள்ளது.

வெல்லவாய பிரதேசத்தில் முக கவசமின்றி சைக்கிள் ஓட்டிச் சென்ற சிறுவனை பொலிஸ் அதிகாரி ஒருவர் தடுத்து நிறுத்தியுள்ளார். இதன் போது முக கவசம் இல்லாத சிறுவனிடம் ஏன் முக கவசம் அணியவில்லை என வினவியுள்ளார்.

அதற்கு சிறுவன் தன்னிடம் பணம் இல்லை என கூறியுள்ளார். இதன் போது தன்னுடைய சொந்த பணத்தை வழங்கிய பொலிஸ் அதிகாரி தற்போதே முக கவசம் ஒன்றை கொள்வனவு செய்து வருமாறு கூறியுள்ளார்.

வேண்டும் என்றால் இரண்டு முகக் கவசங்களை கொள்வனவு செய்துக் கொள்ளுமாறு குறித்த பொலிஸ் அதிகாரி குறிப்பிட்டுள்ளார்.

அதற்கமைய முகக் கவசம் பெற்றுக் கொண்ட சிறுவன் மிகுதி பணத்தை பொலிஸ் அதிகாரியிடம் வழங்கியுள்ளார். அதனையும் சிறுவனை வைத்துக் கொள்ளுமாறு கூறி அங்கிருந்து சிறுவனை அனுப்பி வைத்துள்ளார். இந்த சம்பவத்தை அங்கிருந்த ஒருவர் வீடியோ எடுத்து இணையத்தில் வெளியிட்டுள்ளார்.

கொரோனா வைரஸ் தாக்கம் : பொது மக்களுக்கு வழங்கப்பட்டுள்ள அறிவுறுத்தல்!!

கொரோனா வைரஸ்..

உடம்பில் நோய் எதிர்ப்பு சக்தியை அதிகரிக்கும் மருந்துகளை பாவிக்குமாறு கிழக்கு மாகாண சுதேச மருத்துவ திணைக்களத்தின் மாகாண பணிப்பாளர் திருமதி எஸ்.சிறிதர் கோரிக்கை விடுத்துள்ளார்.

கிழக்கு மாகாண சுதேச மருத்துவ திணைக்களத்தில் நேற்றைய தினம் இடம்பெற்ற ஊடக சந்திப்பில் வைத்து அவர் இந்த விடயத்தை குறிப்பிட்டுள்ளார். இது தொடர்பில் அவர் மேலும் கூறுகையில்,

கொரோனா நோயைத் தடுப்பதற்கு இன்னும் மருந்துகள் கண்டுபிடிக்காத நிலையில் அதனை தடுக்கும் முகமாக ஆயுர்வேத திணைக்களம் பாரிய முன்னெடுப்புகளை மேற்கொண்டு வருகிறது.

அதில் ஒரு கட்டமாக உடம்பில் நோய் எதிர்ப்பு சக்தியை அதிகரிக்கும் வகையில் பாரிய மருந்து வகைகளை விநியோகம் செய்யும் நடவடிக்கை முன்னெடுக்கப்பட்டு வருகிறது.

திருகோணமலை மாவட்டத்தில் கிண்ணியா, நிலாவெளி மற்றும் கப்பல்துறை போன்ற வைத்தியசாலைகளில் நோய் எதிர்ப்பு சக்தியை அதிகரிக்கும் நோக்கில் மருந்து வகைகள் விநியோகம் செய்யப்பட்டு வருகின்றன. கபச்சுர குடிநீர், பிரண ஜீவனி, HERBAL FUMES போன்ற மருந்து வகைகளை பெற்றுக் கொள்ளுமாறும் அவர் தெரிவித்துள்ளார்.

இதேவேளை இஞ்சி, வெள்ளைப்பூடு, கொத்தமல்லி, நெல்லி, சீந்தில் போன்றவற்றை நாளொன்றுக்கு 2 தடவைகள் குடிக்குமாறும் இலகுவான யோகாசனம் உடற்பயிற்சி போன்றவற்றை மேற்கொள்ளுமாறும் பொது மக்களுக்கு அறிவுறுத்தல் விடுத்துள்ளார்.

-தமிழ்வின்-

நேற்று இனங்காணப்பட்ட கொரோனா நோயாளர்கள் தொடர்பான தகவல்!!

கொரோனா..

நேற்றைய தினம் அடையாளம் காணப்பட்ட கொரேனா நோயாளிகள் 30 பேரில் 22 பேர் கடற்படை சிப்பாய்கள் என இராணுவ தளபதி சவேந்திர சில்வா தெரிவித்துள்ளார்.

கடற்படை சிப்பாய்கள் 20 பேர் வெலிசர கடற்படை முகாமிலும் ஏனைய அதிகாரிகள் இருவர் விடுமுறைக்கு சென்றவர்கள் என இராணுவ தளபதி குறிப்பிட்டுள்ளார்.

இதற்கு மேலதிகமாக கொரோனா வைரஸ் தொற்றுக்குள்ளான கடற்படை சிப்பாய்களுடன் நெருக்கமாக செயற்பட்ட 7 பேர் எனவும் ஒருவர் குணசிங்கபுர பிரதேசத்தில் இருந்து தனிமைப்படுத்தல் முகாமிற்கு அழைத்து செல்லப்பட்ட நபர் என அவர் குறிப்பிட்டுள்ளார்.

வெலிசர கடற்படை முகாமிற்கு வெளியே பதிவாகிய நோயாளிகள், பதுளை, தலாத்துஓய, ஹோகந்தர மொரொன்துடுவ மற்றும் கந்தளாய் ஆகிய பிரதேசத்தை சேர்ந்தவர்கள் என இராணுவ தளபதி குறிப்பிட்டுள்ளார்.

நாட்டு மக்களின் நலனை கருத்திற்கொண்டே ஊரடங்குச் சட்டம் அவ்வப்போது அமுலுக்கு வருகிறது.இருந்தாலும் இயன்றளவு விரைவில் சுகாதாரத் துறையினரின் ஒத்துழைப்புடன் நாட்டை இயல்பு நிலைக்கு கொண்டுவருவோம்.

அரச புலனாய்வுத் துறையினரின் ஒத்துழைப்புடன் கொரோனா தொற்றுக்குள்ளானோரை பிடித்து வருகிறோம். ஏனெனில் தொற்றுக்குள்ளானவர்கள் பலர் அவர்களுடன் பழகியவர்கள் விபரங்களை மறைப்பதால் இப்படி நடக்கின்றன.

இயன்றளவில் நாங்கள் நிலைமைகளை கட்டுப்படுத்தி வருகிறோம். ஊரடங்கு சட்டத்தை நீடிக்கவே மக்கள் கோருகிறார்கள். நிலைமைகளை பார்த்து சரியான முடிவை அரசு எடுக்கும் என இராணுவ தளபதி மேலும் தெரிவித்துள்ளார்.

இன்று காலை இடம்பெற்ற விசேட தொலைக்காட்சி நிகழ்ச்சியில் கலந்து கொண்ட போது இராணுவ தளபதி இந்தத் தகவல்களை வெளியிட்டார்.

நேற்றைய தினம் பதிவாகிய நோயாளிகளுடன் இலங்கையில் இதுவரையில் அடையாளம் காணப்பட்ட நோயாளிகளின் எண்ணிக்கை 649ஆகும். 7 நாட்களில் 338 நோயாளிகள் பதிவாகியுள்ளனர். அவர்களில் 264 பேர் கடற்படை சிப்பாய்கள் என்பது குறிப்பிடத்தக்கது.

லண்டனில் இரு பி ள்ளைகள் கொ டூரமாக கொ லை : இலங்கை தமிழர் கைது!!

லண்டனில்..

கு டும்ப த கராறு கார ணமாக த னது இ ரு பி ள்ளைகளையும் கொ லை செ ய்த ச ம்பவம் தொ டர்பில், உ யிரிழந்த கு ழந்தை களின் தந் தை கை து செ ய்யப்பட்டுள்ளார். அந்நாட்டு ஊ டகங்கள் வெ ளியிட்டுள்ள செ ய்தியில் இ ந்த வி டயம் தெ ரிவிக்கப்பட்டுள்ளது.

இந்நிலையில், கை து செ ய்யப்பட்டவர் பொ லிஸ் பா துகாப்பில் வை த்தியசாலையில் சி கிச்சை பெற்று வருவதாகவும் கூறப்பட்டுள்ளது.

கடந்த ஞாயிற்றுக் கிழமை லண்டன் – Ilford ப குதியில் இந் த ச ம்பவம் இ டம்பெற்றிருந்தது. உள்ளூர் நேரப்படி 4.30 மணியளவில் இச்ச ம்பவம் இ டம்பெற்றுள்ளதாக அந்நா ட்டு பொ லிஸார் கூ றியுள்ளனர்.

இதன்போது 19 மா த வ யதுடைய பவின்யா நித்தியாகுமார் ம ற்றும் மூ ன்று வ யதுடைய நிஜிஷ் நித்தியகுமார் ஆகியோர் கொ ல்லப்பட் டனர்.

பவின்யா ச ம்பவ இ டத்திலேயே உ யிரிழந்து விட்டதாகவும், நிஜிஷ் வை த்தியசாலைக்கு கொ ண்டு செல்ல ப்பட்ட சி றிது நே ரத்தில் உ யிரிழந்து விட்டதா கவும் அந்நா ட்டு பொ லிஸார் கூ றியுள்ளனர்.

இந் த கொ லை ச ம்பவத்தின் பி ரதான ச ந்தேகந பரான, கொ ல்லப்பட்ட கு ழந்தைகளின் த ந்தை நித்தியகுமார் த ற்கொ லைக்கு மு யற்சி செ ய்த நி லையில் வை த்தியசாலையில் அ னுமதிக்கப்ப ட்டுள்ளார்.

இந்நி லையிலேயே, கு றித்த ந பர் கை து செ ய்யப்பட்டுள் ளதாகவும், அ வர் பொ லிஸ் பா துகாப்புடன் வைத்தி யசாலையில் சி கிச்சை பெ ற்று வ ருவதாக தெ ரிவிக்கப்பட்டுள்ளது.

இதே வேளை, கை து செ ய்யப்பட்ட வ டமராட்சிக் கி ழக்கு மாமுனையை சொ ந்த இ டமாகக் கொ ண்டவர் எ ன்பதும் கு றிப்பிடத்தக்கது.

நாடளாவிய ரீதியில் திடீர் ஊரடங்கு சட்டம் பிறப்பிக்கப்பட்டமைக்கான காரணம் என்ன?

ஊரடங்கு சட்டம்..

நாடாளவிய ரீதியில் இன்றிரவு 8 மணி முதல் ஊரடங்கு சட்டம் அமுல்படுத்தப்படும் என நேற்று இரவு அரசாங்கம் திடீர் அறிவிப்பு வெளியிட்டிருந்தது. இன்று இரவு 8 மணிக்கு அமுலாகும் ஊரடங்கு சட்டம் எதிர்வரும் திங்கட்கிழமை காலை 5 மணி வரை நீடிக்கும் என அறிவிக்கப்பட்டுள்ளது.

இதற்கு காரணம் என்ன என பலராலும் வினவப்பட்டு வந்தது. எனினும் வெள்ளிக்கிழமை முதல் நீண்ட வார இறுதி விடுமுறை தினம் வருகின்றமையினால் இந்த தீர்மானம் எடுக்கப்பட்டுள்ளது.

வெள்ளிக்கிழமை மே தினம் என்பதனாலும், மே தினம் என்பது அரச, வர்த்தக விடுமுறை தினம் என்பதனாலும் திங்கட்கிழமை வரை ஊரடங்கு சட்டம் அமுல்படுத்தப்பட்டுள்ளதாக தெரியவந்துள்ளது. கடந்த வாரமும் வார இறுதி நாட்களில் ஊரடங்கு சட்டம் அமுல்படுத்தப்பட்டிருந்தமை குறிப்பிடத்தக்கது.

கொரோனா வைரஸ் அபாயமுள்ள வலயமான மேல் மாகாணம் மற்றும் புத்தளம் மாவட்டம் தவிர்ந்த ஏனைய பகுதிகளில் ஊரடங்கு சட்டம் காலை 5 மணி முதல் இரண்டு வரை 8 மணி தளர்த்தப்பட்டிருந்தமை குறிப்பிடத்தக்கது.

நாளை முதல் நாடு முழுவதும் ஊரடங்கு சட்டம்!!

ஊரடங்கு சட்டம்..

நாளை (30.04.2020) முதல் நாடு முழுவது ஊரடங்கு சட்டம் அமுல்படுத்தப்பட உள்ளதாக அறிவிக்கப்பட்டுள்ளது.

இதன்படி, நாளை இரவு 8 மணி முதல் மே மாதம் 4ம் திகதி காலை 5 மணி வரை நாடு முழுவதும் ஊரடங்கு சட்டம் அமுல்படுத்தப்பட உள்ளதாக அறிவிக்கப்பட்டுள்ளது.

அவசர தேவைகள் தவிர்ந்த ஏனையவர்கள் வீட்டில் இருக்க வேண்டும் எனவும் அறிவிக்கப்பட்டுள்ளது. பாடசாலைகள், பல்கலைக்கழகங்கள், மேலதிக வகுப்புக்கள் மற்றும் திரையரங்குகள் அனைத்தும் மறு அறிவித்தல் வரை மட்டுப்படுத்தப்பட்டுள்ளது.

இதேவேளை ஊரடங்குச் சட்ட அனுமதிப்பத்திரங்களின் செல்லுபடியாகும் கால எல்லை நீடிக்கப்பட்டுள்ளது.

நாளைய தினம் வரையில் செல்லுபடியாகும் வகையில் அத்தியாவசிய சேவைகளில் ஈடுபடும் அரச மற்றும் தனியார் நிறுவனங்களுக்கு முன்னதாக ஊரடங்கு சட்ட அனுமதித்திரங்களை காவல்துறையினர் வழங்கியிருந்தனர்.

எனினும், தற்பொழுது இந்த அனுமதிப்பத்திரங்களின் செல்லுபடிக் காலம் மே மாதம் 31ம் திகதி வரையில் நீடிக்கப்படுவதாக பிரதிக் காவல்துறை மா அதிபர் அஜித் ரோஹன தெரிவித்துள்ளார்.

இலங்கையில் தயாரிக்கப்பட்ட 200 நோய்களை கண்டறியும் ரோபோ!!

ரோபோ..

இலங்கையில் தயாரிக்கப்பட்டுள்ள மருத்துவ உதவி வழங்கும் ரோபோ இயந்திரம் இன்று பிரதமர் மகிந்த ராஜபக்சவிடம் கையளிக்கப்பட்டுள்ளது.

Nextbots என பெயரிடப்பட்டுள்ள இந்த ரோபோ இயந்திரத்தை கொழும்பு பல்கலைக்கழகத்தின் பழைய மாணவரான பமுதித்த பிரேமச்சந்திர வடிமைத்துள்ளார்.

இந்த ரோபோ இயந்திரத்தினால், 200 நோய்களை அடையாளம் காண முடியும் என்பதுடன் அதற்கான மருத்துவ ஆலோசனைகளையும் வழங்க முடியும்.

சிங்களம் மற்றும் ஆங்கிலத்தில் பதிலளிக்கும் வகையில் இந்த ரோபோ இயந்திரம் உருவாக்கப்பட்டுள்ளது.

இந்த ரோபோ இயந்திரத்தை மேலும் முன்னேற்றி அவசரமான நேரங்களில் மருத்துவ ஊழியர்களில் உதவிக்காக பயன்படுத்துமாறு பிரதமர் மகிந்த ராஜபக்ச ஆலோசனை வழங்கியுள்ளார்.

போனுக்கு தாலி கட்டிய மாப்பிள்ளை : அதன் பின் மணமகள் செய்த செயல் : கொரோனாவால் நடந்த விசித்திர திருமணம்!!

விசித்திர திருமணம்..

இந்தியாவில் கொரோனா வைரஸ் பரவல் காரணமாக ஊரடங்கு அமுலில் இருக்கும் நிலையில், வாட்ஸ் ஆப்பில் இளம் ஜோடி திருமணம் செய்து கொண்ட வீடியோ சமூகவலைத்தளங்களில் அதிக அளவில் பகிரப்பட்டு வருகிறது.

கொரோனா வைரஸ் பரவலை தடுப்பதற்கு உலகின் பல்வேறு நாடுகளில் ஊரடங்கு உத்தரவு அமுலில் உள்ளது. அந்த வகையில் இந்தியாவிலும் ஊரடங்கு உத்தரவு கடந்த மாதத்திற்கு இடையில் அமுல்படுத்தப்பட்டது.

இதன் காரணமாக வெளி மாநிலங்களில் சிக்கியிருப்பவர்கள், சொந்த ஊருக்கு திரும்ப முடியாத கஷ்டமான சூழ்நிலை உருவாகியுள்ளது.

இதனால் கொரோனா வருவதற்கு முன்னரே சில திருமண நிச்சயதாரத்தங்கள் எல்லாம் செய்யப்பட்டிருந்ததால், அதை எல்லாம் நிறுத்திவிடக் கூடாது என்பதற்காக உறவினர்கள் மட்டும் சிலர் கலந்து கொள்ளும் வகையில் திருமணம் நடைபெற்று வருகிறது. இந்நிலையில், அதை எல்லாம் மிஞ்சும் வகையில் திருமணம் ஒன்று நடைபெற்றுள்ளது.

கேரள மாநிலம் கோட்டயம் அடுத்த ஜங்கனசேரியை சேர்ந்த 30 வயது வங்கி ஊழியர் ஸ்ரீஜித்துக்கும் உத்திரபிரதேச மாநிலம், ஹரிபட் அடுத்த பள்ளிபட் பகுதியில் ஐடி நிறுவனத்தில் பணிபுரிந்து வந்த கேரளாவை சேர்ந்த அஞ்சனா என்பவருக்கும் கடந்த ஆண்டு நவம்பர் மாதம் 9-ஆம் திகதி திருமணம் நிச்சயிக்கப்பட்டது.

அதில், வரும் 2020-ஆம் ஆண்டு ஏப்ரல் 26-ஆம் திகதி திருமணம் செய்து கொள்வது என்று குறிக்கப்பட்டது. ஆனால் ஊரடங்கால் மணப்பெண் அஞ்சனாவால் கேரளாவுக்கு வர இயவில்லை.

இதனால், அவரவரர் வசிக்கும் இடத்தில் இருந்தே திருமணம் செய்து கொள்வது என முடிவு செய்யப்பட்டது. அதன்படி அன்று காலை மணப்பெண் அஞ்சனா , அலங்காரத்துடன் , தனது தாய் மற்றும் சகோதரருடன் வாட்ஸ் அப் வீடியோ காலில் தோன்ற,

மணமகன் ஸ்ரீஜித் தன் கையில் இருக்கும் தாலியை போனுக்கு கட்ட, மணமகள் அஞ்சனா அவர் கையில் இருந்த தாலியை தன் கழுத்தில் கட்டிக்கொண்டார். அருகில் இருக்கும் இருவீட்டாரும் மணமக்களுக்கு அட்சதை தூவி ஆசி வழங்கினர். இந்த வீடியோ தற்போது சமூகவலைத்தளங்களில் வைரலாகி வருகிறது.

திருமணமான இரண்டு மாதத்தில் தூ க்கில் சடலமாக தொங்கிய புதுமணப்பெண்!!

புதுமணப்பெண்..

தமிழகத்தில் திருமணமாகி இரண்டு மாதங்களில் பெ ண் தூ க்கிட்டு த ற்கொ லை செய்து கொண்ட சம்பவம் தொடர்பில் விசாரணை நடத்தப்பட்டு வருகிறது.

திருவள்ளூரில் உள்ள வல்லூரை சேர்ந்த தனியார் பள்ளி ஆசிரியை பத்மப்ரியாவிற்கும், மேலூரை சேர்ந்த காவலர் ராஜாராம் என்பவருக்கும் கடந்த 2 மாதங்களுக்கு முன்பு திருமணம் நடைபெற்றுள்ளது.

ஆவடி காவலர் பயிற்சி பள்ளியில் காவலராக பணியாற்றி வரும் ராஜாராம், வரதட்சனை கேட்டு தொ ந்தரவு செய்து வருவதாக பத்மப்ரியா மாவட்ட காவல் கண்காணிப்பாளர் அலுவலகத்தில் ஏற்கனவே புகார் அளித்துள்ளார். இந்நிலையில், பத்மப்ரியா தனது வீட்டில் தூ க்கிட்டு த ற்கொ லை செய்து கொண்டுள்ளார்.

தகவல் அறிந்து சம்பவ இடத்திற்கு வந்த பொலிசார் ச டலத்தை கைப்பற்றி அரசு மருத்துவமனைக்கு அனுப்பி வைத்தனர். பின்னர் மேற்கொள்ளப்பட்ட விசாரணையில், பத்மப்ரியா எழுதிய கடிதம் ஒன்று கிடைத்துள்ளது.

அதில் தனது இந்த நிலைக்கு காரணம் கணவரும், அவரது குடும்பத்தினரும் தான் என்றும், அவர்களுக்கு உரிய த ண்டனை கிடைக்க வேண்டும் என எழுதப்பட்டுள்ளது.

இதனையடுத்து பெண்ணின் பெற்றோர் வ ரதட்சணை கேட்டு கொ டுமைப்படுத்திய, தங்கள் ம களின் ம ரணத்திற்கு காரணமாகிய ராஜாராம் மற்றும் அவரது குடும்பத்தினர் மீது நடவடிக்கை எடுக்குமாறு புகார் அளித்தனர். அதன் அடிப்படையில் மீஞ்சூர் போலீசார் விசாரணை மேற்கொண்டு வருகின்றனர்.

எலிக்காய்ச்சல் பரவும் ஆபத்து : மரணங்கள் ஏற்படலாம் : மருத்துவர்கள் எச்சரிக்கை!!

எலிக்காய்ச்சல்..

எலிக் காய்ச்சல் பரவும் ஆபத்து இருப்பதால், மக்கள் அது குறித்து அவதானத்துடன் இருக்குமாறு தொற்று நோய் தொடர்பான விசேட மருத்துவர்களின் சங்கம் கேட்டுக்கொண்டுள்ளது.

எலிக் காய்ச்சல் பக்டீரியா ஒன்றின் மூலம் பரவுகிறது. தண்ணீருடன் எலிகளின் சிறுநீர் கலப்பதால், இந்த நோய் ஏற்படக் கூடும். சரியான நடைமுறைகளை கையாண்டால், இந்த நோய் பரவுவதை தடுக்க முடியும் எனவும் அவர்கள் கூறியுள்ளனர்.

இரண்டு டொக்சிசய்க்லின் மாத்திரைகளை வாரத்தில் ஒரு முறை எடுத்துக்கொண்டால், எலிக்காய்ச்சல் ஏற்படுவதை தடுக்க முடியும் என சுகாதார அதிகாரிகள் மற்றும் பொது சுகாதார பரிசோதகர்கள் ஆலோசனை வழங்கியுள்ளனர்.

வயல்களுக்கு அருகில் இந்த பக்டீரியாக்கள் அதிகளவில் இருக்கும் என்பதுடன் விவசாயிகள் இந்த நோய் தொடர்பாக கவனத்துடன் இருக்க வேண்டும்.

காய்ச்சல், சதை வலி, தலைவலி உள்ளிட்டவை இந்த நோயின் அறிகுறிகளாகும். அத்துடன் கண் சிவந்து போதல், வாந்தி, கடும் மஞ்சள் நிறத்தில் சிறுநீர் வெளியேறுவது, சிறுநீர் வெளியேறுவது குறைந்து போதல் என்பவும் இந்த நோயின் அறிகுறிகள்.

உடலில் காயங்கள் இருக்கும் போது வயல்களில் வேலை செய்தால், வயல்களுக்கு அருகில் ஓடும் தண்ணீரில் குளிக்கும் போதும், அந்த காயங்கள் வழியாக இந்த பக்டீரியா உடலுக்குள் செல்லக்கூடும்.

சரியான நேரத்தில் சிகிச்சை பெறவில்லை எனில், சிறுநீரகம், இருதயம், மூளை, கல்லீரல் போன்ற அவயங்களுக்கு பாதிப்பு ஏற்பட்டு, மரணங்கள் கூட ஏற்படலாம் எனவும் விசேட மருத்துவர்கள் எச்சரித்துள்ளனர். நாட்டில் சில பிரதேசங்களில் எலிக்காய்ச்சல் பரவியுள்ளதாக செய்திகள் வெளியாகியுள்ளன.

சீன நாட்டில் வுகான் நகரில் என்னதான் நடக்கிறது?

வுகான் நகரில்..

இன்றைக்கு கொரோனா வைரஸ் தோன்றிய நகரமாகத்தான் பார்க்கப்படுகிறது, சீனாவின் வுகான் நகரம். ஆனால் இந்த நகரம், சர்வதேச அளவில் பிரபலமான ஒரு நகரம்தான். அங்குதான் உலகளவில் பிரபலமான கல்வி நிறுவனங்கள் இருக்கின்றன. தொழில் நிறுவனங்கள் அமைந்துள்ளன. அறிவியல், தொழில் ஆராய்ச்சி கூடங்கள் அமைந்துள்ளன.

இந்தியா உள்ளிட்ட உலக நாடுகள் பலவற்றிலும் இருந்து மாணவ, மாணவிகள் இந்த வுகான் நகருக்கு சென்று மேற்கல்வி படித்து வருகிறார்கள். இங்கு இந்திய விஞ்ஞானிகள் பலரும் ஆராய்ச்சிப்பணிகளில் ஈடுபட்டிருக்கிறார்கள்.

இதே வுகான் நகரத்தில்தான், கடந்த 2018-ம் ஆண்டு சீனப்பயணம் மேற்கொண்ட பிரதமர் மோடியும், அந்த நாட்டின் அதிபர் ஜின்பிங்கும் சந்தித்து பேச்சு வார்த்தை நடத்தினார்கள். அந்த பேச்சு வார்த்தை வரலாற்று சிறப்புமிக்க ஒன்றாக பதிவானது.

கொரோனா வைரஸ் தொற்றுநோயின் பிறப்பிடமாக இன்றைக்கு பார்க்கப்படுகிற வுகான் நகரத்தில் இந்திய மாணவ, மாணவிகள் 600-க்கும் மேற்பட்டோர் படித்து வந்தனர். அவர்களில் பெரும்பாலானோர் இந்திய அரசு அனுப்பி வைத்த சிறப்பு விமானம் மூலம் நாடு திரும்பி விட்டனர்.

ஆனாலும் துணிச்சலான சிலர் இன்னும் அங்கு இருக்கிறார்கள். ஆனாலும் வுகான் என்றால் கொரோனா வைரஸ் ஏற்படுத்திய சோகங்கள்தான் முந்திக்கொண்டு நினைவில் வருகின்றன. உலகமெங்கும் 2 லட்சத்து 10 ஆயிரத்துக்கும் அதிகமானோரை பலி வாங்கிய கொலைகார வைரஸ் தோன்றிய நகரத்தைப்பற்றி சொல்லும் போது சோகங்கள் நினைவுக்கு வருவது இயல்புதான்.

76 நாட்கள் அந்த நகரம் ஊரடங்கால் பூட்டப்பட்டிருந்தது. வீட்டு வாயிலுக்குக்கூட யாரும் வரமாட்டார்கள். அத்தனை கட்டுப்பாடு. அதனால்தான் அந்த நகரத்தால் இப்போது கொரோனா வைரசின் பிடியில் இருந்து மீள முடிந்தது.

அங்குள்ள ஆஸ்பத்திரியில் இருந்த கடைசி நோயாளியும் கூட குணம் அடைந்து சமீபத்தில் வீட்டுக்கு அனுப்பி வைக்கப்பட்டுவிட்டார். இப்போது அங்குள்ள இந்தியர்களிடையே கொரோனா வைரஸ் தொற்று நோயின் 2-வது அலையின் தாக்கம் பற்றிய பயம் இல்லாமல் இல்லை.

அங்குள்ள இந்திய ஆராய்ச்சியாளர் ஒருவர் இதுபற்றி கூறுகையில், “கடந்த 8-ந் தேதிதான் இந்த நகரம் ஊரடங்கில் இருந்து மீண்டது. ஏராளமானோர் அப்போதுதான் முதல்முறையாக வீடுகளை விட்டு வெளியே வந்தனர். ஆனால் இப்போது அவர்களும்கூட ஒன்று வேலைக்கு செல்வதற்காக வெளியே வருகிறார்கள்.

இல்லையென்றால் வீட்டுக்கு தேவையான அத்தியாவசிய பொருட்களை வாங்கத்தான் வெளியே வருகிறார்கள். அறிகுறியே இல்லாமல் கொரோனா வைரஸ் வரலாம் என்ற அச்சம் மக்களிடம் இருக்கிறது. அதனால் இன்னும் ஏராளமான மக்கள் வெளியே வராமல் வீடுகளுக்குள் அடைப்பட்டு கிடக்கிறார்கள்” என்கிறார்.

அவர் மேலும் சொல்லும்போது, “உகானில் நிலைமையில் நிறைய முன்னேற்றம் ஏற்பட்டிருக்கிறது. ஆனால் மக்கள் இன்னும் சமூக இடைவெளியை பின்பற்றுகிறார்கள். தங்களைத் தாங்களே தனிமைப்படுத்துவது என்பது இன்னும் தொடர்கிறது” என்கிறார்.

ஆனால் சீனாவின் தேசிய சுகாதார கமிஷன் அந்த நகரத்தில், கடந்த பல நாட்களாக புதிதாக யாருக்கும் கொரோனா வைரஸ் தாக்கவும் இல்லை, யாரும் உயிரிழக்கவும் இல்லை என்று சொல்கிறது.

சீனாவை பொறுத்தமட்டில் நேற்று முன்தினம் 40 பேருக்கு புதிதாக கொரோனா வைரஸ் பாதிப்பு இருப்பது கண்டறியப்பட்டுள்ளது. அவர்களில் 3 பேர் வெளிநாட்டு பயண தொடர்பு உடையவர்கள். அறிகுறிகள் அற்று கொரோனா வைரஸ் பாதித்துள்ள 997 பேரில் 130 பேர் வெளிநாட்டு பயண தொடர்பு உடையவர்கள். அவர்கள் மருத்துவ கண்காணிப்பில் வைக்கப்பட்டிருக்கிறார்கள்.

உகானை தலைநகரமாக கொண்டுள்ள ஹூபெய் மாகாணத்தில் நேற்று முன்தினம் நிலவரப்படி 559 பேர் அறிகுறிகளற்று கொரோனா வைரஸ் பாதிப்பிற்கு ஆளாகி இருக்கிறார்கள்.

அறிகுறிகளே இல்லாமல் கொரோனா வைரஸ் தாக்குவது பற்றி வுகான் நகர இந்தியர் ஒருவர்கூறும்போது, “அறிகுறிகளே இல்லாமல் கொரோனா வைரஸ் பாதிப்பது அமைதியற்ற சூழலை ஏற்படுத்தி விடுகிறது. பயத்தை உண்டாக்கி விடுகிறது. இரண்டாவது அலை வந்து பாதிக்கும் என்ற அ ச்சம் மக்களிடம் ஏற்பட்டுள்ளது” என்று குறிப்பிட்டார்.

அதனால்தானோ என்னவோ வுகான் நகரம் ஊரடங்கில் இருந்து விடுபட்ட பின்னரும்கூட மக்களை வீடுகளுக்குள் முடங்குமாறு அதிகாரிகள் இன்னும் சொல்லிக்கொண்டிருக்கிறார்கள். அதிகாரிகள், “ கொரோனா வைரஸ் இன்னும் உலகளவில் ஆபத்தான ஒன்றாகத்தான் இருக்கிறது” என்று சொல்கிறார்கள்.

வுகான் வாழ் இந்தியர்கள், “இன்னும் உகான் நகரில் அதிகாரிகள் பரிசோதனைகளை மேற்கொண்டுதான் வருகிறார்கள். அறிகுறிகளே இன்றி கொரோனா வைரஸ் பாதிப்பிற்கு ஆளாகிறவர்களை அடையாளம் காண்பதற்கு நியூக்ளிக் அமில சோதனை முறையை பயன்படுத்துகிறார்கள்.

யாரெல்லாம் கொரோனா வைரசால் பாதிக்கப்பட்டு மீண்டு வந்திருக்கிறார்களோ, அவர்களிடமும் மீண்டும் தங்களை கொரோனா வைரஸ் வந்து வந்துவிடுமோ என்ற கலக்கம் இருக்கிறது” என்கிறார்கள்.அதே நேரத்தில் வுகான் இந்தியர்கள், இந்தியாவில் கொரோனா வைரஸ் பரவுவது பற்றித்தான் மிகுந்த க வலை கொண்டிருக்கிறார்கள். இருக்காதா பின்னே, அவர்களது குடும்பத்தினரும், உறவினர்களும், நண்பர்களும் இங்கு தானே இருக்கிறார்கள்?

இதுபற்றி வுகான் வாழ் இந்தியர் ஒருவர் கருத்து தெரிவிக்கையில், “ஜனவரி, பிப்ரவரி, மார்ச் மாதங்களில் என்னைப் பற்றித்தான் என் குடும்பம் கவலைப்பட்டது. ஆனால் நான் இப்போது அவர்களை பற்றி கவலைப்பட்டுக்கொண்டிருக்கிறேன். கொரோனா வைரஸ் பரவலை கண்காணித்து வருகிறேன்” என்கிறார்.

வுகான் வாழ் இந்திய விஞ்ஞானி ஒருவர் இந்தியா பற்றி சொல்லும்போது, “ஒரு சில மாநிலங்களை தவிர்த்து விட்டு பார்த்தால் இந்தியாவில் கொரோனா வைரஸ் உச்சம் முடிந்து விட்டதாகத்தான் தெரிகிறது. குழப்பமானதாக தோன்றினாலும் கூட இதற்கான பெருமை ஊரடங்குக்குத்தான் உண்டு” என்று குறிப்பிடுகிறார்.

கொரோனா வைரஸ் தோற்றம் பற்றிய சர்ச்சை பற்றி மற்றொரு வுகான் வாழ் இந்திய விஞ்ஞானியிடம் கேட்டபோது அவர், “முதலில் இந்த வைரசை முடிவுக்கு கொண்டுவருவது பற்றி உலகம் கவனத்தை செலுத்தட்டும், இந்த மாதிரி சர்ச்சைகளை அப்புறம் பார்த்துக்கொள்ளலாம்” என பளிச்சென பதில் அளிக்கிறார்.

அதுவும் சரிதானே?

– Maalai Malar

எதிர்வரும் 4ஆம் திகதி பகுதியளவில் முழுமையாக இயங்கவுள்ள கொழும்பு!!

கொழும்பு..

கொரோனா வைரஸ் தாக்கத்தின் தீவிரத்தை அடுத்து இலங்கையில் கொழும்பு உட்பட சில மாவட்டங்களில் அமுல்ப்படுத்தப்பட்டிருக்கும் ஊரடங்குச் சட்டம் மே மாதம் 4ம் திகதி தளர்த்தப்படவிருக்கின்றது.

அன்று முதல் தபால் அலுவலகங்கள் மீண்டும் திறக்கப்படுகின்றன என அரசாங்க தகவல் திணைக்களம் தெரிவித்துள்ளது.

திறக்கப்படும் தபால் அலுவலகங்களில் பொதுமக்கள் நிவாரண மாதாந்த கொடுப்பனவு, முதியோருக்கான கொடுப்பனவு போன்றவை தபால் அலுவலக கடமை பீடங்களில் வழமை போன்று நடைபெறும்.

கொவிட் 19 வைரஸ் தொற்றை கட்டுப்படுத்துவதற்காக அரசாங்கத்தினால் மேற்கொள்ளப்பட்ட பாதுகாப்பு நடைமுறைகளுக்கு அமைவாக இடைநிறுத்தப்பட்டிருந்த வழமையான தபால் அலுவலக சேவைகள் கட்டமைப்பு 2020.05.04 திகதி தொடக்கம் வழமையான கடமைகளுக்காக முழுமையாகதிறக்கப்படும்.

02. இதற்கமைவாக 2020 மே மாதத்திற்கான பொதுமக்கள் நிவாரண மாதாந்த கொடுப்பனவு, முதியோருக்கான கொடுப்பனவு, விவசாய ஓய்வூதிய சம்பளம் மற்றும் ஓய்வூதியத்தியக்காரர்களுக்கான சம்பளம் உள்ளிட்ட அனைத்து கொடுப்பனவுகளையும் செலுத்தும் பணிகள் முன்பு போன்று தபால் அலுவலக கரும பீடங்களில் செலுத்துவதற்கு தேவையான நடவடிக்கைகள் மேற்கொள்ளப்பட்டுள்ளன.

03. நீர்க்கட்டண பட்டியலை செலுத்துதல், மின்சார கட்டணம், தொலைபேசிக் கட்டணம்ஆகியவற்றை செலுத்துவதற்கும் உள்ளூர் இலத்திரனியல் முத்திரை பரிமாறலை மேற்கொள்வதற்கும் உள்ளூர் தபாலுக்கான கடிதங்கள் மற்றும் தபால் பொதிகளை கையளிப்பதற்கும் இந்த தினத்திலிருந்து பொதுமக்களுக்கு வசதிகள் செய்யப்படுகின்றன.

04. சேவைகளைப் பெற்றுக் கொள்வதற்காக வரும் பொது மக்கள் உரிய சுகாதார பாதுகாப்பு விதிகளை கடைபிடித்து செயல்பட வேண்டும் என்று தயவுடன் எதிர்பார்ப்பதுடன் தபால் ஊழியர் சபையினர் வழங்கும் ஆலோசனைக்கு அமைய செயல்படுவார்கள் என்றும்எதிர்பார்க்கின்றோம் என இலங்கை அரசாங்க தகவல் திணைக்களத்தின் ஊடாக தபால் திணைக்கள மா அதிபர் ரஞ்சித் ஆரியரத்ன தெரிவித்துள்ளார்.