இலங்கையை பாதித்த கொரோனா வைரஸ் தொடர்பில் வெளியான புதிய தகவல்!!

கொரோனா வைரஸ்..

இலங்கையில் கொரோனா வைரஸ் பரவலுக்கு உட்பட்டவர்களுக்கு கொவிட்-19 A வகையான வைரேஸ் தொற்றியுள்ளதாக கண்டுபிடிக்கப்பட்டுள்ளது.

இது ஸ்ரீ ஜயவர்தனபுர பல்கலைக்கழக ஆய்வு குழுவினால் கண்டுபிடிப்பு கண்டுபிடிக்கப்பட்டுள்ளது. இந்தக் குழுவுக்கு டெங்கு ஆய்வு நிலையத்தின் இயக்குனர் பேராசிரியர் நிலிக்கா மலவிகே தலைமை தாங்கியுள்ளார்.

கொவிட் 19 எனப்படும் புதிய கொரோனா வைரஸை விஞ்ஞான பெயரில் சாஸ் கொவிட் என்றே அழைக்கப்படுகின்றது. A, B மற்றும் C ஆகிய மூன்று அடிப்படை வகைகளை விஞ்ஞானிகள் கண்டுபிடித்துள்ளனர்.

கொரோனா வைரஸ் ஆரம்பத்தில் அடையாளம் காணப்பட்ட சீனாவின் வுஹான் மாநிலத்தில் கொவிட் 19 B வகையே பரவியுள்ளதாக குறிப்பிடப்படுகின்றது.

ஐரோப்பிய எல்லையில் அதிகமாக பரவும் கொரோனா C வகையை கொண்டதாக கண்டுபிடிக்கப்பட்டுள்ள நிலையில் இலங்கையில் தற்போது பரவும் கொரோனா A வகையை சேர்ந்ததென தெரிவிக்கப்படுகின்றது.

இந்த A வகை கொரோனா அதிகமாக அமெரிக்கா மற்றும் அவுஸ்திரேலியா போன்ற நாடுகளிலேயே பரவியுள்ளதாக குறிப்பிடப்படுகின்றது.

வைரஸின் ஒவ்வொரு பிரிவினாலும் ஏற்படும் சிக்கல்கள் வேறுபட்டவை என்று விஞ்ஞானிகள் கூறுகிறார்கள். சில நாடுகளில் கோவிட் -19 இறப்பு விகிதம் பாரிய அதிகரிப்பிற்கு இந்த மாற்றங்கள் காரணமாகும் என பேராசிரியர் சுட்டிக்காட்டியுள்ளார்.

அதற்கமைய வைரஸ் தொற்றுக்கு மற்றொரு நாட்டில் காணப்படும் தடுப்பூசி இன்னும் ஒரு நாட்டிற்கு பொருத்தமானதா என்பதைப் புரிந்து கொள்ள, அந்த நாட்டில் பரவும் வைரஸ்களின் வகைகளை முதலில் அடையாளம் காண வேண்டியது அவசியம் என்று அவர் கூறினார்.

இலங்கையில் ஒரே நாளில் பதிவான அதிகளவு கொரோனா நோயாளர்கள்!!

கொரோனா நோயாளர்கள்

இலங்கையில் கொரோனா வைரஸ் தொற்றுக்குள்ளான நோயாளிகளின் எண்ணிக்கை 523ஆக அதிகரித்துள்ளதாக தொற்றுநோயியல் பிரிவு தெரிவித்துள்ளது.

நேற்றைய தினம் இலங்கையில் நேற்றையதினம் மாதம் அடையாளம் காணப்பட்ட கொரோனா நோயாளிகளின் எண்ணிக்கை 63 ஆக அதிகரித்துள்ளது.

இலங்கையில் ஒரு நாளுக்கு பதவாகிய அதிகமான நோயாளிகளின் எண்ணிக்கை இதுவாகும் என தொற்றுநோயியல் பிரிவு குறிப்பிட்டுள்ளது.

கொரொனா தொற்றுக்குள்ளான 120 பேர் குணமடைந்து வைத்தியசாலைகளில் இருந்து வெளியேறியுள்ளனர். 396 பேர் வைத்தியசாலையில் அனுமதிக்கப்பட்டு சிகிச்சை பெற்று வருவதாக தொற்றுநோயியல் பிரிவு தெரிவித்துள்ளது.

கொரோனா நோய் தொற்று ஏற்பட்டோரின் எண்ணிக்கை 505 ஆக அதிகரிப்பு!!

கொரோனா வைரஸ்..

இலங்கையில் கொரோனா வைரஸ் தொற்றின் தாக்கத்திற்கு இலக்கான நோயாளிகளின் எண்ணிக்கை 505 ஆக உயர்வடைந்துள்ளது.

வைரஸ் தொற்றுக்கு இலக்காகி இதுவரையில் 7 பேர் உயிரிழந்துள்ளனர். இன்றைய தினம் மொத்தமாக 45 புதிய நோயாளிகள் பதிவாகியுள்ளனர் என்பது குறிப்பிடத்தக்கது.

நோய்த் தொற்றுக்கு இலக்காகி இதுவரையில் 120 பேர் குணமடைந்துள்ளனர். மொத்தமாக 378 பேர் தொடர்ந்தும் வைத்தியசாலைகளில் சிகிச்சை பெற்று வருகின்றனர்.

தனிமைப்படுத்தப்பட்ட 150 இராணுவத்தினர் : உடனடியாக மூடப்பட்ட இராணுவ சிறப்புபடை முகாம்!!

இராணுவத்தினர்..

நீர்கொழும்பு சீதுவை இராணுவ விசேட படையின் இராணுவ முகாம் பூட்டப்பட்டதுடன் அங்கு பணியாற்றிய 150 இராணுவத்தினர் தனிமைப்படுத்தப்பட்டிருக்கின்றனர். குறித்த கப்டனின் மனைவி வெலிசறை கடற்படை முகாமில் பணியாற்றிய நிலையில் கொரோனா வைரஸ் தொற்றுக்கு உள்ளாகியிருந்தார்.

இந்நிலையிலேயே இவருக்கும் தொற்று உறுதி செய்யப்பட்டுள்ளது. அத்துடன் தொற்றுடன் இவர் பலருடன் பழகியிருக்கலாம் என்பதால் அதனை பொலிஸார் ஆராய்ந்து வருகின்றனர்.

மேலும், கிளிநொச்சி- ஜெயபுரம் பகுதியில் உள்ள இராணுவமுகாம் ஒன்றில் பணியாற்றிய இராணுவ சிப்பாய் ஒருவர் கொரோனா சந்தேகத்தின் பெயரில் தனிமைப்படுத்தப்பட்டிருந்த நிலையில் நேற்று உயிரிழந்துள்ளார்.

இந்நிலையில் உயிரிழந்தவரின் இரத்த மாதிரிகள் சேகரிக்கப்பட்டு பரிசோதனைக்காக அனுராதபுரத்திற்கு அனுப்பிவைக்கப்பட்டிரு க்கின்றது. இதேவேளை உயிரிழந்த சிப்பாய் அனுராதபுரம் பகுதியை சேர்ந்த 28 வயதானவர் என கூறப்படுகின்றனர்.

இவருக்கு இம்மாதம் தொடக்கத்தில் விடுமுறையில் வீடு சென்று கடந்த 14 தினங்களிற்கு முன்பே மீண்டும் பணிக்கு திரும்பியுள்ளார். இவ்வாறு பணிக்குத் திரும்பிய சிப்பாய் முகாமில் தனிமைப்படுத்தலில் இருந்துள்ளார்.

இந்த நிலையில் நேற்றுக்காலை குறித்த இராணுவச் சிப்பாய் முகாமில் திடீரென மயங்கி வீழ்ந்த நிலையில் உடனடியாக வைத்தியசாலைக்கு கொண்டு செல்லப்பட்டுள்ளார்.

இவ்வாறு கொண்டு செல்லப்பட்ட இராணுவச் சிப்பாய் வைத்தியசாலையில் அனுமதிக்கப்பட்ட சமயம் ஏற்கனவே உயிரிழந்திருந்தமை கண்டறியப்பட்டது. இதனால் குறித்த இராணுவச் சிப்பாயின் உடலம் பிரேத பரிசோதனைக்கு உட்படுத்தப்பட்டது.

இவ்வாறு பிரேத பரிசோதனைக்கு உட்படுத்தப்பட்ட நிலையில் உயிரிழப்பிற்கு கொரோனா காரணமாக எனக் கண்டறியும் நோக்கில் மாதிகரிள் பெறப்பட்டு அனுராதபுரம் வைத்தியசாலைக்கு அனுப்பி வைக்கப்பட்டுள்ளதோடு அதன் பெறுபேறுகள் கிடைக்கும் வரையில் உடலம் மாவட்ட வைத்தியசாலையின் பிரேத அறையில் வைக்கப்பட்டுள்ளது.

கிளிநொச்சி ஜெயபுரம் பகுதியில் உள்ள இராணுவ முகாமில் தனிமைப்படுத்தப்பட்டிருந்த இராணுவ சிப்பாய் உயிரிழந்துள்ள நிலையில், அவருக்கு கொரோனா தொற்று ஏற்பட்டிருந்ததா? மரணத்திற்கு கொரோனா காரணமா? என ஆராய்வதற்காக, நேற்று மாலையே உயிரிழந்த சிப்பாயின் இரத்த மாதிரிகள் அனுராதபுரத்துக்கு பரிசோதனைக்காக அனுப்பபட்டிருந்தது.

குறித்த பரிசோதனை முடிவுகளின் பிரகாரம் குறித்த இராணுவ சிப்பாய்கு கொரோனா தொற்றில்லை என இன்று உறுதியாகியுள்ளது. இந்நிலையில் குறித்த இராணுவ சிப்பாய்க்கு சிறுநீரகங்கள் செயலழிந்திருப்பதாக கூறப்படுகின்றது.

தேசிய அடையாள அட்டை சட்டத்தை மதிக்காதவர்களுக்கு எதிராக கடுமையாகும் சட்டம்!!

கடுமையாகும் சட்டம்..

தேசிய அடையாள அட்டை இலக்கத்தை பயன்படுத்தி வீட்டை விட்டு வெளியேற அனுமதிக்கப்படும் சட்டத்தை மீறுபவர்கள் குறித்து பொலிஸ் பாதுகாப்பு படையினரும் விழிப்புடன் இருப்பதாக பொலிஸார் தெரிவித்துள்ளது.

சிவில் ஆடையில் பொலிஸ் அதிகாரிகள் தனிமைப்படுத்தல் சட்டத்தை பாதுகாப்பதற்காக ஈடுபடுத்தப்பட்டுள்ளதாக பிரதி பொலிஸ் மா அதிபர் அஜித் ரோஹன தெரிவித்துள்ளார்.

எப்படியிருப்பினும் தேசிய அடையாள அட்டை இலக்கத்தை அடிப்படையாக கொண்டு வீட்டை விட்டு வெளியேறும் ஊரடங்கு சட்டத்தை தளர்த்தும் பிரதேசத்தில் உள்ள மக்களுக்கு மாத்திரம் சந்தர்ப்பம் வழங்கப்படுவதாக அவர் குறிப்பிட்டுள்ளார்.

அத்தியாவசியம் அல்லது அவசிய நடவடிக்கைகளுக்காக பயணிக்கும் நபர்களுக்கு இந்த சட்டம் தாக்கம் செலுத்தாது என பிரதி பொலிஸ் மா குறிப்பிட்டுள்ளார்.

புதிய முறையின் ஒரு நாளில் வீட்டில் இருந்து வெளியேறுவதற்கு முழுமையான நாட்டு மக்களில் ஐந்தில் ஒரு பகுதியினருக்கே சந்தர்ப்பம் வழங்கப்படுவதாக அவர் மேலும் தெரிவித்துள்ளார்.

வவுனியாவில் கடற்படை வீரர் ஒருவருக்கு கொரோனா தொற்று உறுதி!!

கொரோனா தொற்று..

வவுனியாவில் கடற்படை வீரர் ஒருவர் கொரோ தொற்றுடன் இணங்காணப்பட்டுள்ளார். வெலிசறை கடற்படை முகாமில் கடமையாற்றி விடுமுறையில்,

வவுனியா மகாகச்சகொடி பகுதியில் உள்ள தன வீட்டிற்கு வந்திருந்த கடற்படை வீரரிடம் மேற்கொள்ளப்பட்ட இரத்த பரிசோதனையின் போதே குறித்த வீரருக்கு கொரோனா தொற்று இருப்பது கண்டு பிடிக்கப்பட்டுள்ளது.

இதனையடுத்து 38 வயதான குறித்த கடற்படை வீரரை கொரோனா தடுப்பு வைத்தியச்சாலைக்கு அனுமதிப்பதற்கான நடவடிக்கைகள் முன்னெடுக்கப்பட்டுள்ளது.

வவுனியா சிறைச்சாலை உத்தியோகத்தர் கொரனா சந்தேகத்தில் வைத்தியசாலையில் அனுமதி!!

சிறைச்சாலை உத்தியோகத்தர்..

கொரனா தொற்று சந்தேகத்தில் வவுனியா சிறைச்சாலை உத்தியோகத்தர் ஒருவர் வைத்தியசாலையில் இன்று மாலை அனுமதிக்கப்பட்டுள்ளார்.

கொரனா வைரஸ் தொற்றுக்குரிய நோய் அறிகுறிகள் தென்பட்ட நிலையில் வவுனியா சிறைச்சாலையில் கடமை புரிந்த குறித்த நபரை சிறைச்சாலை உத்தியோகத்தர்கள் வவுனியா வைத்தியசாலையில் அனுமதித்தனர்.

குறித்த நபரை வைத்தியசாலையில் தனிமைப்படுத்தி சிகிச்சை வழங்கப்பட்டுள்ளதுடன், கொரனா தொற்று உள்ளதா என்பதை கண்டறிவதற்காக இரத்த மாதிரிகள் பெறப்பட்டு அனுராதபுரத்திற்கு அனுப்பி வைக்கப்பட்டுள்ளது.

இரத்த மாதிரி பெறுபேறு வந்த பின்னரே கொரனா தொற்று உள்ளதா என்பதை தெரிவிக்க முடியும் என வைத்தியசாலை தரப்பினர் தெரிவித்துள்ளனர். இதேவேளை, குறித்த நபர் நோய் தொற்று இருந்த பகுதியில் இருந்தவர்களுடன் தொடர்பில் இருந்துள்ளதாக தெரிவிக்கப்படுகிறது.

இலங்கையில் தீவிரமடையும் கொரோனா : 1000 சடலங்களை பொதிசெய்யும் உறைகளை கோரும் அரசாங்கம்!!

தீவிரமடையும் கொரோனா..

கொரோனா வைரஸால் இறக்கும் உடல்களை அகற்றுவதற்காக ஆயிரம் பாதுகாப்பான உறைகள் வழங்குமாறு செஞ்சிலுவை சங்கத்தை கேட்டு சுகாதார அமைச்சு கடிதம் ஒன்றை இலங்கை அனுப்பியுள்ளது.

அமைச்சின் மேலதிக செயலாளர் (சுகாதார சேவைகள்) டொக்டர் சுனில் டி அல்விஸ் கையெழுத்துடன் இந்தக் கடிதம் அனுப்பப்பட்டுள்ளது. சமூக வலைத்தள்ங்களில் முதலில் வெளிவந்த இக் கடிதம் தொடர்பில் விசாரித்தபோது அத்தகைய கடிதம் அனுப்பப்பட்டதாக மேலதிக செயலாளர் ஊடகங்களுக்கு உறுதிப்படுத்தினார்.

இருப்பினும் இலங்கையில் கொரோனா அ ச்சுறு த்தல் தீவிரமாக இல்லை என்றும் செஞ்சிலுவை சங்கத்தின் கோரிக்கைக்கமைய இந்தக் கடிதம் அனுப்பப்பட்டதாகவும் அவர் மேலும் கூறினார்.

தேவைப்பட்டால் பயன்படுத்த, நாட்டில் பாதுகாப்பான உறைகள் இல்லை என்று அரச மருத்துவ அதிகாரிகள் சங்கம் (GMOA) முன்னர் வலியுறுத்திய பின்னர், இதுபோன்ற 1,000 உறைகளை வழங்க முடியுமென செஞ்சிலுவைச் சங்கம் தெரிவித்துள்ளதாக அறியமுடிகின்றது.

இருப்பினும், செஞ்சிலுவைச் சங்க நிர்வாக நடைமுறைகளின்படி எழுத்துமூலம் கோரிக்கை விடுக்குமாறு சுகாதார அமைச்சிடம் கோரிக்கை விடுக்கப்பட்டதாகவும், கொரோனாவால் தகனம் செய்யப்படும் உடல்களுக்கு மாத்திரமன்றி மீண்டும் தோண்டக்கூடிய சந்தேகம் உள்ள சடலங்களை அடக்கம் செய்யவும் இவை பயன்படுமென அவர் மேலும் தெரிவித்துள்ளார்.

இந்த கடிதத்தின் அடிப்படையில் இவை எதற்காக கொள்வனவு செய்யப்படுகின்றது? இலங்கையில் 1000 மரணங்கள் நிகழப்போகின்றதா? என கேள்விகள் எழுப்படுகின்றது. இதனால் மக்கள் அ ச்சத்தில் உறைந்துள்ளனர்.

யாழ்ப்பாணத்தில் வீதியில் சென்று கொண்டிருந்தவர் திடீர் மரணம்!!

யாழ்ப்பாணத்தில்..

யாழ்ப்பாணத்தில் வீதியால் சென்று கொண்டிருந்த நபர் திடீரென மயங்கி விழுந்து உயிரிழந்துள்ளதாக தேசிய நாழிதழ் ஒன்று தகவல் வெளியிட்டுள்ளது.

ஆனைப்பந்தி – நாவலர் வீதியில் சைக்கிளில் பயணித்த முதியவர் ஒருவர் இன்று மாாலை திடீரென்று வீதியில் சரிந்து வீழ்ந்து உயிரிழந்தார்.

ஓட்டுமடத்தைச் சேர்ந்த 68 வயதான தம்பு வாமதேவன் என்பவரே இவ்வாறு உயிரிழந்துள்ளார். உறவினர் வீடொன்றுக்குச் சென்றுவிட்டு திரும்பிய நிலையிலேயே இந்த அனர்த்தம் ஏற்பட்டுள்ளது.

1990 அம்பியூலன்ஸ் வண்டிக்கு தகவல் வழங்கப்பட்டு, அங்கு அம்பியூலன்ஸ் வண்டி வந்த போதும் முதியவர் ஏற்கனவே உயிரிழந்து விட்டார் என்று தெரிவிக்கப்பட்டது.

நாளை நாடு முழுவதும் ஊரடங்கு சட்டம் அமுல் : சற்று முன்னர் வெளியான தகவல்!!

ஊரடங்கு சட்டம்

நாடு முழுவதும் நாளை ஊரடங்கு சட்டம் அமுல்படுத்தப்படவுள்ளதாக ஜனாதிபதி செயலகம் அறிவித்துள்ளது.

விடுமுறை பெற்றுள்ள முப்படையினர் முகாம்களுக்கு செல்வதற்கு வசதி ஏற்படுத்தும் வகையில் நாளைய தினம் நாடு முழுவதும் ஊரடங்கு சட்டம் அமுல்படுத்தப்பட்டுள்ளது.

கொழும்பு, கம்பஹா, களுத்துறை மற்றும் புத்தளம் மாவட்டத்தை தவிர்த்து ஏனைய மாவட்டங்களுக்கு நாளை காலை 5 மணிக்கு நீக்கப்பட்டு இரவு 8 மணிக்கு மீண்டும் அமுல்படுத்தப்படவிருந்தது.

எனினும் இந்த நடவடிக்கை காரணமாக நாளை நாடு முழுவதும் ஊரடங்கு சட்டத்தை அமுல்படுத்துவதாக சற்று முன்னர் அறிவிக்கப்பட்டுள்ளது.

வெளிநாடுகளில் வீசா இன்றி தவிக்கும் இலங்கையர்கள்!!

இலங்கையர்கள்..

வெளிநாடுகளில் தங்கியிருக்கும் சுமார் 27 ஆயிரம் இலங்கையர்கள் நாட்டுக்கு திரும்புவதற்கு விருப்பம் வெளியிட்டுள்ளனர்.

இதில் 17 ஆயிரம் பேர் வெளிநாடுகளில் பணியாற்றும் பணியாளர்கள், 6 ஆயிரம் பேர் மாணவர்கள், 3000 பேர் குறுகிய கால வீசாக்களில் வெளிநாடுகளுக்கு சென்றவர்கள் என இலங்கை வெளியுறவு அமைச்சு தெரிவித்துள்ளது.

இதனையடுத்து கொரோன வைரஸ் காரணமாக மிகவும் பாதிக்கப்பட்டவர்கள் என்ற அடிப்படையில் உள்ளவர்களை முன்னுரிமை கொடுத்து நாட்டுக்கு அழைத்து வரும் பணிகள் மேற்கொள்ளப்பட்டு வருவதாக வெளியுறவுத்துறை செயலர் ரவிநாத் ஆரியசிங்க தெரிவித்துள்ளார்.

இதன்போது இலங்கையில் தனிமைப்படுத்தல் நிலைய வசதிகளும் கருத்திற் கொள்ளப்படுவதாக அவர் குறிப்பிட்டுள்ளார். இதேவேளை குவைத்தில் அனுமதியின்றி தங்கியிருப்போருக்கான பொது மன்னிப்பு அவகாசத்தை நீடிப்பதற்கான பேச்சுவார்த்தைகள் இடம்பெற்று வருவதாக ரவிநாத் ஆரியசிங்க மேலும் தெரிவித்துள்ளார்.

இலங்கையில் எந்தவொரு கொரோனா நோயாளரும் ஆபத்தான நிலையில் இல்லை!!

கொரோனா..

இலங்கையில் கொரோனா வைரஸ் தொற்றுக்கு இலக்காகிய எவரும் தீவிர சிகிச்சை பிரிவில் இல்லை என அறிவிக்கப்பட்டுள்ளது.

அடையாளம் காணப்பட்டு சிகிச்சை அளிக்கப்பட்டு வரும் எந்தவொரு நோயாளியும் தற்பொழுது தீவிர சிகிச்சை பிரிவில் சிகிச்சை பெறவில்லை என சுகாதார சேவைகள் பணிப்பாளர் டொக்டர் அனில் ஜாசிங்க தெரிவித்துள்ளார்.

தற்பொழுது ஐ.டி.எச் தொற்று நோயியல் வைத்தியசாலையில் அதிகளவில் நோயாளிகள் சிகிச்சை பெற்று வருகின்றனர் என அவர் குறிப்பிட்டுள்ளார்.

இதற்கு மேலதிகமாக முல்லேரியா, இரணவில, வெலிகந்த, காத்தான்குடி ஆகிய வைத்தியசாலைகளில் கொரோனா நோய் தொற்றுக்கு இலக்கானவர்கள் சிகிச்சை பெற்று வருகின்றனர் என தெரிவித்துள்ளார்.

யாழ்.ஏழாலையில் எ ரிந்த நிலையில் முதியவரின் சடலம் மீட்பு!!

யாழில்..

யாழ்ப்பாணம் – ஏழாலையில் எரிந்த நிலையில் முதியவர் ஒருவரின் சடலம் மீட்கப்பட்டுள்ளது.
ஏழாலை, மயிலங்காடு முருகமூர்த்தி ஆலயத்துக்கு அண்மித்த பகுதியிலிருந்து குறித்த சடலம் இன்று காலை மீட்கப்பட்டுள்ளதாக சுன்னாகம் பொலிஸார் தெரிவித்துள்ளனர்.

மயிலங்காடு பகுதியைச் சேர்ந்த மோட்டார் சைக்கிள் தரகர் ஒருவரே இவ்வாறு சடலமாக மீட்கப்பட்டுள்ளதாக தெரிவிக்கப்படுகிறது.

அவர் தனக்குத் தானே எ ரியூட்டி த ற்கொ லை செய்துகொண்டுள்ளார் என்று பொலிஸார் மேற்கொண்ட ஆரம்ப கட்ட விசாரணைகளில் தெரியவந்துள்ளதாக எமது பிராந்திய செய்தியாளர் தெரிவித்தார்.

ஊரடங்கு சட்டம் அமுலிலுள்ள பகுதியில் மக்கள் வெளியில் செல்வது எப்படி? பொலிஸார் விளக்கம்!!

வெளியில் செல்வது எப்படி?

வெளியில் செல்லும் போது தேசிய அடையாள அட்டை இலக்க முறைமை எவ்வாறு அமுலாகும் என்பது குறித்து காவல்துறையினர் விளக்கம் அளித்துள்ளனர்.

ஊரடங்குச் சட்டம் அமுல்படுத்தப்படும் பகுதிகளில் மக்கள் அத்தியாவசிய தேவைகளின் அடிப்படையில் வெளியே செல்லும் போது அடையாள அட்டை இலக்கங்களின் அடிப்படையில் செல்ல முடியும் என பிரதிக் காவல்துறை மா அதிபர் அஜித் ரோஹன விளக்கம் தெரிவித்துள்ளார்.

நாடு முழுவதிலும் இந்த முறைமை அமுலாகும் என அவர் சுட்டிக்காட்டியுள்ளார். எவ்வாறெனினும் ஏதேனும் மருத்துவ தேவைக்காக அல்லது மருந்து பொருட்களை கொள்வனவு செய்வதற்கு யாரேனும் வெளியே செல்ல வேண்டுமாயின் இந்த அடையாள அட்டை முறைமையில் விலக்கு அளிக்கப்படும் என அவர் தெரிவித்துள்ளார்.

ஊரடங்குச் சட்டம் அமுலில் இல்லாத பகுதிகளில் தேசிய அடையாள அட்டையின் இறுதி இரண்டு இலக்கங்களின் அடிப்படையில் வெளியே செல்வதற்கு அனுமதி அளிக்கப்படும் என அவர் குறிப்பிட்டுள்ளார்.

இதன்படி, திங்கட் கிழமைகளில் தேசிய அடையாள அட்டையின் இறுதி இரண்டு இலங்கங்கள் 1 அல்லது 2 ஆக காணப்படுவோர் மட்டுமே வெளியே அனுமதிக்கப்படுவர். செவ்வாய்க் கிழமைகளில் தேசிய அடையாள அட்டையின் இறுதி இரண்டு இலங்கங்கள் 3 அல்லது 4 ஆக காணப்படுவோர் மட்டுமே வெளியே அனுமதிக்கப்படுவர்.

புதன் கிழமைகளில் தேசிய அடையாள அட்டையின் இறுதி இரண்டு இலங்கங்கள் 5 அல்லது 6 ஆக காணப்படுவோர் மட்டுமே வெளியே அனுமதிக்கப்படுவர். வியாழக் கிழமைகளில் தேசிய அடையாள அட்டையின் இறுதி இரண்டு இலங்கங்கள் 7 அல்லது 8 ஆக காணப்படுவோர் மட்டுமே வெளியே அனுமதிக்கப்படுவர்.

வெள்ளிக் கிழமைகளில் தேசிய அடையாள அட்டையின் இறுதி இரண்டு இலங்கங்கள் 9 அல்லது 0 ஆக காணப்படுவோர் மட்டுமே வெளியே அனுமதிக்கப்படுவர்.

உணவுப் பொருட்கள் மற்றும் மருந்துப் பொருட்கள் போன்ற மிகவும் அத்தியாவசிய பொருட்களை கொள்வனவு செய்வதற்காக மட்டுமே இவ்வாறு வெளியே செல்ல அனுமதிக்கப்படுவர் என அறிவிக்கப்பட்டுள்ளது.

மிகவும் அருகாமையில் உள்ள கடைகளில் தேவையான பொருட்களை முடிந்தளவு சீக்கிரம் கொள்வனவு செய்து வீடு திரும்ப வேண்டுமென பணிப்புரை விடுக்கப்பட்டுள்ளது.

ஊரடங்குச் சட்டம் தளர்த்தப்பட்ட பகுதிகளில் மக்கள் நடமாட்டத்தை வரையறுப்பதற்காக இந்த தேசிய அடையாள அட்டை இலக்க முறைமை அறிமுகம் செய்யப்படுவதாக பிரதிக் காவல்துறை மா அதிபர் அஜித் ரோஹன தெரிவித்துள்ளார்.

வவுனியாவில் மான் இறைச்சியுடன் மூவர் கைது!!

மூவர் கைது..

வவுனியா – கூமாங்குளத்தில் மான் மற்றும் பண்டி இறைச்சியினை உடமையில் மறைத்து வைத்திருந்த மூவர் பொலிஸாரால் கைது செய்யப்பட்டுள்ளனர்.

வவுனியா பிராந்திய போ தை தடுப்பு பொலிஸாருக்கு கிடைத்த தகவலிற்கமைய இன்றைய தினம்கூமாங்குளம் பகுதியில் சோ தனையை மேற்கொண்ட பொலிஸார் அங்கு விற்பனைக்காக வைக்கப்பட்டிருந்த 15 கிலோ காட்டுபன்றி மற்றும் 10 கிலோ மான் இறைச்சியை மீட்டுள்ளனர்.

அதனை உடமையில் மறைத்து வைத்திருந்தனர் என்ற குற்றசாட்டில் மூன்று பேரையும் கைது செய்துள்ளனர். கைது செய்யப்பட்டவர்கள் வவுனியா பொலிஸ் நிலையத்தில் தடுத்து வைக்கப்பட்டுள்ளதுடன், மேலதிக விசாரணைகளின் பின்னர் நீதிமன்றில் ஆஜர்படுத்தப்படவுள்ளதாக பொலிஸார் மேலும் தெரிவித்துள்ளனர்.

மாவட்டம் விட்டு மாவட்டம் செல்ல முயற்சித்த போலி மருத்துவர் கைது!!

போலி மருத்துவர்..

மாவட்டம் விட்டு மாவட்டம் செல்ல முயற்சித்த போலி மருத்துவர் ஒருவரை காவல்துறையினர் கைது செய்துள்ளனர். மருத்துவர் என தம்மை அடையாளப்படுத்திக் கொண்டு இவ்வாறு ஒரு மாவட்டத்திலிருந்து மற்றுமொரு மாவட்டத்திற்குள் பிரவேசிக்க முயற்சித்த ஒருவரை மாத்தறையில் வைத்து காவல்துறையினர் கைது செய்துள்ளனர்.

ராகம பகுதியில் அமைந்துள்ள தனியார் மருத்துவமனையில் கடமையாற்றி வருவதாக குறித்த நபர் போலியான தகவல்களை வழங்கியுள்ளார்.

குறித்த நபர், மருத்துவர்கள் வாகனங்களில் பயன்படுத்தும் ஸ்டிக்கர் ஒன்றை பயன்படுத்தியிருந்தார் என பிரதிக் காவல்துறை மா அதிபர் அஜித் ரோஹன தெரிவித்துள்ளார்.

கம்பஹா மாவட்டத்தைச் சேர்ந்த குறித்த நபர் கொழும்பு, களுத்துறை, காலி ஆகிய மாவட்டங்களை போலியான தகவல்களை காண்பித்து கடந்து சென்றுள்ளார். கைது செய்யப்பட்ட நபர் நாளை நீதிமன்றில் முன்னிலைப்படுத்தப்பட உள்ளார்.