தைத்திருநாள் விழா

வவுனியா வெங்கல செட்டிக்குளம், பிரதேச செயலகமும் கலாசார அலுவல்கள் திணைக்களமும் இணைந்து நடாத்திய தைத்திருநாள் விழா நேற்று முன்தினம் வீரபுரம் ஸ்ரீ சித்திவிநாயகர் ஆலய அறநெறி மண்டபத்தில் பிரதேச செயலாளர் திரு. க.சிவகரன் தலைமையில் நடைபெற்றது.

ஆரம்ப நிகழ்வாக பொங்கல் நிகழ்வும் வழிபாடுகளும் நடைபெற்றன. அதனைத்தொடர்ந்து முட்டி உடைத்தல் கிளித்தட்டு முதலான பல பாரம்பரிய விளையாட்டுக்களும், கலை நிகழ்வுகள் சொற்பொழிவுகள் இடம்பெற்றன.

இந்நிகழ்வில் வீரபுரம் ஸ்ரீ சித்தி விநாயகர் ஆலய பிரதம குரு அருட்திரு யோகசிகாமணி குருக்கள், வெங்கல செட்டிகுளம் பிரதேச சபைத் தவிசாளர் ஆ.அந்தோனி, மாவட்ட செயலக கலாசார உத்தியோகத்தர் ஜெ.தட்சாயினி,

கிராம அலுவலர்களான பா.பாலஶ்ரீ, எஸ்.கஜேந்திரன், இ.தேவகி, இந்து கலாசார அபிவிருத்தி உத்தியோகத்தர் சிவ.கஜேந்திரகுமார், கலாசார அபிவிருத்தி உத்தியோகத்தர் கி.சற்சுருவேணு மற்றும் இந்து ஆலய ஒன்றிய உறுப்பினர்கள், கலாசார பேரவை உறுப்பினர்கள், அறநெறி ஆசிரியர்கள், மாணவர்கள் கலந்து சிறப்பித்திருந்தனர்.

பயிர்ச்செய்கை

‘கைவிடப்பட்ட வயற்காணிகளில் பயிர்ச்செய்கை மேற்கொள்ளல்’ நிகழ்வின் வவுனியா மாவட்டத்திற்கான உத்தியோகபூர்வ நிகழ்வானது வெங்கலச் செட்டிக்குள பிரதேச செயலகத்திற்கு உட்பட்ட அருவித்தோட்டம் கிராமத்தில் நடைபெற்றது.

நாடு முழுவதும் கைவிடப்பட்ட வயற் காணிகளை விவசாய காணிகளாக மாற்றி பொருளாதாரத்தில் வளர்ச்சியை ஏற்படுத்தும் திட்டம் நாடு பூராகவும் முன்னெடுக்கப்பட்டு வருகின்றது.

அதனடிப்படையில் வவுனியா மாவட்டத்திற்கான நிகழ்வானது கமநல அபிவிருத்தி திணைக்களத்தின் ஒழுங்கமைப்பில் செட்டிகுளம் கமநலசேவைகள் நிலையத்தின் ஏற்பாட்டில் அருவித் தோட்டம் பகுதியில் சிறப்பாக இடம்பெற்றது.

இந்நிகழ்வில் வெங்கலச்செட்டிகுளம் பிரதேச செயலாளர் க.சிவகரன், வவுனியா நீர்ப்பாசனத் திணைக்கள பொறியியலாளர் கே.இமாஷலன், திணைக்கள உத்தியோகத்தர்கள், கமக்கார அமைப்பினர், விவசாயிகள் என பலரும் கலந்து கொண்டு கைவிடப்பட்ட நிலத்தில் பயிற்செய்கை நடவடிக்கையை ஆரம்பித்து வைத்தனர்.

சுதந்திர தின நிகழ்வுகள்

வவுனியா கண்டி வீதியில் அமைந்துள்ள பொதுஜன பெரமுன கட்சியின் மாவட்ட காரியாலயத்தில் இன்று (04.02.2020) காலை 10.30 மணியளவில் சுதந்திர தின நிகழ்வுகள் இடம்பெற்றன.

வவுனியா மாவட்ட அபிவிருத்தி குழுவின் தலைவரும் முன்னாள் வடமாகாணசபை உறுப்பினருமான தர்மபால செனவிரட்ன தலைமையில் இடம்பெற்ற இந் நிகழ்வில் முதல் நிகழ்வாக தர்மபால செனவிரட்ன தேசியக் கொடியினை ஏற்றி வைத்ததுடன் தமிழ் மற்றும் சிங்கள மொழிகளில் தேசிய கீதம் இசைக்கப்பட்டது.

இந் நிகழ்வில் பொதுஜன பெரமுன கட்சியின் வவுனியா மாவட்ட தமிழ் பிரிவிற்கான அமைப்பாளர் பிரேம் , பிரதேச இணைப்பாளர்கள் , கட்சியின் உறுப்பினர் என பலரும் கலந்து கொண்டிருந்தனர்.

சிறைக் கைதிகள்

இலங்கையின் சுதந்திர தினத்தை முன்னிட்டு ஜனாதிபதி பொது மன்னிப்பின் கீழ் வவுனியா சிறைச்சாலையிலிருந்து ஆறு சிறைக் கைதிகள் இன்று (04.02.2020) காலை 10 மணியளவில் விடுதலை செய்யப்பட்டனர்.

சிறு கு ற்றங்களுக்காக கைது செய்யப்பட்டவர்களே இவ்வாறு விடுதலை செய்யப்பட்டதாக வவுனியா சிறைச்சாலை அதிகாரிகள் தெரிவித்தனர்.

வவுனியா நகரசபை மைதானத்தில் இன்று (04.02.2020) இலங்கையின் 72வது சுதந்திர தின நிகழ்வுகள் இடம்பெற்றமை குறிப்பிடத்தக்கது.

மகேஸ்வரி செந்தில்செல்வன்

வவுனியா பூந்தோட்டம் பகுதியினை சேர்ந்த 47வயதுடைய இரு பிள்ளைகளின் தாயான மகேஸ்வரி செந்தில்செல்வன் என்பவரை கா ணவில்லை என தெரிவித்து அவரது கணவன் வவுனியா பொலிஸ் நிலையத்தில் முறைப்பாடொன்றினை மேற்கொண்டுள்ளார்.

வவுனியா மகாறம்பைக்குளம் பகுதியில் வசித்து வரும் குறித்த பெண் கடந்த 29.01.2020 அன்று காலை 8.30 மணியளவில் வவுனியா நகருக்கு செல்வதாக தெரிவித்து சென்றுள்ளார்.

அதன் பின்னர் காலை 10.30 மணியளவில் குறித்த பெண்ணுக்கு அவரின் கணவர் தொலைபேசி மூலம் அழைப்பினை ஏற்படுத்திய சமயத்தில் அவரின் தொலைபேசி செயலிழந்து இருந்துள்ளது. அதன் பின்னர் அன்றையதினம் மாலை வரை அவரை பல இடங்களில் தேடியும் குறித்த பெண்ணை கா ணவில்லை.

பின்னர் 30.01.2020 வவுனியா பொலிஸ் நிலையத்தில் குறித்த விடயத்தினை தெரிவித்து கணவரினால் முறைப்பாடு பதிவு செய்யப்பட்டது. ஆறு நாட்கள் கடந்த நிலையிலும் இன்று வரை குறித்த பெண்ணை கா ணவில்லை.

கடைசியாக இவர் வவுனியா நகருக்கு சென்ற சமயத்தில் பிங் கலர் சேலை அணிந்திருந்தாக தெரிவிக்கப்படுகின்றது. அவரை கண்டவர்கள் உடனடியாக அருகில் உள்ள பொலிஸ் நிலையத்திலோ அல்லது கீழுள்ள தொலைபேசி இலக்கத்திற்கோ அழைப்பினை ஏற்படுத்தி தெரிவிக்குமாறு பெண்ணின் உறவினர்கள் தெரிவித்துள்ளனர். 076 – 1560361 (மகன்) , 077 – 40112323 (கணவர்) , 076 – 6647509 (மருமகன்)

பாடசாலை மாணவி

இலங்கையின் 72 ஆவது சுதந்திர தின நிகழ்வுகள் வவுனியா மாவட்ட செயலகத்தின் ஏற்பாட்டில் வவுனியா நகரசபை மைதானத்தில் இன்று (04.02.2020) காலை 8.00 மணிக்கு இடம்பெற்றது.

இந் நிகழ்வில் பாடசாலை மாணவர்களின் அணிவகுப்பும் ஏற்பாடு செய்யப்பட்டிருந்தது. நகரசபை மைதானத்தில் நின்ற பாடசாலை மாணவர்களின் அணிவகுப்பின் போது வவுனியா முஸ்ஸிம் மகா வித்தியாலயத்தினை சேர்ந்த மாணவியொருவர் திடீரென மயங்கி விழுந்தார்.

உடனடியாக குறித்த மாணவியை மாவட்ட செயலக ஊழியர்கள் நோயாளி காவு வண்டி மூலம் வவுனியா மாவட்ட பொது வைத்தியசாலைக்கு அழைத்துச் சென்றனர்.

வவுனியா நகரசபை

வவுனியா நகரசபையில் இடம்பெற்ற சுதந்திர தின நிகழ்வில் நகரசபை வாளாகத்தினுள் நுழைய முற்பட்ட நகரசபை தலைவரின் வாகனத்தினால் நகரசபை தலைவருக்கு பொலிஸாருக்குமிடையில் முறுகல் நிலை ஏற்பட்டதன் காரணமாக நகரசபையின் பிரதான வாயில் மூடப்பட்டது.

இலங்கையின் 72 ஆவது சுதந்திர தின நிகழ்வுகள் வவுனியா மாவட்ட செயலகத்தின் ஏற்பாட்டில் வவுனியா நகரசபை மைதானத்தில் இன்று (04.02.2020) காலை 8.00 மணிக்கு ஏற்பாடு செய்யப்பட்டிருந்தது.

அதற்காக இன்று காலை 6.30 மணி தொடக்கம் நகரசபை இரு பிரதான வாயிலிலும் பொலிஸார் கடமைக்கு நியமிக்கப்பட்டு முக்கிய பிரமுகர்களின் வாகனங்கள் மாத்திரமே நகரசபை வாளாகத்தினுள் செல்ல அனுமதி வழங்கியிருந்தனர்.

இந் நிலையில் இன்று காலை 7.15 மணியளவில் வாகனமொன்று நகரசபைக்குள் செல்ல முயன்ற போது வாயிலில் பா துகாப்பு கடமையில் இருந்த பொலிஸார் குறித்த வாகனத்தினை மறித்து நீங்கள் யார் என வினாவியுள்ளனர்.

அதற்கு வாகனத்தில் இருந்த பிரமுகர் தான் நகரசபை தலைவர் என தெரிவித்துள்ளார். அதன் பின்னர் பொலிஸார் வாகனத்தினை உட்செல்ல அனுமதித்தனர். இதன் போது நகரசபை தலைவருக்கு பொலிஸாருக்குமிடையில் சில கருத்து முரண்பாடுகள் இடம்பெற்றன.

நகரசபை வளாகத்தினுள் சென்ற நகரசபை தலைவர் இ.கௌதமன் குறித்த வாயிலை மூடுமாறு நகரசபை பா துகாப்பு ஊழியருக்கு உத்தரவு பிறப்பித்து பூட்டினால் வாயிலை மூடினார். இதன் காரணமாக குறித்த வாயிலுடான போக்குவரத்து தடைப்பட்டிருந்தது.

குறித்த வாயிலுக்கு வருகை தந்திருந்த மாணவர்கள் , இராணுவத் தளபதி, மாவட்ட செயலக அதிகாரிகள், பொலிஸ் அதிகாரிகள் அனைவரும் ஏமாற்றதுடன் திரும்பி நகரசபையின் மற்றைய வாயிலூடாக சுதந்திர தின நிகழ்வுக்கு சென்றனர்.

மூடப்பட்ட குறித்த வாயில் சுமார் 30 நிமிடங்களின் பின்னர் திறக்கப்பட்டு சுதந்திர தின நிகழ்விற்கு செல்ல அனுமதி வழங்கப்பட்டது.