வவுனியாவில் இடம்பெற்ற விபத்தில்..

வவுனியா, கனகராயன்குளம் பகுதியில் இடம்பெற்ற விபத்தில் ஒருவர் ம ரணமடைந்துள்ளதுடன், விபத்தை ஏற்படுத்திய வாகனம் தப்பியோடியுள்ளதாக தெரியவருகிறது. இன்று மாலை இடம்பெற்ற இவ்விபத்து குறித்து மேலும் தெரியவருவதாவது,

வவுனியா, கனகராயன்குளம், குறிசுட்டகுளம் சந்தியில் பயணித்த துவிச்சக்கர வண்டி ஒன்றை அதே வழியில் வவுனியாவில் இருந்து யாழ் நோக்கி ஏ9 வீதியில் பயணித்த பட்டா ரக வாகனம் ஒன்று மோதித்தள்ளியது.

இவ் விபத்தில் துவிச்சக்கர வண்டியில் பயணித்த புளியங்குளம், முத்துமாரி நகரைச் சேர்ந்த கறுப்பையா சத்தியநாதன் என்பவர் கா யமடைந்த நிலையில் மாங்குளம் வைத்தியசாலையில் அனுமதிக்கப்பட்ட நிலையில் சிகிச்சை பலனின்றி ம ரணமடைந்துள்ளார்.

விபத்தை ஏற்படுத்திய வாகனம் நிறுத்தாது தப்பிச் சென்றுள்ள நிலையில், விபத்து குறித்து கனகராயன்குளம் பொலிசார் விசாரணைகளை முன்னெடுத்துள்ளனர்.

ஜனாதிபதித் தேர்தலும் வவுனியாவும்

வவுனியா அறிவுசார் மன்றத்தின் ஏற்பாட்டில் “ஜனாதிபதி தேர்தலும் வவுனியாவும்” எனும் தொனிப்பொருளிலான கலந்துரையாடல் வவுனியா குருமன்காட்டு பகுதியில் அமைந்துள்ள விருந்தினர் விடுதியில் இன்று (12.10.2019) மாலை இடம்பெற்றது.

வவுனியாவின் புத்திஜுவிகள் மற்றும் தொழில்சார் சமூகம் தேர்தலில் என்னவெல்லாம் செய்யவேண்டும், தேர்தலின் தமிழ் மக்களின் பங்களிப்பு, யாருக்கு வாக்களிக்க வேண்டும், வாக்களிப்பும் வவுனியா மாவட்டமும் போன்ற பல்வேறு விடயங்கள் தொடர்பாக இதன் போது கலந்துரையாடப்பட்டது.

அறிவிப்பாளரான விமலச்சந்திரன் ஒருங்கிணைப்பில் இடம்பெற்ற இக் கலந்துரையாடலில் யாழ் பல்கலைக்கழகத்தின் பொறியியல் பீட சிரேஸ்ட விரிவுரையாளர் கலாநிதி சிவகுமார்,

தமிழ் பத்திரிகை ஒன்றின் பிரதம ஆசிரியர் மதன், தனியார் கல்வி நிறுவனத்தின் தலைவர் ஜனகன், பொறியலாளர் தயாபரன், வவுனியா மாவட்ட பொது வைத்தியசாலையின் வைத்தியர் மதுரகன் ஆகியோர் கலந்து கொண்டு சிறப்புரையாற்றியதுடன்,

முச்சக்கரவண்டி உரிமையாளர் சங்கத்தினர், தனியார் பேரூந்து உரிமையாளர் சங்கத்தினர், பொது அமைப்புக்களின் பிரதிநிதிகள், வர்த்தகர்கள், ஆசிரியர்கள், பொதுமக்கள் என பலரும் கலந்துகொண்டனர்.

நிறந்தீட்டல் போட்டி

வவுனியா நகரசபை பொது நூலகத்தில் தேசிய வாசிப்பு மாதத்தினை முன்னிட்டு “வாசிப்பும் சமூகத்தினை உருவாக்க சிறுவர்களிடமிருந்து ஆரம்பிப்போம்” எனும் தொனிப்பொருளில் முன்பள்ளி சிறுவர்களுக்காக நிறந்தீட்டல் போட்டி வவுனியா நகரசபை பொது நூலகத்தில் நேற்று (11.10.2019) காலை இடம்பெற்றது.

நகரசபை எல்லைக்குட்பட்ட முன்பள்ளி மாணவர்களுக்கிடையே இப் போட்டி இடம்பெற்றிருந்தது.

பிரதம நூலகர் பாமினி உருச்சந்திரன் தலமையில் இடம்பெற்ற இச் செயற்றிட்டத்தில் பிரதம அதிதியாக நகரசபை நிர்வாக உத்தியோகத்தர் தர்சனா சுகுமார் கலந்து சிறப்பித்திருந்ததுடன் முன்பள்ளி ஆசிரியர்கள், பெற்றோர்கள், நூலக உத்தியோகத்தர்கள் என பலரும் கலந்து சிறப்பித்திருந்தனர்.

டெங்கு நுளம்பு பரிசோதனை..

வவுனியா நகரிலுள்ள வர்த்தக நிலையங்களில் அண்மைய காலமாக டெங்கு நுளம்பு தாக்கம் அதிகரித்துக்காணப்படுகின்றது. இதனால் 24 டெங்கு நோயர்கள் இனங்காணப்பட்டுள்ளதையடுத்து வியாபார, வர்த்தக நிலையங்களில் பொது சுகாதாரப் பரிசோதகர்களின் பரிசோதனை நடவடிக்கை முன்னெடுக்கப்பட்டு வருகின்றன.

வவுனியா மில் வீதி, பஜார் வீதி, தர்மலிங்கம் வீதி போன்ற வீதிகளிலுள்ள வர்த்தக நிலையங்களில் இன்று பரிசோதனை நடவடிக்கை பொது சுகதாதரப் பரிசோதகர்களினால் முன்னெடுக்கப்பட்டுள்ளது.

இதன்போது வியாபார நிலையத்தின் மேல் தளங்களில் காணப்படும் மொட்டை மாடிகள், தண்ணீர்த் தாங்கிகள், கூரைகள், வெற்றுப் போத்தல்களில் மழை நீர் தேங்கி காணப்பட்டுள்ள இடங்கள் அவதானிக்கப்பட்டுள்ளது.

இதையடுத்து விழிப்புணர்வு துண்டறிக்கைகள் குறித்த வர்த்தக நிலையங்களுக்கு வழங்கப்பட்டு தற்போது அப்பகுதிகள் சீரமைப்பதற்கு கால அவகாசங்கள் வழங்கப்பட்டு வருகின்றன.

குறிப்பிட்ட கால அவகாசத்திற்குள் குறைபாடுகளை திருத்த தவறியவர்களுக்கு எதிராக நீதிமன்ற நடவடிக்கை மேற்கொள்ளப்படவுள்ளதாக பரிசோதனை நடவடிக்கை மேற்கொண்ட பொது சுகாதாரப் பரிசோதகர்களினால் அறிவுறுத்தல்கள் வழங்கப்பட்டு வருகின்றன.

தமது வியாபார, வர்த்தக நிலையங்களில் காணப்படும் டெங்கு நுளம்பு பெருக்கத்தைக்கட்டுப்படுத்த வர்த்தக நிலைய உரிமையாளர்கள் தமது பகுதிகளில் தண்ணீர் தேங்கி காணப்படும் இடங்களை அவதானித்து அதனைத் தடுப்பதற்கும் மழை நீர் வழிந்து செல்வதற்கான பூரண நடவடிக்கைகளை மேற்கொண்டு ஒத்துழைப்புக்களை வழங்குமாறு இதன்போது பொது சுகாதாரப்பரிசோதகர்களினால் அறிவுறுத்தல் வழங்கப்பட்டுள்ளது. இந்நடவடிக்கைக்கு ஆதரவாக வர்த்தக சங்க உறுப்பினர்களும் ஈடுபட்டுள்ளமை குறிப்பிடத்தக்கது.

குளத்தில் இருந்து..

வவுனியா, பேயாடிகூழாங்குளம் குளத்தில் இருந்து பெண் ஒருவரின் சடலம் இன்று (11.10.2019) மீட்க்கப்பட்டுள்ளது.

வவுனியா, பேயாடி கூழாங்குளம் பகுதியைச் சேர்ந்த பெண் ஒருவர் கடந்த நான்கு தினங்களுக்கு முன்னர் வீட்டில் இருந்து வெளியில் சென்ற நிலையில் கா ணாமல் போயிருந்தார். இது தொடர்பில் மடுகந்தை பொலிசில் முறைப்பாடு செய்யப்பட்டிருந்தது.

இந்நிலையில் பேயாடிகூழாங்குளம் குளப்பகுதியில் ஆடுமேய்த்துக் கொண்டிருந்தவர்கள் குளத்தில் ச டலம் ஒன்று மிதப்பதை அவதானித்து பொலிசாருக்கு தகவல் வழங்கினர். சம்பவ இடத்திற்கு சென்ற மடுகந்தை பொலிசாரும், இராணுவத்தினரும் குளத்தில் இருந்த ச டலத்தினை மீட்டுள்ளனர்.

குறித்த ச டலமானது கடந்த நான்கு தினங்களுக்கு முன்னர் கா ணாமல் போனதாக தெரிவிக்கப்பட்ட எஸ்.விஜயலக்சுமி (வயது 56) என்பவருடையது என உறவினர்களால் அடையாளம் காணப்பட்டுள்ளது. இது குறித்து மடுகந்தை பொலிசார் மேலதிக விசாரணைகளை முன்னெடுத்துள்ளனர்.