இளம்தம்பதி

கேரளா பலத்த மழையால் தத்தளித்து வரும் நிலையில் சிறுவனின் புற்றுநோய்க்காக வைத்திருந்த பணத்தை அவர் குடும்பத்தார் முதலமைச்சர் நிவாரண நிதிக்கு அளிக்கவுள்ள சம்பவம் நெகிழ்ச்சியை ஏற்படுத்தியுள்ளது.

கேரளாவில் கடந்த ஆண்டைப் போலவே இந்த ஆண்டும் கனமழை கொட்டி தீர்த்து வருகிறது. இதனால், அங்கு பல இடங்கள் வெள்ளத்தில் மிதக்கின்றன. வெள்ளத்தால் பாதிக்கப்பட்ட மக்கள் நிவாரண முகாம்களில் தங்க வைக்கப்பட்டுள்ளனர்.

மாநிலம் முழுவதும் மழை தொடர்பான சம்பவங்களுக்கு பலியானோர் எண்ணிக்கை 92 ஆக உயர்ந்துள்ளது. 2.26 லட்சம் மக்கள் 1,239 நிவாரண முகாம்களில் தங்க வைக்கப்பட்டுள்ளனர்.
இந்நிலையில் முதலமைச்சர் பேரிடர் நிவாரண நிதிக்கு பல்வேறு தரப்பினரும் நிதியுதவி அளித்து வருகின்றனர்.

இந்த சூழலில் எர்ணாக்குளத்தை சேர்ந்த அனஸ் என்பவரின் குடும்பம் ஒரு நெகிழ்ச்சியான விடயத்தை செய்துள்ளது. அனஸ் – ராஜீலா தம்பதிக்கு மூன்று குழந்தைகள் உள்ளனர். இதில் இரண்டாவது மகனான 4 வயது சிறுவன் பிறக்கும் போதே மன வளர்ச்சி குன்றிய நிலையில் பிறந்தான்.

இதோடு கடந்த ஆறு மாதங்களுக்கு முன்னர் சிறுவனை புற்றுநோய் தாக்கியது. இதற்கான சிகிச்சைக்கு சேமித்து வைத்த பணத்தை அனஸ் – ராஜீலா தம்பதி முதலமைச்சர் பேரிடர் நிவாரண நிதிக்கு கொடுக்கவுள்ளனர்.

இவர்களின் நெகிழ்ச்சியான செயலுக்கு பாராட்டுகள் குவிந்து வரும் நிலையில் இது குறித்து பேஸ்புக்கில் பதிவிட்டுள்ள அனஸ், அடுத்த வெள்ளிக்கிழமை எங்கள் மகனை சிகிச்சைக்காக மருத்துவமனைக்கு அழைத்து செல்ல வேண்டும்.

எங்களுக்கு நிதி நெருக்கடி அதிகமாக உள்ளது, ஆனாலும் கேரளா மழையில் அனைத்தையும் இழந்து நிற்கும் மக்களுக்கு முன்னால் இது சாதாரணம் என நினைக்கிறேன். இதற்காக நிதியுதவி செய்யவுள்ளோம், நிச்சயம் இந்த துயரத்தில் இருந்து கேரளா மீண்டு வரும் என நம்புவதாக கூறியுள்ளார்.

இதனிடையில் இந்த விடயத்தை கேள்விப்பட்ட கேரள சுகாதார துறை அமைச்சர் ஷைலஜா, அனஸுடன் தொலைபேசியில் பேசியதோடு அவர் மகனின் சிகிச்சைக்கு உதவ உள்ளதாக கூறியுள்ளார்.

அதிர்ச்சி சம்பவம்

இந்திய தலைநகர் டெல்லியில் 100 ரூபாய்க்கு உடுப்பு வாங்கியதற்காக அக்காவின் கண்களை தோண்டி தம்பி வெளியே எடுத்துள்ள சம்பவம் அதிர்ச்சியை ஏற்படுத்தியுள்ளது. டெல்லியின் துவாரகா பகுதியிலேயே 17 வயது சிறுவனின் கொடூரத்திற்கு 20 வயதான சிறுமி இரையாகியுள்ளார்.

100 ரூபாய் அளவுக்கு உடுப்பு வாங்கியதாலையே சிறுவன் அவனது அக்காவை கொ டூரமாக தா க்கியதாகவும், பின்னர் அவரது கண்களை தோண்டி வெளியே எடுத்ததாகவும் தெரியவந்துள்ளது. அப்பகுதியில் அப்போது இருந்த மகளிர் அமைப்புகளே சிறுமியின் அலறல் கேட்டு காப்பாற்றியுள்ளனர்.

அதிரவைக்கும் இச்சம்பவம் நடந்த வேளையில், சிறுமியின் பெற்றோர் பீகார் மாநிலத்தில் உள்ள சொந்த கிராமத்திற்கு சென்றுள்ளதாக கூறப்படுகிறது. குடியிருப்புக்கு உள்ளே நுழைய முயன்ற மகளிர் அமைப்பு உறுப்பினர்களையும் சிறுவன் தா க்க முயன்றுள்ளான்.

இதனிடையே அறையில் பூட்டப்பட்ட நிலையில் இருந்த சிறுமியை மகளிர் அமைப்பு உறுப்பினர்கள் மீட்டுள்ளனர். பின்னர் பஞ்சாயத்து உறுப்பினர்களிடம் முறையிட்டு சிறுமியை மருத்துவமனைக்கு எடுத்துச் சென்றுள்ளனர்.

சிறுவனின் து ன்புறுத்தலால் சிறுமியின் முகம் வீங்கியிருந்ததாக கூறப்படுகிறது. ர த்தம் அதிகமாக வெளியேறியதால் சிறுமி மருத்துவமனை கொண்டு சென்ற வேளையில் மயக்க நிலையில் இருந்ததாக கூறப்படுகிறது.

இளைஞன் கதறல்

இந்திய மாநிலம் கேரளாவில் நிலச்சரிவில் காதல் மனைவி உள்ளிட்ட மொத்த குடும்பத்தையும் இளைஞர் ஒருவர் பறிகொடுத்த சம்பவம் வெளியாகி கண்கலங்க வைத்துள்ளது.
கேரளாவின் மலப்புரம் பகுதியில் ஏற்பட்ட நிலச்சரிவிலேயே சரத் என்ற இளைஞரின் மொத்த குடும்பமும் நிலச்சரிவில் சிக்கி பலியாகியுள்ளது.

சம்பவத்தன்று மதியம் மனைவி மற்றும் ஒன்றரை வயது மகனுடன் ஒன்றாக சாப்பிட அமர்ந்துள்ளார் சரத். அப்போது சாலை அருகே இருந்து மழைவெள்ளம் குடியிருப்புக்குள் புகுந்துள்ளது. இதைக்கண்ட சரத் மனைவி கீதுவிடம், அழும் மகனுக்கு உணவு தர சொல்லிவிட்டு, வீட்டுக்கு வெளியே மழை வெள்ளத்தை திருப்பி விட தாயாருடன் சென்றுள்ளார்.

ஆனால் அந்த சில நிமிடங்களில் நிலச்சரிவு ஏற்பட்டு சரத்தின் குடியிருப்பு மண்ணுக்குள் புதைந்துள்ளது. தற்போது ஒன்றாக அமர்ந்து சாப்பிட தம்முடன் யாரும் இல்லை என கதறும் சரத்தின் முகம் பார்ப்பவர்களை கண்கலங்க வைத்துள்ளது.

வெள்ளியன்று மலப்புரம் பகுதியில் ஏற்பட்ட நிலச்சரிவில் சரத்தின் ஒன்றரை வயது மகன், மனைவி மற்றும் தாயார் என உயிருக்கு உயிரான குடும்பம் மொத்தமும் மண்ணில் புதைந்துள்ளது.
சரத் மட்டும் நூலிழையில் உயிர் தப்பியுள்ளார். இச்சம்பவத்தை அடுத்து தொடர்ந்து 2 நாட்கள் தீவிர தேடுதலுக்கு பின்னரே மனைவி கீது மற்றும் மகன் த்ரூவனின் சடலங்களை மீட்டுள்ளனர்.

நேற்று தாயார் சரோஜினியின் சடலம் மீட்டுள்ளனர். தந்தை சத்யன் மற்றும் சகோதரன் சஜின் ஆகியோர் சம்பவத்தின் போது வெளியே சென்றிருந்ததால் அவர்கள் உயிர் தப்பியுள்ளனர். காதல் திருமணம் செய்துகொண்ட சரத், மனைவி மற்றும் தாயார் உள்ளிட்ட குடும்பத்துடன் வாடகை குடியிருப்பிலேயே தங்கி வந்துள்ளார்.

பொங்கி வந்த மழை வெள்ளத்தை திருப்பி விடும்போது பலத்த சத்தம் கேட்டதாகவும், ஆனால் அது தமது மொத்த குடும்பத்தையும் கொண்டு செல்லும் என தெரியாமல் போனது என சரத் கண்கலங்கியுள்ளார்.

வெள்ளத்தின் நடுவே..

கடுமையான வெள்ளத்தால் கேரள மாநிலம் முழுவதும் பாதிக்கப்பட்டிருக்கையில், நிவாரண முகாமில் தம்பதியினருக்கு திருமணம் நடைபெற்றுள்ளது. கடந்த சில தினங்களாகவே கேரள மாநிலத்தில் பெய்து வரும் தொடர் கனமழையால் வெள்ளம் மற்றும் நிலச்சரிவு ஏற்பட்டு மக்களின் அன்றாட வாழ்க்கை வெகுவாக பாதிக்கப்பட்டுள்ளது.

மக்களை மீட்கும் பணியில் மீட்பு படை வீரர்களும், தன்னார்வாளர்களும் தீவிரமாக ஈடுபட்டு வருகின்றனர். மீட்கப்பட்ட மக்கள் பலரும் நிவாரண முகாம்களில் தங்க வைக்கப்பட்டுள்ளனர்.

இந்த நிலையில் மலப்புரம் மாவட்டத்தை சேர்ந்த அஞ்சு – ஷைஜு ஜோடிக்கு திருமணம் செய்ய நிச்சயித்திருந்தனர். ஆனால் திடீரென ஏற்பட்ட வெள்ளத்தால் அஞ்சுவின் வீடு அடித்து செல்லப்பட்டுவிட்டது. இதனையடுத்து அஞ்சுவும், அவருடைய தாயாரும் நிவாரண முகாமில் தங்க வைக்கப்பட்டிருந்தனர்.

இந்த நிலையில் முகாமில் இருந்த மக்கள் திருமணம் குறித்து கேள்விப்பட்டதும், உடனடியாக ஒன்றுகூடி திருமணத்திற்கான வேலைகளில் தீவிரமாக ஈடுபட ஆரம்பித்துள்ளனர்.

மணப்பெண்ணுக்கு புத்தாடைகள் உடுத்தி திருமணத்திற்கு தயாராகினர். சரியான நேரத்தில் ஷைஜுவும் வந்து சேர, உறவினர்கள் முகாம் வாசிகள் மத்தியில் இனிதாக திருமணம் நடந்து முடிந்தது.

இந்தியாவில் பாட்டுப்பாடி பிச்சையெடுத்து கொண்டிருந்த பெண் ஒருவருக்கு, தற்போது பாலிவுட்டில் பாடும் அளவிற்கு அதிர்ஷ்டம் அடித்துள்ளது.

மேற்குவங்கத்தில் ராணுமோண்டால் என்ற பெண் அங்கிருக்கும் இரயில் நிலையம் மற்றும் சாலைகளில் பாட்டு பாடி பிச்சையெடுத்து வருகிறார்.

அந்த வகையில் அவர் சமீபத்தில் இரயில் நிலையத்தில் அமர்ந்து லதா மங்கேஷ்கர் பாடிய பாடலை அப்படியே ஸ்ருதி மாறாமல் பாடியுள்ளார்.

இதைக் கண்ட அங்கிருந்த ஒருவர் வீடியோவாக எடுத்து சமூகவலைத்தளங்களில் பதிவிட்டதால், ராணு ஒரே இரவில் பிரபலமானார்.

இதைத் தொடர்ந்து பாடகரும், இசையமைப்பாளருமான ஷங்கர் மகாதேவன், தான் இசையமைக்கும் பாலிவுட் படத்தில் ராணுவிற்கு ஒரு பாடல் பாட வாய்ப்பளித்துள்ளார்.

இதற்காக பிச்சையெடுத்து கொண்டிருந்த அவர் அழைத்துச் செல்லப்பட்டு, அழகு நிலையத்தில் வைத்து அவருடைய ஸ்டலையே அப்படியே மாற்றினர்.

இதைக் கண்ட இணையவாசிகள் சிலர் அவருக்கு வாழ்த்துக்களை தெரிவித்து வருவதுடன், ஒரு சிலர் ஒரே நாளில் அடித்த இப்படி ஒரு அதிர்ஷ்டம் அடிக்க வேண்டும் என்று கமெண்ட் செய்து வருகின்றனர்.

கல்லூரி மாணவி

சென்னையில் காதலனுடன் சேர்ந்து செல்போன் திருட்டு சம்பவத்தில் ஈடுபட்ட கல்லூரி மாணவியை பொலிஸார் கைது செய்துள்ளனர்.

சென்னையை சேர்ந்த திஷேரிங் லேப்சா என்பவரின் மனைவி பிரசன்னா (42). இவர் கடந்த 12ம் திகதியன்று டிரைவிங் ஸ்கூலுக்குச் சென்றுவிட்டு வீடு திரும்பிக்கொண்டிருந்துள்ளார்.

அப்போது இருசக்கர வாகனத்தில் வந்த காதல் ஜோடி, திடீரென அவருடைய கைப்பையை பறித்து சென்றுள்ளனர். அதில் அவருடைய செல்போன் இருந்ததாகவும், அதனை மீட்டு தருமாறும் பொலிஸ் நிலையத்தில் புகார் கொடுத்தனர்.

அதன்பேரில் வழக்கு பதிவு செய்த பொலிஸார், சம்பவம் நடைபெற்ற பகுதியில் இருந்த சிசிடிவி காட்சிகளை ஆய்வு செய்தனர். அதில் ஒரு ஆணும், பெண்ணும் இடம்பெற்றிருப்பதை பார்த்து அதிர்ச்சியடைந்த பொலிஸார், வண்டியின் பதிவெண்ணை வைத்து விசாரணை மேற்கொண்டனர்.

அதில், சென்னையை சேர்ந்த ராஜு (23) என்பவரும், கல்லூரியில் முதலாமாண்டு படித்து வரும் சுவாதி (20) என்பவரும் ஈடுபட்டிருப்பது தெரியவந்தது. இதனையடுத்து இருவரையும் கைது செய்து பொலிஸார், சிறையில் அடைத்துள்ளனர்.