இந்திய மாநிலம் கேரளாவில் பேஸ்புக் மூலம் அறிமுகமான பெண்ணால் தொழிலதிபருக்கு ரூ.50 லட்சம் பறிபோன சம்பவம் வெளிச்சத்துக்கு வந்துள்ளது.

கேரள மாநிலம் இரிங்காலக்குடா பகுதியை சேர்ந்தவர் அந்த 40 வயது மதிக்கத்தக்க தொழிலதிபர். பெரும்பாலும் வெளிநாடுகளில் தொழில் செய்து வந்துள்ளார்.

இந்த நிலையில் ஒருநாள் அவரது பேஸ்புக் மெசஞ்சரில் குறுஞ்செய்தி ஒன்று வந்துள்ளது. அந்த குறுந்தகவலை அனுப்பியவர் அழகான பெண் என்பதை அறிந்த அவர், அந்த குறுஞ்செய்திக்கு பதில் அளித்துள்ளார்.

மருத்துவர் என அறிமுகப்படுத்திக் கொண்ட அந்த யுவதியுடன் தொழிலதிபரின் நட்பு அடுத்த 6 மாதங்களில் மிக நெருக்கமாக வளர்ந்தது. இதனிடையே பலமுறை நேரலை அழைப்புக்கும், தொலைபேசி அழைப்புக்கும் முயன்ற தொழிலதிபருக்கு ஏமாற்றமே மிஞ்சியது.

பகல் வேளையில் தாம் மருத்துவமனையில் பரபரப்பாக இயங்குவதாகவும், இரவில் கணவர் அருகாமையில் இருப்பதாகவும் கூறி அழைப்புகளுக்கு அந்த யுவதி மறுப்பு தெரிவித்துள்ளார்.

ஆனால் பேஸ்புக் அரட்டைகளுக்கு எப்போதும் பதில் அளித்தும் வந்துள்ளார். 6 மாத காலத்தில் இருவரும் மிகவும் நெருக்கமாக பழகியுள்ளனர்.

மட்டுமின்றி இருவரும் தங்களின் புகைப்படங்களையும் பகிர்ந்து கொண்டுள்ளனர். இதனிடையே கோவையில் தாம் தங்கியிருப்பதாகவும், சந்திக்கலாம் எனவும் அழைத்துள்ளார்.

தகவல் கிடைத்ததும் வெலிநாட்டில் இருந்த தொழிலதிபர் உடனடியாக இந்தியா திரும்பியுள்ளார். மட்டுமின்றி, மனைவியிடம் ஆயுர்வேத மருத்துவரை காண செல்வதாக கூறி, தமது புதிய காரில் கோவை சென்றுள்ளார்.

கோவையில் சென்ற பின்னரும், அந்த பேஸ்புக் காதலி தொலைபேசியில் பேச மறுத்துள்ளதுடன், காரின் வண்ணமும் எண்ணும் கேட்டறிந்துள்ளார்.

இந்த நிலையில் திடீரென்று தொழிலதிபரை அணுகிய குழு ஒன்று தாங்கள் தேசிய பாதுகாப்பு அமைப்பைச் சேர்ந்த அதிகாரிகள் எனவும், தங்களுக்கு அந்த பெண்ணின் மொத்த தகவலும் வேண்டும் எனவும், அவர் மருத்துவர் அல்ல எனவும், சர்வதேச போதை மருந்து கடத்தல் கும்பலில் முக்கிய நபர் எனவும் தெரிவித்துள்ளனர்.

இந்த தகவலால் அதிர்ந்து போன, தொழிலதிபர், அந்த அதிகாரிகளிடம் உதவ முடியுமா என விசாரித்துள்ளார். ஒரு கோடி ரூபாய் செலவு செய்தால் வழக்கில் இருந்து விடுவிக்கலாம் என அந்த அதிகாரிகள் உறுதி அளித்துள்ளனர்.

இறுதியில் 50 லட்சம் அளிக்க அவர் ஒப்புக்கொண்டுள்ளார். மட்டுமின்றி உறவினர்களை அழைத்து பணத்துக்கு ஏற்பாடு செய்துள்ளார்.

அடுத்த சில மணி நேரங்களில் பணத்தை அந்த அதிகாரிகளிடம் அளித்துள்ளார் தொழிலதிபர். இதனையடுத்து அந்த கும்பல் இவரை விடுவித்துள்ளது. ஆனால் இச்சம்பவம் தொடர்பில் விசாரித்த அவருக்கு அதிர்ச்சி காத்திருந்தது. அந்த கும்பல் தம்மை ஏமாற்றியதாகவும்,

பேஸ்புக்கில் தம்மிடம் 6 மாத காலம் அரட்டையில் ஈடுபட்டவர் பெண் இல்லை எனவும், அது ஒரு 24 வயது இளைஞர் எனவும் பொலிசாரின் விசாரணையில் தெரியவந்தது. மட்டுமின்றி தொழிலதிபர் அளித்த புகாரின் அடிப்படையில் பொலிசார் அந்த கும்பலில் முக்கிய நபரை கைது செய்துள்ளனர்.

நடந்த விபரீதம்

தமிழகத்தில் காதலனை கொலை செய்து உடலை வாய்க்கால் புதரில் வீசிய சம்பவம் அதிர்ச்சியை ஏற்படுத்தியுள்ளது. கடலூர் மாவட்டம் சிதம்பரம் அருகே கீரைப் பாளையம் பகுதியைச் சேர்ந்தவர் சீனிவாசன். இவர் புவனகிரி காவல் நிலையத்தில் பொலிஸ் நண்பர்கள் குழுவில் சேர்ந்து பணியாற்றி வந்தார்.

இவரது நடவடிக்கை காலப்போக்கில் சரி இல்லாததால் பொலிஸ் நண்பர்கள் குழுவில் இருந்து நீக்கம் செய்யப்பட்டார். இதைத் தொடர்ந்து அதே பகுதியை சேர்ந்த தாமரைச்செல்வி என்பவருக்கும், சீனிவாசனுக்கும் இடையே தகாத உறவு இருந்து வந்ததாகவும், மேலும் தாமரைச்செல்விக்கு வேறொரு இளைஞருடன் முறையற்ற உறவு இருந்ததாகவும் கூறப்படுகிறது.

இந்த நிலையில் அடிக்கடி குடிபோதையில் தனது கள்ளக்காதலி வீட்டுக்கு செல்லும் சீனிவாசன், தாமரை செல்வியிடம் அடிக்கடி தகராறில் ஈடுபட்டு வந்துள்ளார். ஒரு கட்டத்தில் சீனிவாசன் தாமரைச்செல்வியுடன் தான் நெருக்கமாக இருந்த போது செல்போனில் எடுத்த புகைப்படங்களை காட்டி மிரட்டியுள்ளார்.

இந்த நிலையில் தான் கடந்த 25-ஆம் திகதி கீரப்பாளையம் பகுதியில் உள்ள வாய்க்கால் புதரில் சீனிவாசன் உயிரிழந்த நிலையில் சடலமாக மீட்கப்பட்டார். இது குறித்த தகவல் பொலிசாருக்கு தெரிவிக்கப்பட்டதால், விரைந்து வந்த பொலிசார் அவரின் உடலை மீட்டு பிரேத பரிசோதனைக்காக அனுப்பி வைத்தனர்.

பிரேத பரிசோதனையில், சீனிவாசன் பின் தலையில் பலத்த காயம் ஏற்பட்டு இறந்தது தெரிய வந்தது. இதனால் பொலிசார் தாமரைச்செல்வி மற்றும் அவரது தாயாரிடம் தீவிர விசாரணை மேற்கொண்டனர். விசாரணையில் கடந்த -ஆம் திகதி குடிபோதையில் தனது வீட்டுக்கு வந்த சீனிவாசனிடம் இருவரும் நெருக்கமாக இருந்த- செல்போனில் பதிவு செய்திருந்த போட்டோக்களை கொடுக்கும் படி தாமரைச்செல்வி கேட்டுள்ளார்.

ஆனால் அதனை தர மறுத்த தால் இருவருக்கும் இடையே ஏற்பட்ட வாக்குவாதம் முற்றிய நிலையில் சீனிவாசனை பிடித்து தாம் தள்ளியதாகவும், இதில் கீழே விழுந்த அவர் தலையில் பலத்த காயம் ஏற்பட்டுள்ளது.

அவரை தட்டிய போது எந்த வித உணர்ச்சியும் இல்லாமல் இருந்ததால், அவர் இறந்துவிட்டார் என்பதை அதிர்ச்சியடைந்தேன். அதன் பின் பக்கத்து வீட்டில் இருந்த தாயார் லட்சுமியை அழைத்து வந்து கீழே விழுந்து கிடந்த சீனிவாசனின் கழுத்தில் கயிற்றை மாட்டி தரதரவென வீட்டின் பின்பக்கமாக இழுத்துச் சென்று வாய்க்கால் புதரில் போட்டேன் என்று கூறியுள்ளார்.

மேலும் சீனிவாசன் வைத்திருந்த செல்போனை எடுத்து அதனை கல்லால் சுக்குநூறாக உடைத்து அருகில் மண்ணைத் தோண்டி புதைத்துவிட்டதாகவும் கூறியுள்ளார். இதனை அடுத்து தாமரைச்செல்வி மற்றும் அவரது தாயாரை கைது செய்த பொலிசார் நீதிமன்றத்தில் ஆஜர்படுத்தி சிறையில் அடைத்தனர்.

இந்தியாவின் பீகார் மாநிலத்தில் பாலியல் துஸ்பிரயோகத்திற்கு எதிர்ப்பு தெரிவித்ததாக கூறி கும்பல் ஒன்று தாயாரையும் மகளையும் தலை மொட்டையடித்து ஊர்வலம் நடத்திய சம்பவம் அதிர்வலைகளை ஏற்படுத்தியுள்ளது. இந்த கொடூர சம்பவம் கிராம தலைவரின் முன்னிலையில் நடந்தேறியது, அங்குள்ள மக்களை அதிர்ச்சிக்கு உள்ளாக்கியது.

பீகாரின் வைஷாலி கிராமத்திலேயே இச்சம்பவம் அரங்கேறியுள்ளது. சம்பவத்தன்று வீடு புகுந்த கும்பல் ஒன்று 19 வயது இளம்பெண்ணை துஸ்பிரயோகம் செய்ய முயன்றுள்ளது.
இதில் அதிர்ச்சியடைந்த 48 வயதான அவரது தாயார், மகளை அந்த கும்பலிடம் இருந்து காப்பாற்ற போராடியுள்ளார்.

இதனால் ஆத்திரம் கொண்ட அந்த கும்பல் தாயாரையும் மகளை கொடூரமாக தாக்கியுள்ளது. மேலும், இருவரையும் வலுக்கட்டாயமாக பிடித்து சென்றுள்ளது.

பின்னர் கிராம தலைவரின் முன்னிலையில், இருவரையும் தடியால் தாக்கி, தலை மொட்டையடித்துள்ளனர். இருவரும் பாலியல் தொழில் செய்து வருவதாகவும் குற்றஞ்சாட்டினர்.

தொடர்ந்து இருவரையும், தெருவில் ஊர்வலம் நடத்தியுள்ளனர். இந்த விவகாரம் காவல் துறைக்கு தெரியவரவே, அவர்கள் சம்பவ பகுதிக்கு சென்று விசாரித்துள்ளனர்.

விசாரணையில், அந்த தாயார் மற்றும் மகள் மீது எந்த குற்றவும் இல்லை என்பது உறுதியான நிலையில், கிராம தலைவர் மற்றும், தலை மொட்டையடிக்க தூண்டிய கும்பல் உள்ளிட்டவர்களை கைது செய்துள்ளனர்.

வீடு புகுந்து தாக்குதல், கொலை மிரட்டல், பாலியல் துஸ்பிரயோகம் உள்ளிட்ட பிரிவுகளில் அவர்கள் மீது வழக்குப் பதியப்பட்டுள்ளதாக தெரியவந்துள்ளது.