காதலியை குத்திக்கொன்ற இளைஞன்

தமிழகத்தின் கிருஷ்ணகிரியில் பல் பொருள் அங்காடி ஒன்றில் பணியாற்றும் பெண்ணை அவரது ஆண் நண்பர் கத்தியால் குத்தி கொலை செய்துள்ள சம்பவம் பரபரப்பை ஏற்படுத்தியுள்ளது. கிருஷ்ணகிரி மாவட்டம் காவேரிப்பட்டினம் பகுதியை சேர்ந்தவர் 32 வயதான செல்வி. கணவருடன் ஏற்பட்ட கருத்து வேறுபாடு காரணமாக விவாகரத்துச் செய்த செல்வி தனியாக வசித்து வந்துள்ளார்.

அவருக்கு 14 மற்றும் 10 வயதில் இரண்டு பெண் குழந்தைகள் உள்ளனர். குடும்பத்தை காப்பாற்ற செல்வி கிருஷ்ணகிரி ஜக்கப்பன் நகரில் உள்ள பரிசு பொருட்கள் விற்பனை செய்யும் கடை ஒன்றில் பணியில் சேர்ந்தார். தினமும் பணிக்குச் செல்லும்போது அதே பகுதியில் தனியார் ஜவுளிக்கடையில் பணியாற்றும் 30 வயதான தௌலத் என்பவருடன் பழக்கம் ஏற்பட்டுள்ளது.

2017 ஆம் ஆண்டு முதல் இருவரும் நட்பாக பழக நாளடைவில் நட்பு நெருக்கமாகியுள்ளது. செல்வியின் பணத்தேவைகளுக்காக தௌலத் அவ்வப்போது பணம் தந்தும் உதவி வந்துள்ளார். இந்நிலையில் மாலை 4 மணி அளவில் செல்வி வேலை செய்யும் கடைக்கு தௌலத் சென்றுள்ளார். கடையில் செல்வி மட்டும் இருப்பதை அறிந்து அங்கு வந்த தௌலத் அவருடன் வாக்குவாதத்தில் ஈடுபட்டவர்,

திடீரென அங்கிருந்த கத்தியால் செல்வியை சரமாரியாக குத்தியுள்ளார். இதில் செல்வி அலறவே அக்கம்பக்கத்தில் உள்ளவர்கள் ஓடி வந்துள்ளனர். ஆனால் அதற்குள் தௌலத் தப்பி ஓடிவிட்டார். கத்தியால் குத்துப்பட்ட நிலையில் ரத்தவெள்ளத்தில் உயிருக்கு போராடிய செல்வி கடைக்குள்ளேயே உயிரிழந்தார்.

இதையடுத்து பொதுமக்கள் அளித்த புகாரின்பேரில் சம்பவ இடத்திற்கு வந்த பொலிசார் செல்வியின் உடலைக்கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இதனிடையே தப்பி ஓடிய தௌலத் கிருஷ்ணகிரி காவல் நிலையத்தில் சரணடைந்தார். அவரிடம் மேற்கொண்ட விசாரணையில்,

தனக்கு இரண்டாயிரம் பணம் தேவைப்படுவதாக செல்வி கேட்டதை அடுத்து தான் பணம் கொடுப்பதற்க்காக செல்வி பணி புரியும் கடைக்கு வந்ததாகவும், அப்போது செல்வி வேறு ஒரு ஆணுடன் செல்போன் மூலம் பேசிகொண்டு இருந்ததாக தெரிவித்துள்ளார்.

அது தொடர்பாக கேட்டதை அடுத்து தங்கள் இருவருக்கும் இடையே தகராறு ஏற்பட்டு அதனால் ஆத்திரம் அடைந்த தான் கடையில் இருந்த கத்தியை எடுத்து செல்வியை கழுத்து வயிறு உள்ளிட்ட இடங்களில் சரமாரியாக குத்தியதாகவும் செல்வி உயிரிழந்ததை அடுத்து தான் பொலிசாரிடம் சரணடைந்ததாகவும் தெரிவித்துள்ளார். தௌலத் தெரிவித்துள்ளது உண்மையான தகவல்தானா என பொலிசார் தொடர்ந்து விசாரணை மேற்கொண்டு வருகின்றனர்.

கொடூரமாக கொல்லப்பட்ட மாணவன்

தஞ்சாவூர் மாவட்டத்தில் கல்லூரி மாணவன் கொலைக்கு காதல் விவகாரம் தான் காரணம் என பொலிசார் தெரிவித்துள்ளனர். தஞ்சை மாவட்டம் ஆவணியாபுரத்தைச் சேர்ந்த சாகுல் அமீதின் மகனான 20 வயதான முன்தாசர், மயிலாடுதுறை ஏ.வி.சி. பொறியியல் கல்லூரியில் படித்து வந்தார். துபாயில் தந்தை வேலைபார்த்து வரவே, தனது தாய் மும்தாஜ் பேகத்துடன் அவர் வசித்து வந்தார்.

கடந்த வெள்ளிக்கிழமை மாலை ஏழு மணியளவில், திருமங்கலக்குடியில் உள்ள தனது அக்கா வீட்டுக்கு முன்தாசர் சென்றுள்ளார். அதன்பின் தனது நண்பரின் பிறந்தநாள் விழாவுக்கு செல்வதாக அவர் தனது தாய்க்கு செல்போன் மூலம் தெரிவித்துள்ளார்.

அதனைதொடர்ந்து இரவு எட்டு மணியளவில், அவரின் செல்போனில் இருந்து அழைப்பு வந்துள்ளது. அதில் முன்தாசரை கடத்தியுள்ளதாகவும், ஐந்து லட்ச ரூபாய் தரவேண்டுமெனவும் செல்போனில் பேசிய நபர் மிரட்டியுள்ளார்.

முன்தாசர் போனிலிருந்து வந்த அழைப்பு திருபுவனம் பகுதியிலிருந்து வந்ததை பொலிசார் கண்டறிந்தனர். இந்த நிலையில் நேற்று காலை எட்டு மணியளவில், திருபுவனம் வீரசோழன் ஆற்றின் அருகே கழுத்து அறுக்கப்பட்ட நிலையில், முன்தாசரின் சடலம் கிடந்துள்ளது.

மாணவரின் பிரேதத்தை கைப்பற்றிய பொலிசார், விசாரணை மேற்கொண்டு வந்தனர். முன்தாசரின் செல்போன் அழைப்புகளை ஆராய்ந்து அதன் அடிப்படையில் அவரது நண்பர்களிடம் விசாரணை நடத்திய பொலிசார், காதல் விவகாரத்தில் முன்தாசர் கொல்லப்பட்டதாக தெரிவித்துள்ளனர்.

முன்தாசரின் நண்பர்களான நியாஸ் அகமது, முகம்மது ஜலீல், சலீம் ஆகிய மூவரும் ஒரு பெண்ணை காதலித்த நிலையில், அந்தப் பெண் முன்தாசரை காதலித்ததால் ஆத்திரமடைந்த மூவரும் திட்டமிட்டு அவரை வர வைத்து கழுத்தறுத்துக் கொன்றுள்ளனர் என முதல்கட்ட விசாரணையில் தெரியவந்ததாக பொலிசார் தெரிவித்துள்ளனர்.

இளைஞன் படுகொலை

தமிழகத்தின் கும்பகோணம் அருகே மர்ம கும்பலால் கடத்தப்பட்ட கல்லூரி மாணவர் கழுத்து அறுக்கப்பட்டு படுகொலை செய்யப்பட்ட சம்பவம் அப்பகுதியில் பரபரப்பையும் பதற்றத்தையும் ஏற்படுத்தியுள்ளது.

கும்பகோணம் ஆடுதுறை அருகே ஆவணியாபுரத்தைச் சேர்ந்த சாகுல் அமீது என்பவர் துபாயில் வேலை பார்த்து வருகிறார். தாயார் மும்தாஜ் பேகத்துடன் வசித்து வந்த இவரது மகன் மும்தசர் மயிலாடுதுறை பகுதியில் உள்ள பொறியியல் கல்லூரியில் இரண்டாம் ஆண்டு படித்து வந்தார்.

இந்த நிலையில் மும்தசர் நேற்று மாலை சுமார் 6.30 மணி அளவில் திருமங்கலக்குடியில் உள்ள தமது அக்கா வீட்டுக்கு ஸ்கூட்டரில் சென்றுள்ளார். பின்னர் அங்கிருந்து தமது நண்பர் பிறந்தநாள் விழாவுக்குச் செல்வதாகப் போன் மூலம் தனது தாயாருக்குத் தகவல் கொடுத்துள்ளார்.

இந்நிலையில் இரவு 8.15 மணி அளவில் மும்தசர் போனிலிருந்து ஒரு அழைப்பு வந்துள்ளது. அதில் பேசிய நபர் மும்தசரை கடத்தியுள்ளதாகவும் ரூ.5 லட்சம் கொடுத்தால்தான் விடுவிப்போம் எனவும் மிரட்டியுள்ளனர். இதனால் பதற்றம் அடைந்த மும்தாஜ் பேகம் மற்றும் அவரின் உறவினர்கள் திருவிடைமருதூர் காவல் நிலையத்தில் புகார் அளித்துள்ளனர்.

முதற்கட்ட விசாரணையில் இரவு 8.15 மணி அளவில் மும்தசர் போனிலிருந்து வந்த அழைப்பு திருப்புவனம் பகுதியிலிருந்து பேசப்பட்டது என்பதை செல்போன் சிக்னல் மூலம் கண்டறிந்தனர். தொடர்ந்து அந்த செல்போனில் தொடர்புகொள்ள முயன்றபோது அது ஸ்விட்ச் ஆஃப் செய்யப்பட்டிருந்தது தெரிந்தது. இதனால் மேலும் உறவினர்களிடையே பதற்றம் ஏற்பட்டது.

இந்நிலையில், இன்று காலை திருப்புவனம் வீரசோழன் ஆற்றங்கரையில் மாணவர் மும்தசர் கழுத்து அறுக்கப்பட்டு கொலை செய்யப்பட்டிருப்பது தெரியவந்தது. தகவல் அறிந்து சம்பவப்பகுதிக்கு விரைந்த பொலிசார் மாணவர் மும்தசர் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.

மாணவர் மும்தசர் சென்ற ஸ்கூட்டர் எங்கு உள்ளது என்பது குறித்து தகவல் ஏதும் வெளியாகவில்லை. பணம் கேட்டு கல்லூரி மாணவர் கடத்தப்பட்டது உண்மையா, இந்தச் சம்பவத்தில் ஈடுபட்டது யார், அல்லது வேறு ஏதேனும் காரணமா என்பது குறித்து பொலிசார் தீவிர விசாரணை மேற்கொண்டுள்ளனர்.

இளைஞன் மர்ம மரணம்

கடலூர் மாவட்டம் திட்டக்குடியை சேர்ந்த இளைஞர் திடீரென மர்மமான முறையில் தூக்குபோட்டு தற்கொலை செய்துகொண்டு இறந்துள்ள சம்பவம் அனைவருக்கும் அதிர்ச்சியை ஏற்படுத்தியிருக்கும் நிலையில், ஆணவக்கொலை எனக்கூறி உறவினர்கள் போராட்டத்தில் ஈடுபட்டு வருகின்றனர்.

கடலூர் மாவட்டம் திட்டக்குடி வட்டம், இறையூர் கிராமத்தை சார்ந்த சபாபதி அவர்களின் மகன் பரந்தாமன்(25). இவர் கேரளாவில் உள்ள தனியார் சுத்திகரிப்பு ஆலையில் வேலை செய்து வருகிறார். பரந்தாமன் கடந்த சில நாட்களுக்கு முன்பு மதுரை மாவட்டம், முத்தையன்பட்டி கிராமத்தை சார்ந்த 18 வயதான ராமுவின் மகள் சிவானி என்பவரை காதல் திருமனம் செய்து கொண்டு தலைமறைவானார்.

இருவரும் வேறு சமூகத்தை சேர்ந்தவர்கள் என்பதால், இதற்கு இளம்பெண்ணின் வீட்டார் கடும் எதிர்ப்பு தெரிவித்தனர். மேலும் மதுரை சிந்துப்பட்டி பொலிஸ் நிலையத்தில் புகார் தெரிவித்தனர். அதன் பேரில் வழக்கு பதிவு செய்த பொலிஸார் 18 வயது இளம்பெண்ணை திருமணம் செய்ததாக கூறி, போக்ஸோ சட்டத்தின் கீழ் பரந்தாமனை கைது செய்தனர்.

இதுதொடர்பான வழக்கு நீதிமன்றத்தில் விசாரணைக்கு வந்த போது, 3ம் தேதி வரை மதுரையில் தங்கி சிந்துபட்டி பொலிஸ் நிலையத்தில் கையெழுத்து இட வேண்டும் என கடந்த 25ம் தேதி நீதிமன்றம் அவரை நிபந்தனையுடன் கூடிய ஜாமீனில் விடுவித்தது.

அதேபோல மதுரையில் தங்கி பரந்தாமன் தினம்தோறும் கையெழுத்து போட்டு வந்தார். இந்த நிலையில் கடைசி நாளான 3-ம் தேதியன்று பொலிஸ் நிலையத்திற்கு சென்ற பரந்தாமன் வீடு திரும்பவில்லை. மாறாக புனேவில் உள்ள அறையில் பரந்தாமன் தூக்குபோட்டு தற்கொலை செய்துகொண்டதாக தகவல் வந்துள்ளது. இதனை கேட்டு அதிர்ச்சியடைந்த உறவினர்கள், பரந்தாமன் ஆணவக்கொலை செய்யப்பட்டிருப்பதாக கூறி சாலை மறியல் போராட்டத்தில் ஈடுபட்டனர்.

இதுகுறித்து பேசிய அவருடைய தாய், கடைசி நாளில் கையெழுத்து போட்டபின் வீடு திரும்பி விடுவேன் என என்னுடைய மகன் போன் செய்து பேசினான். அப்படி இருக்கையில் மதுரையில் இருந்து ஒருநாளில் எப்படி புனே சென்றிருப்பான் என கேள்வி எழுப்பியுள்ளார்.

இந்த சம்பவம் அப்பகுதி முழுவதும் பெரும் பரபரப்பை ஏற்படுத்தியிருக்கும் நிலையில், சம்பவ இடத்திற்கு சென்ற திட்டக்குடி தாசில்தார் கண்ணன், மண்டல துணை தாசில்தார் ஜெயச்சந்திரன், விருத்தாசலம் உதவி போலீஸ் சூப்பிரண்டு தீபாசத்யன், இன்ஸ்பெக்டர் ராஜதாமரைபாண்டியன் ஆகியோர் போராட்டத்தில் ஈடுபட்டவர்களிடம் பேச்சு வார்த்தையில் ஈடுபட்டனர்.  மேலும், புகார் கொடுத்தால் சட்டப்படி நடவடிக்கை மேற்கொள்ளப்படும் என கூறியுள்ளனர். இதனை ஏற்று தற்போது போராட்டத்தில் ஈடுபட்டவர்கள் கலைந்து சென்றுள்ளதாக தெரியவந்துள்ளது.