ரத்த வெள்ளத்தில் உயிருக்கு போராடிய காதலி

உத்திரப்பிரதேச மாநிலத்தில் காதலியை துப்பாக்கியால் சுட்டுவிட்டு, தூக்கில் தொங்கியபடி காதலன் இறந்து கிடந்துள்ள சம்பவம் பரபரப்பை ஏற்படுத்தியுள்ளது.

உத்திரபிரதேச மாநிலம் நொய்டாவில் உள்ள ஹோட்டல் அறையில் துப்பாக்கி சுடும் சத்தம் கேட்டுள்ளது. உடனே விரைந்து சென்ற ஊழியர் கதவை தட்டும்போது, மோகித் என்ற 22 வயது இளைஞர் உள்ளிருந்தபடியே, எதுவும் நடக்கவில்லை என கூறியுள்ளார். ஆனால் இதனை நம்பாத ஹோட்டல் ஊழியர் அறையின் பின்புறமாக சென்று ஜன்னல் வெளியே பார்த்துள்ளார்.

அப்போது நேகா என்ற மாணவி ரத்த வெள்ளத்தில் உயிருக்கு போராடிக்கொண்டிருப்பதை பார்த்த ஊழியர் உடனடியாக பொலிஸாருக்கு தகவல் கொடுத்துவிட்டு, அறையை உடைத்துக்கொண்டு உள்ளே சென்றனர். அங்கு மோகித் தூக்கில் தொங்கிய நிலையில் சடலமாக கிடந்துள்ளார்.

இதனையடுத்து நேகாவை மீட்ட பொலிஸார் சிகிச்சைக்காக மருத்துவமனைக்கு அனுப்பி வைத்தனர். மேலும் மோகித்தின் உடலை மீட்டு பிரேத பரிசோதனைக்கு அனுப்பி வைத்தனர்.

சம்பவம் குறித்து பொலிஸார் கூறுகையில், மோகித்தின் தந்தை பொலிஸாராக பணியாற்றி வருகிறார். நேகாவும், மோகித்தும் ஒரே கல்வி நிறுவனத்தில் படித்து வருகின்றனர். இந்த சம்பவத்தில் வேறு யாருக்கும் தொடர்பு இருக்கிறதா என்பது குறித்து விசாரணை மேற்கொள்ளப்பட்டு வருகிறது என தெரிவித்துள்ளார்

வழக்கில் அதிரடி திருப்பம்

நெல்லை மாவட்டத்தில் பட்டப்பகலில் இசக்கி என்ற இளைஞர் கொடூரமாக விரட்டி வெட்டி படுகொலை செய்யப்பட்ட வழக்கில் 6 கல்லூரி மாணவர்கள் கைது செய்யப்பட்டுள்ளனர்.

நெல்லை மாவட்டம், அம்பாசமுத்திரம் அருகே கடந்த 20 தேதி அன்று கூட்டுறவு சங்க உதவி அலுவலர் இசக்கி சங்கர் (31) என்பவர் தாமிரபரணி நதிக்கரையில் குளிக்க சென்ற போது மர்ம நாபார்கள் சிலரால் வெட்டி கொலை செய்யப்பட்டார்.

இந்த சம்பவம் குறித்து விசாரணை மேற்கொண்டதில், இசக்கி வேறு சமூகத்தை சேர்ந்த சத்யபாமா என்ற 21 வயது இளம்பெண்ணை காதலித்து வந்தது தெரியவந்தது.

இதனால் ஆணவக்கொலையாக இருக்குமோ என சந்தேகமடைந்த பொலிஸார், சத்யபாமாவின் குடும்பத்தை சேர்ந்த நபர்களை விசாரணை செய்ததால் உண்மை வெளிவரும் என நினைத்து விசாரணை செய்ய ஆரம்பித்துள்ளனர்.

அதற்குள் சத்யபாமா மறுநாளே விஷம் குடித்து தற்கொலை செய்துகொண்டு இறந்துபோனார். அடுத்தடுத்து இருவரும் இறந்த சம்பவம் அப்பகுதி முழுவதும் பெரும் பரபரப்பை ஏற்படுத்தியிருந்த நிலையில், பொலிஸார் விசாரணையை தீவிரப்படுத்தினர்.

இந்த நிலையில், சத்யபாமாவின் சகோதரன் ஐயப்பன், தன் சகோதரி வேறு சாதியை சேர்ந்த இசக்கி சங்கரை காதலித்ததால், தன் சக நண்பர்கள் 5 பேருடன் சேர்ந்து இசக்கி சங்கரை கொலை செய்தது விசாரணையில் தெரியவந்ததுள்ளது.

இந்த சம்பவம் தொடர்பாக பள்ளி மாணவர்களை கைது செய்துள்ள பொலிஸார், ஏற்கனவே சாதி வெறியில் இருந்துள்ள ஐயப்பனுக்கு, அவனுடைய சக பள்ளி மாணவர்கள் மேற்கொண்டு ஏத்திவிட்டுள்ளனர். இதனால் ஆத்திரமடைந்து தான் நண்பர்களுடன் சேர்ந்து கொலை செய்துள்ளான்.

தற்போது சம்பவத்தில் ஈடுபட்ட பள்ளி மாணவர்கள் சிறுவர் சீர்திருத்த பள்ளிக்கு அனுப்பி வைக்கப்பட்டுள்ளனர். மேலும், இந்த படுகொலை சம்பவத்தில் வேறு விடயங்கள் இருப்பதாகவும் தெரிகிறது. இதனால் விசாரணை தொடர்ந்து நடைபெற்று வருகிறது என கூறியுள்ளார்.

சிரித்துக் கொண்டே செல்பி

கிணறு ஒன்றின்முன் சிரித்துக் கொண்டே செல்பி எடுத்துக் கொண்ட இரு உயிர்த்தோழிகள் பின்னர் அதே கிணற்றில் குதித்து உயிரை மாய்த்துக் கொண்ட சம்பவம் அதிர்ச்சியை ஏற்படுத்தியுள்ளது.

மும்பையைச் சேர்ந்த 17 வயதான இரு தோழிகள், தங்களுக்கு தெரிந்த ஒரு சிறுவனை அழைத்து தாங்கள் கிணற்றில் குதிக்கப்போவதாகக் கூறி விட்டு சென்றிருக்கிறார்கள். அந்த சிறுவன் சென்று அந்த இளம்பெண்களில் ஒருவரின் அண்ணனிடம் அதைக் கூற, அவன் ஓடிச் சென்று பார்ப்பதற்குள் காரியம் கைமீறிப் போய்விட்டது. பொலிசாரும் தீயணைப்பு வீரர்களும் வந்து அந்த இளம்பெண்கள் இருவரின் உயிரற்ற உடல்களைத்தான் மீட்க முடிந்தது.

அந்த இளம்பெண்கள் இருவரும் தங்கள் செல்போன், தங்கள் கொலுசுகள் மற்றும் தங்கள் ஷூக்களை கழற்றி கிணற்றின் கரையில் வைத்து விட்டு கிணற்றுக்குள் குதித்துள்ளனர். கிணற்றில் குதிக்கும்முன் அவர்கள் யாரிடம் சட் செய்தார்கள் என்பதை தேடினால் சட் முழுவதும் டெலீட் செய்யப்பட்டிருந்தது. அவர்கள் எதற்காக தற்கொலை செய்து கொண்டார்கள் என்பதன் காரணம் யாருக்கும் தெரியாத நிலையில் பொலிசார் தொடர்ந்து விசாரணை மேற்கொண்டு வருகின்றனர்.

உயிரிழந்த பெண்களில் ஒருத்தி தனது ஆண் நண்பரிடம், தான் இன்னொருவரை விரும்புவதாகக் கூறி அவரது உறவை முறித்துக் கொண்டதாக தெரிய வந்துள்ளதையடுத்து, அதற்கும் இந்த தற்கொலைக்கும் தொடர்பு இருக்கிறதா என்னும் கோணத்தில் பொலிசார் விசாரணையை முடுக்கி விட்டுள்ளனர்.

கணவன் பரிதாப பலி

தமிழகத்தில் மின்சாரம் தாக்கிய மனைவியை கணவன் காப்பாற்றச் சென்ற போது, கணவன் பரிதாபமாக இறந்த சம்பவம் அப்பகுதியில் மிகுந்த சோகத்தை ஏற்படுத்தியுள்ளது.

கன்னியாகுமரி மாவட்டம் இரணியல் அடுத்து இருக்கும் தலக்குளம் பகுதியைச் சேர்ந்தவர் சேகர் (34). இவர் அதே பகுதியைச் சேர்ந்த (29) என்ற பெண்ணை 5 ஆண்டுகளுக்கு முன்பு காதலித்து திருமணம் செய்துள்ளார். இரண்டு பேரின் வீட்டிலும் பெற்றோர் எதிர்ப்பு தெரிவித்ததால், இருவரும் தனியாக வீட்டில் வசித்து வந்துள்ளனர்.

இந்நிலையில் நேற்று மாலை துணி துவைத்த புனிதா அதை உலரவைப்பதற்காக வீட்டின் பின்றம் இருக்கும் இரும்பு கம்பியில் கட்டப்பட்டிருந்த கயிற்றில் போட்டுள்ளார். ஆனால் அந்த கம்பியில் மின்சாரம் இருந்ததால், அதை அறியாமல் புனிதா ஈரமான துணியை போட்டுள்ளார்.

இதனால் கம்பியில் இருந்த மின்சாரம் அவர் மீது பாய அலறியுள்ளார். மனைவியின் சத்தத்தைக் கேட்டு, அதிர்ச்சியடைந்த கணவர் சேகர் உடனடியாக ஓடி வந்து அவரைப் பிடித்து இழுத்து தள்ளியுள்ளார். அப்போது எதிர்பாராதவிதமாக மின்சாரம் பாய்ந்த கம்பியை அவர் மிதித்துள்ளார்.

இதில் பலமாக மின்சாரம் பாய்ந்த நிலையில் தூக்கிவீசப்பட்ட சேகர் கீழே விழுந்து மயக்கமானார். சத்தம் கேட்டு வந்த அக்கம்பக்கத்தினர் மின்சாரத்தை நிறுத்தி இருவரையும் மீட்டு மருத்துவமனைக்கு கொண்டு சென்றனர்.

ஆனால் சேகர் ஏற்கெனவே இறந்து விட்டதாக மருத்துவர்கள் தெரிவித்தனர். காயமடைந்த புனிதாவுக்கு சிகிச்சை அளிக்கப்பட்டு வருகிறது. மனைவியைக் காப்பாற்றிய கணவன் அதே மின்சாரம் தாக்கி உயிரிழந்தது அவரது உறவினர்கள், அக்கம் பக்கத்தினரிடையே சோகத்தை ஏற்படுத்தியுள்ளது.

கணவனுக்கு ஏற்பட்ட அதிர்ச்சி

துபாயில் இருந்து இந்தியா திரும்பிய பெண் டெல்லியில் உள்ள இந்திரா காந்தி சர்வதேச விமான நிலையத்தில் இருந்து மாயமாகியுள்ளதாக அவரின் கணவர் புகார் கூறியுள்ளார்.

உத்தரபிரதேச மாநிலத்தை சேர்ந்தவர் குர்மீத் சிங் (28). இவர் மனைவி ரமன்கீத் கவுர் (25). தம்பதிக்கு இரண்டு குழந்தைகள் உள்ளனர். ரமன்கீத் கடந்த ஆகஸ்ட் மாதம் துபாய்க்கு வேலைக்காக சென்றுள்ளார். இந்நிலையில் சமீபத்தில் அவர் ஊருக்கு திரும்ப முடிவெடுத்தார்.

அதன்படி டெல்லியில் உள்ள இந்திராகாந்தி சர்வதேச விமான நிலையத்துக்கு தனது விமானம் வரும் என்றும் அங்கு வந்து தன்னை அழைத்து செல்லுமாறும் கணவர் குர்மீத்துக்கு தகவல் கொடுத்தார். மேலும் தனது விசாவில் பிரச்சனை இருப்பதாகவும் கூறினார். அதன்படி விமானநிலையத்துக்கு குர்மீத் சென்ற நிலையில் விமானத்தில் அவர் மனைவி வரவேயில்லை.

இதனால் பதறிபோய் அவர் துடித்து பொலிசில் புகார் அளித்தார். இது குறித்து பொலிசார் கூறுகையில், நாங்கள் சிசிடிவியில் பதிவான காட்சிகளை குர்மீத்துக்கு காட்டினோம். அதில், அவர் மனைவி ரமன்கீத் விமானநிலையத்துக்கு வந்து வேறு ஆணுடன் கொல்கத்தா செல்லும் விமானத்தில் சென்றுவிட்டது தெரிந்தது.

இது குறித்து மேலும் தகவல் அறிய கொல்கத்தா பொலிசாரை தொடர்பு கொள்ள கூறினோம் என தெரிவித்துள்ளனர். ஆனால் இதை மறுத்துள்ள குர்மீத், பொலிசார் என்னிடம் சிசிடிவி காட்சிகளை காட்டவேயில்லை. என் மனைவியை நான் அங்கு பார்க்கவேயில்லை.

ஒருவேளை என் மனைவியுடன் இருந்ததாக அவர்கள் கூறும் நபர், ரமன்கீத்தை மிரட்டி உடன் அழைத்து சென்றிருக்கலாம். ரமன்கீத்துக்கு வேறு நபருடன் தொடர்பு இருக்க வாய்ப்பில்லை, நாங்கள் இருவரும் மகிழ்ச்சியாக வாழ்ந்தோம்.

என்னை விட்டு ரமன்கீத் ஓட நினைத்திருந்தால் துபாய்க்கு அவர் செல்ல வேண்டிய அவசியமே இல்லை என கூறியுள்ளார். இதனிடையில் மத்திய அமைச்சர் மேனகா காந்தியை சந்தித்துள்ள குர்தீப் தனது நிலையை கூறியுள்ளார். அது குறித்து உரிய விசாரணை விரைவில் நடத்தப்படும் என அவர் கூறியுள்ளார்.

மாணவிக்கு நேர்ந்த கொடுமை

சென்னையை அடுத்த காட்டாங்குளத்தூரில் உள்ள எஸ்.ஆர்.எம் பல்கலைகழக மாணவிக்கு விடுதி லிப்ட்டில் பாலியல் தொல்லை கொடுத்த லிப்ட் ஊழியரை பொலிசார் கைது செய்துள்ளனர்.

எஸ்.ஆர்.எம் பல்கலைகழகத்தில் படிக்கும் மாணவி ஒருவர் தனது சக மாணவியைச் சந்திக்க லிப்ட் மூலம் சென்றதாக கூறப்படுகிறது. அப்போது லிப்ட் இயக்குனராக பணிபுரிந்து வரும் அர்ஜூன் என்பவர் மாணவியை லிப்டிலேயே பலாத்காரம் செய்ய முயன்றுள்ளார். இதையடுத்து மாணவியின் அலறல் சத்தத்தை கேட்ட சக மாணவர்கள் லிப்டை தரையிறக்கி மாணவியை காப்பாற்றியுள்ளனர்.

இதைதொடர்ந்து இந்த சம்பவம் குறித்து பல்கலைகழக நிர்வாகத்திடமும் காவல் நிலையத்திலும் சக மாணவர்கள் புகார் அளித்தனர். மேலும், மாணவர்கள் சாலை மறியல் மற்றும் பல்கலைகழகத்திற்குள் உள்ளிருப்பு போராட்டத்தில் ஈடுப்பட்டனர். இதையடுத்து லிப்ட் ஆப்ரேட்டர் அர்ஜுனை பொலிசார் கைது செய்துள்ள நிலையில் மேலும் ஒருவரைத் தேடி வருகின்றனர்.