சென்னையில் சிங்கம் சூர்யா கெட்டப்பில் போலி ஐபிஎஸ் அதிகாரியாக வலம் வந்து 9 பெண்களை ஏமாற்றி திருமணம் செய்துகொண்ட மணிகண்டன் என்ற நபரை பொலிசார் கைது செய்துள்ளனர்.

சென்னை கிழக்கு கடற்கரைச் சாலையில் மாயாஜால் பின்புறம் உள்ள பண்ணை வீட்டுக்கு கடந்த வாரம் வட இந்தியாவிலிருந்து ஐபிஎஸ் அதிகாரியைப் போல கம்பீரமாக வெண்ணிற பொலீரோ ஜீப்பில் வந்து இறங்கியுள்ளார்.

இங்குள்ள பண்ணை வீடுகளை ஆய்வு செய்ய மத்திய அரசால் சிறப்பு அதிகாரியாக அனுப்பப்பட்டவர் என்று அங்குள்ளவர்களிடம் தன்னை அறிமுகப்படுத்திக் கொண்டார்.

உடனே அதன் உரிமையாளர் அங்கிருந்த பணியாளர்கள் இவருக்கு ராஜ மரியாதை கொடுத்துள்ளனர். இதே போன்று பல்வேறு பண்ணை வீடுகளுக்கு சென்று தன்னை ஐபிஎஸ் அதிகாரி என கூறி பணம் வாங்கியுள்ளார்.

இந்நிலையில், அங்கு வந்த லோக்கல் பொலிசார், பொலிஸ் ஜீப் ஒன்று நிற்பதையும் அருகில் மணிகண்டன் அதிகாரி நிற்பதையும் பார்த்து சல்யூட் அடித்துள்ளனர்.

சல்யூட் அடித்தாலும் பொலிசாரின் மனதுக்குள் இவர் மீது சந்தேகம் ஏற்பட்டுள்ளது. இதனைத்தொடர்ந்து இவரை கண்காணித்துள்ளனர். அப்போது, உங்களை அடையாறு துணை ஆணையர் பார்க்க வேண்டும் என அழைத்துள்ளார், என மணிகண்டனிடம் லோக்கல் பொலிசார் தெரிவித்துள்ளனர்.

இதனைத்தொடர்ந்து, இரண்டு மூன்று கேள்விகள் கேட்டவுடனேயே போலி அதிகாரி என்று அடையாறு துணை ஆணையர், மணிகண்டனை அடையாளம் கண்டுகொண்டார்.

இதனைத்தொடாந்து அவரிடம் நடத்தப்பட்ட விசாரணையில் சில அதிர்ச்சி தகவல்கள் வெளியாகின.

பிடெக் முடித்துள்ள மணிகண்டனுக்கு வேலை கிடைக்கவில்லை. மேலும் பொலிஸ் அதிகாரியாக வேண்டும் என்பதே இவரது ஆசையாக இருந்துள்ளது. ஆனால் அது நடக்கவில்லை. இதனால் நண்பர் ஒருவரின் உதவியுடன் பொலிஸ் சீருடையை பெற்றுக்கொண்டு, ஆடம்பரமாக வாழ தன்னை ஐ.பி.எஸ். அதிகாரி என்று சொல்லியதோடு, சைரன் வைத்த காரில் வலம் வந்துள்ளார். காரில் பொலிஸ் என்ற ஸ்டிக்கரையும் ஒட்டி வைத்துள்ளார்.

2013-ம் ஆண்டு. அப்போது அக்கம் பக்கத்தில் உள்ளவர்களிடம், ”நான் ஐபிஎஸ் அதிகாரி. துணை ஆணையராக உள்ளேன், தேர்வு எழுதி ட்ரெய்னிங்கில் இருக்கிறேன்” என்று கூறியுள்ளார். தான் புழல் சிறையில் பயிற்சி அதிகாரியாக நியமிக்கப்பட்டிருக்கிறேன் என்று கூறிய அவர் பெரவள்ளூரில் ஏராளமான இளைஞர்களை ஏமாற்றிப் பணம் பறித்துள்ளார்.

ஆங்கிலம் பேசுவதில் தனக்குள்ள திறமையைப் பயன்படுத்திக்கொண்டு படித்த இளம்பெண்களை நம்பவைத்து ஏமாற்றியுள்ளார். 2014-ம் ஆண்டு பால மணிகண்டனிடம் ஏமாந்த பெண்கள் இவரது தோற்றம், நுனி நாக்கு ஆங்கிலத்தை நம்பி தங்களை இழந்துள்ளனர்.

இப்படி பால மணிகண்டனிடம் ஏமாந்தவர்கள் 9 பெண்கள். இவர்களில் 2 பேர் மருத்துவர்கள், 2 பேர் பொறியாளர்கள். தனது பேஸ்புக் பக்கத்தில் ஐபிஎஸ் அதிகாரி என குறிப்பிட்டுள்ளார்.

அதில், புகைப்படங்களை பதிவேற்றம் செய்து பேஸ்புக் மூலம் பல பெண்களுக்கு காதல் வலை வீசியுள்ளார். மணிகண்டனை ஐ.பி.எஸ். அதிகாரி என்று நம்பி பழகியவர்களை அவர் ஏமாற்றியுள்ளார்.

இந்த தகவல்களை அடிப்படையாக வைத்து, மணிகண்டனிடம் தொடர்ந்து விசாரணை நடத்தி வருகின்றனர். மேலும், அவரை காவலில் எடுத்து விசாரிக்கவும் பொலிசார் முடிவு செய்துள்ளனர்.

மணிகண்டன் 2014 ஆம் ஆண்டு கைது செய்யப்பட்டவர் என்பது குறிப்பிடத்தக்கது. அதன் பின்னர் வெளியே வந்த இவர் இடைப்பட்ட காலத்தில் மீண்டும் போலி அதிகாரிகயாக நடிக்க ஆரம்பித்துள்ளார்.

தற்போது, கைது செய்யப்பட்ட மணிகண்டனிடம் விசாரணை நடத்தப்பட்டு வருகிறது

இந்தியாவில் பெண்ணுடன் இளைஞர் தனியாக இருந்த வீடியோவை அப்பெண் சமூகவலைதளத்தில் வெளியிட்டதால் மனமுடைந்த இளைஞர் தற்கொலை செய்து கொண்டுள்ளார்.

மேற்குவங்க மாநிலத்தை சேர்ந்தவர் சவுரவ் கோஷ். இவர் புத்தக கடையில் வேலை செய்து வந்த நிலையில் அங்குள்ள ஒரு பெண்ணுடன் தொடர்பு ஏற்பட்டுள்ளது.

இதையடுத்து அடிக்கடி அப்பெண் வீட்டுக்கு சென்ற சவுரவ் அவருடன் உல்லாசமாக இருந்துள்ளார். இதை சவுரவுக்கு தெரியாமல் அந்த பெண் தனது போனில் வீடியோவாக எடுத்துள்ளார்.

இந்நிலையில் சமீபத்தில் அந்த வீடியோவை சவுரவிடம் காட்டி அப்பெண் பணம் கேட்டு மிரட்டியுள்ளார். மேலும் வீடியோவை சமூகவலைதளத்தில் கசியவிட்டுள்ளார்.

இதனால் அதிர்ச்சியடைந்த சவுரவ் தற்கொலை செய்ய முடிவெடுத்து ரயில் முன்னர் பாய்ந்துள்ளார். இதில் படுகாயமடைந்த அவர் மீட்கப்பட்டு மருத்துவமனையில் சேர்க்கப்பட்ட நிலையில் சிகிச்சை பலனின்றி உயிரிழந்தார்.

சம்பவம் குறித்து பொலிசார் விசாரித்த போது சவுரவ் பாக்கெட்டில் இருந்த செல்போனை கைப்பற்றினார்கள். செல்போனில் அவர் ஒரு வீடியோவை பதிவு செய்து வைத்திருந்தார்.

அதில், என் இறப்புக்கு காரணம் அந்த பெண் தான், நான் அவருடன் இருந்ததை வீடியோ எடுத்து என்னை மிரட்டி வந்தார் என கூறியுள்ளார்.

இதையடுத்து பொலிசார் சம்பவம் குறித்து தீவிரமாக விசாரித்து வருகிறார்கள்.

திருப்பூரில் கிருத்திகா என்பவர் சுகப்பிரசவத்தில் தனக்கு குழந்தை பிறக்க வேண்டும் என்பதற்காக கர்ப்பகாலத்தில் மருத்துவமனைக்கு செல்லாமல், யூடியூப் மூலம் பிரசவம் பார்த்த காரணத்தால் அதிக ரத்தப்போக்கு ஏற்பட்டு உயிரிழந்துள்ளார்.

சுகப் பிரசவத்தில் குழந்தை பிறக்க வேண்டும் என்பதற்காக சமூக வலைத்தளத்தில் உள்ள தகவல்படி ஒவ்வொரு மாதமும் உணவு உட்கொண்டு வந்துள்ளார் கிருத்திகா.

இதன்படி பிரசவ வலி ஏற்படும்போது, தனது நண்பன் பிரவின் உதவியுடன் கணவர் கார்த்திகேயன் பிரசவம் பார்த்து பெண் குழந்தையை வெளியே எடுத்துள்ளார்.

ஆனால், மயக்க நிலைக்கு சென்ற கிருத்திகா உயிரிழந்துவிட்டார், தற்போது பெண் குழந்தை ஆரோக்கியமாக இருக்கிறது.

இதுகுறித்து கிருத்திகாவின் தந்தை கூறியதாவது, என் பொன்னு கர்ப்பமானதுல இருந்தே மகள், மருமகன் இரண்டு பேர் கிட்டயும் மருத்துவமனைக்கு போக சொன்னேன். ஆனா அவங்க அதுக்கு ஒத்துக்கல.

வீட்டிலேயே பிரசவம் பார்க்கிறதா சொன்னாங்க, மருமகனோட நண்பரும் மனைவிக்கு வீட்டிலேயே பிரசவம் பார்த்தார், கடைசியில் இப்படி ஆகிவிட்டது என கூறியுள்ளார்.

மகப்பேறு மருத்துவர் பூங்கோதை செல்வராஜ் கூறியதாவது, வீட்டில் பிரசவம் பார்ப்பது தவறில்லை. ஆனால் அதற்குத் தகுதியான நபர்கள் இருக்க வேண்டும். பிரசவ நேரத்தில் ரத்தப்போக்கு என்பது முக்கியப் பிரச்சனையாக பார்க்கப்படுகிறது.

பிரசவ நேரத்தில் 500 மில்லி முதல் 1 லிட்டர் வரை ரத்தப்போக்கு இருக்கும், அப்போது அந்த பிரச்சனையை கையாளக்கூடிய மருத்துவர்கள் மட்டுமே பெண்னை சீரான நிலைக்கு கொண்டுவர முடியும்.

கிருத்திகா நிச்சயம் ரத்தப்போக்கு காரணமாகத்தான் இறந்திருக்க வேண்டும் என கூறியுள்ளார்.

டெல்லியில் ஒரே குடும்பத்தைச் சேர்ந்த பத்து வயதுக்குட்பட்ட மூன்று பெண் குழந்தைகள் பட்டினியால் உயிரிழந்த சம்பவம் சோகத்தை ஏற்படுத்தியுள்ளது.

மங்கள் என்பவருக்கு மானசி, பாரோ, சுகோ என மூன்று பெண் குழந்தைகள் இருந்தனர். குடிசைப் பகுதியில் வசித்து வந்த அவர்கள் வாடகை கட்டாததால் விரட்டப்பட்டு புதிய இடத்திற்கு வந்தனர்.

இந்நிலையில் மங்களின் ரிக்‌ஷா திருடு போனதால் அந்தக் குடும்பம் இரண்டு வாரங்களாக வறுமையில் தவித்து வந்தது. வேலை தேடி போன மங்கள் பல நாட்களாகியும் வீடு திரும்பவில்லை.குழந்தைகளின் தாய் பீனா மனநலம் பாதிக்கப்பட்டவர் என்று கூறப்படுகிறது.

இதனால் மூன்று குழந்தைகளைப் பராமரிக்க யாருமில்லாத நிலையில் மூவரும் பட்டினியால் வீட்டில் மயங்கியுள்ளனர்.
பின்னர் அவர்கள் மருத்துவமனையில் சேர்க்கப்பட்ட நிலையில் பரிதாபமாக உயிரிழந்தனர்.

பிரேத பரிசோதனையில் கடந்த சில நாட்களாக குழந்தைகளின் வயிற்றில் தண்ணீரும் உணவும் இல்லை என்பது அதிர்ச்சியளிக்கும் செய்தி. இதனால் குழந்தைகள் பட்டினியால் இறந்தது உறுதியாகியுள்ளது.

கேரளாவில் மனைவி கோமாவிலிருந்து மெதுவாக பழைய நிலைக்கு திரும்பி வருவது குறித்து கணவர் நெகிழ்ச்சியுடன் பேசியுள்ளார்.

கோட்டயம் மாவட்டம், வழூவூரைச் சேர்ந்த பெத்தனா மூன்று மாத கர்ப்பிணியாக இருந்த நேரத்தில் பாத்ரூமில் வழுக்கி விழுந்தார்.

தலையில் அடிப்பட்டதில் கோமா நிலைக்கு சென்ற பெத்தனாவுக்கு கடந்த 14-ஆம் திகதி ஆண் குழந்தை பிறந்தது.

அதன் பிறகு பெத்தனாவிடம் ஏற்பட்ட மாற்றம் மருத்துவர்களை ஆச்சரியப்படுத்திய நிலையில், இப்போது குழந்தைக்கு முத்தம் கொடுத்து மகிழ்ச்சியடையும் அளவுக்கு பெத்தனாவின் உடல்நிலையில் முன்னேற்றம் ஏற்பட்டிருக்கிறது.

இது குறித்து பெத்தனாவின் கணவர் அனூப் கூறுகையில், மகிழ்ச்சியாகச் சென்றுகொண்டிருந்த எங்கள் இல்லற வாழ்க்கைக்குப் பரிசாக, மூன்று ஆண்டுகளுக்கு முன்னர் ஒரு மகன் பிறந்தான்.

இரண்டாவதாக என் மனைவி பெத்தனா கர்ப்பமான போது தான் வழுக்கி விழுந்தார்.

மருத்துவமனையில் அவர் உயிர் பிழைப்பதே கடினம் என கூறிய நிலையில் நினைவு திரும்பாமல் பல நாள்கள் வென்டிலேட்டரில் இருந்தாள் பெத்தனா. பின்னர் வீட்டுக்கு அழைத்து வந்து அவரை பார்த்துகொண்டேன்.

பத்தாவது மாதம் பெத்தனாவை டெலிவரிக்காக மருத்துவமனைக்கு அழைத்துச் சென்றோம். கடந்த 14-ம் திகதி எங்களுக்கு ஆண் குழந்தை பிறந்தது. குழந்தைக்கு எல்வின் என்று பெயர் வைத்திருக்கிறோம்.

குழந்தை அழும்போதும் பால் குடிக்கும்போதும் என் மனைவி பெத்தனாவின் முகத்தில் மகிழ்ச்சி வெளிப்பட்டது. கோமா நிலையில் இருந்த என் மனைவியின் முகத்தில் பல உணர்ச்சிகள் தென்படத் தொடங்கின.

பெத்தனாவுக்குப் பழைய நினைவு திரும்பியிருக்கிறது. எந்தக் கணவனுக்கும் மனைவி அழுதால் மகிழ்ச்சி ஏற்படாது. ஆனால், என் மனைவி அழுதபோது எனக்கு மிகவும் மகிழ்ச்சியாக இருந்தது. பிறந்த குழந்தையின் அழுகைச் சத்தம் கேட்பதுபோல இருந்தது . இப்போது சிரிப்பு, அழுகை என தனது உணர்ச்சிகளை வெளிக்காட்டுகிறாள்.

படுத்த படுக்கையாக இருந்த அவள் இப்போது வீல் சேரில் உட்காருகிறாள். என் மனைவி பெத்தனாவும் எனக்குக் குழந்தையாகவே மாறிவிட்டாள்

பெத்தனா விரைவில் முழுமையாக குணமடைவார் என்று நம்பிக்கை உள்ளது என நெகிழ்ச்சியுடன் கூறியுள்ளார்.

இந்தியாவை சேர்ந்த ராணுவ வீரர் பாகிஸ்தானுடன் நடந்த யுத்தத்தில் உயிரிழந்த நிலையில், மனைவியின் கடிதத்தை கடைசி வரை படிக்காமலேயே போனது தெரியவந்துள்ளது.

உத்தரகாண்ட் மாநிலத்தை சேர்ந்தவர் ராஜேஷ் சிங். ராணுவ வீரரான இவர் கடந்த 1999-ஆம் ஆண்டு பாகிஸ்தானுடனான கார்கில் போரில் இந்திய ராணுவம் சார்பில் கலந்து கொண்டார்.

சிம்லாவில் ராஜேஷ் இருந்த நிலையில் அவர் மனைவி உத்தரகாண்டில் இருந்தார். கணவரை பல நாட்களாக பார்க்காததால் ராஜேஷுக்கு அவர் மனைவி கடிதம் எழுதி அனுப்பியுள்ளார்.

கடிதமானது ராஜேஷுக்கு வந்து சேர்ந்த நிலையில் யுத்தம் சம்மந்தமான வேலையில் இருந்ததால் அவர் அதை பிரித்து படிக்கவில்லை.

யுத்தம் முடிந்தபின்னர் கடிதத்தை படிக்கலாம் என ராஜேஷ் நினைத்தார், ஆனால் துரதிஷ்டவசமாக ராஜேஷ் யுத்தத்தில் கொல்லப்பட்டார். இதன்பின்னர் ராஜேஷின் சடலம் ராணுவ உடையுடன் அவர் குடும்பத்தாருக்கு அனுப்பப்பட்டது.

அப்போது அவரின் சட்டை பாக்கெட்டில் மனைவி எழுதிய கடிதம் அப்படியே பிரிக்காத நிலையில் இருந்துள்ளது. இதை பார்த்து ராஜேஷ் மனைவி கதறி அழுதுள்ளார்.

இன்று கார்கில் போர் வெற்றி தினம் நினைவுகூறப்படும் நேரத்தில் இந்த சம்பவத்தை ஓய்வு பெற்ற ராணுவ அதிகாரி பிரிகடிர் குஷல் பகிர்ந்துள்ளார்.

கேரள மாநிலத்தில் பிரபாவதி என்ற தாய் தனது மகனை கொன்ற பொலிஸ் அதிகாரிகளுக்கு 13 ஆண்டுகள் போராடி தூக்குதண்டனை வாங்கிகொடுத்துள்ளார்.

திருவனந்தபுரத்தை சேர்ந்த பிரபாவதியின் ஒரே மகன் உதயக்குமார். உதயக்குமாருக்கு ஒரு வயது இருக்கும்போதே தந்தை மாரடைப்பால் இறந்துவிட்டதால், சிறு வயதில் இருந்த தனது மகனை கஷ்டப்பட்டு வளர்த்து வந்துள்ளார்.

உதயக்குமார் வளர்ந்தவுடன் கடை ஒன்றில் சுமை தூக்கும் தொழிலாளியாக வேலை பார்த்து வந்துள்ளார். இந்நிலையில், 2005 ஆம் ஆண்டு ஓணம் பண்டிகையின் போது தனக்கு கிடைத்த போனஸ் பணத்தை வைத்து அம்மாவுக்கு புடவை எடுக்க கடைக்கு சென்றுள்ளார்.

அப்போது, சந்தேக வழக்கில் உதயக்குமாரை காவல் நிலையத்துக்கு அழைத்து சென்ற பொலிசார், அங்கு வைத்து அவரிடம் இருந்த 4,000 ரூபாயை எடுத்துள்ளனர். இதனை திருப்பிதருமாறு உதயக்குமார் கேட்டபோது, பொலிசார் சேர்ந்து உதயக்குமாரை சித்ரவதை செய்து அடித்துள்ளனர்.

இதன்போது, உதயக்குமார் இறந்துவிட்டார், ஆனால் திடீரென மயங்கிவிழுந்துவிட்டதாக கூறி மருத்துவமனையில் சேர்த்துள்ளனர்.

பிரேத பரிசோதனை அறிக்கையில், உதயக்குமாரின் தொடையில் உருளையால் உருட்டியதில் ரத்த நாளங்கள் உடைந்து அவர் இறந்துவிட்டதாக தெரியவந்துள்ளது.

தனது மகனின் இறப்பிற்கு நியாயம் கிடைக்க வேண்டும் என பிரபாவதி குறித்த பொலிசார் மீது வழக்கு தொடர்ந்தார். இந்த வழக்கு விசாரணை சுமார் 13 ஆண்டுகள் நடைபெற்றது.

13 ஆண்டுகள் போராட்டத்துக்குப் பிறகு, உதயகுமாரை கொலை செய்த வழக்கில் காவல்துறை அதிகாரிகள் ஐந்து பேருக்கு தண்டனை வழங்கியுள்ளது சி.பி.ஐ நீதிமன்றம்.

பொலிஸ் அதிகாரிகள் ஜிதகுமார், ஸ்ரீகுமார் ஆகியோருக்கு தூக்குத்தண்டனை விதித்து தீர்ப்பளித்துள்ளது. பொலிஸ் அதிகாரி அஜித்குமார் மற்றும் முன்னாள் எஸ்.பி-க்கள் ஷாபு, ஹரிதாஸ் ஆகியோருக்கு மூன்று ஆண்டு சிறைத்தண்டனை மற்றும் ரூ.5,000 அபராதமும் விதிக்கப்பட்டுள்ளது.

இதுகுறித்து பிரபாவதி கூறியதாவது, ஒரு தாயின் போராட்டத்துக்கு வெற்றி கிடைத்திருக்கிறது. தவறு செய்த காவல் துறையினருக்கு மரண தண்டனை கிடைக்கும் என்று நான் நினைத்தேன். அதுபோன்றே தண்டனை கிடைத்துள்ளது. என் கண்ணீருக்கு விடை கிடைத்துள்ளது. இனி நான் அழமாட்டேன் என கூறியுள்ளார்.