தமிழகத்தில் காதலியின் வீட்டிற்குச் சென்ற பேஸ்புக் காதலன் திடீரென்று இறந்ததால் பெற்றோர் அதிர்ச்சியில் உள்ளனர்.

நாகப்பட்டினத்தைச் சேர்ந்தவர் தென்னவன்(24). திருச்சியில் உள்ள தனியார் கல்லூரியில் இன்ஜினியரிங் படித்து வரும் இவர், சென்னை பூந்தமல்லியில் உள்ள தனியார் கல்வி நிறுவனத்தில் ஐ.ஏ.எஸ் தேர்வுக்கு படித்து வந்துள்ளார்.

சென்னையைச் சேர்ந்தவர் கவிதா. சட்டக் கல்லூரியில் இரண்டாம் ஆண்டு படித்து வரும், இவரிடம் தென்னவன் பேஸ்புக் மூலம் அறிமுகமாகியுள்ளார். ஆரம்பத்தில் நண்பர்களாக இருந்தவர்கள், நாளைடைவில் காதலர்களாக மாறினர்.

கடந்த நவம்பர் மாதம் 2ம் திகதி கவிதாவிற்கு பிறந்தநாள் என்பதால் ஒரு விழா நடத்தப்பட்டுள்ளது. அந்த விழாவில் தென்னவன் பங்கேற்றுள்ளார். அப்போது தென்னவனை பெற்றோரிடம் கவிதா தன்னுடைய நண்பர் என்று அறிமுகப்படுத்தியுள்ளார்.

இதையடுத்து கடந்த 30-ஆம் திகதி கார்த்திகாவின் பெற்றோர், கேரளா மாநிலம் பாலக்காட்டுக்கு தாத்தாவின் துக்க நிகழ்ச்சிக்குச் சென்றுள்ளனர்.

கார்த்திகா மட்டும் வீட்டில் தனியாக இருப்பதை அறிந்த தென்னவன் அவரின் வீட்டிற்கு சென்று கார்த்திகா சமைத்து கொடுத்த பிரியாணியை விரும்பி சாப்பிட்டுள்ளார்.

பிரியாணியை சாப்பிட்டு முடித்த பின்பு தென்னவனுக்கு திடீரென்று வலிப்பு ஏற்பட்டுள்ளது. இதைக் கண்டு அதிர்ச்சியடைந்த கார்த்திகா, அவரிடம் பேசுவதற்குள் தென்னவன் மயங்கியுள்ளார்.

இதனால் கவிதா அருகில் இருப்பவர்களின் உதவியுடன் மருத்துவமனையில் தென்னவனை அனுமதித்துள்ளார். அவரை பரிசோதித்த மருத்துவர்கள் ஏற்கனவே இறந்துவிட்டதாக கூறியுள்ளனர்.

இந்த தகவல் பெற்றோருக்கு தெரிவிக்கப்பட்டதால், அவர்கள் அதிர்ச்சியடைந்தனர்.

மேலும் இந்த சம்பவம் குறித்து பொலிசாருக்கு உடனடியாக தெரிவிக்கப்பட்டதால், அவர்கள் தென்னவனை உடலை பிரேத பரிசோதனைக்கு அனுப்பியுள்ளனர்.

மேலும் தென்னவனின் தந்தை ரவிச்சந்திரன் காவல்நிலையத்தில் தன் மகனின் சாவில் மர்மம் இருப்பதாகவும் அது குறித்து விசாரணை நடத்த வேண்டும் என்றும் புகார் மனு அளித்துள்ளதாக கூறப்படுகிறது.

தமிழகத்தில் இளம் பெண்ணை மயக்க மருந்து கொடுத்து பாலியல் வன்கொடுமை செய்த மூன்று பேரை பொலிசார் கைது செய்துள்ளனர்.

தர்மபுரியை சேர்ந்தவர் கவிதா. கணவரால் கைவிடப்பட்டவரான இவரின் தந்தை இறந்துவிட்டார். தாயார் வாய் பேசமுடியாதவர். இந்நிலையில் தனது தாத்தாவிற்கு உடல்நிலை சரியில்லை என்று கூறி சேலம் அரசு மருத்துவமனைக்கு அழைத்துச் சென்றுள்ளார்.

அப்போது அந்த மருத்துவமனையில் இருந்த ரஞ்சித் என்ற இளைஞர் கவிதாவின் நடவடிக்கைகளை மேற்கொண்டுள்ளார். அதன் பின் அவரில் செல்போனிலிருந்து அவருக்கு தெரியாமல் இவருடைய போனிற்கு தொடர்பு கொண்டுள்ளார்.

அதன் பின் அவரிடம் பேச ஆரம்பித்த நண்பராகியுள்ளார். கணவரால் கைவிடப்பட்டவர் என்பதை அறிந்தவுடன் ரஞ்சித் நான் உங்களை திருமணம் செய்து கொள்கிறேன், பயப்படாதே என்று ஆசைவார்த்தைகள் எல்லாம் கூறியுள்ளார். இதைத் தொடர்ந்து தாத்தாவின் சிகிச்சை முடிந்ததால், கவிதா தர்மபுரிக்கு சென்றுள்ளார்.

தர்மபுரியில் இருந்த கவிதாவை தொடர்பு கொண்ட ரஞ்சித் சேலத்திற்கு வருமாறு அழைத்துள்ளான். அவர் வர மறுப்பு தெரிவித்த போதும்,

ஒரே ஒருமுறை நேரில் பார்க்க வேண்டும் எனக்கூறி அழைத்துள்ளான் ரஞ்சித். உடனே திரும்பி விடுவேன் என்று நிபந்தனை விதித்து வந்துள்ளார் கவிதா.

நேரில் வந்த அவரை அழைத்துக்கொண்டு பூங்கா, சுற்றுலாத்தளம் என சுற்றியுள்ளான் ரஞ்சித். இப்படியே இரவு ஆகும் வரை கவிதாவை அங்கும் இங்குமா பொய்களைக் கூறி அழைத்துக்கொண்டு சுற்றியுள்ளான். பின்னர் இரவு ஆன பின்பு பிறகு வீடு செல்ல வேண்டாம், இரவு தங்கிவிட்டு காலையில் செல்லுமாறு தெரிவித்துள்ளான்

தங்கும் விடுதியில் அறை எடுத்து தங்க வைத்த ரஞ்சித் அதன் பின் தன் நண்பர்கள் நபீஸ் மற்றும் நைவீன் மாலிக் ஆகியோருக்கு தொடர்பு கொண்டு குறித்த விடுதிக்கு வரும்படி அழைத்துள்ளான்.

அவர்கள் வந்த பின்பு தங்களுடைய ஆசைக்கு இணங்கும் படி ரஞ்சித் வற்புறுத்திய பின்பு தான் கவிதாவிற்கு புரிந்தது, இவன் தன்னை காதலிக்கவில்லை, தன் உடம்பை மட்டுமே அடைய இப்படி செய்துள்ளான் என்று, அவர்களின் ஆசைக்கு இணங்க மறுத்ததால், அவர்கள் உடனடியாக மதுவில் மயக்க மருந்தை கொடுத்து கவிதாவை கட்டாயாப்படுத்தி வாயில் மதுவை ஊற்றியுள்ளனர்.

மயங்கிய அவரை இந்த மூன்று பேரும் கூட்டாக வன்கொடுமை செய்துள்ளனர். இதையடுத்து கவிதா அடுத்த நாள் உடனடியாக காவல்நிலையத்தில் புகார் கொடுத்தால், பொலிசார் அவர்களை கைது செய்து விசாரணை மேற்கொண்டு வருகின்றனர்.

தமிழகத்தில் திருட்டுச் சம்பவத்தில் ஈடுபட்ட நபர் ஒருவர், தான் திருடவில்லை என்று தாமாக கூறியதால் பொலிசாரிடம் சிக்கிய சுவாரஸ்ய சம்பவம் நடந்துள்ளது.

சென்னை கோயம்பேட்டில், பூ வியாபாரம் செய்து வரும் மாரிமுத்து என்பவர் கடந்த 2ஆம் திகதி இரவு, காற்று வர வேண்டும் என்பதற்காக தனது வீட்டின் கதவை திறந்து வைத்து விட்டு தூங்கியுள்ளார். திறந்திருந்த வீட்டிற்குள் புகுந்த திருடர்கள், சத்தமில்லாமல் பீரோவில் இருந்த 15 சவரன் நகை மற்றும் 35 ஆயிரம் ரொக்கம் ஆகியவற்றை திருடிச் சென்றுள்ளனர். இதனைத் தொடர்ந்து, காலையில் கண் விழித்த மாரிமுத்து மற்றும் குடும்பத்தினர், திருடு போனதை அறிந்து அதிர்ச்சியடைந்துள்ளனர்.

இந்நிலையில், மண்ணடி பகுதியில் இரவில் இளைஞர் ஒருவர் சாலையில் நின்று கொண்டிருந்தார். அச்சமயம் அங்கு வந்த பொலிசார், சந்தேகத்தின் பேரில் குறித்த இளைஞரை விசாரித்துள்ளனர்.

அப்போது குறித்த இளைஞர் தாமாக முன் வந்து தான் திருடவில்லை என்று கூறியுள்ளார். மேலும், தன் உடைகளை சோதித்துக்கொள்ளுங்கள் என்று கூறி தனது உடைகளை கழற்றிக் காட்டியுள்ளார்.

இளைஞரின் செயல் பொலிசாருக்கு சந்தேகத்தை வலுக்கச் செய்தது. இதனைத் தொடர்ந்து, குறித்து இளைஞரை காவல் நிலையத்துக்கு அழைத்துச் சென்ற பொலிசார், அவரிடம் நடைத்திய கிடுக்குப்பிடி விசாரணையில், அவரின் பெயர் பவுல்ராஜ் என்றும், பூ வியாபாரி மாரிமுத்துவின் வீட்டில் நண்பருடன் சேர்ந்து அவர் திருடியதும் தெரிய வந்தது.

பின்னர், நகை மற்றும் பணத்தை பவுல்ராஜிடம் இருந்து பறிமுதல் செய்த பொலிசார், தப்பிய மற்றொரு இளைஞரை தேடி வருகின்றனர்.

மேலும், கோடை காலத்தில் காற்றுக்காக கதவை திறந்து வைத்துவிட்டு தூங்க வேண்டாம் என்று, சென்னை பொலிசார் பொதுமக்களுக்கு அறிவுறுத்தியுள்ளனர்.

கத்துவா சிறுமி சம்பவத்தையடுத்து தற்போது மற்றொரு சம்பவம் மக்கள் மத்தியில் அதிர்ச்சியை ஏற்படுத்தியுள்ளது. ஜார்க்கண்ட் மாநிலத்தின் Chatra மாவட்டத்தில் உள்ள Rajakendua என்ற கிராமத்தை சேர்ந்த 16 வயது சிறுமி பலாத்காரம் செய்யப்பட்டு எரித்து கொலை செய்யப்பட்டிருக்கிறார்.

சம்பவம் நடைபெற்ற அன்று, வீட்டில் இருந்த அனைவரும் திருமணத்திற்கு சென்றுவிட்டனர். வீட்டில் தனியாக இருந்த சிறுமியை 4 பேர் சேர்ந்து பலாத்காரம் செய்துள்ளனர்.

இதுகுறித்து குடும்பத்தினர் பஞ்சாயத்தில் புகார் அளித்ததையடுத்து, இதில் தொடர்புடைய குற்றவாளிகளுக்கு 150 தோப்புக்கரணம் மற்றும் பாதிக்கப்பட்ட குடும்பத்தினருக்கு 50,000 பணம் கொடுக்க வேண்டும் என உத்தரவிட்டப்பட்டது.

இந்த தீர்ப்பால் கோபமடைந்த குற்றவாளிகள், பஞ்சாயத்து முடிந்த பின்னர் சிறுமியின் வீட்டுக்கு சென்று, குடும்பத்து உறுப்பினர்களை அடித்து உதைத்ததோடு மட்டுமல்லாமல், குடும்பத்தினர் முன்னிலையிலேயே சிறுமியை தீவைத்து எரித்து கொலை செய்துள்ளனர்.

இந்த சம்பவத்தால் சோகத்தில் மூழ்கிய குடும்பத்தினர் இதுகுறித்து பொலிசில் புகார் அளித்தனர். இந்த சம்பவம் ஜார்க்கண்ட் மாநிலத்தில் அதிர்வலைகளை ஏற்படுத்தியுள்ளது.

மாவட்ட ஆட்சியர் ஜிதேந்திர சிங், ஒரு குற்றவாளி கைது செய்யப்பட்டு விசாரணைக்கு உட்படுத்தப்பட்டுள்ளார் என்றும் எஞ்சிய குற்றவாளிகள் தேடப்பட்டு வருகின்றனர் என்றும் கூறியுள்ளார்.

வட இந்திய மாநிலங்களில் பெண்கள் மற்றும் குழந்தைகள் அதிகமாக பாலியல் துன்புறுத்தல்களுக்கு ஆளாகி வருவது குறிப்பிடத்தக்கது.

இந்தியாவில் 9 வயது சிறுமியை பாலியல் வன்கொடுமை செய்த வழக்கில் குற்றவாளியான 60 வயது ரிக்ஷா டிரைவர் சுப்பையா தற்கொலை செய்து கொண்டுள்ளார்.

ஆந்திராவின் குண்டூரில் சமீபத்தில் 9 வயது சிறுமி பாலியல் வன்கொடுமை செய்யப்பட்ட சம்பவம் பரபரப்பை ஏற்படுத்தியது, குற்றவாளிக்கு எதிராக போராட்டங்கள் வெடித்தன.

நேற்று முதல் அசாதாரண சூழல் நிலவிய நிலையில், குற்றவாளியான சுப்பையா தூக்கிட்டு தற்கொலை செய்து கொண்டார். தனது மகனுக்கு போன் செய்த முதியவர், நான் என்ன காரியம் செய்துவிட்டேன், என்னால் உனக்கு அவமானம், நான் வாழவே தகுதியற்றவன் என கூறியபடியே போனை துண்டித்துள்ளார்.

குண்டூரிலிருந்து 15 கிலோமீற்றர் தொலைவில் மரத்தில் தொங்கிபடியே சடலமாக மீட்கப்பட்டுள்ளார்.

சென்னையில் மனைவியை கொன்றுவிட்டு மாரடைப்பால் இறந்ததாக நாடகமாடிய கணவனை பொலிசார் கைது செய்துள்ளனர். மதுரவாயல் கங்கையம்மன் நகர் 6வது தெருவில் வசித்து வரும தம்பதியினர் சீனிவாசன்- இந்திராணி. இவர்களுக்கு திருமணமாகி ஏழு ஆண்டுகள் ஆகியும் குழந்தை இல்லை. சீனிவாசன் பிளம்பராகவும், இந்திராணி அருகிலுள்ள கம்பெனியில் தையல் வேலையும் செய்து வருகிறார்கள்.

இந்நிலையில் நேற்று முன்தினம் இரவு வழக்கம் போல் வேலை முடிந்து இருவரும் வீட்டுக்கு வந்துள்ளனர். நள்ளிரவில் திடீரென அலறல் சத்தம் கேட்டு அக்கம்பக்கத்தினர் ஓடிவர இந்திராணி சடலமாக கிடந்துள்ளார், மாரடைப்பால் இறந்துவிட்டார் என சீனிவாசன் கூறியுள்ளார்.

ஆனால் இந்திராணியின் முகம், கழுத்தில் காயங்கள் இருப்பதை பார்த்த உறவினர்களுக்கு சந்தேகம் வலுத்தது.

எனவே மதுரவாயல் பொலிசிடம் புகார் செய்தனர், அத்துடன் இந்திராணியின் உடலை பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர்.

இதனை தொடர்ந்து பொலிசார் விசாரணை நடத்தியதில், சீனிவாசன் உண்மையை ஒப்புக்கொண்டார். மனைவியை கொன்றுவிட்டு நாடகமாடிய கணவன் : சிக்கியது எப்படி?வீட்டு வாடகை தருவது தொடர்பாக இருவருக்கும் பிரச்சனை வந்ததாகவும், குடிபோதையில் இருந்த சீனிவாசன் இந்திராணியை அடித்து உதைத்ததும் தெரியவந்தது.

கழுத்தை நெறித்ததில் இந்திராணி இறந்து விட்டதால், கொலையை மறைக்க நாடகமாடியதும் தெரியவந்தது.

இந்தியாவின் ராஜஸ்தான் மாநிலத்தில் இந்து பெண்ணை காதலித்த இஸ்லாமிய இளைஞரை பெண்ணின் தந்தை உள்ளிட்ட உறவினர்கள் கடத்தி சென்று அடித்து கொன்றுள்ளனர். ராஜஸ்தான் மாநிலத்தின் பிகானீர் மாவட்டத்தில் இந்த கொடூர சம்பவம் நடந்துள்ளது.

இப்பகுதியில் உள்ள இந்து குடும்பத்தை சேர்ந்த இளம்பெண் ஒருவரை இஸ்லாமியரான சைஃப் அலி கான்(22) காதலித்து வந்துள்ளார். இந்த விவகாரம் பெண்ணின் குடும்பத்தாருக்கு தெரிய வரவே அவசர அவசரமாக குறித்த பெண்ணுக்கு திருமண ஏற்பாடுகளை முன்னெடுத்துள்ளனர்.

திருமணத்திற்கு 2 வாரங்கள் உள்ள நிலையில் கடந்த செவ்வாய் அன்று குறித்த இளைஞரை கடத்தி சென்ற பெண்ணின் தந்தை உள்ளிட்ட உறவினர்கள் கொடூரமாக தாக்கி குற்றுயிராக கழிவு நீர் ஓடையில் விட்டுவிட்டு சென்றுள்ளனர்.

பொலிஸ் உதவியுடன் அங்கிருந்து மீட்டு மருத்துவமனையில் சேர்ப்பிக்கப்பட்ட நிலையில் சிகிச்சை பலனின்றி இளைஞர் சைஃப் அலி கான் உயிரிழந்துள்ளார்.

இதனிடையே சைஃப் அலி கானின் தந்தை, குறித்த காதல் விவகாரம் குறித்து மகனிடம் அறிவுரை கூறியதாகவும், பின்னர் இந்த உறவு தேவையில்லை எனக் கூறி எச்சரித்ததாகவும் ஆனால் அதற்கு ஒப்புக்கொள்ள மறுத்ததாகவும் தெரிய வந்துள்ளது.

குறித்த இளம்பெண்ணுக்கு திருமணம் ஏற்பாடுகள் நடைபெறுவதாக அறிந்த பின்னர் சைஃப் அலி கான் பெண்ணின் குடும்பத்தினருக்கு தொடர்ந்து தொல்லை கொடுத்து வந்துள்ளார்.

மட்டுமின்றி பெண்ணின் தந்தைக்கு பல முறை கொலை மிரட்டல் விடுத்ததாகவும் பொலிஸ் தரப்பு தெரிவித்துள்ளது.

இந்த கொலை விவகாரம் தொடர்பில் பெண்ணின் தந்தை விஜய், உறவினர் விஜேந்திரா ஆகியோரை கடந்த வியாழன் அன்று கொலை குற்றம் தொடர்பாக பொலிசார் கைது செய்துள்ளனர்.

இதனிடையே குறித்த இளம்பெண்ணை கடத்திச் சென்று விற்றுவிட முயற்சி மேற்கொள்வதாக அவரது தந்தையின் பேரில் பெண்ணின் தாயாரே புகார் ஒன்றை பொலிசாருக்கு புகார் அளித்து பின்னர் திரும்ப பெற்றுக் கொண்டுள்ளார்.

தற்போது இந்த விவகாரம் தொடர்பில் பொலிசார் விசாரணை மேற்கொண்டு வருகின்றனர்.