அரசியல் கைதியான ஆனந்தசுதாகரின் இரு பிள்ளைகளும் இன்று அவர்களது உறவினர்கள் சகிதம் வட மாகாண ஆளுநரை சந்தித்து தந்தையின் விடுதலை தொடர்பாக கலந்துரையாடியுள்ளனர்.

கொழும்பில் ஆளுநர் அலுவலகத்தில் இடம்பெற்ற இந்த சந்திப்பின் போது ஆனந்த சுதாகரின் இரு பிள்ளைகளுடன் விசன் அறக்கட்டளையின் தலைவர் மற்றும் உறவினர்கள் கலந்து கொண்டு நிலைமையை கூறியிருந்தனர்.

இதனை செவிமடுத்த வட மாகாண ஆளுநர் ரெஜினோல்ட் குரே இவ்விடயம் தொடர்பாக ஜனாபதியின் கவனத்திற்கு கொண்டு சென்று ஆவன செய்வதாக தெரிவித்துள்ளார் என குடும்ப உறுப்பினர்கள் தெரிவித்தனர்.

ஹுங்கம பிரதேசத்தில் கூர்மையான ஆயுதத்தில் தாக்கி தனது நண்பியை கொலை செய்த இளைஞன் பேருந்தில் குதித்து தற்கொலை செய்து கொண்டுள்ளார்.

இருவருக்கு இடையில் ஏற்பட்ட மோதல் நீண்ட தூரம் சென்றமையினால் இந்த சம்பவம் இடம்பெற்றுள்ளதாக பொலிஸார் தெரிவித்துள்ளனர்.

அதுபெலேன பிரதேசத்தை சேர்ந்த 16 வயதுடைய இளம் யுவதியே இவ்வாறு உயிரிழந்துள்ளார்.

கொலை செய்த அவரது நண்பர் மோட்டார் சைக்கிள் ஒன்றில் தப்பிச் சென்றதன் மாத்தறையில் இருந்து மொனராகலை நோக்கி பயணித்த தனியார் பேருந்தில் குதித்து தற்கொலை செய்து கொண்டுள்ளார்.

தற்கொலை செய்து கொண்ட இளைஞர் தங்காலை, ரத்ன பிரதேசத்தை சேர்ந்த 23 வயதுடைய ஒருவராகும்.

குழந்தைகள் பால்மா தவிர்ந்த ஏனைய அனைத்து பால்மாக்களின் விலைகளையும் அதிகரிக்கவாழ்க்கைச் செலவுகள் குழு அனுமதியளித்துள்ளது.

இதற்கமைய, ஒரு கிலோ கிராம் பால்மாவின் விலை 80 ரூபாவினால் அதிகரிக்க அனுமதிவழங்கப்பட்டுள்ளது. இந்த விலை அதிகரிப்பு தொடர்பான வர்த்தமானி அறிவித்தலை எதிர்காலத்தில் வெளியிடஉள்ளதாக நுகர்வோர் அதிகார சபை தெரிவித்துள்ளது.

உலக சந்தையில் பால்மாவின் விலை அதிகரித்துச் செல்வதன் காரணமாக இலங்கையில் அதன்விலையை அதிகரிக்க வேண்டும் என நுகர்வோர் அதிகார சபையிடம் பால்மாஇறக்குமதியாளர்கள் கோரியுள்ளன.

இதையடுத்து, குறித்த கோரிக்கையை வாழ்க்கைச் செலவுகள் தொடர்பான குழுவிடம் நுகர்வோர்அதிகார சபை முன்வைத்துள்ளது.

இதன்போது ஒரு கிலோ கிராம் பால்மாவின் விலையை 80 ரூபாவினால் அதிகரிக்கவாழ்க்கைச் செலவுகள் தொடர்பான குழு அனுமதி வழங்கி உள்ளதாக நுகர்வோர் அதிகார சபைதெரிவித்துள்ளது.

யாழ்ப்பாணத்தில் நடிகர் ஆர்யாவின் செயற்பாடு குறித்து பலரும் விசனம் வெளியிட்டுள்ளனர்.

யாழ்ப்பாணத்தில் படப்பிடிப்பில் ஈடுபட்டுள்ள ஆர்யா, யாழ். பொது நூலகத்தில் அத்துமீறிய நுழைந்ததாக தெரிவிக்கப்பட்டுள்ளது.

இதன் காரணமாக நூலகத்தின் வாசகர்கள் உள்ளிட்ட பலரும் குழப்பம் அடைந்துள்ளதாக அறிவிக்கப்பட்டுள்ளது.

நூலகத்தின் பணிகளுக்கு இடையூறு விளைவிக்காத வகையில் அதன் வெளிப்புறத்தில் படப்பிடிப்பு நடத்துவதற்கு அனுமதி வழங்கப்பட்டிருந்தது. எனினும் அதனை அத்துமீறி நூலகக் கட்டடத்தின் உள்ளே படப்பிடிப்பு நடத்தப்பட்டதாக யாழ். மாநகர சபை ஆணையாளர் க.ஜெயசீலன் தெரிவித்தார்.

படப்பிடிப்புக் குழுவினர் அத்துமீறி நடந்து கொண்டனர் என்று ஆணையாளர் தெரிவித்தபோதும், அங்கு பணியாற்றுவோர் படப்பிடிப்புக் குழுவினருக்கு ஆதரவாகச் செயற்பட்டுள்ளனர்.

இதன்போது வாசகர்கள் உள்ளே நுழைவதையும் சுற்றுலாத்துறையினர் நூலகத்தைப் பார்வையிடுவதையும் தடுத்து நிறுத்தப்பட்டுள்ளது. சுமார் அரை மணி நேரம் இந்தக் குழப்பம் நீடித்தது.

இதேவேளை, நடிகர் ஆர்யாவின் படப்பிடிப்பு பொது நூலகத்தில் நடைபெறுகிறது என்று கேள்விப்பட்ட அவரது ரசிகர்கள் சிலர் நூலகத்திற்கு வந்து அவருடன் ‘செல்பி’ எடுத்துக்கொண்டனர்.

நடிகர் ஆர்யாவுக்கு மணப்பெண் தேடும் எங்கவீட்டு மாப்பிள்ளை என்கிற தொலைக்காட்சித் தொடருக்கான படிப்பிடிப்பு இடம்பெற்றமை குறிப்பிடத்தக்கது.

மாகாணங்களின் ஆளுநர்களை அதிரடியாக இடமாற்றம் செய்துள்ள அரசு வரலாற்றில் முதல் தடவையாக தமிழர் ஒருவரை வடக்கு மாகாண ஆளுநராக நியமிக்கத் தீர்மானித்துள்ளதாக கொழும்பு ஊடகமொன்று செய்தி வெளியிட்டுள்ளது.

அத்துடன், மேல்மாகாண ஆளுநராக கடமையாற்றிய கே.சி.லோகேஸ்வரனே வடக்கு மாகாண ஆளுநராக நியமிக்கப்படவுள்ளதாகவும் அந்த செய்தியில் தெரிவிக்கப்பட்டுள்ளது.

ஜனாதிபதி மைத்திரிபால சிறிசேன பாகிஸ்தானுக்கான உத்தியோகபூர்வ விஜயத்தை மேற்கொள்ள முன்னர் அனைத்து மாகாணங்களின் ஆளுநர்களையும் கொழும்பில் சந்தித்துப் பேசியுள்ளார்.

ஆளுநரொருவரின் சேவைக்காலம் ஒரே இடத்தில் மூன்று வருடங்கள் என வரையறுக்கப்பட்டுள்ளதால் தற்போது சேவையிலுள்ள அனைத்து ஆளுநர்களும் இடமாற்றப்படவுள்ளனர்.

இதன்படி சப்ரகமுவ மாகாண ஆளுநர் மார்ஷல் பெரேரா தென் மாகாண ஆளுநராகவும், மத்திய மாகாண ஆளுநர் நிலுக்கா ஏக்கநாயக்க சப்ரகமுவ மாகாண ஆளுநராகவும்,

தென்மாகாண ஆளுநர் ஹேமகுமார நாணயக்கார மேல்மாகாண ஆளுநராகவும், மேல்மாகாண ஆளுநர் கே.சி.லோகேஸ்வரன் வட மாகாண ஆளுநராகவும், வடமேல் மாகாண ஆளுநர் அமரா பியசீலி ரத்நாயக்க வட மத்திய மாகாண ஆளுநராகவும், வட மத்திய மாகாண ஆளுநர் பி.பீ.திசாநாயக்க வடமேல் மாகாண ஆளுநராகவும் இடமாற்றப்பட்டு நியமிக்கப்படவுள்ளனர்.

அதேவேளை, ஊவா மற்றும் கிழக்கு மாகாண ஆளுநர்கள் இடமாற்றம் செய்யப்படமாட்டார்கள் என்று அறியமுடிந்தது.

-தமிழ்வின்-

கடந்த உள்ளூராட்சி சபை தேர்தல் முடிவுகளுக்கு அமைய பாடசாலை மாணவி ஒருவர் பிரதேச சபை உறுப்பினராக தெரிவு செய்யப்பட்டுள்ளார்.

நாத்தாண்டிய – குடாவெவ பிரதேசத்தை சேர்ந்த சுபா தென்னகோன் என்ற 18 வயதான பாடசாலை மாணவியே இவ்வாறு பிரதேச சபை உறுப்பினராக தெரிவு செய்யப்பட்டுள்ளார்.

நாத்தாண்டிய தம்மிஸ்ஸர தேசிய பாடசாலையில் உயர்தர வகுப்பில் விஞ்ஞாப் பிரிவில் கல்வி கற்று வரும் குறித்த மாணவி எதிர்வரும் ஆகஸ்ட் மாதம் நடைபெறவுள்ள உயர்தரப் பரீட்சையிலும் தோற்றவுள்ளார்.

சுபா தென்னகோன் ஐக்கிய தேசியக் கட்சியின் சார்பில் போட்டியிட்டு நாத்தாண்டிய பிரதேச சபைக்கு தெரிவாகியுள்ளார்.

இந்த தேர்தலில் முதல் முறையாக வாக்களிக்க தகுதி பெற்றிருந்த அவர் தனது வாக்கை தனக்கே அளிக்கும் வாய்ப்பையும் பெற்றிந்தமை விசேட அம்சமாகும்

தமிழகத்தில் காணாமல் இலங்கை பெண்ணொருவர் புதுடில்லியில் உயிரிழந்துள்தாக இந்திய ஊடகங்கள் தகவல் வெளியிட்டுள்ளன.

தமிழ்நாடு – பெரம்பலூர் அதிகளில் முகாமில் இருந்து காணாமல் போன இலங்கைப் பெண்ணான 24 வயது ரம்யா என்பவரே இவ்வாறு உயிரிழந்துள்ளார்.

கடந்த ஜனவரி மாதம் 9ம் திகதி முதல் ரம்யா காணாமல் போயிருந்தார். இந்நிலையில் கடந்த செவ்வாய்க்கிழமை டெல்லியில் இடம்பெற்ற விபத்து ஒன்றில் உயிரிழந்துள்ளதாக அறிவிக்கப்பட்டுள்ளது.

விபத்தை அடுத்து மேற்கொண்ட விசாரணைகளின் படியே குறித்தப் பெண் பெரம்பலூர் முகாமைச் சேர்ந்தவர் என்பதும், அவர் காணாமல் போய் இருப்பதாக முறைப்பாடு பதிவாகி இருக்கின்றமையும் டெல்லி பொலிஸாருக்கு தெரியவந்துள்ளது.

தமிழகத்திலிருந்து ரம்யா ஏன் புதுடில்லி சென்றார் என்பது குறித்து டெல்லி பொலிஸாரல் விசாரணைகளை முன்னெடுத்துள்ளனர்.

ரம்யாவின் காதலன் இலங்கையில் இருந்து சட்டவிரோத படகு மூலம் அவுஸ்திரேலியா சென்றுள்ளார்.

அவரை சந்திக்க ரம்யா முடிவு செய்து இதற்காக அகதிகள் முகாமில் இருந்து வெளியேறி சென்னை சென்றுள்ளார்.

அங்கு ஒரு முகவர் மூலம் தனது பெயரை ஸ்ரீமதி ஹமீரா என மாற்றி போலியாக கடவுச்சீட்டு எடுக்க முயற்சித்துள்ளார். பின்னர், டெல்லி சென்று அங்கிருந்து அவுஸ்திரேலியா செல்லவும் தயாராகி இருக்கிறார்.

இந்நிலையில், டெல்லியில் காரில் சென்று கொண்டிருந்த போதுதான் விபத்தில் சிக்கி பலியாகியுள்ளார்.

இந்த சம்பவம் குறித்து கன்னியாகுமரி பொலிஸார் வழக்குப்பதிவு செய்து தொடர்ந்து விசாரணை நடத்தி வருவதாக இந்திய ஊடகங்கள் தகவல் வெளியிட்டுள்ளன.