கள்ளக்காதலியின் மகனை கொலை செய்த நபர் பொலிஸ் விசாரணையில் பரபரப்பு வாக்குமூலம் அளித்துள்ளார்.

சென்னை நெசப்பாக்கத்தை சேர்ந்த கார்த்திகேயன் என்பவரது மனைவி மஞ்சுளா. தம்பதிக்கு ரித்தீஷ் சாய் (9) என்ற மகன் இருந்தான்.

மஞ்சுளாவுக்கு நாகராஜ் என்பவருடன் கள்ளக்காதல் இருந்த நிலையில், இருவரும் பலமுறை தனிமையில் சந்தித்து உல்லாசம் அனுபவித்து வந்துள்ளனர்.

இதுகுறித்து அறிந்த கார்த்திகேயன் பொலிசில் புகார் அளிக்க பொலிசார் நாகராஜை கைது செய்தனர். பின்னர் சிறையிலிருந்து வெளியில் வந்த நாகராஜ் கார்த்திகேயனை பழிவாங்க திட்டமிட்டார்.

இதையடுத்து நேற்று முன்தினம் இரவு டியூஷனில் இருந்த ரித்திஷை கடத்தி சென்றுள்ளார் நாகராஜ்.

பின்னர் சேலையூரில் உள்ள தனது வீட்டில் ரித்தீஷை கொடூரமாக கொலை செய்துள்ளார்.

இதையடுத்து பொலிசார் நாகராஜை கைது செய்தனர். அவர் பொலிசில் அளித்துள்ள வாக்குமூலத்தில், காலியாக இருந்த பீர் பாட்டிலை உடைத்து ரித்தீஷை கீழே தள்ளி, அவனது கழுத்தை அறுத்ததாக தெரிவித்துள்ளார்.

ஆனாலும் ரித்தீஷின் கழுத்து அறுபடாத நிலையில், அவன் மாமா.. மாமா என்னை விட்டுவிடுங்கள் என்று கெஞ்சியுள்ளான்.

அவனை விடாத நாகராஜ் அருகில் கிடந்த இரும்பு கம்பியால் ரித்தீஷ் தலையில் ஓங்கி அடித்து தீர்த்து கட்டியதாக வாக்குமூலம் அளித்துள்ளார். நாகராஜின் கொடூர செயல் பொலிசாரை அதிர்ச்சியில் ஆழ்த்தியுள்ளது

சென்னையில் திருமணமான ஆறு மாதத்தில் கர்ப்பிணி பெண் தூக்கிட்டு தற்கொலை செய்து கொண்டது அதிர்ச்சியை ஏற்படுத்தியுள்ளது.

ராயபுரத்தை சேர்ந்த கப்பல் மாலுமி பிரேம்குமாருக்கும், காசிமேட்டை சேர்ந்த அனிதாவுக்கும் கடந்த செப்டம்பர் மாதம் திருமணம் நடந்தது.

தற்போது அனிதா கர்ப்பமாக இருக்கும் நிலையில் 15 நாட்களுக்கு முன்பு கணவருடன் அவருக்கு கருத்து வேறுபாடு ஏற்பட்டுள்ளது.

இதையடுத்து பிரேம்குமார் மும்பை சென்றுள்ளார். அங்கிருந்து நேற்று அனிதாவுடன் செல்போனில் பேசிய அவர் தகாத முறையில் அவரை திட்டியதாக கூறப்படுகிறது.

இதனால் மனமுடைந்த அனிதா வீட்டில் தூக்கிட்டுத் தற்கொலை செய்து கொண்டார்.

தகவலறிந்த பொலிசார் அனிதாவின் சடலத்தை கைப்பற்றி விட்டு சம்பவம் குறித்து விசாரித்து வருகிறார்கள்.

தமிழ்நாட்டில் மாணவர் ஒருவர் கல்லூரி பிடிக்காத காரணத்தால், தனது தந்தைக்கு கடிதம் எழுதி வைத்துவிட்டு, தூக்குப்போட்டு தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது.

விழுப்புரம் மாவட்டம், சங்கராபுரம் அருகேயுள்ள புதுப்பட்டு கிராமத்தைச் சேர்ந்தவர் தாமரைச் செல்வன். இவர், திருச்சி மாவட்டம் புத்தனாம்பட்டி கிராமத்தில், நேரு நினைவு கலை அறிவியல் கல்லூரியில் வணிகவியல் படித்து வந்துள்ளார்.

இந்நிலையில், தாமரைச் செல்வன் தான் தங்கியிருந்த விடுதியில் தூக்கு போட்டு தற்கொலை செய்துகொண்டுள்ளார். அவரின் அறையில் கிடைத்த கடிதம் ஒன்றில், வாழ்க்கை என்ற தண்டவாளத்தை கடக்கத் தெரிந்தவன் வாழ்கிறான். கடக்கத் தெரியாதவன் என்னைப்போல் சாகிறான்.

எங்க அப்பாவுக்கு கஷ்டம் கொடுக்கக் கூடாது என்றுதான், கல்லூரி எப்படி இருந்தாலும் பரவாயில்லை, கட்டணம் குறைவாக உள்ளது என்ற ஒரே காரணத்துக்காக இந்தக் கல்லூரியில் சேர்ந்தேன்.

கல்லூரியில் சேர்ந்த முதல் நாளே, என்னுடைய வணிகவியல்துறை எங்கு என்று கேட்டபோது, கல்லூரிக்கு வெளியேதான் அந்தத் துறையின் கட்டடம் கட்டப்பட்டுள்ளது என்றார்கள். அதில் இருந்தே நான் வெறுத்துவிட்டேன்.

மேலும், இங்கு இருக்கும் சுற்றுப்புறச் சூழல் சரியாக இல்லை. என்னால் படிக்க முடியவில்லை என்று என்னுடைய அப்பாவிடம் எப்படிச் சொல்வது என தெரியவில்லை. இதற்கு மேலும் நான் இங்கு இருப்பதில் எனக்கு விருப்பமில்லை.

அதனால்தான், எங்க அப்பாவுக்கு எந்தவித தொந்தரவும் கொடுக்கக்கூடாது என இந்த முடிவை எடுக்கிறேன் என கடிதத்தில் குறிப்பிடப்பட்டுள்ளது. மாணவரின் தற்கொலை குறித்து அவரின் பெற்றோருக்கு தகவல் தெரிவிக்கப்பட்டது.

இச்சம்பவம் தொடர்பாக, வழக்குப்பதிவு செய்து விசாரணை நடத்தி வரும் பொலிசார், மாணவரின் உடலை பிரேதப் பரிசோதனைக்காக அனுப்பி வைத்துள்ளனர். மேலும், தாமரையுடன் கல்லூரியில் படிக்கும் மாணவர்களிடமும், தீவிர விசாரணை நடத்தி வருகின்றனர்.

கர்நாடகா மாநிலத்தில் வேறு சமூகத்தை சேர்ந்த இளைஞரை காதலிப்பதாக கூறி பெற்ற மகளுக்கு விஷம் தந்து பெற்றோரே கொலை செய்துள்ள சம்பவம் கொந்தளிப்பை ஏற்படுத்தியுள்ளது.

கர்நாடக மாநிலத்தில் உள்ள கொல்லனபீடு கிராமத்தில் இந்த கொடூர சம்பவம் நடந்துள்ளது. இங்கு குடியிருக்கும் குமார் கவுடா என்பவரின் மகள் சுஷ்மா, வேறு சமுதாயத்தில் இளைஞர் ஒருவருடன் நெருக்கமாக பழகி வந்துள்ளார்.

இது கவுடா குடும்பத்தினரை ஆத்திரத்தில் ஆழ்த்தியுள்ளது. இந்த நிலையில் பல முறை தனது மகளிடம் எடுத்துக் கூறியும், அவர் தமது காதலை விட்டுத்தர மறுத்துள்ளார்.

இந்த நிலையில் கடந்த ஆண்டு டிசம்பர் மாதம் பஞ்சாயத்தாரை கூட்டிய குமார் கவுடா, தமது மகளுக்கு புத்திமதி சொல்ல கோரியுள்ளார். ஆனால் அதிலும் இளம்பெண் சுஷ்மா ஒப்புக் கொள்ள மறுத்துள்ளார்.

இதனால் மேலும் ஆத்திரம் அடைந்த கவுடா குடும்பத்தினர், சுஷ்மாவை மாண்டியா பகுதியில் அமைந்துள்ள அவரது உறவினர் வீட்டுக்கு அனுப்பி வைத்துள்ளனர்.

தொடர்ந்து 3 முறையாக குமார் கவுடா தமது குடும்பத்தாருக்கு இணக்கமான இளைஞர் ஒருவரை மகளுக்கு திருமணம் செய்து வைக்கும் பொருட்டு முயற்சி செய்துள்ளார்.

மூன்று முறையும் சுஷ்மா மறுப்பு தெரிவித்தது கவுடா குடும்பத்தாரை கோபத்தில் தள்ளியது. இந்த நிலையில் கடந்த மாதம் 20 ஆம் திகதி திருமண பேச்சு ஏதும் எடுக்காமல் மகளை வீட்டுக்கு வருமாறு அழைப்பு விடுத்துள்ளார் குமார் கவுடா. வீட்டில் வந்த சுஷ்மாவிடம் குடும்ப நிலை தொடர்பில் விவாதித்துள்ளனர்.

அப்போது சுஷ்மாவின் தாயார் பழச்சாறு ஒன்றை சுஷ்மாவுக்கு அளித்துள்ளார். அதை சுவைத்த அவர், சந்தேகத்தில் அது தமக்கு வேண்டாம் என மறுத்துள்ளார்.

ஆனால், குமார் கவுடா, அவரது மனைவி மற்றும் உறவினர் கெம்பண்ண ஆகியோர் சேர்ந்து வலுக்கட்டாயமாக விஷம் கலந்த அந்த பழச்சாறை சுஷ்மாவுக்கு அளித்துள்ளனர்.

இரவு பத்தரை மணியளவில் விஷம் தரப்பட்ட சுஷ்மா அதிகாலை 4 மணியளவில் உயிரிழந்துள்ளார்.

இந்த 6 மணி நேரத்திலும் சுஷ்மா உயிருக்கு போராடியதை குமார் கவுடாவும் அவரது மனைவியும் வேடிக்கை பார்த்தபடியே இருந்துள்ளனர்.

பின்னர் தமது மகள் இறந்ததை உறுதி செய்த குமார் கவுடா, தமது உறவினர் கெம்பண்ணாவுடன் இணைந்து அதிகாலை 5 மணியளவில் உடலை எரியூட்டியுள்ளனர்.

இந்த விவகாரம் தொடர்பில் குறித்த கிராமத்தில் பரவலாக பேசப்படவே, பொலிசார் விசாரணை செய்துள்ளனர். இதில் குமார் கவுடா தமது குற்றத்தை ஒப்புக்கொண்டுள்ளார்.

தற்போது இந்த கொலைக்கு உடந்தையாக செயல்பட்ட சுஷ்மாவின் தாயார் ஜயந்தி மற்றும் உறவினர் கெம்பண்ண ஆகியோரை பொலிசார் தேடி வருகின்றனர்.

தமிழகத்தில் சுடுகாட்டில் வேலை செய்து வரும் திருநங்கை ஒருவர் மனிதர்களை பார்த்தால் பயமாக இருக்கிறது என்று தெரிவித்துள்ளார்.

கோயமுத்தூர் மாவட்டம் சொக்கம் புதுார் மயானத்தில் வேலை செய்து வருபவர் அட்சயா(21). திருநங்கையான இவர் ஒன்பதாம் வகுப்பு படிக்கின்றபோது, தன்னுடன் ஏற்படும் மாற்றத்தை கண்டு, அதன் பின் திருநங்கையானதை உறுதிபடுத்திக் கொண்டார்.

இவர் திருநங்கையானதால், பள்ளியில் உள்ளவர்கள் கிண்டல் செய்ய, ஆசிரியர்களும் ஒரு ஏளமனமாய பார்த்ததால் பள்ளிப் படிப்பை அப்போதே நிறுத்திவிட்டார்.

திருநங்கை என்பதால், தங்களுக்கு குடும்ப கெளரவம் தான் பெரிது என்று கூறி, அவரை சொல்லாத வார்த்தைகளால் சொல்லி பெற்றோர் மற்றும் சகோதரர்கள் சொந்த வீட்டிலேயே தனியாக தூங்க வைத்துள்ளனர்.

அவர் காது படும் படியே இறந்து போக வேண்டிதானே என்று கூறியுள்ளனர். இதனால் முடிவெடித்த இவர் தற்கொலைக்கு முயன்றுள்ளார். ஆனால் அதுவும் தோல்வியில் முடிய, இறுதியாக வீட்டை விட்டு வெளியே வந்தார்.

வெளியே வந்த அவர் பசியை போக்குவதற்காக வேலை கேட்ட போது, அவர்கள் அனைவரும் முதலில் உடலில் இருக்கும் பசியை நீக்கும் படி கூறியுள்ளனர்.

இப்படி சதைக்காக ஆசைப்படும் கொடூர மனிதர்களைக் கண்டு பயந்து சுடுகாட்டில் தஞ்சமடைந்துள்ளார். அங்கேயும் சிலர் குடித்துவிட்டு இவரை விரட்டியுள்ளனர். அப்போது வைரமணி என்ற பெண் காப்பாற்றியுள்ளார்.

இதையடுத்து சுடுகாட்டிற்கு வரும் பிணங்களை எரிப்பதும்,புதைப்பதுமான வேலை செய்து வந்த வைரமணியுடன், அட்சயா உதவியாக இருந்துள்ளார்.

தொடர்ந்து அவருடன் இருந்து வந்தால் இரண்டு வரு அனுபவத்திற்கு பிறகு தற்போது அவரே தனியாக சுடுகாட்டிற்கு வரக்கூடிய பிணங்களை எரிக்கவும் புதைக்கவும் செய்கிறார்.

இது குறித்து அட்சயா கூறுகையில், எந்த நேரத்தில் பிணம் வந்தாலும் எரிப்பதற்கு தயராக இருப்பேன்.பிணத்தைக் கண்டு நான் எப்போதுமே பயந்தது இல்லை, எனது பயம் அனைத்தும் என்னை வேட்டையாட துடிக்கும் மனிதர்களைப் பார்த்துதான் என்று கூறியுள்ளார்.