சீனாவில் மனைவி மற்றும் குழந்தை முன்னே கணவர் ஒருவர் புலியிடம் சிக்கி இறந்திருக்கும் சம்பவம் பெரும் சோகத்தை ஏற்படுத்தியுள்ளது.

சீனாவின் Zhejiang மாகாணத்தில் உள்ள Ningbo பகுதியில் Youngor Zoo என்ற பூங்கா உள்ளது. இங்கு Zhang என்ற நபர் தன்னுடைய நண்பர்கள், மனைவி மற்றும் குழந்தையுடன் வந்துள்ளார்.

அப்போது அவர் பூங்காவை சுற்றிப் பார்த்துக் கொண்டிருந்த போது, எதிர்பாரதவிமாக அங்கிருக்கும் சிபிரியன் வகை புலியிடம் சிக்கியுள்ளார்.

இதனால் நிலைதடுமாறிய அவர், அந்த புலியிடமிருந்து தப்பிப்பதற்கு போராடினார். இதைக் கண்ட அங்கிருந்த ஊழியர்கள் பட்டாசு வெடித்து புலியை விரட்ட முயற்சித்தனர்.

ஆனால் முதலிலே அவரின் கழுத்தை கடித்துவிட்டதால், உயிருக்க போராடிய அந்த நபர் புலியிடமிருந்து காப்பாற்றப்பட்டு மருத்துவமனையில் அனுமதிக்கப்பட்டார்.

அங்கு சிகிச்சை பலனின்றி பரிதாபமாக உயிரிழந்துள்ளார். இது தொடர்பான வீடியோவை அங்கிருக்கும் நபர்கள் வீடியோவாக எடுத்து சமூகவலைத்தளங்களில் பதிவேற்றம் செய்தனர். பார்ப்பதற்கு மிகவும் கொடூரமாக இருந்ததால், அந்த வீடியோ உடனடியாக நீக்கப்பட்டதாக தெரிவிக்கப்பட்டுள்ளது.

சிரியாவில் நடக்கும் போர் குறித்து புகைப்படக்காரர் முகமது பத்ரா அதிர்ச்சியளிக்கும் நிலவரங்களை தெரிவித்துள்ளார்.

சிரியாவில் நடந்து வரும் ராணுவ தாக்குதலினால், கடந்த 10 நாட்களில் மட்டும் இதுவரை 800 பேர் உயிரிழந்துள்ளனர். சிரியாவில் நடைபெற்று வரும் இந்த போரின் புகைப்படங்களில் பெரும்பாலானவற்றை, முகமது பத்ரா எனும் புகைப்படக்காரர் எடுத்துள்ளார்.

முகமது பத்ரா பத்திரிக்கையாளர்களுக்கு பேட்டி அளிக்கையில், இங்கு ரசாயன குண்டுகள் அதிகமாக வீசப்படுகின்றது, உடலில் எந்த காயமும் இல்லாமல் வருவார்கள், ஆனால், 10 நிமிடத்தில் இறந்து விடுவார்கள்.

அங்கு மோசமான வாசனை ஒன்று வீசும், குளியல் அறையை குளோரின் போட்டு கழுவியபின் வரக்கூடிய வாசனை. அவர்கள் குளோரின் குண்டுகளை பயன்படுத்துகிறார்கள், பிறரிடம் இருந்து வரும் அந்த வாசனையே என்னை வேலை செய்ய விடவில்லை.

அப்படி இருக்கும்போது, அதனால் பாதிக்கப்பட்டவர்கள் எப்படி கஷ்டப்பட்டு இருப்பார்கள். எல்லா நாடுகளும் பெரிய குற்றம் செய்கிறார்கள். இதில் எல்லோருக்கும் பெரிய பங்கு இருக்கிறது, அமைதியாக இருக்கும் மக்களுக்கும் பெரிய பங்கு இருக்கிறது.

இங்கு, குழந்தைகள் தான் அதிகமாக செத்து மடிகிறார்கள். நான் உள்ளே நுழைந்த போது அங்கு, மூன்று குழந்தைகள் மூச்சு வாங்க முடியாமல் கஷ்டப்பட்டுக் கொண்டு இருந்தார்கள்.

எனக்கு அருகில்தான் அவர்கள் உட்கார்ந்து இருந்தார்கள், என் கண் முன்னே அதில் ஒரு குழந்தை மரணம் அடைந்தது, அந்த கடைசி மூச்சுக்காற்றை என்னால் எப்போதும் மறக்க முடியாது’ என தெரிவித்துள்ளார்.

 
ஐரோப்பாவில் வரலாறு காணாத பனிப்பொழிவு மற்றும் குளிர் காரணமாக இதுவரை 24 பேர் உயிரிழந்துள்ளனர்.

போலந்தில் 9 பேரும், பிரான்சில் 4 பேரும், லிதுவேனியாவில் 5 பேரும், செக் குடியரசில் 3 பேரும், ருமேனியாவில் இரண்டு பேரும், இத்தாலியில் ஒருவரும் உயிரிழந்துள்ளனர்.

இறந்தவர்களில் பெரும்பான்மையோர் சாலையோரம் வசிப்பவர்கள் என்பதால் அவர்களுக்கு தற்காலிக தங்குமிடங்கள் ஏற்பாடு செய்யப்பட்டுவருகின்றன.

ஸ்பெய்னிலிலுள்ள Bilbao, Barcelona, Santander மற்றும் San Sebastian ஆகிய நகரங்களில் நேற்று கடுமையான பனிப்பொழிவு நிலவியதால் வானிலை எச்சரிக்கை விடுக்கப்பட்டது.

Catalonia மற்றும் Canary Islands பகுதிகளில் பள்ளிகளுக்கான போக்குவரத்து ரத்து செய்யப்பட்டுள்ளது. ஐரோப்பா முழுவதும் அவசர உதவிக் குழுக்களை ஏற்பாடு செய்துள்ள செஞ்சிலுவைச் சங்கம் அக்கம்பக்கத்தவர்கள் மற்றும் உறவினர்களை கவனித்துக் கொள்ளுமாறு வேண்டுகோள் விடுத்துள்ளது.

சுமார் 60 விமான சேவைகளை British Airways ரத்து செய்துள்ளது. இத்தாலியில் பல பள்ளிகளும் குழந்தைகள் காப்பகங்களும் மூடப்பட்டுள்ளன.

நேபிள்ஸ் இல் விமான நிலையம் மூடப்பட்டது. பேருந்து சேவைகள் நிறுத்தப்பட்டன. ஹீட்டர்களின் பயன்பாடு அதிகமானதால், ஐரோப்பாவிற்கு பெருமளவில் எரிவாயு வழங்கும் Gazprom என்னும் ரஷ்யாவின் பிரதான எரிவாயு நிறுவனம் கடந்த ஆறு நாட்களில் வரலாறு காணாத அளவில் 667 மில்லியன் கன மீற்றர்கள் எரிவாயுவை ஐரோப்பாவிற்கு ஏற்றுமதி செய்துள்ளதாக தெரிவித்துள்ளது.

பிரான்ஸ் நாடாளுமன்ற உறுப்பினரான Laetitia Avia என்பவருக்கு அனுப்பப்பட்ட கொலை மிரட்டல் கடிதம் அதிர்வலைகளை ஏற்படுத்தியுள்ளது.

Laetitia Avia, பிரான்ஸ் ஜனாதிபதி இம்மானுவேல் மேக்ரோனின் En Marche movement அமைப்பின் உறுப்பினர் ஆவார். இவருக்கு அனுப்பப்பட்ட கடிதத்தில், “ஆப்பிரிக்காவைச் சேர்ந்த ஒரு தடித்த கருப்பு பன்றியை பிரான்சு மக்களிடையே வாழ அனுமதிக்க மாட்டோம்” என்றும், ”உன் முகம் பார்ப்பதற்கு அருவருப்பாக உள்ளது, பிரான்சின் பணத்தை வீணாக்குவதற்காகவே இங்கு வாழும் உன் போன்றவர்கள் பேசாமல் ஆப்பிரிக்க மக்களுக்கு சேவை செய்யப் போகலாம்” என்றும் எழுதப்பட்டிருந்தது.

இக்கடிதம் குறித்து Laetitia Avia முறைப்படி புகாரளித்துள்ளார். அவருக்கு வந்த இந்த கடிதத்திற்கு பலரும் கண்டனங்களைத் தெரிவித்து வருகின்றனர்.

உள்துறை அமைச்சரான Gérard Collomb “இது ஒரு மோசமான இன வெறுப்புத் தாக்குதல்” என்று தெரிவித்துள்ளார். பிரான்சின் பாலின சமத்துவத்துறை அமைச்சரான Marlène Schiappa, இது ஏற்றுக்கொள்ள முடியாத இன வெறுப்பு மற்றும் பாலியல் ரீதியான தாக்குதல் என்று தெரிவித்துள்ளார்.

Laetitia Avia தனக்கு ஆதரவாகக் குரல் கொடுத்தவர்களுக்கு ட்விட்டரில் நன்றி தெரிவித்துக் கொண்டுள்ளார்.

கடந்த ஆண்டும் இதேபோல் Sacha Houlié என்னும் நாடாளுமன்ற உறுப்பினருக்கு மிரட்டல் விடுக்கப்பட்டது குறிப்பிடத்தக்கது.

உலகளவில் போர் நடைபெறும் பகுதிகளில் ஆறுக்கு ஒரு குழந்தை வாழ்ந்து வருவதாக தன்னார்வ அமைப்பு ஒன்று வெளியிட்டுள்ள புதிய அறிக்கையில் தெரிய வந்துள்ளது.

போர் சூழலில் வாழுகின்ற குழந்தைகள், இதற்கு முன்னர் 20 ஆண்டுகளில் இல்லாத அளவுக்கு அதிக ஆபத்தில் வாழ்ந்து வருவதாகவும் அந்த அமைப்பு சுட்டிக்காட்டியுள்ளது.

சேவ் த சில்ரன் என்ற குழந்தைகள் நல அமைப்பு நடத்தியுள்ள புதிய ஆய்வில் 35 கோடியே 70 லட்சம் குழந்தைகள் போர் மண்டலத்தில் வாழ்ந்து கொண்டிருப்பதாகவும் கூறியுள்ளது.

கடந்த 1995ஆம் ஆண்டு 20 கோடி குழந்தைகளே போர் பகுதிகளில் வாழ்ந்து வந்ததாக குறித்த அறிக்கை சுட்டிக்காட்டியுள்ள நிலையில், தற்போது 75 சதவீத வளர்ச்சி ஏற்பட்டிருப்பதை இந்த தரவுகள் காட்டுகின்றன. இதில் சிரியா, ஆப்கானிஸ்தான் மற்றும் சோமாலியா நாடுகள் குழந்தைகளுக்கு மிகவும் ஆபத்தான நாடுகளாக பதிவாகியுள்ளன.

பொதுவாக, மத்திய கிழக்கு நாடுகளிலுள்ள குழந்தைகள் பெரும்பாலும் போர் நடைபெறும் இடங்களில் வாழ்ந்து வருகின்றனர். அங்கு வாழும் குழந்தைகளில் 5ல் இரண்டு பேர் போர் நடைபெறும் இடத்திலிருந்து 50 கிலோமீற்றர் தொலைவில் அல்லது மரண தாக்குதல் நடைபெறும் பிற இடங்களில் வாழ்கின்றனர்.

5ல் ஒருவர் போர் நடைபெறும் இடங்களில் வாழ்வதால் ஆபத்தான பகுதிகளில் ஆப்பிரிக்கா 2வது இடம் பெற்றுள்ளது.

உலகெங்கிலும் வாழும் பாதி குழந்தைகளில் அதாவது 16 கோடியே 50 ஆயிரம் பேர் போர் உருவாக அதிக ஆபத்துள்ள மண்டலங்களில் வாழ்வதாகவும் தெரிய வந்துள்ளது.