தமிழகத்தில் 6 வயது சிறுமியை 14 வயது சிறுவன் எரித்து கொன்றுள்ள சம்பவம் பரபரப்பை ஏற்படுத்தியுள்ளது.

தமிழகத்தின் தூத்துக்குடியில் எரிந்த நிலையில் சிவகாமி என்னும் 6 வயது பள்ளி சிறுமியின் பிரேதம் கிடைத்துள்ளது.

சிறுமி படுகொலை செய்யப்பட்டுள்ள சம்பவம் குறித்து பொலிசார் நடத்திய தீவிர விசாரணையில் பல திடுக்கிடும் தகவல்கள் வெளியாகியுள்ளது.

இதுகுறித்து பொலிசார் கூறுகையில், நேற்று முன்தினம் மாலை 3.30 மணியளவில் சிறுமி சிவகாமி பள்ளி முடிந்து வீட்டிற்கு நடந்து வந்து கொண்டிருந்தார். அப்போது அதே பள்ளியை சேர்ந்த 14 வயது சிறுவன் பின்தொடர்ந்து சென்றுள்ளான்.

வீட்டுக்குள் நுழைந்ததும் அத்துமீறி நடந்ததால் சிறுமி கத்தியுள்ளார், உடனடியாக பயந்து வெளியே ஓடிவிட்டான். சிறிது நேரம் கழித்து, மீண்டும் வந்த சிறுவன் சிறுமியின் கழுத்தை நெறித்து கொன்றுள்ளான். ஒன்றும் தெரியாதது போல் தனது வீட்டுக்கு சென்று, மண்ணெண்ணெய் எடுத்து வந்து சிறுமியை எரித்துள்ளான்.

வீட்டைப் பூட்டிவிட்டு, சிவகாமி படிக்கும் பள்ளிக்கு சென்று ஆசிரியரிடம் வீடு தீப்பிடித்து எரிவதாக தெரிவித்துள்ளான். இதனையடுத்து அக்கம்பக்கத்தினர் உடனடியாக தீயை அணைத்ததில் சிறுமி சடலமாக கிடப்பது தெரியவந்தது.

பொலிசார் விசாரணை நடத்தி தீ விபத்தில் சிறுமி இறந்துவிட்டதாக முதலில் வழக்குபதிவு செய்தனர்.

இதன்பின்னர் 6 வயது சிறுவன் நடந்த விபரங்களை கூற, 14 வயது சிறுவனை பிடித்து விசாரணை நடத்தியதில் உண்மை தெரியவந்தது. இந்த விவகாரம் அப்பகுதியில் பெரும் பதற்றத்தை ஏற்படுத்தியுள்ளது.

 
தமிழ்நாட்டில் இறுதி செலவுக்கு பணத்தை வைத்து விட்டு ஆதரவற்ற முதியவர் உயிரிழந்த சம்பவம் சோகத்தை ஏற்படுத்தியுள்ளது.

ராமநாதபுரம் மாவட்டத்தில் உள்ள வயல்வெளியில் முதியவர் ஒருவர் இறந்து கிடப்பதாக பொலிசாருக்கு தகவல் கிடைத்தது. சம்பவ இடத்துக்கு சென்ற பொலிசார் சடலத்தை கைப்பற்றி சோதனை செய்தார்கள். அப்போது முதியவர் உடல் அருகில் கடிதம் ஒன்று இருந்தது. அதில், நான் ஒரு அனாதை, எனது சொந்த ஊர் பட்டுக்கோட்டை. எனது இடுப்பில் 300 ரூபாய் உள்ளது அதை வைத்து என் சடலத்தை புதைத்து விடுங்கள் என முதியவர் எழுதியிருந்தார்.

இதையடுத்து முதியவரின் சடலத்தை பிரேதப் பரிசோதனைக்காக ராமநாதபுரம் மருத்துவமனைக்கு பொலிசார் எடுத்து சென்றனர். இச்சம்பவம் அந்த பகுதி மக்களை கண்கலங்க வைத்துள்ளது.

ஹைதராபாத் பள்ளி மாணவியால் பள்ளிக்கட்டணம் செலுத்த முடியாமல் போன நிலையில் அவமானம் தாங்காமல் தூக்கிட்டு தற்கொலை செய்து கொண்டுள்ளார்.

மல்கஞ்கிரி பகுதியில் உள்ள தனியார் பள்ளி ஒன்றில் 9ம் வகுப்பு படித்து வந்தவர் சாய் தீப்தி (14). தீப்தியின் பெற்றோர் 2000 ரூபாய் கல்வி கட்டணத்தை செலுத்தாததால் அவரை தெரிவு எழுத பள்ளி நிர்வாகம் அனுமதிக்கவில்லை. மேலும் வகுப்பிலிருந்து ஆசிரியர்களால் சக தோழிகள் முன் தீப்தி வெளியேற்றப்பட்டுள்ளார்.

இதையடுத்து பள்ளியிலிருந்து வீட்டுக்கு வந்த தீப்தி தனது தங்கையிடம் பள்ளியில் தனக்கு நேர்ந்த அவமானத்தை சொல்லி அழுதுள்ளார். இதையடுத்து நேற்று தனது வீட்டில் தீப்தி தூக்கிட்டு தற்கொலை செய்து கொண்டார்.

இது குறித்து பொலிசாருக்கு தகவல் தரப்பட்ட நிலையில் மாணவியின் சடலம் அருகில் கடிதம் ஒன்றை அவர்கள் கைப்பற்றினார்கள்.

அதில் என்னை மன்னித்து விடுங்கள் அம்மா, பள்ளியில் கட்டணம் செலுத்தாததால் என்னை தெரிவு எழுத அனுமதிக்கவில்லை என எழுதப்பட்டிருந்தது.

சம்பவம் தொடர்பாக பொலிசார் வழக்குப்பதிவு செய்து விசாரணை நடத்தி வருகிறார்கள்.

இந்தியாவில் காதல் கணவரின் குடும்பத் தொல்லையால் இளம்பெண் ஒருவர் தற்கொலை செய்து கொண்டுள்ளார்.

பஞ்சாப்பின் மொஹாலியை சேர்ந்த பெண் அவந்திகா(வயது 18), பெற்றோரின் எதிர்ப்பையும் மீறி ஹர்தீப் என்பவரை காதலித்து மணமுடித்தார்.

இந்நிலையில் சில நாட்களுக்கு முன்னர் அவந்திகா, தூக்கில் தொங்கிய நிலையில் சடலமாக மீட்கப்பட்டார்.

அவரது மாமியார் மதிய உணவு இடைவேளைக்காக வீட்டுக்கு வந்த போது அவந்திகாவின் அறை உள்பக்கமாக பூட்டப்பட்டிருந்தது.

நீண்டநேரம் ஆகியும் கதவை திறக்காததால், கதவை உடைத்து பார்த்த போது மின்விசிறியில் தூக்கில் தொங்கியபடி இருந்துள்ளார். உடனடியாக அக்கம்பக்கத்தினர் உதவியுடன் மருத்துவமனைக்கு கொண்டு சென்ற போது அவர் ஏற்கனவே இறந்துவிட்டதாக மருத்துவர்கள் கூறியுள்ளனர்.

இதனைத் தொடர்ந்து அவந்திகாவின் சடலத்தை மீட்ட பொலிசார் வீட்டை சோதனையிட்டதில், தற்கொலைக்கு முன் அவந்திகா எழுதிய கடிதம் கிடைத்துள்ளது.

அதில் காதல் வாழ்க்கை பற்றி கூறியுள்ள அவந்திகா, ஹர்தீப் தொடர்ந்து துன்புறுத்தி வந்ததாகவும் அதற்கு கணவரின் பெற்றோரும் உடந்தை கூறியுள்ளார். ஒருமுறை கருத்து வேறுபாட்டில் மாமனார் கழுத்தை நெறித்து துன்புறுத்தியதாகவும், கணவரிடம் முறையிட்டும் பலன் இல்லை எனவும் கூறியுள்ளார்.

இக்கடிதத்தை ஆதாரமாக கொண்டு பொலிசார் விசாரணை நடத்தி வரும் நிலையில், தலைமறைவான அவந்திகாவின் மாமனார் மற்றும் கணவரை வலைவீசி தேடி வருகின்றனர்.

இந்தியாவில் பக்கவாதத்தால் பாதிக்கப்பட்ட தாயை மகனே அடித்து கொன்ற சம்பவம் பெரும் சோகத்தை எற்படுத்தியுள்ளது.

ராஜஸ்தான் மாநிலம் ஷாஜஹான்புர் சேர்ந்த 82 வயது மதிக்கத்தக்க மூதாட்டி பக்கவாத நோயால் பாதிக்கப்பட்டிருந்தார்.

கடந்த ஜனவரி 18ம் திகதி மூதாட்டி உயிரிழந்த நிலையில், அவரது மகனான ஜோகேந்திரா சவுத்ரியே அடித்து துன்புறுத்தியதே காரணம் என தெரியவந்தது.

இந்நிலையில் இதுதொடர்பான வீடியோ காட்சிகள் தற்போது வெளியாகி சமூக வலைத்தளங்களில் வைரலாகியுள்ளது.

அதில் வயதான தாய் படுக்கையிலேயே அசிங்கம் செய்துவிட்டதாக கூறி மகன் தாக்குகிறான். தாயின் கழுத்தை நெறித்தும், மூக்கை பொத்தியும் கொலை முயற்சியில் ஈடுபடுகிறார். சிறிது நேரத்தில் மூதாட்டி பரிதாபமாக உயிரிழக்கிறார், இக்காட்சிகளை அவரது உறவினர் ஒருவர் செல்போனில் பதிவு செய்ததாக தெரிகிறது.

இதனை தொடர்ந்து மூதாட்டியின் மகன் மீது வழக்குப்பதிவு செய்துள்ள பொலிசார் விசாரணை நடத்தி வருகின்றனர்.