இலங்கையின் 70ஆவது சுதந்திரதினத்தை முன்னிட்டு வெளியிடப்பட்டுள்ள ஆயிரம் ரூபா நாணயத்தாளின் சிறப்பம்சங்கள் குறித்து இலங்கை மத்திய வங்கி விளக்கமளித்துள்ளது.

ஞாபகார்த்த நாணயத்தாள் 06.02.2018 இலிருந்து உரிமம் பெற்ற வர்த்தக வங்கிகளினூடாக சுற்றோட்டத்திற்கு விடப்படவுள்ளதாக தெரிவிக்கப்பட்டுள்ளது.

அதேநேரம் ஆரம்பத் தொடர் இலக்கங்களுடன் கூடிய மட்டுப்படுத்தப்பட்ட எண்ணிக்கையான நாணயத்தாள்கள் கவர்ச்சிகரமான மடிப்பொன்றில் வைக்கப்பட்டுள்ளது.

ஒவ்வொரு ஆயிரம் ரூபா நாணயத்தாளும் 1,300 ரூபாவுக்கு விற்பனை செய்யப்படும் என இலங்கை மத்திய வங்கி அறிவித்துள்ளது.

இதேவேளை, இல.54, சதம் வீதி, கொழும்பு 01 இல் அமைந்துள்ள பொருளாதார வரலாற்று அரும்பொருட்காட்சி சாலையிலும் மத்திய வங்கியின் அநுராதபுரம், மாத்தறை, மாத்தளை, திருகோணமலை மற்றும் கிளிநொச்சி பிரதேச அலுவலகங்களிலும் பெற்று கொள்ள முடியும் என்றும் குறிப்பிடப்பட்டுள்ளது.

மேலும், குறித்த புதிய ஆயிரம் ரூபா நாணயத்தாளில் நான்கு மதங்களின் வழிபாட்டுத் தளங்கள் பொறிக்கப்பட்டுள்ளதுடன், நான்கு இனங்களையும் பிரதிநிதித்துவப்படுத்துபவர்களின் உருவங்களும் பொறிக்கப்பட்டுள்ளன.

கனடாவில் இலங்கை தமிழர் ஒருவர் காணாமல் போயுள்ளதாக அந்நாட்டு ஊடகம் ஒன்று தகவல் வெளியிட்டுள்ளது.

கடந்த 2010ஆம் ஆண்டு செப்டெம்பர் மாதம் 10ஆம் திகதி 40 வயதான ஸ்கந்தராஜ் காணாமல் போயிருந்தார். அறிமுகம் இல்லாத நபருடன் கனடாவில் உள்ள Zipperz என விடுதியில் இருந்து சென்றதாக இறுதியாக நேரில் கண்டவர்கள் தெரிவித்துள்ளனர். அன்று முதல் அவர் காணாமல் போயுள்ளதாக தெரிவிக்கப்படுகின்றது.

கடந்த 7 வருடங்களாக அண்ணன் காணாமல் போயுள்ள நிலையில், அவர்களின் தாயாரை ஸ்கந்தராஜின் சகோதரர், நவசீலன் நவரட்னம் பாதுகாத்து வருகின்றார். தாயாருக்கு தற்போது 80 வயதாகின்றது. அவர் ஒரு இருதய நோயாளி. அவரை காயப்படுத்த நான் விரும்பவில்லை. தனது சகோதரனுக்கு என்ன நடந்ததென யாருக்கும் தெரியாது.

கடந்த 2010ஆம் ஆண்டு செப்டெம்பர் 10ஆம் திகதி அடையாளம் தெரியாத நபர் ஒருவருடன் சென்றுள்ளார் என ஸ்கந்தராஜின் சகோதரன் நவசீலம் நவரட்னம் குறிப்பிட்டுள்ளார்.

அவருடன் சேர்ந்து மேலும் இரண்டு பேர் 2010 மற்றும் 2012ஆம் ஆண்டு காணாமல் போயுள்ளளனர். 58 வயதான Majeed Kayhan மற்றும் 42 வயதான Abdulbasir Faizi ஆகியோரே காணாமல் போயுள்ளனர். இவர்களை தேடும் பணியை பொலிஸார் 18 மாதங்கள் தொடர்ந்து முன்னெடுத்துள்ளனர்.

இந்நிலையில் டொறொன்டோ நீதிமன்றத்தில் இடம்பெற்று வந்த கொலை வழக்கு ஒன்றில் இந்த மூவரின் பெயரும் அடிப்படுவதாக நேற்றைய தினம் பொலிஸார் அறிவித்துள்ளனர். ஸ்கந்தராஜின் நண்பர்கள் மற்றும் குடும்பத்தினர் இன்னமும் அவர் தொடர்பில் எந்த ஒரு தகவலும் கிடைக்காமலே உள்ளனர்.

கனேடிய ஊடகமொன்றுக்கு கருத்து வெளியிட்ட நவசீலம் நவரட்னம், எனக்கு 3 சகோதரர்கள் உள்ளனர். இருவர் இலங்கையில், காணாமல் போன சகோதரனுக்கு ஒன்றும் நடந்திருக்க கூடாதென எதிர்பார்க்கின்றோம்.. கடவுளை வேண்டுகின்றோம். ஸ்கந்தராஜ் 4 பேரில் இரண்டாவதாக பிறந்தவராகும். இந்த வருடம் அவர் தனது 47 வது பிறந்த நாளை கொண்டாடுகின்றார்.

காணாமல் போவதற்கு சில வருடங்களுக்கு முன்னரே ஸ்கந்தராஜ் இலங்கையில் இருந்து கனடா சென்றுள்ளார். எங்கள் குடும்பம் தமிழ், சிறுபான்மை இனத்தை சேர்ந்தமையினால் இலங்கை பல இன, அரசியல் பிரச்சினைகளை சந்தித்தோம்.

இதனால் இலங்கையை விட்டு வெளியேற ஸ்கந்தராஜ் தீர்மானித்தார். அவர் அதன் பின்னர் இலங்கைக்கு திரும்பவே இல்லை. நாங்கள் அவரை இலங்கைக்கு அழைத்தோம். எனினும் அவர் விரும்பவில்லை. நாங்கள் பேஸ்புக் ஊடாக எங்கள் உரையாடலை தொடர்ந்தோம். இவ்வாறு நாட்கள் கடந்துவிட்டது. அவர் திடீரென காணாமல் போய்விட்டார்.
அவரை இன்னமும் தேடி வருகின்றோம். பொலிஸாரும் தொடர்ந்து தேடுகின்றனர் என அவர் மேலும் தெரிவித்துள்ளார்.

அட்டன் பொலிஸ் பிரிவுக்குட்பட்ட டிக்கோயா காசல்ரீ நீர்த்தேக்கத்தின் அணைக்கட்டுக்கு அருகாமையில் இருந்து பெண் ஒருவரின் சடலம் மீட்கப்பட்டுள்ளதாக பொலிஸார் தெரிவித்தனர். இச் சடலம் இன்று காலை மீட்கப்பட்டுள்ளது. பொது மக்கள் வழங்கிய தகவலின் அடுத்தே இச் சடலம் கண்டு பிடிக்கப்பட்டுள்ளது.

கடற்படையினரின் உதவியுடன் மீட்கப்பட்ட இச் சடலத்தை மரண விசாரணைகளின் பின் வைத்திய பரிசோதனைக்காக நாவலப்பிட்டி வைத்தியசாலைக்கு அனுப்பி வைக்கப்படவுள்ளதாக பொலிஸார் தெரிவித்தனர்.

இதே காசல்ரீ பிரிதேசத்தில் 28 வயதுடைய ஒரு பிள்ளையின் தாய் ஒருவர் கடந்த ஒரு வாரத்திற்கு முன் காணாமல்போய் உள்ளதாக பொலிஸாருக்கு தகவல் கிடைத்துள்ளது.

குறித்த சடலம் காணாமல் போனதாக கருதப்படும் பெண்ணுடையதாக இருக்கலாம் என பொலிஸார் சந்தேகம் தெரிவிக்கின்றனர்.

இப்பெண் தற்கொலை செய்து கொண்டரா அல்லது கொலை செய்யப்பட்டு நீர் தேக்கத்தில் எறியப்பட்டுள்ளாரா என்பது தொடர்பாக பொலிஸார் புலன் விசாரணைகளை ஆரம்பித்துள்ளனர்.

இச் சம்பவம் தொடர்பான மேலதிக விசாரணைகளை அட்டன் பொலிஸார் மேற்கொண்டு வருகின்றனர்.

சிலாவத்துறை, முருங்கன் பிரதேசத்தில் இடம்பெற்ற விபத்தொன்றில் சிறுமி ஒருவர் உயிரிழந்துள்ளார்.

சிலாவத்துறை நோக்கி சென்ற ட்ரக்டர் ஒன்று சைக்கிளுடன் மோதியதில் இந்த விபத்து ஏற்பட்டுள்ளதாக பொலிஸார் தெரிவித்தனர்.

சைக்கிளில் பயணித்த சிறுமி விபத்தில் படுகாயமடைந்த நிலையில் சிலாவத்துறை வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

அகத்திமுருத்து பிரதேசத்தைச் சேர்ந்த 10 வயதுடைய சிறுமி ஒருவரே விபத்தில் உயிரிழந்துள்ளார்.

விபத்து தொடர்பில் ட்ரக்டர் சாரதி கைது செய்யப்பட்டுள்ளதுடன், சிலாவத்துறை பொலிஸார் மேலதிக விசாரணைகளை ஆரம்பித்துள்ளனர்.

இலங்கை கிரிக்கெட் அணியின் முன்னாள் தலைவர்களான மஹேல ஜயவர்தன மற்றும் குமார் சங்கக்காரவுக்கு சொந்தமான உணவகம் உலகின் மிக சிறந்த 50 உணவகங்களுக்குள் இடம்பிடித்துள்ளது.

Ministry of crab என்ற உணவகமே இவ்வாறு சிறந்த உணவங்களில் ஒன்றாக பெயரிடப்பட்டுள்ளது.

தர்ஷன முனிதாஸ என்ற சமையல் கலைஞருடன் புதிய முறையில் உணவக நடவடிக்கைகளை முன்னெடுத்து வருகின்றனர்.

உலகம் முழுவதும் இந்த உணவகத்தை கொண்டு செல்வதற்கும், பல்வேறு முறையிலான உணவு வகைகளை மக்கள் சுவைக்க வேண்டும் என்ற நோக்கத்திலேயே இந்த உணவகம் ஆரம்பிக்கப்பட்டுள்ளது.

அண்மையில் மஹேல மற்றும் சங்கக்கார இந்த உணவகத்தின் வளர்ச்சியை கொண்டாடியுள்ளனர்.

இந்நிலையில் எதிர்வரும் மார்ச் மாதம் இந்தியாவில் நடைபெறவுள்ள ஐ.பி.எல் போட்டிகளை இலக்கு வைத்து இதன் கிளை ஒன்று மும்பாயில் திறக்கப்படவுள்ளது.

 
கொழும்பு – 12, ஆமர்வீதியில் உள்ள ஸ்ரீ மகாகாளியம்மன் ஆலயத்தில் இன்று தேர்த்திருவிழா இடம்பெற்றுள்ளது.

இதன்போது பக்தர்கள் வடம் இழுக்க தேர் வீதிவலம் வந்துள்ளது. இந்த நிலையில் பௌத்த துறவியொருவரின் செயற்பாடு அங்கிருந்த இந்துக்களை வியப்பில் ஆழ்த்தியுள்ளது.

அலங்கரிக்கப்பட்ட அம்மன் வீற்றிருந்த தேர் வடத்தினை இந்துக்கள் இழுத்த பொழுது குறித்த பௌத்த துறவியும் வடம் இழுத்துள்ளார்.

 
இலங்கைத் தமிழர் ஒருவரை காதலித்து திருமணம் செய்து கொண்ட இந்தியாவின் பிரபல சின்னத்திரை நடிகையான சரண்யா துரடி தொடர்பில் சில செய்திகள் வெளியாகி உள்ளன.

இந்தியாவில் பிரபல தனியார் தெலைக்காட்சியில் ஒளிபரப்பாகும் நாடகத்தில் நடிப்பவரே சரண்யா. சென்னையை சேர்ந்த இவர் எம்.ஓ.பி. வைஷ்ணவா கல்லூரியில் MA Broadcasting Communication படித்து, ஊடகவியலாளராக பணியாற்றியுள்ளார்.

பின்னர் பாபி சிம்ஹா நடித்த சென்னை உங்களை அன்புடன் வரவேற்கிறது என்ற படத்திலும் நடித்திருக்கிறார். இவர் தெலுங்கு மற்றும் 2 தமிழ் படங்களில் கதாநாயகியாகவும் நடித்துள்ளார்.

இவர் இலங்கைத் தமிழரை காதலித்து மணமுடித்த நிலையில் இவர்களின் காதல் கதை தொடர்பில் சில தகவல்கள் வெளிவந்துள்ளன.

2015ஆம் ஆண்டு ஆகஸ்ட் மாதம் லண்டனில் வசிக்கும் அமுதன் என்பருடன் இவருக்கு திருமணம் நடந்துள்ளது. யாழ்ப்பாணத்தைச் சேர்ந்த அமுதனின் குடும்பத்தினர் தற்போது லண்டனில் வசித்து வருகின்றனர். ஒரு காலத்தில் மயிலாப்பூர் – கபாலீஸ்வரர் கோவிலுக்கு அமுதனின் குடும்பத்தினர் வந்தபோது அமுதனை சரண்யா சந்தித்துள்ளார். இருவருக்கும் இடையில் மலர்ந்த நட்பு காதலாகி கல்யாணம் வரை சென்றுள்ளது.

லண்டனில் உள்ள பெரிய நிறுவனங்களுக்கு மனவளம் குறித்து ஆலோசனைகள் வழங்கும் பொறுப்பில் என் கணவர் இருக்கிறார் என சரண்யா தெரிவித்திருக்கின்றார். மேலும், என்னுடைய கணவர் ஒரு சிறந்த மிருதங்க இசைக் கலைஞர். யோகா மற்றும் தியானக் கலையிலும் அவர் நிபுணர் எனவும் தனது காதல் கணவரைப்பற்றி கூறியுள்ளார்.

திருமணத்திற்குப் பின் இந்தியாவில் இருந்து செய்தி வாசிக்காவிட்டாலும் லண்டனில் இருந்து தனது பணியை தொடர்வேன் என்று அறிவித்திருந்த நிலையில், சென்னையில் தங்கி நாடகங்களில் நடித்துக் கொண்டிருக்கின்றமை குறிப்பிடத்தக்கது.