மத்தியபிரதேசத்தில் 60 வயது மூதாட்டியை 3 நபர்கள் சேர்ந்து துப்பாக்கியால் சுட்டுக்கொலை செய்துள்ள சம்பவம் அதிர்ச்சியை ஏற்படுத்தியுள்ளது. சம்பவம் குறித்து தெரியவருவதாவது..

60 வயது மூதாட்டி தனது வீட்டின் வெளிப்புறத்தில் உள்ள கட்டிலில் மற்றொரு பாட்டியுடன்சேர்ந்து அமர்ந்திருக்கிறார். அப்போது, முகத்தில் துணியை மூடிக்கொண்டு அங்கே வந்த நபர்கள், அந்த மூதாட்டிக்கு அருகில் இருந்தவரை விரட்டிவிட்டு துப்பாக்கியால், மூதாட்டியின் முகத்தில் 10 முறை சுட்டுள்ளனர்.

மேலும் உடல் முழுவதும் சுமார்10 புல்லட்டுகளால் துளைத்ததில், சம்பவ இடத்திலேயே அந்த மூதாட்டி உயிரிழந்தார், இவரின் மகனும் அதே கிராமத்தில் சுட்டுக்கொலை செய்யப்பட்டுள்ளார்.

கடந்த 2016 ஆம் ஆண்டு இந்த மூதாட்டியின் கணவரை கொலை செய்த வழக்கில், அதே கிராமத்தை சேர்ந்த5 பேர் மீது வழக்குப்பதிவு செய்யப்பட்டு நீதிமன்றத்தில் விசாரணை நடைபெற்று வருகிறது.

குற்றவாளிகளுக்கு தண்டனை கிடைக்கவேண்டும் என்பதில், தாயும் அவரது மகனும் உறுதுணையாக இருந்தனர். இதனால், இவர்கள் கொலை செய்யப்பட்டுள்ளனர் என பொலிசார் விசாரணையில் தெரியவந்துள்ளது.

3 பேரில் ஒருவர் மட்டும் கைது செய்யப்பட்டுள்ளார், விரைவில் எஞ்சியுள்ள குற்றவாளிகள் கைது செய்யப்படுவார்கள் என்று ஆனந்தகுமார் என்ற பொலிஸ் அதிகாரி தெரிவித்துள்ளார்.

 
பீகாரில் காதலித்து திருமணம் செய்ததால் தங்கையின் கணவரை அவரது சகோதரர்கள் அடித்துக் கொன்ற சம்பவம் அதிர்ச்சியை ஏற்படுத்தியுள்ளது.

ஜார்கண்ட் மாநிலம் Dhanbad ஐ சேர்ந்தவர் வித்யாசாகர் ராஜ்வன்ஷி, இவர் தனது சகோதரியின் வீட்டிற்கு சென்ற போது, ரீனா குமாரி என்ற பெண்ணைச் சந்தித்தார். நட்பாக பழகிய இவர்கள், பின்னர் காதலர்களாகினர். இவர்களின் காதலுக்கு ரீனா குமாரியின் வீட்டில் எதிர்ப்பு கிளம்பியது. ஆனால், வித்யாசாகரின் வீட்டார் எந்த பிரச்சனையும் செய்யவில்லை.

இதனைத் தொடர்ந்து கடந்த 2017ஆம் ஆண்டு அக்டோபர் மாதம் இருவரும் திருமணம் செய்து கொண்டனர். அதன் பின்னர், ஜார்கண்ட்டில் உள்ள Dhanbad நகரில் வாழ்ந்து வந்தனர்.

இந்நிலையில் வித்யாசாகர் தனது காதல் மனைவியுடன், தனது சகோதரியைப் பார்க்க பீகாரில் உள்ள ஹர்டியாவுக்கு, ஜனவரி 18ஆம் திகதி வந்துள்ளார். இதனை அறிந்த மீனா குமாரியின் சகோதரர்கள், இரண்டு நண்பர்களுடன் வந்து வித்யாசாகரை உருட்டுக் கட்டையால் சரமாரியாக தாக்கியுள்ளனர்.

தனது கணவரை காப்பாற்றுமாறு மீனா குமாரி கதறியுள்ளார். ஆனால், ஒருவரும் வித்யாசாகரைக் காப்பாற்ற முன்வரவில்லை. இதனைத் தொடர்ந்து, தனது மாமியாரை அழைத்து வர வீட்டிற்கு ஓடியுள்ளார் மீனாகுமாரி. அவர் திரும்பி வந்து பார்த்த போது, படுகாயமடைந்த வித்யாசாகர் சம்பவ இடத்திலேயே உயிரிழந்து கிடந்தார்.

இதனைத் தொடர்ந்து தனது சகோதரர்களின் மீது ராஜோளி காவல்நிலையத்தில் மீனா குமாரி புகார் அளித்த நிலையில், விசாரணை நடத்தி வருகின்றனர்.

ஓடும் ரயில் முன் செல்பி எடுக்க முயன்ற போது ரயில் மோதி படுகாயமடைந்த இளைஞர் சிகிச்சை பலனின்றி உயிரிழந்துள்ளார்.

கோவை உடையாம்பாலையத்தை சேர்ந்த சுஜிஷ், தனியார் கல்லூரியில் முதலாம் ஆண்டு பயின்று வருகிறார். சுஜிஷ் உடன் படிக்கும் கல்லூரி நண்பரான சதீஷ்குமார் ஆகிய இருவரும் சூலூர் அருகே தண்டவாளத்தின் பக்கத்தில் நின்று செல்ஃபி எடுத்துள்ளனர்.

அவ்வேளையில் ஈரோட்டிலிருந்து கேரளா சென்ற சரக்கு ரயிலின் இன்சின் மோதி நண்பர்கள் இருவரும் தூக்கி வீசப்பட்டனர். உடனடியாக படுகாயம் அடைந்த அவர்கள் இருவரையும், அருகிலிருந்தவர்கள் சிங்காநல்லூரில் உள்ள தனியார் மருத்துவமனையில் அனுமதித்தனர்.

இதன்பின்னர் மேல்சிகிச்சைக்காக கோவை அரசு மருத்துவமணைக்குக் கொண்டுவரப்பட்டும் சுஜீஸ் உயிரிழந்தார், அவரின் நண்பர் சதீஷ் குமாருக்கு தொடர்ந்து சிகிச்சை அளிக்கப்பட்டுவருகிறது.

சதீஷ் குமாரிடம் பொலிசார் நடத்திய விசாரணையில், செல்பி எடுத்து பேஸ்புக்கில் பதிவிட நினைத்தோம், அந்நேரத்தில் கவனக்குறைவாக இருந்ததால் விபத்து நடந்துவிட்டது என தெரிவித்துள்ளார்.

கவிஞர் அறிவுமதியின் பாடல் வரிகளை இளையராஜாவின் குரலில் கேட்கும் போது ஒருவிதமான ஏக்க உணர்வு எதுவும் புரியாமல் இதயத்தில் வந்துபோகும். இப்போது ரஜினியும், கமலும் சொல்லும் அரசியல் பாதையும் அப்படிப்பட்ட ஒரு உணர்வைத்தான் தமிழக மக்கள் மத்தியில் ஏற்படுத்தி உள்ளது.

அரசியலில் ஏற்பட்டுள்ள வெற்றிடமும் அதனால் பலர் கட்டி வைத்துள்ள கற்பனை கோட்டையும், ஆச்சரியத்தையும், எதிர்பார்ப்பையும் ஒரு சேர ஏற்படுத்தி இருக்கிறது.

ரஜினியும், கமலும் திரை உலகில் கொடிகட்டிப் பறப்பவர்கள். இருவரும் நண்பர்கள். என்றாலும் தொழில் ரீதியில் இரு துருவங்கள். இன்று வரை இவர்களுடைய ரசிகர்கள் அப்படித்தான் இருக்கிறார்கள். நடிப்பு, நம்பிக்கை, கொள்கை மூன்றிலும் மாறுபட்டவர்கள்.

அரசியல் தளமும் இருவருக்கும் புதிது. சினிமாவில் நடித்தால் போதும். அரசியலுக்கு இந்த புகழ் மட்டுமே கைகொடுக்காது என்பது இவர்களுக்கு தெரியாததல்ல.

இருவரும் அவரவர் பாணியில் அரசியல் பந்தை கச்சிதமாக நகர்த்தி வருகிறார்கள். இவர்களில் யார் கோல் அடிப்பார்கள் என்பது தான் எதிர்பார்ப்பாக இருந்தது.

ரஜினி ஆன்மீக அரசியல் என்றதும் புதிதாக தெரிந்தது இன்னும் பலரால் புரிந்து கொள்ளவும் முடியவில்லை. அது விமர்சனங்களையும் தாண்டி ரஜினி அடுத்த கட்டத்தை நோக்கி நகர்ந்து கொண்டிருக்கிறார்.

இணைய தளத்தில் நின்று அதிரடிகளை நிகழ்த்திய கமலின் விசுவரூபம் எப்படி இருக்கும் என்று எதிர்பார்த்த நிலையில் அவரும் இதோ அரசியலுக்கு வந்துவிட்டேன் என்று அறிவித்தார்.

ஏதாவது செய்யாமல் வேடிக்கை பார்த்து கொண்டிருந்தால் இந்த சமூகம் மன்னிக்காது என்ற கரிசனத்தோடுதான் இருவருமே அரசியலுக்கு வருவதாக முன்னறிவிப்பு செய்திருக்கிறார்கள். கேட்டதும் பரவாயில்லையே என்று தோன்றினாலும் இது காலத்தே எடுத்த முடிவா? காலம் அறிந்து எடுத்த முடிவா? என்பதற்கு அவர்கள் அக்கறை காட்டுவதாக சொல்லும் சமூகம் தான் விடை சொல்லும்.

இருவரது அரசியல் பயணமும் பல எதிர்பார்ப்புகளை உருவாக்கி இருந்தாலும், இருவர் செல்லும் பாதையும் எங்கெங்கே செல்லும்? என்ற சந்தேகத்தையே ஏற்படுத்துகிறது.

ஆண்ட கட்சி, ஆளும் கட்சிகளை மக்கள் பார்த்துவிட்டதால் அதுவும் இல்லாமல் இதுவும் இல்லாமல் புதுமையாய் இருக்க வேண்டும் என்ற நோக்கத்தோடு தான் இப்படி மாறுபட்ட பாதையை இவர்கள் தேர்வு செய்கிறார்கள் என்று நினைக்க தோன்றுகிறது.

இவர்கள் மனதில் தங்களது திட்டத்துக்கு ஒரு கற்பனை வடிவம் கொடுத்து அதையே வெற்றிக்கான இலக்காக கருதலாம். ஆனால் அந்த கற்பனை வடிவம் எப்படி இருக்கும் என்பது மக்களுக்கு தெரிந்தால் தான் அதன் மீது அவர்களுக்கு நம்பிக்கை பிறக்கும் என்பதை உணரவேண்டும்.

கமல் நேரடியாக களத்துக்கு வருவார் என்ற நம்பிக்கையை அவரது சுற்றுப்பயணம் கொடுக்கலாம். ஆனால் ‘திராவிடம்’ என்பதோடு நின்று கொண்டிருந்த கமல் இந்தியாவை தனது ஆயுளுக்குள் பெருமை அடைய செய்வேன் என்று சொல்லி இருப்பது ஆசையின் விளைவா? அது தான் கைக்கொடுக்கும் என்ற நம்பிக்கையா?

தேசிய கட்சிகள் இரண்டும் எழுந்து நடமாட முடியாத நிலையில் இருப்பதால் அடுத்து வரும் பாராளுமன்ற தேர்தலுக்கு தேசியம் என்ற சொல் பயன்படும் என்பதற்காக ஒருவேளை விதைத்து போட்டிருக்கலாம்.

கல்வி, சுகாதாரம், மருத்துவம் எதுவும் சரியில்லை. நகரத்தில் கிடைக்கும் வசதிகள் கிராமத்தில் கிடைக்கவில்லை. போக்குவரத்து நெரிசல் தீர்ந்தபாடில்லை என்பது சுதந்திரம் பெற்ற பிறகு தேர்தலுக்கு தேர்தல் சொல்லி வருவது தான். ஒவ்வொரு கட்சியும் தங்களுக்கு உரித்தான பாணியில் வார்த்தை ஜாலத்தோடு அறிவித்து வாக்குகளை அள்ளி விடுகின்றன.

ஆனால் குறைகள் மட்டும் குறைகளாகவே இருப்பது தெரிந்தது தான். இந்த சூழ்நிலையில் ஆறிப்போன உணவை சூடாக்கி சில துளி நெய்விட்டு மணக்க மணக்க முன்னே கொண்டு வைத்துள்ளார்கள் என்று தான் நினைக்க தோன்றுகிறது.

இந்த நினைப்புக்கு காரணம், தமிழகத்தின் நிலைமை தான். வாங்கிய கடனுக்கு வட்டி கட்ட வழியில்லை. பெரும்பாலான துறைகள் நஷ்ட கணக்கில் தான் இருக்கின்றன. வரவுக்கு மிஞ்சிய செலவால் ‘‘துந்தணா..துந்தணா…’ என்ற நிலையில் சென்று கொண்டிருக்கிறது.

இதற்கான தீர்வு என்ன என்பதை தெரிந்தால் மட்டுமே இவர்கள் சொல்லும் லட்சிய பாதையில் பயணம் சாத்தியப்படும்.

பாதை கரடுமுரடாக இருக்கலாம். கண்ணுக்கு வெளிச்சம் தெரிந்தால் போதும். அந்த பாதையில் மக்களும் நடப்பார்கள்.

மாற்றம் என்று சொல்வது எளிது! அது எப்படி? என்பதற்கான விளக்கம் தெளிவாக தெரிந்தால் மட்டுமே மக்களுக்கு தெளிவு பிறக்கும்- நம்பிக்கை வரும்.

இருவரில் இதை தெளிவுபடுத்துவது யாரோ அவரே அரசியலிலும் நாயகனாக உருவெடுக்க முடியும்.