பஞ்சாப் மாநிலத்தில் பொலிஸாரால் தேடப்பட்டு வந்த பிரபல ரவுடி விக்கி கௌண்டர் மற்றும் அவரது கூட்டாளியான பிரேமா லஹோரியா ஆகியோர் பஞ்சாப் – ராஜஸ்தான் எல்லைப்பகுதியில் நடத்தப்பட்ட என்கவுண்டரில் சுட்டுக் கொல்லப்பட்டதாக அம்மாநில பொலிஸார் தெரிவித்துள்ளனர்.

ஹர்ஜிந்தர் சிங் புல்லார் என்பதை இயற்பெயராக கொண்ட விக்கி கௌண்டர் மீது கொலை, கொள்ளை மற்றும் ஆள்கடத்தல் உள்ளிட்ட பலவிதமான வழக்குகள் பஞ்சாப், ராஜஸ்தான், ஹரியானா மற்றும் உத்தரபிரதேசம் ஆகிய மாநிலங்களில் உள்ளன.

குறிப்பாக கடந்த 2016ம் ஆண்டில் வழக்கு ஒன்றில் கைது செய்யப்பட்டு பஞ்சாபில் உள்ள நபா சிறைச்சாலையில் அடைக்கப்பட்டிருந்த விக்கி மற்றும் பல்வேறு வழக்குகளில் தொடர்புடைய சக கைதிகள் சிலர் அங்கிருந்த பலத்த பாதுகாப்பையும் மீறி சிறையிலிருந்து தப்பிச் சென்றது அம்மாநிலம் முழுவதும் அதிர்வலைகளை எழுப்பியது.

இந்த சம்பவம் குறித்து அப்போது உள்துறை அமைச்சகம் விளக்கம் கேட்டிருந்ததுடன், பல பொலிஸ் அதிகாரிகள் மீதும் நடவடிக்கையும் எடுக்கப்பட்டது.

நபா சிறையிலிருந்து தப்பிய வழக்கில் முக்கிய குற்றவாளியாக தேடப்பட்டு வந்த விக்கி அம்மாநில பொலிஸாருக்கு பெரும் தலைவலியாக விளங்கினார்.

நேற்று நடந்த என்கவுண்டரில் சுட்டுக் கொல்லப்பட்ட விக்கி, அம்மாநிலத்தில் எந்த ஒரு குற்ற சம்பவம் நடந்தாலும் அதற்கு காரணமாக சந்தேகிக்கப்படும் நபராக விளங்கி வந்தார்.

விக்கி கௌண்டர் தனது அனுபவங்கள் மற்றும் பல விடயங்களை பேஸ்புக்கில் பதிவிடுவதை வழக்கமாக கொண்டிருந்தார்.

விக்கி பஞ்சாபிலேயே தங்கியிருந்தாலும் கூட அம்மாநில பொலிஸாரால் கண்டறியப்பட முடியாத நிலையே நிலவி வந்தது.

இந்நிலையில், நேற்று மாலை ஆறு மணியளவில் ராஜஸ்தான்-பஞ்சாப் மாநில எல்லையிலுள்ள சுக்சைன் என்ற கிராமத்தில் தேடுதல் வேட்டையை தொடர்ந்து நடந்த துப்பாக்கிச் சூட்டில் விக்கியும் அவரது கூட்டாளியும் உயிரிழந்தனர்.

பஞ்சாப் பொலிஸாலரின் இந்த நடவடிக்கையை விமர்சித்து பல்வேறு தரப்பினரும் தங்களது கருத்துக்களை வெளிப்படுத்தி வருகின்றனர்.

இந்நிலையில், பஞ்சாப் முதல்வர் அம்ரிந்தர் சிங் தெரிவித்த கருத்தொன்று பெரும் சர்ச்சையை கிளப்பியுள்ளது. “தேடப்பட்டு வந்த குற்றவாளியான விக்கி கௌண்டர் மற்றும் அவரது கூட்டாளியை கொன்ற பஞ்சாப் பொலிஸாருக்கு எனது வாழ்த்துக்களை தெரிவித்துக்கொள்கிறேன்” என்று தொடங்கும் அந்த ட்விட்டர் பதிவுக்கு ஆதரவாகவும், எதிராகவும் பலரும் தங்களது கருத்துக்களை சமூக இணையதளங்களில் பகிர்ந்து வருகின்றனர்.

பஞ்சாப் முதல்வரின் ட்வீட்டுக்கு மறுமொழியாக, “எப்போதிலிருந்து நாம் இறப்புகளை கொண்டாட ஆரம்பித்தோம்” என்றும் “ஒரு பஞ்சாபி மரணமடைந்ததற்காக மகிழ்ச்சியடைவதற்குப் பதிலாக, அந்தப் பாதைக்கு அவரை இட்டுச் சென்ற விடயத்தை பற்றி தெரிந்து கொள்ளுங்கள்” என்பது உள்ளிட்ட பல்வேறு கருத்துக்களை பதிவிட்டு வருகின்றனர்.

தமிழகத்தில் பெண்ணின் தாலி சங்கலியை பறித்து பிரேம் போட்டு மாட்டி வைத்திருந்த நபர் கூறிய காரணம் அனைவரையும் வியப்பில் ஆழ்த்தியுள்ளது.

சென்னை சைதாப்பேடையில் வசித்து வரும் பார் உரிமையாளர் செல்வகணேஷ் என்பவரின் மனைவி குணசுந்தரி கடந்த 21ஆம் திகதி வீட்டில் தனியாக இருந்த போது மர்ம நபரால் தாக்கப்பட்டார்.

அவரை தாக்கிவிட்டு அவரது கழுத்தில் அணிந்திருந்த தங்க சங்கலியை நபர் ஒருவர் பறித்து செல்லும் காட்சிகள் அப்பகுதியின் சிசிடிவி கமெரா ஒன்றில் பதிவாகியிருந்தது.

அதன் உதவியுடன் தேடுதல் வேட்டையை தொடங்கிய பொலிசாருக்கு கிடைத்த தகவலின் பேரில் ஊரப்பாக்கத்தைச் சேர்ந்த ஜோன்சன் என்னும் நபரை கைது செய்து விசாரணையை மேற்கொண்டுள்ளனர்.

திருடிய நகை எங்கே என கேட்ட பொலிசார் திகைக்கும் வகையில், நகையை பிரேம் போட்டு மட்டியுள்ளதை காட்டியுள்ளார் ஜோன்சன். திருடிய நகையை விற்றுவிடுவது தான் திருடர்களின் வழக்கம், நீ என்னடா பிரேம் போட்டு மாட்டி வச்ச்சிருக்க ? என பொலிசார் கேட்க, அதற்கு “சார், திருடுனன்னு சொல்லாதிங்க. அது என் முன்னாள் காதலியோட தாலி!” என கூறியுள்ளார்.

ஜோன்சன் கூறியதை கேட்டு திகைத்த பொலிசார், காதலியின் பெயரை கேட்டபோது ஜோன்சன் தவறாக கூறியுள்ளார். குணசுந்தரியின் போட்டோவை காட்டியதும் யார் இவர் என ஜோன்சன் கேட்டதால் தவரு நடந்திருப்பதை பொலிசார் முடிவு செய்துள்ளனர்.

இது குறித்து பொலிசார் கூறுகையில், ஜோன்சன் சைதாப்பேட்டையில் வசித்தபோது அவருக்கு ஒரு பெண்ணுடன் காதல் இருந்துள்ளது. அந்த பெண்ணுக்கு தற்போது வேறு நபருடன் திருமணம் ஆகியதால் குடி போதையில் அந்த பெண் தான் இந்த பெண் என ஜோன்சன் தவறாக நினைத்து குணசுந்தரியின் சங்கிலியை பறித்து சென்றுள்ளார் என கூறியுள்ளனர்.

மேலும் இது குறித்து வழக்கு பதிவு செய்த பொலிசார் ஜோன்சனை கைது செய்து சிறையில் அடைத்துள்ளனர்.