இலங்கை உள்ளிட்ட தமிழகத்தின் தென் பகுதிகளில் கடும் மழை பெய்யக்கூடும் என பிபிசி வானிலை அவதான நிலையம் முன்னறிவிப்பு விடுத்துள்ளது.

பிபிசி வானிலை அவதான நிலையம் விடுத்துள்ள டுவிட்டர் பதிவில் இந்த விடயம் தெரிவிக்கப்பட்டுள்ளது.

இதன்படி, “கடந்த 24 மணி நேர செயற்கைக்கோள் படத்தின் அடிப்படையில், அதிக பருவமழை பெய்ய வாய்ப்புள்ளது. அத்துடன், இலங்கை மற்றும் தமிழகத்திலும் கடும் மழை பெய்யக்கூடும்” என அதில் கூறப்பட்டுள்ளது.

அகில இலங்கை ரீதியில் சாதனை படைத்த முல்லைத்தீவு, பாண்டியன் குளம் மகா வித்தியாலய தமிழ் மாணவிக்கு மலேசியா செல்வதற்கான வாய்ப்பு கிடைத்துள்ளது.

மாணவியான தர்சிகா அகில இலங்கை பாடசாலைகளுக்கு இடையிலான தேசிய மட்ட பளு தூக்கும் போட்டியில் 44 கிலோகிராம் பிரிவில் 78 கிலோகிராம் பளு தூக்கி தங்கப்பதக்கம் பெற்றிருந்தார்.

இந்த நிலையில் அவர் மலேசியாவில் நடைபெறும் பளு தூக்கும் போட்டியில் பங்குபெற தெரிவான நிலையில் போட்டிக்கு செல்வதற்கான வறுமை நிலையில் இருந்தமையால் உதவி கோரியிருந்தார்.

இதனைத் தொடரிந்து, அவருக்கு பல்வேறு தரப்பினராலும் 200,000 ரூபா வரையிலான நிதியுதவி வழங்கி வைக்கப்பட்டுள்ளமை குறிப்பிடத்தக்கது.

அவிசாவளை – கொஸ்கம பிரதேசத்தில் காதலி முன்னாலேயே இளைஞர் ஒருவர் தற்கொலை செய்து கொண்டுள்ளார்.

அவிசாவளை பிரதேசத்தை சேர்ந்த 22 வயதுடைய இளைஞர் ஒருவரே நேற்றிரவு தற்கொலை செய்து கொண்டுள்ளார்.  அந்தப் பகுதி யுவதி ஒருவருடன் 3 மாதங்களுக்கு முன்னர் குறித்த இளைஞர் காதல் தொடர்பை ஏற்படுத்தி கொண்டுள்ள நிலையில், இளைஞரின் வீட்டார் தரப்பில் அதற்கு எதிர்ப்பு வெளியிடப்பட்டுள்ளது.

நேற்று இரவு யுவதியின் தாயார் வீட்டில் இல்லாத நேரத்தில் இளைஞர் அங்கு சென்றுள்ளார். அங்கு இருவருக்கும் ஏற்பட்ட வாய்த்தகராறு முற்றியமையினால் கோபமடைந்த இளைஞன் யுவதியின் கைகளை ஜன்னலில் கட்டியுள்ளார்.

பின்னர் அவரின் முன்னால் இளைஞன் தூக்கிட்டு தற்கொலை செய்து கொண்டுள்ளதாக கொஸ்கம பொலிஸார் தெரிவித்துள்ளனர்.

குறித்த இளைஞன் இதற்கு முன்னரும் ஒரு தடவை தற்கொலைக்கு முயற்சித்ததாக பொலிஸார் குறிப்பிட்டுள்ளனர்.

இதேவேளை மாணவியின் தந்தை மற்றும் சகோதரன் குறித்த வீட்டிலேயே சில காலங்களுக்கு முன்னர் தூக்கிட்டு தற்கொலை செய்து கொண்டுள்ளதாக தெரிய வருகிறது.

குணப்படுத்த முடியாது என கைவிடப்பட்ட கண் நோய் தொடர்பான நோயாளர்களுக்கு இலகுவாக சிகிச்சை வழங்கும் வைத்தியர் தொடர்பான தகவல் வெளியாகியுள்ளது.

வெளிநாட்டு வைத்திய முறைகளை பயன்படுத்தி, குணப்படுத்த முடியாது என உள்நாட்டு மற்றும் வெளிநாட்டு வைத்தியர்களினால் கைவிடப்பட்ட பலருக்கு மீண்டும் கண்பார்வை கிடைத்துள்து.

கெலனிகம லந்தே கெதர பந்து எனப்படும் பெயரில் அழைக்கப்படுகின்ற பிரபல பாரம்பரிய வைத்தியரின் உதவியில் பல உள்நாட்டவர், வெளிநாட்டவர்களுக்கு கண் பார்வை கிடைத்துள்ளது.

முற்றிலும் உள்நாட்டு மருத்துவ மூலிகைகளினால் தயாரிக்கப்பட்ட மருந்துகளில் வைத்தியம் பார்த்து கண் நோய்களை குணப்படுத்துவதில் அவர் பிரபலமடைந்துள்ளார்.

அதிநவீன வசதிகளை கொண்ட வெளிநாட்டு வைத்தியசாலைகளில் குணப்படுத்த முடியாத கண் நோயாளர்கள் பலரை, ஆயுர்வேத வைத்தியரான லந்தே கெதர பந்து குணப்படுத்தியுள்ளார்.

இலங்கையில் ஆயுர்வேத வைத்தியம் வீழ்ச்சி அடைந்து செல்லும் நிலையில், அதனை பாதுகாக்க சுகாதாரத்துறை அமைச்சு நடவடிக்கை எடுக்க வேண்டும் கோரிக்கை விடுக்கப்பட்டுள்ளது.

உள்நாட்டு வைத்தியம் தற்போதைய பரம்பரையை விட்டு தூரமாகும் யுகத்தில் இவ்வாறானவைகளை பாதுகாப்பதற்கு சுகாதார அதிகாரிகள் நடவடிக்கை மேற்கொள்ள வேண்டும் என கேட்டு கொள்ளப்படுகின்றது.

இலங்கையில் 14 இலட்சம் மாணவர்கள் காலை உணவு உட்கொள்வதில்லை என ஆய்வுகளில் இருந்து தெரியவந்துள்ளதாக சுகாதார அமைச்சு குறிப்பிட்டுள்ளது.

குடும்பங்களின் பொருளாதாரப் பிரச்சினை இதில் அதிகம் தாக்கம் செலுத்துவதாக ஆய்வறிக்கைகள் சுட்டிக்காட்டியுள்ளன.

2016 ஆம் ஆண்டு கல்வி அமைச்சு வெளியிட்ட தகவல்களின்படி இலங்கையில் 10,162 பாடசாலைகளில் 41,43,330 மாணவர்கள் கல்வி பயில்கின்றனர்.

இந்த எண்ணிக்கையில் மூன்றில் ஒரு பகுதி அதாவது 14 இலட்சம் மாணவர்கள் காலை உணவு உட்கொள்வதில்லையென ஆய்வுகளில் இருந்து கண்டறியப்பட்டுள்ளது.

இந்தத் தகவலை சுகாதார அமைச்சின் மருத்துவ ஆய்வு மையத்தின் போஷாக்குப் பிரிவு தெரிவித்துள்ளது.

பொருளாதாரப் பிரச்சினைகள் காரணமாக மாணவர்கள் காலை உணவை உட்கொள்ளாமல் பாடசாலைகளுக்கு செல்கின்ற அதேவேளை, பெற்றோர் இருவரும் வேலைக்கு செல்வதன் காரணமாக பல பிள்ளைகளுக்கு காலை உணவு விடுபடுவதாக ஆய்வு அறிக்கையில் தெரிவிக்கப்பட்டுள்ளது.

இதேவேளை, காலை உணவை உட்கொள்ளாவிட்டால் அது பிள்ளைகளின் மூளை வளர்ச்சியிலும் உடல் வளர்ச்சியிலும் தாக்கத்தை ஏற்படுத்தும் என வைத்தியர்கள் தெரிவிக்கின்றனர்.

இந்நிலையில், முட்டையின் விலை வீழ்ச்சியடைந்துள்ளதால் சுமார் 20 இலட்சம் முட்டைகள் வீண் விரயமாவதாகவும் அவற்றை குறைந்த விலையில் பாடசாலை மாணவர்களுக்கு நாளாந்தம் வழங்குவது தொடர்பில் கல்வி அமைச்சருடன் கலந்துரையாடியதாகவும் அகில இலங்கை கோழிப் பண்ணையாளர்கள் சங்கம் குறிப்பிட்டது.

வீண் விரயமாகும் உணவுகளை அரசாங்கம் முறையாக முகாமைத்துவம் செய்வதன் ஊடாக எமது சமூகத்தில் வறுமைக்கோட்டின் கீழுள்ள பலர் நன்மையடைவார்கள் அல்லவா?

யாழ்ப்பாணத்திலுள்ள தனியார் அமைப்பொன்று வைபவங்கள் போன்ற நிகழ்வுகளின் போது மீதப்படும் உணவுகளை குறித்த தரப்பினரிடம் இருந்து பெற்று, வறுமையிலுள்ள மக்களுக்கு விநியோகித்து வருகின்றது.

இவ்வாறானதொரு நடைமுறையை அரசாங்கத்தினால் ஏன் இன்னும் முன்னெடுக்க முடியவில்லை?

நாளுக்கு நாள் திருட்டு சம்பவம் அதிகரித்து வருகின்ற நிலையில், தற்போது பல்வேறு வர்த்தக நிலையங்களில் பாதுகாப்பு கெமராக்கள் பொருத்தப்பட்டுகின்றது.

இந்த நிலையில்,பாதுகாப்பு கெமராவின் உதவியுடன் மற்றுமொரு திருட்டு சம்பவம் ஹங்குரன்கெத்தவில் பதிவாகியுள்ளது.

ஹங்குரன்கெத்த, ரிகில்லகஸ்கட பகுதியிலுள்ள நகை கடையொன்றில் இந்த திருட்டு சம்பவம் இடம்பெற்றுள்ளது.
நகைக் கடை ஒன்றில் நகை வாங்க சென்ற பெண் ஒருவர் மோதிரங்களைத் தேர்ந்தெடுத்துக் கொண்டிருக்கும் போது, தங்க மோதிரத்தை பைக்குள் வைத்து கொண்டு போலியான மோதிரத்தை கடை உரிமையாளரிடம் கொடுத்துள்ளமை காணொளி மூலம் அம்பலமாகியுள்ளது.

குறித்த திருட்டு சம்பவத்தை பாதுகாப்பு கமரா உதவியுடன் கடை உரிமையாளர் கண்கானித்துள்ளமை குறிப்பிடத்தக்கது.

யாழ். உரும்பிராய் பகுதியில் தனது மனைவியின் தங்கைக்கு கூடுதல் சீதனம் கொடுக்கப்பட்டதால் கணவன் ஒருவர் தனது மனைவியை கடுமையாக தாக்கியுள்ள சம்பவம் ஒன்று அண்மையில் இடம்பெற்றுள்ளது.

இந்நிலையில் குறித்த தாக்குதலில் காயமடைந்த மனைவி தற்போது வைத்தியசாலையில் சிகிச்சை பெற்று வருவதாக தெரிவிக்கப்படுகின்றது.

யாழ். உரும்பிராய் பகுதியில் பிரபல வர்த்தகரின் இரு மகள்களில் இளைய மகளுக்கு கூடுதலான பணம் மற்றும் நகைகள், வீடு போன்றவற்றை சீதனமாக கொடுத்து அண்மையில் அரச உத்தியோகத்தர் ஒருவருக்கு திருமணம் செய்து கொடுக்கப்பட்டுள்ளது.

குறித்த பெண்ணின் அக்காவின் கணவரும் ஒரு அரச உத்தியோகத்தர் ஆவார். தனது மனைவியின் தங்கைக்கு தனக்கு கொடுத்ததை விட அதிக அளவு சீதனம் கொடுத்து திருமணம் நடத்த முற்பட்டபோது குறித்த கணவன் அதனைத் தடுத்து நிறுத்த முற்பட்டுள்ளார்.

எனினும் இவரது பேச்சுக்கு அங்கு இடம் இல்லாமல் போகவே அவருக்கு கொடுக்கப்பட்டதை விட அதிக சீதனம் கொடுத்து தனது மனைவியின் தங்கைக்கு அதிக சீதனம் கொடுக்கப்பட்டு திருமணம் முடித்து வைக்கப்பட்டுள்ளது.

இதனால் கோபமுற்ற குறித்த கணவன் திருமண வீட்டிற்கும் செல்லாமல் திருமண வீட்டிற்கு சென்ற தனது மனைவியையும் கடுமையாகத் தாக்கியுள்ளார்.

இதன் காரணமாக காயமுற்ற மனைவி சிகிச்சைக்காக வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது.

 
கொழும்பு – கண்டி பிரதான வீதியில் சடலம் ஒன்று இன்று காலை மீட்கப்பட்டுள்ளது. மாவனல்ல இலங்கை போக்குவரத்து சபைக்கு அருகிலுள்ள வாய்க்கால் ஒன்றிலிருந்து சடலம் மீட்கப்பட்டதாக பொலிஸார் தெரிவித்துள்ளனர்.

குறித்த சடலத்தின் கால்கள் மாத்திரம் வெளியில் தெரிந்துள்ள நிலையில், அந்தப் பகுதியில் சென்ற பலர் அச்சமடைந்துள்ளனர்.

குறித்த நபர் வாய்க்காலிற்குள் விழுந்து உயிரிழந்துள்ளாரா அல்லது கொலை செய்யப்பட்டாரா என பொலிஸார் விசாரணைகளை மேற்கொண்டு வருகின்றனர்.

கிடைத்துள்ள தகவல்களுக்கமைய இந்த நபர் மானவல்ல பிரதேசத்தை சேர்ந்தவர் என பொலிஸார் அடையாளம் கண்டுள்ளனர்.

பிரேத பரிசோதனைக்காக சடலம் மாவனெல்ல வைத்தியசாலையில் வைக்கப்பட்டுள்ளது. பொலிஸார் மேலதிக விசாரணைகளை மேற்கொண்டு வருகின்றனர்.

பல்வேறு கோரிக்கைகனை முன்வைத்து ரயில்வே தொழிற்சங்க பணியாளர்கள் நாளை நள்ளிரவு முதல் பணிப்புறக்கணிப்பில் ஈடுபட உள்ளதாக அறிவித்துள்ளனர்.

இலங்கை ரயில்வே கட்டுப்பாட்டாளர்கள் சங்கத்தின் பிரதான செயலாளர் பி.என்.பி.பீரிஸ் இதனை தெரிவித்துள்ளார்.

நாளை நள்ளிரவு முதல் 48 மணித்தியாலங்களுக்கு இந்த பணிப்புறக்கணிப்பு தொடரும் எனஅவர் கூறியுள்ளார்.

இதற்கு முன்னர் தாம் பணிப்புறக்கணிப்பு போராட்டத்தை முன்னெடுத்தபோது தமது பிரச்சினைகளுக்கு இரண்டு வாரங்களில் தீர்வை பெற்றுக்கொடுப்பதாக போக்குவரத்து துறை பிரதி அமைச்சர் வழங்கிய உறுதிமொழி நிறைவேற்றப்படவில்லை என்றும் அவர் தெரிவித்துள்ளார்.