பேராசிரியர் வல்லிபுரம் மகேஸ்வரனின் பணிநயப்பு விழாவும் நூல் வெளியீட்டு விழாவும் எதிர்வரும் (12.11.2016) ஞாயிற்றுக்கிழமை காலை 8.30 யாழ் இணுவில் மத்திய கல்லூரி மண்டபத்தில் பேராதனை பல்கலைக்கழக தகைசார் பேராசிரியர் கலாகீர்த்தி சி.தில்லைநாதன் தலைமையில் நடைபெறவுள்ளது.

இவ்விழாவில் பிரதம விருந்தினர்களாக யாழ்.பல்கலைக்கழக துணைவேந்தர் இ.விக்னேஸ்வரன் திருமதி பவானி விக்னேஸ்வரன் சிறப்பு விருந்தினர்களாக இந்திய துணைத்தூதர் ஆ.நடரா ஶ்ரீமதி சாந்தி நடராஜா கலந்து சிற்ப்பிக்கவுள்ளனர்

இந்நிகழ்வில் விழா ஏற்பாட்டுக்குழுவின் தலைவர் கலாநிதி க.ஶ்ரீகணேசன் வரவேற்புரையினை நிகழ்த்த ஆசியுரையினை சிவஶ்ரீ சோ.பிரசன்னா குருக்களும் தகைசார் பேராசிரியர் ப.கோபாலகிருஷ்ண ஐயரும் கலாநிதி ஆறு.திருமுருகனும் நிகழ்த்துவர்.

வாழ்த்துரையினை தகைசார் பேராசிரியர் அ.சண்முகதாஸ் பேராசிரியர் மா.வேதநாதன் பேராசிரியர் ப.புஸ்பரட்ணம் பேராசிரியர் க.தேவராஜா யாழ் தேசிய கல்வியியற் கல்லூரி அதிபர் எஸ்.அமிர்தலிங்கம் வலிகாமம் வலய கல்விபணிப்பாளர் செ.சந்திரராஜா இணுவில் மத்திய கல்லூரி அதிபர் இ.துரைசிங்கம் கொழும்பு தமிழ்சங்கத்தலைவர் தம்புசிவசுப்பிரமணியம் ஆகியோர் நிகழ்த்துவர்
அதனைத்தொடர்ந்து பணிநயப்பு மலர் வெளியீடு நிகழ்வு இடம் பெறும் வெளியீட்டுரையினை பேராசிரியர் எஸ்.சிவலிங்கராஜா நிகழ்த்துவார்.

அதனைத்தொடர்ந்து பேராசிரியர் வ.மகேஸ்வரன் எழுதிய பெரியதும் சிறியதும் நூல் வெளியீடு இடம்பெறும் நூலின் நயவுரையினை பேராசிரியர் கி.விசாகரூபன் நிகழ்த்துவார் அதனைத்தொடர்ந்து சிறப்புரை பிரதம விருந்தினர் ஏற்புரை என்பவற்றை தொடர்ந்து விழா ஏற்பாட்டு குழுவின் செயலாளர் மு.கௌரிகாந்தின் நன்றியுரையுடன் நிகழ்வு இனிதே நிறைவு பெறும்.

வெளிநாடு ஒன்றுக்கு பணிப்பெண்ணாக சென்ற இலங்கையை சேர்ந்த பெண்ணொருவர் விமான நிலையத்தில் உயிரிழந்துள்ளார்.

பஸ்ஸரை, அரசியாகம பிரதேசத்தை சேர்ந்த 30 வயதான பிரியங்கா என்ற இரு பிள்ளைகளின் தாயே இவ்வாறு உயிரிழந்துள்ளார்.

இவர் நீண்ட நாட்கள் உணவின்றி விமான நிலையத்தில் காத்திருந்தமையினால் இந்த அனர்த்தம் ஏற்பட்டுள்ளது.

குறித்த பெண் கடுமையான சித்திரவதைகளை அனுபவித்த நிலையில் இலங்கைக்கு வருவதற்கு அவரது உறவினர்களினால் விமான டிக்கெட் ஒன்று அனுப்பி வைக்கப்பட்டுள்ளது.

எனினும் பயணத்திற்கான திகதியை மாற்றி வீட்டு உரிமையாளர்களினால் அவரிடம் டிக்கட் கொடுக்கப்பட்டுள்ளது. இதன் காரணமாக இலங்கை நோக்கி செல்லும் விமானத்திற்கு விமான நிலையத்தில் பல நாட்கள் அவர் காத்திருந்துள்ளார்.

இறுதியில் அவர் உணவின்றி உயிரிழந்துள்ளதாக நீர்கொழும்பு மாவட்ட வைத்தியசாலையில் மேற்கொள்ளப்பட்ட மரண விசாரணையில் தெரியவந்துள்ளது.

மரண விசாரணையின் போது உயிரிழந்த பெண்ணின் தந்தை சாட்சி வழங்கியுள்ளார். அவரது சாட்சியில்,

“எனக்கு 8 பிள்ளைகள் உள்ளனர். சம்பவத்தில் உயிரிழந்தவர் எனது இரண்டாவது மகள். அவருக்கு இரு பிள்ளைகள் உள்ளனர். எனினும் அவர்கள் எங்கிருக்கின்றார்கள் என தெரியவில்லை.

எனது 2016ஆம் ஆண்டு ஜுலை மாதம் 2ஆம் திகதி பணிப்பெண்ணாக டுபாய் நாட்டிற்கு சென்றார். சில காலம் நல்லதொரு இடத்தில் பணி செய்வதாக குறிப்பிட்டார். பின்னர் தனக்கு இடம்பெறும் சித்திரவதை தொடர்பில் அவர் தனது உறவினர்களிடம் அறிவித்தார்.

அதற்கமைய அவருக்கு இலங்கை வருவதற்கான டிக்கட் ஒன்றை உறவினர்கள் அனுப்பி வைத்தனர். விமான நிலையத்திற்கு சென்றவரிடம் இன்று அல்லது நாளை இலங்கை செல்வதற்கான விமான சேவை இல்லை என விமான நிலைய அதிகாரிகள் குறிப்பிட்டனர்.

எனினும் அவர் சில நாட்களாக விமான நிலையத்தில் காத்திருந்த போதிலும் இலங்கைக்கான விமானம் ஒன்று கிடைக்கவில்லை. இறுதியில் உணவின்றி விமான நிலையத்திலேயே உயிரிழந்துள்ளார்” என அவர் குறிப்பிட்டுள்ளார்.

 
மன்னார் – வங்காலை பகுதி கடலில் விசித்திரமான பாரிய மீன் சிக்கியுள்ளது. குறித்த மீன் நேற்று முன் தினம் பிடிக்கபட்டுள்ளது.

சுறாவை ஒத்த தோற்றமுள்ள மீன் ஒன்று மீனவர்களின் வலையில் வீழ்ந்துள்ளது. அத்துடன், மீனை கரைக்கு கொண்டு வந்த மீனவர்கள் அதனை பொதுமக்களுக்கு விற்பனை செய்ததாக கூறப்படுகின்றது.

மேலும், இந்த மீனை பார்வையிட நூற்றுக் கணக்கான மக்கள் திரண்டதாக தெரிவிக்கப்படுகின்றது.

பேருந்தில் பயணித்துக் கொண்டிருந்த பெண் ஒருவரின் கழுத்திலிருந்த தங்கச் சங்கிலியை அறுத்துச் சென்ற சம்பவம் தொடர்பில் யுவதிகள் மூவரை பொலிஸார் கைது செய்துள்ளனர்.

பண்டாரவளையிலிருந்து பதுளைக்கு சென்ற அரச பேருந்தில் பயணித்த பெண்ணிடமிருந்தே 40 ஆயிரம் ரூபா பெறுமதியான தங்கச் சங்கிலி அறுக்கப்பட்டுள்ளது.

இந்நிலையில், குறித்த சம்பவம் தொடர்பில் எல்ல பொலிஸ் நிலையத்தில் செய்த முறைப்பாட்டுக்கமைய, குறித்த யுவதிகள் மூவரும் கைது செய்யப்பட்டுள்ளனர்.

இந்நிலையில், கைது செய்யப்பட்டவர்கள் விசாரணைகளின் பின்னர் நீதிமன்றத்தில் முன்னிலைப்படுத்தப்படுவார்கள் என எல்ல பொலிஸ் நிலையப் பொறுப்பதிகாரி ஏ.எம்.எம். அழகியவன்ன தெரிவித்துள்ளார்.

வங்கக் கடலில் அந்தமான் தீவுப் பகுதியில் புயல் சின்னம் உருவாகியுள்ளதாகவும் இதனால் சென்னை உட்பட பல பகுதிகள் பாதிப்படையும் வாய்ப்பு உள்ளதாகவும் வானிலை ஆய்வாளர்கள் எச்சரிக்கை விடுத்துள்ளனர்.

குறித்த பகுதியில் நேற்றைய தினம் புதிய காற்றழுத்த தாழ்வு நிலை ஒன்று உருவாகி அது மேலும் வலுப்பெற்று காற்றழுத்த தாழ்வு மண்டலமாக மாற்றமடைந்து வருவதாக குறிப்பிடப்படுகின்றது.

இந்த காற்றழுத்த தாழ்வு மண்டலம் புயலாக மாறினால், சென்னை, நெல்லூர் மற்றும் ஒடிசா என எந்த திசையிலும் கடக்கும் வாய்ப்பு உள்ளதாக தெரிவிக்கப்படுகின்றது.

மேலும், இதன் காரணமாக புதுச்சேரி தொடக்கம் சென்னை வரையிலும், ஆந்திராவின் தெற்கு பகுதி கடற்கரைகளிலும் கன மழை பொழியும் சாத்தியக் கூறுகள் ஏற்பட்டுள்ளதாகவும் வானிலை ஆய்வாளர்கள் குறிப்பிட்டுள்ளனர்.

எனினும், குறித்த புயல் தொடர்பிலும், காற்றழுத்த தாழ்வு மண்டலம் தொடர்பிலும் எதிர்வரும் 10ஆம் திகதியே இறுதித் தகவல்கள் வெளிப்படுத்த முடியும் எனவும் தெரிவிக்கப்பட்டுள்ளது.

இதேவேளை, சென்னை, காஞ்சிபுரம், திருவள்ளூர், நாகை, கடலூர் போன்ற பகுதிகளில் பெய்த வடகிழக்கு பருவமழை காரணமாக கடும் பாதிப்புகள் ஏற்பட்டன என்பதும் குறிப்பிடத்தக்கது.

ஆனாலும் இதனது தாக்கம் இலங்கையில் இருக்குமா என்பது தொடர்பில் இலங்கை வானிலை ஆய்வாளர்கள் எந்த ஒரு தகவலும் வெளியிடவில்லை.

 
பொகவந்தலாவை பொலிஸ் பிரிவுக்குட்பட்ட பொகவந்தலாவ டின்சின் தோட்டத்தில் பெண்ணின் சடலம் இன்று காலை மீட்கப்பட்டுள்ளது.

சடலமாக மீட்கப்பட்ட பெண் பழனியான்டி சின்னம்மா 63 வயதுடையவர் என பொகவந்தலாவை பொலிஸார் அடையாளம் கண்டுள்ளனர்.

உயிரிழந்த பெண்ணின் இடது கை வெட்டப்பட்ட நிலையில் சடலமாக மீட்கப்பட்டுள்ளதால் சடலம் தொடர்பில் பல்வேறு கோணங்களில் சந்தேகங்கள் காணப்படுவதாக விசாரணைகளை மேற்கொண்டுவரும் பொலிஸார் தெரிவித்தனர்.

அத்தோடு சடலம் தொடர்பில் ஹட்டன் நீதிமன்ற நீதவான் மரண விசாரணையை நேரில் வருகைதந்து மேற்கொண்டதன் பின்னர் சட்டவைத்திய பிரேத பரிசோதணைக்காக சடலம் நாவலப்பிட்டிய வைத்தியசாலைக்கு அனுப்பிவைக்கப்படவுள்ளதாகவும் பொலிஸார் மேலும் தெரிவித்தனர்.