பெங்களூரு சாலையை சரிசெய்யக்கோரி நடிகை ஒருவர் கடல்கன்னி போன்று வேடமணிந்து வித்தியாசமான போராட்டத்தில் ஈடுபட்டார்.

கடந்த இரண்டு மாதங்களாக கனமழை பெய்து வருவதால் பெங்களூரு சாலைகள் கடுமையாக சேதமடைந்துள்ளன.
இதனால் தண்ணீர் தேங்கியுள்ளதுடன் விபத்துகளின் எண்ணிக்கை நாளுக்கு நாள் அதிகரித்து வருகிறது.

இந்நிலையில் பெங்களூரைச் சேர்ந்த ஓவியர் பாதல் நஞ்சுண்டசாமி சாலை பள்ளங்களை சரிசெய்யக்கோரி வித்தியாசமான போராட்டத்தை நடத்தினார்.

சாலையில் தேங்கியிருந்த நீரை நீல நிற பொடி தூவி கடல் போல் மாற்றினார், இதில் சோனு என்ற நடிகை கடல்கன்னி போல் வேடமணிந்து போராட தொடங்கினார்.

ஊடகங்களிலும், மக்கள் மத்தியிலும் இது வைரலாகவே கர்நாடக அரசின் கவனத்தை ஈர்த்தது. இதுகுறித்து பெங்களூரு மாநகர வளர்ச்சி துறை அமைச்சர் ஜார்ஜ், சாலைகளை சீரமைக்கும் பணி வேகமாக நடந்து வருவதாகவும், அரசியல் கட்சியின் உதவியால் பெங்களூருவின் பெயரை கெடுக்க சிலர் செயல்பட்டு வருவதாகவும் தெரிவித்துள்ளார்.

கேரளாவைச் சேர்ந்த இளைஞர் சவுதியில் 46 நாட்களுக்கு முன்னர் உயிரிழந்த நிலையில் அவரின் சடலம் இன்னும் இந்தியாவுக்கு கொண்டு வரப்படாத வருத்தத்தில் இளைஞரின் பெற்றோர் நோய் வாய்ப்பட்டுள்ளனர்.

கேரளாவின் இடுக்கி மாவட்டத்தில் உள்ள பம்பும்கயம் கிராமத்தை சேர்ந்த ஜோஸ் செபஸ்டின் மற்றும் மோலி தம்பதிகளின் மகன் டின்ஸ் ஜோஸ் எட்டனியெய்ல்.

கடந்த ஒன்றரை வருடத்துக்கு முன்னர் சவுதி அரேபியாவுக்கு சென்ற டின்ஸ் அங்கு கார் ஓட்டுனர் பணி செய்து வந்தார்.
இந்நிலையில், கடந்த ஆகஸ்ட் மாதம் 30 ஆம் திகதி டின்ஸ் தங்கிருந்த அறையில் இருந்த ஏ.சி-யிருந்து வெளியேறிய நச்சு வாயு தாக்கியதில் அவர் உயிரிழந்தார்.

அவர் உயிரிழந்த தகவலை டின்ஸின் நண்பர் கேரளாவில் உள்ள குடும்பத்தாருக்கு தெரிவித்துள்ளார்.

டின்ஸ் உயிரிழந்து 46 நாட்கள் ஆகியும் அவரின் சடலம் சொந்த ஊருக்கு இன்னும் அனுப்பிவைக்கப்படவில்லை.

இதுகுறித்து அவரின் குடும்பத்தார் கூறுகையில், தடவியல் அறிக்கை வந்தால் தான் சடலத்தை அனுப்ப முடியும் எனவும், அது வர இன்னும் சில வாரங்கள் கூட ஆகலாம் எனவும் சவுதி அதிகாரிகள் தங்களிடம் கூறியதாக தெரிவித்துள்ளனர்.

சவுதியில் உள்ள மலையாள அமைப்புகளும் டின்ஸ் சடலத்தை இந்தியாவுக்கு கொண்டு வர அதரவு அளித்து வருகின்றன.

ஏழ்மையான டின்ஸ்-ன் குடும்பம் அவரின் வருமானத்தை மட்டுமே அதிகம் நம்பியிருந்த நிலையில் அவரின் மரணம் பெற்றோருக்கு அதிர்ச்சியை ஏற்படுத்தியுள்ளது.

இந்த மன அழுத்தம் காரணமாக ஜோஸ் மற்றும் மோலி நோய்வாய்ப்பட்டு தற்போது மருத்துவமனையில் சேர்க்கப்பட்டுள்ளதாக உறவினர் ஒருவர் தெரிவித்துள்ளார்.

தெலுங்கானா மாநிலத்தில் உள்ள கிராமம் ஒன்றில் ஆண்களை மட்டுமே பெண் பேய் குறிவைத்து தாக்கி வருவதால் அந்த கிராம ஆண்கள் அச்சத்தில் உறைந்துள்ளனர்.

தெலுங்கானா மாநிலம் நிர்மல் மாவட்டத்தில் உள்ள காசிகுடா என்ற கிராமத்தில் 60க்கும் மேற்பட்ட குடும்பங்கள் வசித்து வருகின்றது.

இந்த கிராமத்தை சமீப காலமாக பெண் பேய் ஒன்று அச்சுறுத்தி வருகிறது, மேலும் அந்த பெண் பேய், ஆண்களை மட்டுமே குறிவைத்து தாக்கிவருவதாக கூறப்படுகிறது.

இதனால், சிலர் அந்த கிராமத்தை விட்டு இடம்பெயர்ந்து சென்றுவிட்டனர், சிலர் மட்டும் அங்கு வசித்து வருகின்றனர்.

அவர்கள் இரவு பொழுது தொடங்கும் முன் வீட்டின் கதவை பூட்டிக்கொண்டு முடங்கி விடுகிறார்கள், மறுநாள் சூரியன் உதித்த பிறகு வெளியே நடமாடுகின்றனர். இதனால் அந்த கிராமமே வெறிச்சோடிய நிலையில் காணப்படுகிறது.

வீதியில் மாரடைப்பால் நபர் ஒருவர் துடிதுடித்து உயிரிழந்த நிலையில் அங்கிருந்த மக்கள் யாருமே அவரை கண்டுகொள்ளாத செயல் அதிர்ச்சியை ஏற்படுத்தியுள்ளது.

மத்தியபிரதேச மாநிலத்தில் மக்கள் அதிகமாக நடமாடும் வீதியில் உள்ள சிசிடிவி கமெராவில் பதிவான வீடியோ இணையத்தில் வெளியாகியுள்ளது.

அதில் வீதி ஓரத்தில் உள்ள நாற்காலியில் நபர் ஒருவர் உட்கார்ந்துள்ளார், அப்போது திடீரென அவருக்கு மாரடைப்பு ஏற்பட அப்படியே தரையில் விழுகிறார்.

குறித்த நபரின் அருகில் பலர் உட்கார்ந்திருந்தாலும் ஒருவர் கூட உதவ முன்வரவில்லை. அந்தவழியே பலர் இருசக்கர வாகனத்தில் சென்ற போதிலும் ஒருவர் கூட வண்டியை நிறுத்தவில்லை.

உதவ தான் மனமில்லை என்றாலும், அம்புலன்ஸுக்கு கூட யாரும் தகவல் தரவில்லை. இதனிடையில் மாரடைப்பு ஏற்பட்ட நபர் வலியால் துடிதுடித்து பரிதாபமாக அங்கேயே உயிரிழந்தார்.

பின்னர் சம்பவ இடத்துக்கு வந்த பொலிசார் அவரின் சடலத்தை கைப்பற்றி மருத்துவமனைக்கு அனுப்பி வைத்தார்கள். இது தொடர்பான வீடியோ சமூகவலைதளங்களில் வெளியாகியுள்ளது.

என்னை பற்றி தவறான அவதூறுகளை நடிகர் தாடி பாலாஜி தொடர்ந்து பரப்பி வந்தால் எனது குழந்தையோடு தற்கொலை செய்துகொள்வேன் என அவரது மனைவி நித்யா தெரிவித்துள்ளார்.

நகைச்சுவை நடிகர் தாடி பாலாஜிக்கும், அவரது மனைவி நித்யாவுக்கும் தொடர்ந்து பிரச்சனை ஏற்பட்டு வந்த காரணத்தால் பிரிந்து வாழ்ந்து வருகின்றனர்.

குடித்துவிட்டு வந்து தனது கணவர் தன்னை உடல்ரீதியாவும், மனரீதியாகவும் துன்புறுத்துகிறார் என்றும் இனிமேல் அவருடன் சேர்ந்து வாழமுடியாது என விவாகரத்து கோரினார் நித்யா.

இதற்கிடையில் தனது மனைவிக்கு வேறு நபர்களுடன் தவறான தொடர்பு இருப்பதால் தான் எங்கள் குடும்பத்தில் பிரச்சனை ஏற்படுகிறது என்ற குற்றச்சாட்டை பாலாஜி கூறினார்.

இதனை மறுத்த நித்யா, எனது கணவர் என்னையும் எனது மகளையும் தீவைத்து எரித்து கொலை செய்யப்பார்த்தார் என்பதற்கான ஆதாரத்தை வெளியிட்டார். மேலும் அவர் கூறியதாவது, என்னை பல்வேறு ஆண்களுடன் இணைத்து பேசினால், அதனை கேட்டு மனமுடைந்து அவருடன் சேர்ந்து வாழ்வேன் என்று பாலாஜி நினைக்கிறார்.

குடித்துவிட்டு கணவன் பிரச்சனை செய்வது என்பது எல்லோர் வீட்டிலும் நடக்கும் ஒன்றுதான், ஆனால் எனது கணவர் சைக்கோ போன்று நடந்துகொள்கிறார், இதனை எங்களால் தாங்கிகொள்ள முடியவில்லை.

அவரின் அரசியல் நண்பர்களை வைத்து கொலை மிரட்டல் விடுக்கிறார். தற்போது எனது மகளையும் என்னிடம் இருந்து பிரிக்க பார்க்கிறார். தினம் தினம் என்னை பற்றி சமூகவலைதளங்களில் அவதூறுகள் வந்துகொண்டே இருக்கின்றன.

நான் மிகவும் தைரியமான பெண் தான், ஆனால் என்னை பற்றி தவறாக பேசினால் அது எனது குழந்தையின் எதிர்காலத்தையும் பாதிக்கும், இவ்வாறு பாலாஜி தொடர்ந்து செய்துகொண்டிருந்தால் நானும் எனது குழந்தையும் தற்கொலை செய்துகொள்வோம் என தெரிவித்துள்ளார்.

இந்தியாவில் தொடர்ந்து பிச்சையெடுத்து அதன் மூலம் பயணம் செய்வேன் என ரஷ்ய இளைஞர் தெரிவித்துள்ளார்.

இந்தியாவிற்கு சுற்றுலா வந்த ரஷ்யாவைச் சேர்ந்த இளைஞர் எவ்ஜினி பெர்டிகோவ் என்பவரின் எடிஎம் கார்டு லொக் ஆகிவிட்ட காரணத்தால் தமிழ்நாட்டில் உள்ள கோயிலில் பிச்சையெடுத்துள்ளார்.

இதனைப்பார்த்த காவல்துறையினர் அவரை மீட்டு ரஷ்ய தூதரகத்திற்கு அனுப்பி வைத்தனர், ஆனால் அவர் வரவில்லை என ரஷ்ய தூதரகம் தெரிவித்ததையடுத்து, அவரை தேடும் பணியில் சென்னை பொலிசார் ஈடுபட்டனர்.

இந்நிலையில், சென்னை திநகரில் பத்திரிகையாளர் ஒருவரிடம் பேசிய இவர், எனக்கு ரஷ்ய தூதரகத்தின் உதவி தேவையில்லை, என்னை பற்றிய செய்தி ஊடகங்களில் வெளியானதால் அனைவரும் என்னிடம் வந்து பேசுகின்றனர், அவர்களிடம் 100 ரூபாய் மட்டும் கேட்கிறேன்.

எனக்கு பிச்சை எடுப்பது பிடித்திருக்கிறது, தொடர்ந்து பிச்சையெடுப்பேன். தற்போது அடுத்ததாக பெங்களூர் செல்ல திட்டமிட்டிருக்கிறேன் என கூறியுள்ளார். இவரது விசாக்காலம் நவம்பர் 22 ஆம் திகதியுடன் முடிவடைகிறது என்பது குறிப்பிடத்தக்கது.