யாழ்ப்பாணத்தில் சுகவீனம் காரணமாக பாடசாலை மாணவி ஒருவர் உயிரிழந்தமை பெரும் சோகத்தை ஏற்படுத்தியுள்ளது.

யாழ் போதனா வைத்தியசாலையில் அனுமதிக்கப்பட்டிருந்த மாணவி சிகிச்சை பலனின்றி உயிரிழந்துள்ளார். டெங்கு நோயினால் பாதிக்கப்பட்ட ஒன்பது வயதான கே.சரா என்ற மாணவியே உயிரிழந்துள்ளார்.

இவர் யாழ் புனித ஜோன் போஸ்கோ வித்தியாலயத்தில் கல்வி பயின்று வருகிறார். கடந்த சில நாட்களாக டெங்கு நோய் தாக்கத்திற்கு உள்ளாகியிருந்த சரா நேற்று சிகிச்சை பலனின்றி உயிரிழந்துள்ளதாக வைத்தியசாலைத் தகவல்கள் தெரிவிக்கின்றன.

நேற்று முன்தினம் டெங்கு காய்ச்சல் தீவிரமடைந்து காணப்பட்டதால், தனியார் வைத்திய சாலையில் சிகிச்சைக்கு அனுமதிக்கப்பட்டார்.

மேலதிக சிகிச்சைக்கு அன்றைய தினமே உடனடியாக யாழ் போதனா வைத்தியசாலைக்கு மாற்றப்பட்டார். எனினும் சிகிச்சை பலனின்றி நேற்று அதிகாலை உயிரிழந்துள்ளதாக வைத்தியசாலை வட்டாரங்கள் தெரிவித்துள்ளன. சிறுமியின் உயிரிழப்பால் அவரது குடும்பத்தினர் பெரும் சோகத்தில் ஆழ்ந்துள்ளனர்.

ஓடும் ரயிலில் நடந்த மோதல் சம்பவமொன்றில் ஒருவர் கொல்லப்பட்டுள்ளார்.

யாழ்ப்பாணத்திலிருந்து கொழும்பு நோக்கி பயணித்த ரயிலில் இருவருக்கு இடையில் மோதல் சம்பவமொன்று இடம்பெற்றுள்ளது.

இந்த மோதலின் போது ஒருவர் மற்றைய நபரை ஓடும் ரயிலிலிருந்து தள்ளிவிட்டுள்ளார். இவ்வாறு தள்ளிவிடப்பட்ட நபர் பரிதாபமாக உயிரிழந்துள்ளார்.

ராகம ரயில் நிலையத்திற்கும் ஹொரப்பே ரயில் நிலையத்திற்கும் இடையில் இந்த சம்பவம் இடம்பெற்றுள்ளது.

காங்கேசன்துறையிலிருந்து கல்கிஸ்ஸ நோக்கிப் பயணித்த ரயிலில் இந்த சம்பவம் இடம்பெற்றுள்ளது.

உயிரிழந்த நபர் அடையாளம் காணப்படவில்லை எனவும், சுமார் 45 முதல் 50 வயது மதிக்கத் தக்கவரே இவ்வாறு உயிரிழந்துள்ளதாகவும் தெரிவிக்கப்படுகிறது.

உயிரிழந்தவரின் சடலம் கொழும்பு தேசிய வைத்தியசாலையின் பிரேதவறையில் வைக்கப்பட்டுள்ளது. உயிரிழந்த நபரை ரயிலிலிருந்து தள்ளிவிட்ட நபரை பொலிஸார் கைது செய்து விசாரணை செய்து வருகின்றனர்.

மழையுடனான வானிலையை அடுத்து வடக்கு மற்றும் கிழக்கு மாகாணங்களில் டெங்கு நோயாளர்களின் வீதம் அதிகரித்துள்ளதாக தேசிய டெங்கு ஒழிப்பு பிரிவு தெரிவித்துள்ளது.

இதன் காரணமாக யாழ்ப்பாணத்தில் இன்றும் நாளையும் விசேட டெங்கு ஒழிப்புப் பணிகள் முன்னெடுக்கப்படவுள்ளதாக தேசிய டெங்கு ஒழிப்புப் பிரிவின் சமூக வைத்திய நிபுணர் பிரஷீலா சமரவீர குறிப்பிட்டுள்ளார்.

இதேவேளை, 19 மற்றும் 20 ஆம் திகதிகளில் கிழக்கு மாகாணத்தில் டெங்கு ஒழிப்பு செயற்பாடுகள் முன்னெடுக்கப்படவுள்ளதாக அவர் கூறியுள்ளார்.

ஜனாதிபதி டெங்கு ஒழிப்பு செயலனியின் ஆலோசனை பிரகாரம் இந்த செயற்பாடுகள் முன்னெடுக்கப்படவுள்ளதாகவும் தேசிய டெங்கு ஒழிப்புப் பிரிவின் சமூக வைத்திய நிபுணர் பிரஷீலா சமரவீர தெரிவித்துள்ளார்.

வருடத்தின் இதுவரையான காலப்பகுதியில் 158, 854 பேர் டெங்கு காய்யசளால் பீடிக்கப்பட்டுள்ளனர்.

அதில் அதிகமானவர்கள் மேல் மாகாணத்தை சேர்ந்தவர்கள் என தேசிய டெங்கு ஒழிப்புப் பிரிவு குறிப்பிட்டுள்ளது.

இதேவேளை வருடத்தின் இதுவரையான காலப்பகுதியில் டெங்கு காய்ச்சலால் பீடிக்கப்பட்ட 390 பேர் உயிரிழந்துள்ளனர்.

நுவரெலியா, சினிசிட்டா மைதானத்திலிருந்து நேற்று காலை 11 மணியளவில் சிசுவொன்றின் சடலம் பொலிஸாரால் மீட்கப்பட்டுள்ளது. சம்பவம் தொடர்பில் மேலும் தெரியவருவதாவது,

நாயொன்று சிசுவின் சடலத்தை கவ்விக் கொண்டு செல்லும் போது அதனை முச்சக்கரவண்டி சாரதியொருவர் அவதானித்துள்ளார்.

இந்த நிலையில் சம்பம் தொடர்பில் அவர் நுவரெலியா பொலிஸாருக்கு அறிவித்துள்ளார். இதனையடுத்து சம்பவ இடத்திற்கு வந்த பொலிஸார் குறித்த சடலத்தை மீட்டுள்ளனர்.

எனினும், சிசு யாருடையது என்பது தெரியவராத நிலையில் சம்பவம் தொடர்பான மேலதிக விசாரணைகளை நுவரெலியா பொலிஸார் மேற்கொண்டு வருகின்றனர்.

அத்துடன் பிரேத பரிசோதனைகளுக்கா சிசுவின் சடலம் நுவரெலியா மாவட்ட வைத்தியசாலைக்கு அனுப்பி வைக்கப்பட்டுள்ளது.

கடன் அட்டைகளின் வட்டி வீதம் உயர்த்தப்படக்கூடிய சாத்தியங்கள் காணப்படுவதாகத் தெரிவிக்கப்படுகிறது.

இலங்கை மத்திய வங்கியினால் கடன் அட்டைகளுக்காக விதிக்கப்பட்டிருந்த உச்ச அளவிலான கடன் வட்டி வீதம் நீக்கப்பட்டுள்ளது.

இதுவரையில் இந்த கடன் வட்டி வீதம் 24 ஆக காணப்பட்டது. மத்திய வங்கி இந்த உச்ச வரம்பினை நீக்கியிருப்பதனால் நிதி நிறுவனங்கள் வங்கிகள் வட்டி வீதத்தை தங்களுக்கு நினைத்தவாறு அதிகரிக்கக் கூடும் என அச்சம் வெளியிடப்பட்டுள்ளது.

நிறுவனங்களுக்கு இடையில் போட்டி நிலவி வருவதனால் பாரியளவில் வட்டி வீதம் உயர்த்தப்படக்கூடிய சாத்தியமில்லை என நிதிச் சந்தை வல்லுனர்கள் தெரிவிக்கின்றனர்.

 
எனுமிடத்தில் நேற்று மாலை லொறியொன்று குடைசாய்ந்து விபத்துக்குள்ளானதாக பொலிஸார் தெரிவித்தனர். மழை பெய்து கொண்டிருந்தபோது வீதியில் பயணித்துக் கொண்டிருந்த லொறி வீதியை விட்டுவிலகி குடைசாய்ந்து விபத்துக்குள்ளாகியுள்ளது.

இச்சம்பவத்தில் லொறியைச் செலுத்திச் சென்ற சாரதி மற்றும் உதவியாளர் ஆகியோர் சிறு காயங்களுக்குள்ளாகியதாக பொலிஸார் தெரிவித்தனர். அதேவேளை லொறிக்கு பலத்த சேதமேற்பட்டுள்ளதாக தெரிவிக்கப்படுகிறது.

காணாமல் ஆக்கப்பட்ட தனது கணவரையும், மகனையும் கடந்த 10 வருடங்களாக தேடி அலைந்து, ஏக்கத்துடன் காணப்பட்ட மன்னார் முத்தரிப்புத்துறையைச் சேர்ந்த தாய் ஒருவர் நேற்று உரியிழந்துள்ளார்.

கொழும்பில் 2008 ஆம் ஆண்டு வெள்ளைவானில் கடத்தப்பட்டு காணாமல் ஆக்கச் செய்யப்பட்ட மன்னார் முத்தரிப்புத்துறையைச் சேர்ந்த ரொசான்லி லியோனின் தாயாரும் அமலன் லியோனின் மனைவியுமான ஜெசிந்தா பீரீஸ் (வயது-55) என்பவரே மாரடைப்பால் உயிரிழந்தார்.

கடந்த 10 வருடங்களுக்கு முன் கொழும்பில் வைத்து காணாமல் ஆக்கப்பட்ட தனது கணவர்அமலன் லியோன் மற்றும் மகன் ஆகியோரை குறித்த தாய் தேடி வந்தார்.

இந்த நிலையில் கொழும்பு கோட்டை நீதவான் நீதிமன்றத்தில் கொழும்பில் கடற்படையின் இரகசிய முகாமில் கண்டெடுக்கப்பட்ட 12 அடையாள அட்டைகள் தொடர்பான வழக்கு நடைபெற்று வருகிறது.

அந்த வழக்கில் காணாமல் ஆக்கப்பட்ட மன்னார் முத்தரிப்புத்துறையைச் சேர்ந்த சேர்ந்த அமலன் லியோன் மற்றும் அவரது மகனான ரொசான்லி லியோன் ஆகியோரது அடையாள அட்டைகளும் கண்டுபிடிக்கப்பட்டுள்ளது.

இந்த நிலையில் குறித்த வழக்கு விசாரணைகளுக்காக குறித்த தாய் நீண்ட காலமாக கொழும்பு சென்று வந்துள்ளார். பல வருடங்களாக இடம் பெற்று வந்த குறித்த விசாரணைகளுக்கு சென்று வந்த குறித்த தாய் திடீர் சுகயீனம் காரணமாக நேற்று அதிகாலை யாழ்ப்பாணம் வைத்தியசாலையில் அனுமதிக்கப்பட்ட நிலையில் உயிரிழந்தார்.

தனது கணவர் மற்றும் மகன் காணாமல் போனமை தொடர்பில் குறித்த தாய் பல்வேறு போராட்டங்களில் கலந்து கொண்டு, காணாமல் போன தமது உறவுகளை மீட்டு தருமாறு அரசிற்கு அழுத்தத்தை கொடுத்தமை குறிப்பிடத்தக்கது.

 
மூளையில் ஏற்பட்டுள்ள புற்றுநோயினால் பாதிக்கப்பட்டு குணமடைந்த பெண்ணொருவரின் பிந்திய செயற்பாடுகள் குறித்து தகவல் வெளியாகி உள்ளது.

புற்றுநோயில் இருந்து முற்றாக குணமடைந்துள்ள இலங்கை பெண் ஒருவர், கழிவு பொருட்களை பயன்படுத்தி வாழ்க்கையை வெற்றிகரகமான முன்னெடுத்து செல்வதாக சர்வதேச ஊடகம் ஒன்று தகவல் வெளியிடடுள்ளது.</p><p>குண்டசாலை வராபிட்டிய பகுதியை சேர்ந்த ஜுட் ஹேவாகே வன்னிய என்ற பெண் தொடர்பிலேயே செய்தி வெளியாகியுள்ளது.

புற்றுநோயினால் பாதிக்கப்பட்ட ஒரு பிள்ளையின் தாயான ஜுட், மூளையில் மூன்றாவது சத்திரகிசிச்சைக்கு முகங்கொடுக்க நேரிட்டது. எனினும் சத்திரசிகிச்சையை மேற்கொள்ள மறுத்த ஜுட், மரணத்தை எதிர்கொள்ள தயாரானார்.

2014ஆம் ஆண்டு மஹரகம வைத்தியசாலையில் இரு முறை சத்திரசிகிச்சை மேற்கொண்டதன் பின்னரே அவர் இந்த தீர்மானத்தை மேற்கொண்டுள்ளார்.

புற்றுநோயினால் உடலில் ஏற்பட்ட மாற்றத்துடன் மகளை பார்க்க விரும்பாதவர் சத்திரசிகிச்சை மேற்கொண்டதன் பின்னரும் 7 மாதங்கள் கண்டி புற்றுநோய் பிரிவில் வாழ்ந்துள்ளார்.

“அந்த காலப்பகுதியில் தொலைவில் இருந்தே மகளை பார்த்தேன் என ஜுட் தெரிவித்துள்ளார்.”2016ஆம் ஆண்டு வைத்தியசாலையில் இருந்து மகிழ்ச்சியுடன் வெளியேறிய ஜீட் மற்றுமொரு சிக்கலுக்கு முகம் கொடுத்துள்ளார். அது வாழ்வதற்கான சிக்கலாகும்.

‘நான் வைத்தியசாலையில் இருந்து வீட்டுக்கு வரும் போது என்னால் ஒழுங்கான முறையில் நடக்க முடியாது. உதவியுடனே நடந்தேன். சற்று கண் தெரியாமலும் போனது. வீட்டருகில் இருந்தவர்களின் உதவி கிடைத்த போதிலும் தினமும் அவர்களுக்கு பாரமாக இருக்க விரும்பவில்லை என ஜீட் தெரிவித்துள்ளார்.

இந்த நிலையில் கழிவுப் பொருட்கள் தொடர்பில் ஜுட் திடீரென அவதானம் செலுத்தியுள்ளார். வர்த்தகம் ஒன்றை ஆரம்பிப்பதற்கு நிதி இல்லாத நிலையில் உறவினர்கள் வீடுகளில் கிடைத்த கழிவு பொருட்களான பிலாஸ்டிக் போத்தல்கள் மற்றும் பொலித்தீன்களை வீட்டிற்கு கொண்டு வந்து அதன்மூலம் கைப்பணிகளை ஆரம்பிக்க ஜுட் நடவடிக்கை மேற்கொண்டுள்ளார்.

அவ்வாறு வடிவமைத்த பொருட்களை விற்பனை செய்வதற்கு ஆரம்பித்துள்ளார். அதற்கமைய அந்த பகுதியில் இடம்பெறும் நிகழ்வுகளின் போது அதனை விற்பனை செய்து வந்துள்ளார்.

மாநாகர சபையில் கழிவு பொருட்களை பெற்றுக் கொள்வதற்கு ஜுட் முயற்சித்துள்ளார். அதற்கமைய கண்டி நகர சபை குப்பைகள் அனைத்து ஜுட்டின் நிர்மாணிப்புகளாகியது. அதில் நல்ல பலனை அனுபவித்த ஜுட் தனது திறமையை மேலும் பலருக்கு கற்பிப்பதற்கு ஆரம்பித்தார். தற்போது அவரது வாழ்க்கை ஒரு முன்னேற்கரமான பாதையில் செல்வதாக பிபிசி செய்தி வெளியிட்டுள்ளது.

நாட்டில் நிலவும் சீரற்ற காலநிலை காரணமாக பல பிரதேசங்களில் வெள்ள அபாயம் ஏற்பட்டுள்ளதாக எச்சரிக்கப்பட்டுள்ளது.

குறிபாக நில்வளா கங்கையை சுற்றியுள்ள தாழ்நில பிரதேசங்களில் வெள்ள அபாயம் ஏற்பட்டுள்ளதாக தெரிவிக்கப்படுகின்றது.

இரத்தினபுரி, பாலிந்தநுவர, புலத்சிங்கள, ஹொரனை, பத்தேகம மற்றும் தவலம பிரதேசங்களில் வெள்ளப்பெருக்கு ஏற்படும் அவதானம் உள்ளதாக நீர்ப்பாசன திணைக்களம் தெரிவித்துள்ளது.

இதேவேளை, நாட்டின் தென்மேற்கு பிரதேசங்கள் மற்றும் மத்திய மலைநாட்டு பகுதிகளில் பெய்யும் அதிக மழை காரணமாக களு, கிங் மற்றும் நில்வளா கங்கை பகுதிகளில் வெள்ளப்பெருக்கு ஏற்படும் நிலை காணப்படுவதாக குறிப்பிடப்படுகின்றது.

களனி கங்கையின் நீர்மட்டம் உயர்வடைந்துள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

நெழுவ மற்றும் எஹெலியகொட பிரதேச செயலாளர் பிரிவின், மலை பகுதிகளில் வாழும் மக்களை அங்கியிருந்து வெளியேறுமாறு தேசிய கட்டட ஆராய்ச்சி நிலையம் சிவப்பு எச்சரிக்கை விடுத்துள்ளது.

இன்று காலை 8.00 மணியுடன் நிறைவடைந்த 24 மணித்தியாலத்தில் அதிக மழை இரத்தினபுரியில் பெய்துள்ளதாகவும், அது 123.8 மில்லிமீற்றராக பதிவாகியுள்ளதாக வளிமண்டவியல் திணைக்களம் தெரிவித்துள்ளது.