கட்டடத் தொழிலாளி ஒருவரின் தாடையில் குத்தி வாய் வழியாக வெளியே வந்த இரும்பு கம்பி ஒன்றை மருத்துவர்கள் வெற்றிகரமாக சத்திர சிகிச்சை மூலம் அகற்றியுள்ளனர்.

ஹோமகமை வைத்தியசாலையில் விசேட சத்திர சிகிச்சை நிபுணர் மருத்துவர் தம்மிக்க விக்ரமசேகர தலைமையிலான மருத்துவர்கள் இந்த சிகிச்சையை மேற்கொண்டுள்ளனர்.

புதிதாக நிர்மாணிக்கப்பட்டு வரும் கட்டடம் ஒன்றில் தொழிலாளி ஒருவர் கொங்கிரீட் போட்டுக்கொண்டு இருந்த நிலையில் மாடியில் இருந்து கீழே இறங்க முயற்சித்த போது கால் தவறி விழுந்ததில் இந்த விபத்து ஏற்பட்டுள்ளதுடன் கொங்கிரீட் கம்பி தாடையில் குத்தி வாய் வழியாக வெளியில் வந்துள்ளது.

இதனையடுத்து அருகில் இருந்தவர்கள் கொங்கிரீட் கம்பியை வெட்டியுள்ளதுடன் மீதமிருந்த கம்பியுடன் அவரை ஹோமகமை வைத்தியசாலையில் அனுமதித்துள்ளனர்.

ஒன்றரை மணிநேர சத்திர சிகிச்சையின் பின் கம்பி அகற்றப்பட்டுள்ளது. விசேட மருத்துவ நிபுணர் தம்பிக்க விக்ரமசேகர தலைமையிலான சானக்க ராஜபக்ச, காவிந்த நாகொடவித்தான உள்ளிட்டோர் இந்த சிகிச்சையில் பங்கேற்றுள்ளனர்.

கம்பி அகற்றப்பட்ட நிலையில் விபத்துக்கு உள்ளானவர் தீவிர சிகிச்சைப் பிரிவில் அனுமதிக்கப்பட்டு தற்போது குணமடைந்து வருவதாக மருத்துவர் விக்ரமசேகர தெரிவித்துள்ளார்.

ஹோமாகம பகுதியில் கழிப்பாறை ஒன்றில் மீதுள்ள பதாகையின் காரணமாக குழப்ப நிலை ஏற்பட்டுள்ளது.

பெண்கள் கழிப்பறை ஒன்றில் தமிழ் மொழியில் மாத்திரம் ஆண்கள் கழிப்பறை என எழுத்தப்பட்டமையே இந்த குழப்பத்திற்கு காரணமாகும்.

ஹோமாகம நீதிமன்ற வளாகத்தில் இந்த கழிப்பறை அமைந்துள்ளமையே விசேட அம்சமாக கருதப்படுகின்றது.
இதனால் ஏற்படும் பிரச்சினைகள் சாதரணமாக இருக்காதென பொது மக்கள் விசனம் வெளியிட்டுள்ளனர்.

அத்துடன் நீதிமன்ற வளாகம் ஒன்றில் இவ்வாறான தவறுகள் இடம்பெறுவதனை சாதாரணமாக எண்ணிவிட முடியாதென சுட்டிக்காட்டப்பட்டுள்ளது.

இது தொடர்பில் உரியவர்கள் உடனடியாக நடவடிக்கை மேற்கொள்ள வேண்டும் என மக்கள் கோரிக்கை விடுத்துள்ளனர்.

 
நோர்வுட் தொழிற்சாலை பணி புரியும் யுவதிகள் சிலர் நேற்று மீண்டும் நோய்வாய்ப்பட்டு வித்தியாசமாக செயற்பட்டுள்ளதாக பொலிஸார் தெரிவித்துள்ளனர்.

அந்த தொழிற்சாலையில் அமானுஷ்யங்கள் உள்ளதாக யுவதிகள் அச்சமடைந்துள்ளதாக நோர்வுட் பொலிஸார் தெரிவித்துள்ளனர்.

கிட்டத்தட்ட 20 யுவதிகள் ஆவேசமாக நடந்து கொண்டுள்ளதுடன் கத்தி கூச்சலிட்டுள்ளனர். மேலும் ஒரு யுவதி கறுப்பு ஆடை அணிந்து இன்னொருவரின் கழுத்து பகுதியை பிடித்துள்ளார்.

ஏனைய யுவதிகள் கூச்சலிட்டவுடன் தொழிற்சாலையின் நிர்வாகத்தினரினால் இது தொடர்பில் பொலிஸாரிடம் அறிவித்துள்ளனர்.

பின்னர் டிக்கோயா வைத்தியசாலையின் வைத்திய அதிகாரிகள் உட்பட குழுவினர் தொழிற்சாலைக்கு சென்று யுவதிகளை பரிசோதித்துளள்னர்.

குறித்த யுவதிகளின் உடலில் எந்தவொரு நோய் தன்மையும் இல்லை என குறிப்பிட்டு, மனநல வைத்தியரிடம் கொண்டு செல்லுமாறு அறிவித்துள்ளனர்.

தொழிற்சாலைக்கு நடத்தப்படவிருந்த பூஜை வழிப்பாடுகள் அதிகாரியினால் நிறுத்தப்பட்டமையினால் இந்த நிலைமை ஏற்பட்டுள்ளதாக ஊழியர்கள் தெரிவித்துள்ளனர்.

கடும் வறுமையான குடும்ப சூழ்நிலையிலும் புலமைப் பரிசில் பரீட்சையில் சித்தியடைந்த மாணவி தொடர்பில் நேற்று ஊடகங்களில் செய்தி வெளியாகியிருந்தன.

இந்நிலையில் குறித்த மாணவியை தன்னிடம் அழைத்து வருமாறு ஸ்ரீலங்கா ஜனாதிபதி மைத்திரிபால சிறிசேன பணிப்புரை விடுத்துள்ளார். ஜனாதிபதி செயலகம் ஊடாக கலேவெல கல்வி இயக்குனரிடம் இந்த கோரிக்கை விடுக்கப்பட்டுள்ளது.

இம்முறை புலமைப் பரிசில் பரீட்சையில் துலஞ்சலி மதுமாலி பிரேமரத்ன என்ற மாணவி 168 புள்ளிகளை பெற்றுள்ளார். திக்கல ஆரம்ப பாடசாலை 1972ஆம் ஆண்டு ஆரம்பிக்கப்பட்டது. எனினும் முதல் முறையாக புலமைப் பரிசில் பரீட்சையில் சித்தியடைந்த முதல் மாணவி இவராகும்.

இம் மாணவியின் தந்தை சிறுநீரக நோயினால் உயிரிழந்துள்ள நிலையில் அவரது தாயார் தற்போது கூலி வேலை செய்து குடும்பத்தை நடத்திவருகின்றார்.

அதற்கமைய உடனடியாக செயற்படும் வகையில் சிறுநீரக நோய் நிவாரண நிதியை மாணவியின் உயர்தரம் கல்வி வரை வழங்குமாறு ஜனாதிபதி உத்தரவிட்டுள்ளார்.

ஸ்ரீலங்காவின் உள்ளுர் ஊடகங்களில் துலஞ்சலி மதுமாலி தொடர்பான செய்திகள் நேற்று வெளியாகி இருந்தன. இதனை அறிந்து கொண்ட ஜனாதிபதி, குறித்த மாணவிக்கு தேவையான அனைத்து உதவிகளையும் உடனடியாக வழங்குமாறு அறிவுறுத்தியுள்ளார்.

அத்துடன் ஜனாதிபதி இல்லத்திற்கு குறித்த மாணவியை இன்றைய தினம் அழைத்து வருவதற்கு நடவடிக்கை மேற்கொள்ளுமாறும் ஜனாதிபதி மைத்திரிபால சிறிசேன பணிப்புரை விடுத்துள்ளார்.

மணமகன் ஒருவரின் போலியான தலைமுடி வீழ்ந்தமை காரணமாக அண்மையில் திருமணம் ஒன்று இரத்தான சம்பவம் பதிவாகியுள்ளது.

இந்த சம்பவம் அம்பாறை மா ஓயா பிரதேசத்தில் அண்மையில் இடம்பெற்றுள்ளது. மணமகன் இல்லத்தாரும், மணமகள் இல்லத்தாரும் இணைந்து திருமண பேச்சுக்களை ஆரம்பித்துள்ளனர்.

இதன்போது, மணமகன் அணிந்திருந்த போலியான தலைமுடி கீழே வீழ்ந்ததன் காரணமாக உடனடியாகவே மணமகள் வீட்டார் திருமண பேச்சுக்களை இடைநிறுத்தியுள்ளனர்.

திருமண பேச்சுக்கள் இடம்பெற்றுக்கொண்டிருக்கையில் கலாச்சார முறைப்படி மணமகன் எதிர்கால மாமனாரின் காலில் வீழ்ந்து வணங்கியபோதே பொய்யான தலைமுடி கீழே வீழ்ந்துள்ளது.

மரக்கறிகளின் விலைகள் பத்து வீதத்தினால் திடீரென உயர்வடைந்துள்ளது. மரக்கறி வகைகள் கிடைப்பதில் காணப்படும் தாமதத்தினால் இவ்வாறு விலைகள் உயர்வடைந்துள்ளன.

தற்பொழுது மரக்கறிகளுக்கு தட்டுப்பாடு நிலவி வருவதாக தம்புள்ள பொருளாதார மத்திய நிலைய தகவல்கள் தெரிவிக்கின்றன.

இதேவேளை போதியளவு மரக்கறி வகைகள் கிடைக்கப் பெறுவதில்லை என தெரிவிக்கப்படுகிறது. மேலும் நிலவும் மழையுடன் கூடிய காலநிலையினால் இவ்வாறு திடீரென விலை உயர்வு பதிவாகியுள்ளது.