மட்டக்களப்பு – களுவாஞ்சிகுடி பகுதியில் உள்ள பாழடைந்த கிணற்றில் இருந்து அழுகிய நிலையில் ஆண் ஒருவரின் சடலம் மீட்கப்பட்டுள்ளதாக பொலிஸார் தெரிவித்துள்ளனர்.

பொலிஸாருக்கு கிடைத்த இரகசிய தகவலையடுத்து நேற்று மாலை குறித்த சடலம் மீட்கப்பட்டுள்ளது.

களுவாஞ்சிகுடி – எருவில் எரிபொருள் நிரப்பு நிலையத்திற்கு அருகில், கைவிடப்பட்ட காணியொன்றில் உள்ள கிணற்றில் இருந்து துர்நாற்றம் வீசியுள்ளது.

இது தொடர்பில் பிரதேச மக்கள் பொலிஸ் அவசர இலக்கத்திற்கு தகவல் வழங்கிய நிலையில், குறித்த பகுதிக்கு விரைந்த பொலிஸார் சடலத்தை மீட்டுள்ளனர்.

இந்நிலையில், சம்பவம் தொடர்பில் களுவாஞ்சிகுடி பொலிஸார் மேலதிக விசாரணைகளை மேற்கொண்டு வருகின்றனர்.

தரம் ஆறில் கல்வி பயிலும் மாணவனின் திறமை காரணமாக, அவரது தாயாருக்கு தொழில் வாய்ப்பு கிடைத்துள்ளது.

கடந்த வருடம் 5ஆம் தர புலமைப்பரீசில் பரீட்சையில் அகில இலங்கை ரீதியில் முதலாம் இடத்தை பிடித்த மாணவனின் தாயாருக்கு தொழில் ஒன்று வழங்கப்பட்டுள்ளது. தென் மாகாண கல்வி அமைச்சர் சந்திம ராஜபுத்ரவினால், குறித்த தாயாருக்கு தொழில் வாய்ப்பு ஒன்று பெற்றுக்கொடுக்கப்பட்டுள்ளது.

மாத்தறை ஊருகடுவ மெதடிஸ் பாடசாலையில் கல்வி பயின்ற சிதிஜ நிரான் 2016ஆம் ஆண்டு புலமைப்பரீசில் பரீட்சையில் அகில இலங்கை ரீதியில் முதலாம் இடத்தை பிடித்தார்.

இதனையடுத்து கொழும்பு ரோயல் கல்லூரியில் கல்வி நடவடிக்கையை தொடர வாய்ப்பு வழங்கப்பட்டது. அவரது கல்வி நடவடிக்கையினை முன்னெடுப்பதற்கு பொருளாதார சிக்கல் ஏற்பட்டுள்ளது. இந்த நெருக்கடி நிலையை தீர்த்துக் கொள்ள மாணவனின் தாயாருக்கு தொழில் வழங்கப்பட்டுள்ளதாக மாகாண கல்வி அமைச்சு அறிவித்துள்ளது.

ஆறு அடி நீளமான முதலை ஒன்றை கைது செய்த பொலிஸார் சிறையில் அடைந்துள்ளனர். பலபிட்டிய மாது ஏரியில் இருந்த வந்த 6 அடி நீளமுடைய முதலை ஒன்று நேற்று முன்தினம் பிரதேச மக்களால் பிடிக்கப்பட்டுள்ளது.

இது தொடர்பாக அம்பலங்கொட பொலிஸ் நிலையத்திற்கு தகவல் வழங்கப்பட்டது. சம்பவ இடத்திற்கு சென்ற பொலிஸார், முதலை கைது செய்து சிறையில் அடைத்தனர்.

பின்னர் அம்பலங்கொட பொலிஸ் தலைமையக பிரதான பொலிஸ் அதிகாரி இது தொடர்பில் வனவிங்கு அதிகாரிகள் அலுவலகத்திற்கு தகவல் வழங்கியுள்ளார்.

அதனைத் தொடர்ந்து சிலைச்சாலையில் இருந்து நேற்று காலை பாதுகாப்பான இடத்திற்கு முதலை கொண்டு செல்லப்பட்டுள்ளது.

இலங்கையை சேர்ந்த வயதான பெண்மணியின் விடா முயற்சி காரணமாக சாதனை ஒன்று நிகழ்த்தப்பட்டுள்ளது. 70 வயதான ரோஹினி என்ற பெண்மணி, சர்வதேச பெட்மின்டன் போட்டியில் தங்கப் பதக்கம் வென்றுள்ளார்.

கொழும்பை சேர்ந்த ரோஹினி பம்பலப்பிட்டி பாடசாலையில் கல்வி கற்றுள்ளார். அந்த காலப்பகுதியில் மிகுந்த விருப்பத்துடன் பெட்மின்டன் விளையாட்டில் ரோஹினி ஈடுபட்டுள்ளார். குடும்ப வாழ்க்கையின் ஊடாக கிடைத்த ஓய்வு நேரங்களில் ஒஸ்ட்ரஸ் என்ற விளையாட்டு கழகத்திற்கு சென்று பெட்மின்டன் விளையாட்டு பயிற்சிகளை பெற்றுள்ளார்.

அதற்கமைய நியூசிலாந்து நாட்டவருடன் பெட்மின்டன் போட்டியில் கலந்து கொண்டு அவரை தோற்கடித்த ரோஹினி, இலங்கைக்கு தங்கப் பதக்கம் ஒன்று பெற்றுக் கொடுத்து பெருமை சேர்த்துள்ளார்.

நியூசிலாந்தில் இடம்பெற்ற போட்டியில் அந்த நாட்டவரை தோற்கடித்து 70 வயதில் பதக்கம் வென்றமை குறித்து மகிழ்ச்சியடைவதாக அவர் குறிப்பிட்டுள்ளார்.

இந்த போட்டியின் போது இந்திய பார்வையாளர்கள் அவருக்கு மிகுந்த ஆதரவுகளை வழங்கியதாக அவர் தெரிவித்துள்ளார். 70 வயதில் சர்வதேச வெற்றியை பெறுவதென்பது பின்வாங்காமை மற்றும் விடா முயற்சியே காரணம் என ரோஹினி மேலும் தெரிவித்துள்ளார்.

70 வயதிலும் மிகுவும் துடுப்பான முறையில் விளையாடி தங்கப் பதக்கம் வென்ற ரோஹினிக்கு சர்வதேச ரீதியாக பாராட்டுக்கள் குவிந்துள்ளன.

 
ஐந்தாம் தர புலமைப்பரிசில் பரீட்சை பெறுபேறுகள் வெளியாகியுள்ள நிலையில் சம்மாந்துறை வலயத்தின் சம்மாந்துறை கோட்டத்திலுள்ள பின்தங்கிய பாடசாலையான மல்வத்தை, புதுநகர் அரசினர் தமிழ்க்கலவன் பாடசாலை இரண்டு வரலாற்று சாதனைகளைப் படைத்துள்ளது.

அந்த வகையில் குறித்த பாடசாலையைச் சேர்ந்த மாணவி சுதர்சன் நிவானுஜா புலமைப்பரிசில் பரீட்சையில் 187 புள்ளிகளைப் பெற்று அம்பாறை மாவட்டத்தில் தமிழ் மொழி மூலத்தில் இரண்டாம் இடத்தினை பெற்றுள்ளார்.

அத்துடன் வரலாற்றில் முதற் தடவையாக குறித்த பாடசாலையில் இம்முறை 11 மாணவர்கள் சித்தியடைந்துள்ளனர். இது தொடர்பில் பாடசாலை அதிபர் நல்லரெத்தினம் சுந்தரநாதன் கருத்து தெரிவிக்கையில்,

சம்மாந்துறை வலயத்தில் மிகவும் பின்தங்கிய மல்வத்தை புதுநகர் அ.த.க.பாடசாலை மாணவி சுதர்சன் ஜிவானுஜா 187 புள்ளிகளை பெற்று அம்பாறை மாவட்டத்தில் தமிழ் மொழி மூலத்தில் இரண்டாம் இடத்தினை பெற்றதன் மூலம் பாடசாலை வரலாற்று சாதனை படைத்துள்ளது.

அத்துடன், மேலுமொரு வரலாற்று சாதனையையும் எமது பாடசாலை ஏற்படுத்தியுள்ளது. அதாவது எமது பாடசாலையின் வரலாற்றில் 11 மாணவர்கள் புலமைப்பரிசில் பரீட்சையில் சித்திபெற்றிருப்பது இதுவே முதல் தடவையாகும் எனவும் அவர் சுட்டிக்காட்டியுள்ளார்.

அமெரிக்க டொலருக்கு எதிராக இலங்கை ரூபாவின் பெறுமதி பாரிய வீழ்ச்சியை சந்தித்துள்ளதாக புதிய புள்ளிவிபரங்கள் தெரிவிக்கின்றன.

இறக்குமதியாளர்களுக்கான டொலரின் தேவை அதிகரித்ததால், ரூபாய் மதிப்பு வீழ்ச்சியடைந்துள்ளதாக சுட்டிக்காட்டப்பட்டுள்ளது.

இதனால், அந்நிய முதலீட்டாளர்கள் மற்றும் வங்கிகள் மூலம் அமெரிக்க நாணயத்தின் விற்பனை அதிகரித்துள்ளது.

அதற்கமைய நேற்றைய தினம் அமெரிக்க டொலர் ஒன்றின் பெறுமதி 153.39 ரூபாவாக பதிவாகியுள்ளது. இந்த நிலையில் கடந்த ஜனவரி மாதம் முதல் ரூபாவின் பெறுமதியை நிலையாக வைத்திருப்பதில் இலங்கை மத்திய வங்கி கடும் பிரயத்தனங்களை மேற்கொண்டு வருவதாக தெரிவிக்கப்பட்டுள்ளது.

ஸ்ரீலங்காவில் வாகன சாரதிகளுக்கு எதிரான அபராதத் தொகையை செலுத்த புதிய நடைமுறை அறிமுகம் செய்யப்படவுள்ளது.

ஸ்ரீலங்காவில் இதுவரையில் அபராதம் செலுத்துவதற்கு நடைமுறைப்படுத்தப்படும் முறையினை மாற்றுவதற்கு நடவடிக்கை மேற்கொள்ளப்பட்டுள்ளது.

தற்போது நடைமுறையிலுள்ள முறைப்படி, முதலில் அபராத தொகையை செலுத்திவிட்டு பின்னர் சாரதி அனுமதி பத்திரத்தை பெற்றுக்கொள்ள வேண்டும். எனினும் இந்த முறை கடினம் என்பதனால் அதனை மாற்றுவது தொடர்பில் கலந்தாலோசிக்கப்பட்டு வருவதாக பொலிஸ் ஊடகபேச்சாளர் ருவன் குணசேகர தெரிவித்துள்ளார்.

போக்குவரத்து பொலிஸாரினால் வழங்கப்படும் அபராத பத்திரத்தை, தபால நிலையத்தில் ஒப்படைத்து பணத்தை செலுத்த வேண்டும். பின்னர் அதனை மீண்டும் பொலிஸ் நிலையத்திற்கு கொண்டு சென்று சாரதி அனுமதி பத்திரத்தை பெற்றுக்கொள்ள வேண்டும்.

இந்நிலையில் சாரதிகளின் அசளகரியங்களை தவிர்க்கும் நோக்கில், எதிர்வரும் காலங்களில் இணையத்தளம் ஊடாக அபராதம் செலுத்துவதற்கான சந்தர்ப்பம் ஏற்படுத்தி கொடுக்கப்படவுள்ளதாக அவர் குறிப்பிட்டுள்ளார்.

இந்த முறை அறிமுகப்படுத்தி வைத்தால் அந்த சந்தர்ப்பத்திலேயே பணத்தை செலுத்தி சாரதி அனுமதி பத்திரத்தை மீள பெறுவதற்கான வாய்ப்பு ஏற்படும்.