புலமைப்பரீட்சை பெறுபேறுகள் நேற்று முன்தினம் (04.10.2017) இரவு வெளியாகியிருந்த நிலையில் வவுனியா சைவப்பிரகாச ஆரம்ப பாடசாலையில் 29 மாணவர்கள் சித்தி பெற்று பாடசாலைக்கு பெருமை சேர்த்துள்ளதாக பாடசாலையின் அதிபர் தெரிவித்தார். அவர் மேலும் தெரிவிக்கையில்,

கடந்த தரம் 5 புலமைப்பரீட்சையில் 129 மாணவர்கள் பரீட்சைக்கு தோற்றியிருந்தனர். இவர்களில் 29 மாணவர்கள் வெட்டுப்புள்ளிகளுக்கு மேல் பெறுபேறுகளை பெற்று சித்தியடைந்துள்ளதாக மேலும் தெரிவித்தார்.

பரீட்சையில் சித்தியடைந்த மாணவர்களின் பெயர் விபரங்கள் பின்வருமாறு

சி.டசிகா 180
த.ஹேசிகா 178
கு.சுஜிந்தன் 177
கே.டிலக்ஷதன் 176
சௌ.ஓவியா 175 ,
ச.அட்சயன் 174
அ.லதுஷா 173
த.மிதுர்ஷிகா 172
பா.அபிசாளினி 171
சி.வாணுசன் 171
ந.நஜிந்தவி 170
சு.ஜக்கியா 168
ம.சொவ்யா 176
க.கலைமதி 167
கா.அடிக்ஷனா 166
க.ருஸ்மிகா 166
நே.டிலுக்சன் 165
சி.அஜானி 165
ஆ.சன்சிகா 163
சி.கரிஷன் 163
வி.மிதுஷாயினி 161
செ.நியந்திரி 160
இ.லிவாஸ் 160
சு.மதுமிலன் 159
கி.விவிதகோபிகா 157
இ.டினோஷன் 156
செ.டிந்துஜா 156 ,
சி.துளசி 154

அனைவரையும் நோயில் இருந்து பாதுகாப்பதே எனது கடமை, அதனால் எதிர்காலத்தில் வைத்தியராக வர வேண்டும் என்பதே எனது ஆசை என வவுனியா மாவட்டத்தில் புலமைப்பரிசில் பரீட்சையில் 190 புள்ளிகளைப் பெற்று மாவட்ட மட்டத்தில் முதலிடம் பெற்ற வவுனியா இறம்பைக்குளம் மகளிர் கல்லூரி மாணவி உதயராசா அவிர்சாஜினி தெரிவித்துள்ளார். தனது பெறுபேறு குறித்து எமது செய்திப்பிரிவிற்கு அவர் கருத்துத் தெரிவிக்கையில்,

190 புள்ளிகளைப் பெற்று மாவட்டத்தில் முதலிடம் பெற்றமை எனக்கு மிகவும் மகிழ்ச்சியாக இருக்கிறது. நான் இந்த நிலையை அடைந்தமைக்கு முதலில் இறைவனுக்கு நன்றி கூறுகின்றேன். என்னை வழிநடத்திய எனது பாடசாலை அதிபர், ஆசிரியர், அப்பா, அம்மா மற்றும் எனது குடும்பத்தார் ஆகியோருக்கும் நான் நன்றி கூற கடமைப்பட்டுள்ளேன்.

என்னுடைய அம்மா நான் படிப்பதற்கு அரும்பாடுபட்டார். நான் தினமும் காலை 4 மணிக்கு எழுந்து படித்து வந்தேன். அப்பா நல்ல புத்தகங்களை வாங்கித் தந்தார். அவற்றையும் நான் படித்தேன். எதிர்காலத்தில் வைத்தியராக வருவதே எனது ஆசை. இதன் மூலம் அனைவரையும் நோயில் இருந்து காப்பேன்.

ஏனைய மாணவர்களும் பெற்றோரினதும், அதிபரினதும், ஆசிரியர்களினதும் சொற்கேட்டு நடந்து, எதிர்காலத்திலும் எமது மாவட்டத்திற்கும், பாடசாலைக்கும் பெருமைத் தேடித் தரவேண்டும் என குறிப்பிட்டுள்ளார்.

 
அகில இலங்கை பாடசாலைகளுக்கிடையிலான 33வது தேசிய மட்ட விளையாட்டு நிகழ்வில் 20 வயதின் கீழ் பெண்களுக்கான கரம் சுற்றுப் போட்டி கடந்த (03.10.2017) தொடக்கம் (05.10.2017) வரை கொழும்பு நுகேகொட சமுத்திராதேவி பெண்கள் கல்லூரியில் நடைபெற்றது.

மேற்படி கரம் சுற்றுப் போட்டியில் வட மாகாணத்தின் வவுனியா தெற்கு வலய பாடசாலையான வவுனியா அல் இக்பால் மகா வித்தியாலய அணி மூன்றாம் இடத்தினை (வெண்கல பதக்கத்தை) பெற்று வட மாகாணத்திற்கு பெருமை சேர்த்துள்ளது.

அரையிறுதி ஆட்டத்தில் கொழும்பு நுகேகொட சமுத்திராதேவி பெண்கள் கல்லூரியிடம் தனது தோல்வியை சந்தித்ததுடன் 3ம் நிலைக்கான போட்டியில் யாழ் கொக்குவில் இந்துக் கல்லூரியுடன் மோதி வவுனியா அல் இக்பால் மகா வித்தியாலயம் வெற்றியை தனதாக்கியது.

மேற்படி கரம் சுற்றுப் போட்டியில் தங்க பதக்கத்தினை கொழும்பு மஹமாஜா பெண்கள் கல்லூரி தனதாக்கியதுடன் , வெள்ளிப் பதக்கத்தை கொழும்பு நுகேகொட சமுத்திராதேவி பெண்கள் கல்லூரி பெற்றுக் கொண்டமை குறிப்பிடத்தக்கது.

 
வவுனியாவில் எதிர்வரும் திங்கட்கிழமை (09.10.2017) காலை 10 மணிக்கு வவுனியா மத்திய பேருந்து நிலையத்தில் சிறைச்சாலையில் தடுத்து வைக்கப்பட்டுள்ள அனைத்து அரசியல் கைதிகளையும் நிபந்தனையற்ற முறையில் உடன் விடுதலை செய்யுமாறு கோரி கவனயீர்ப்பு போராட்டம் ஒன்றினை நடாத்த ஏற்பாடு செய்யப்பட்டுள்ளது.

வவுனியா புகையிரத வீதியில் அமைந்துள்ள வன்னி மாவட்ட பாராளுமன்ற உறுப்பினர் சிவசக்தி ஆனந்தனின் அலுவலகத்தில் இன்று (05.10.2017) மாலை 3.30 மணியளவில் அரசியல் கைதிகள் தொடர்பான கலந்துரையாடல் பொது அமைப்புக்களின் பங்கு பற்றலுடன் இடம்பெற்றது.

இதன் போது பல்வேறு வாதபிரதிவாதங்கள் இடம்பெற்றன. இறுதியில் இதை தொடர் போராட்டமாக வலியுறுத்தி மேற்கொள்வதற்கும் தனியான ஒரு அமைப்பினரை உருவாக்கி சிறைச்சாலைகளில் விசாரணைகள் இன்றியும் நீண்டகாலமாக தடுத்து வைக்கப்பட்டுள்ள அனைத்து அரசியல் கைதிகளையும் உடனே நிபந்தனையற்ற முறையில் விடுதலை செய்வதற்கு மத்திய அரசை வலிறுத்தி கவனயீர்ப்புப் போராட்டம் ஒன்றினை எதிர்வரும் திங்கட்கிழமை நடாத்துவதற்கும் அதனைத் தொடர்ந்து அடுத்து வரும் வாரங்களில் தொடர் போராட்டங்களை மேற்கொள்வதற்கும் கலந்துரையாடலில் முடிவுகள் எடுக்கப்பட்டன.

இப்போராட்டத்திற்கு கட்சி பேதமின்றி அரசியல் கைதிகளின் நலனில் அக்கறையுள்ள அனைத்து தரப்பினரையும் கலந்துகொள்ளுமாறும் கோரிக்கை விடப்பட்டுள்ளதுடன் வடகிழக்கு மாகாணங்களிருந்தும் ஆதரவினை வேண்டி நிற்பதாகவும் தெரிவிக்கப்பட்டது.

இன்றைய கலந்துரையாடலின்போது வவுனியா மாவட்டத்திலுள்ள பொது அமைப்புக்கள், வர்த்தகர் சங்கம், சமூக அமைப்புக்கள், தனியார் பேருந்து உரிமையாளர்கள் சங்கம், மகளிர் அமைப்புக்கள், கிராம அமைப்புக்கள் என 20ற்கும் மேற்பட்ட அமைப்புக்கள் இதில் கலந்து கொண்டமை குறிப்பிடத்தக்கது.

 
வவுனியாவில் இன்று (05.10.2017) மாலை 4 மணியளவில் பெய்த காற்றுடன் கூடிய மழையினால் தாலிக்குளம் பகுதியில் பழமை வாய்ந்த மரமொ ன்று முறிந்து வீழ்ந்ததில் வவுனியா – மன்னார் வீதிக்கான போக்குவரத்து தடைப்பட்டது.

இது வரை முறிந்து வீழ்ந்த மரத்தின் கிளைகள் அகற்றப்படாமையினால் வாகனங்கள் வீதியில் கீழே இறங்கி மிகுந்த சிரமத்திற்கு மத்தியிலே செல்ல வேண்டிய நிலை ஏற்ப்பட்டுள்ளது.

பலமுறை வவுனியா தெற்கு பிரதேச சபைக்கு அறிவித்தும் இதுவரை எவரும் சமூகமளிக்கவில்லை என பொதுமக்கள் விசனம் தெரிவித்தனர்.

 
வவுனியா சிதம்பரபுரம் பழைய கற்குளம் பகுதியில் நேற்று (04.10.2017) மாலை 3.15 மணியளவில் புதையல் தோண்டிய இருவரை கைது செய்ததுடன் புதையல் தோண்ட பயன்படுத்தப்பட்ட உபகரணங்களையும் வவுனியா பொலிஸார் கைப்பற்றியுள்ளனர்.

வவுனியா சிதம்புரம் பொலிஸ் பிரவுக்குட்பட்ட பழைய கற்குளம் காட்டுப்பகுதியில் புதையல் தோண்டுவதாக வவுனியா பொலிஸ் நிலைய பொறுப்பதிகாரி மகிந்த வில்வராட்சி அவர்களுக்கு கிடைத்த ரகசிய தகவலின் அடிப்படையில் பொலிஸ் நிலைய பொறுப்பதிகாரியின் தலமையில் பொலிஸ் துணை இன்ஸ்பெக்டர் சுபசிங்க , அசோகவின் வழிகாட்டலில் பொலிஸ் கோஸ்தபர்களான அஜித் (45423) , கபில (51613) , திலக் (46176) , நிஷங்க (75089) ஆகியோரினால் நேற்றை தினம் (04.10.2017) மாலை 3.15 மணியளவில் மேற்கொள்ளப்பட்ட திடீர்சோதனை நடவடிக்கையின் போது,

பழைய கற்குளம் காட்டுப்பகுதியில் சிறு கோவில் அமைத்து பூஜை வழிபாடுகளை மேற்கொண்டு புதையல் தோண்டும் நடவடிக்கையில் ஈடுபட்டிருந்த அதே கிராமத்தினை சேர்ந்த கந்தவேல் சுதர்சன் (வயது 39) , வடிவேல் சின்னத்தம்பி (வயது 32) ஆகியோரை பொலிஸார் கைது செய்ததுடன் புதையல் தோண்ட பயன்படுத்தப்பட்ட உயர் அழுத்த கருவி, தண்ணீர் இறைக்கும் மோட்டர் , மின்பிறப்பாக்கி , கல் உடைக்கும் இயந்திரம், பூஜைப் பொருட்கள் என பல்வேறு பொருட்களை வவுனியா பொலிஸார் கைப்பற்றியுள்ளனர்.

இவர்களினால் அப்பகுதியில் 30அடி ஆழத்தில் குழி தோண்டப்பட்டுள்ளதாவும் அதனுள் 15 அடி ஆழத்தில் நீர் காணப்படுவதாவும் மேலதிக விசாரணைகளின் பின்னர் வவுனியா மாவட்ட நீதவான் நீதிமன்றத்தில் ஆயர்படுத்தவுள்ளதாக வவுனியா பொலிஸ் நிலைய பொறுப்பதிகாரி தெரிவித்தார்.