ஆப்கானிஸ்தான் நாட்டின் வடக்கு பகுதியில் அமைந்துள்ள கிரமாத்தில் கிளர்ச்சியாளர்கள் நடத்திய கொடூர தாக்குதலில் 50-க்கும் அதிகமானோர் உயிரிழந்திருப்பதாக தகவல்கள் வெளியாகியுள்ளன.

ஆப்கானிஸ்தான் வடக்கு பகுதியில் உள்ள சரி புல் மாகாணத்தில் கிளர்ச்சியாளர்கள் நடத்திய கொடூர தாக்குதலில் பெண்கள் மற்றும் குழந்தைகள் உள்பட 50-க்கும் மேற்பட்டோர் உயிரிழந்துள்ளனர்.

மாகாணத்தின் ஆளுநரான சபிநுல்லா அமானி இந்த தாக்குதல் சம்பவத்தை உறுதி செய்து இது குறித்த தகவல்களை வெளியிட்டுள்ளார்.

மிர்ஸா ஒலங் பகுதியை ஒட்டிய சயாத் மாவட்டத்தில் அமைந்துள்ள பாதுகாப்பு சோதனை சாவடியில் கிளர்ச்சியாளர்கள் கொடூர தாக்குதல் நடத்தியதோடு 30-க்கும் அதிகமான வீடுகளுக்கு தீவைத்துள்ளனர்.

மேலும் இந்த தாக்குதல் தொடர்ந்து நடைபெற்று வருகிறது என்றும், அதிகபட்சம் 50-க்கும் அதிகமானோர் உயிரிழந்திருக்கலாம் என அவர் தெரிவித்துள்ளார்.

குறித்த தாக்குதலில் மிகவும் கொடூரமான முறையில் மனிதாபமற்ற நிலையில் கொல்லப்பட்டனர். இத்துடன் ஆப்கன் பாதுகாப்பு படையை சேர்ந்த ஏழு பேர் இந்த தாக்குதலில் கொல்லப்பட்டிருப்பதாக மாகாண ஆளுநர் தெரிவித்துள்ளார்.

இந்த தாக்குதலில் தலிபான் மற்றும் ஐ.எஸ். இயக்கத்தினர் அடங்கிய குழுவினர் ஈடுபட்டதாக அமானி தெரிவித்துள்ளார்.

எனினும் இந்த தாக்குதலில் ஈடுபடவில்லை என தலிபான்கள் மறுத்துள்ளனர். தாக்குதல் சம்பவத்தைத் தொடர்ந்து பாதுகாப்பு படைகள் மற்றும் ஆப்கன் விமான படையினர் சம்பவ இடத்திற்கு விரைந்துள்ளதாக மூத்த அரசு அதிகாரி ஒருவர் தெரிவித்துள்ளார்.

ஆப்கானிஸ்தானில் தாக்குதல் சம்பவங்கள் கடந்த சில காலங்களில் அதிகரித்துள்ளது. தினசரி அடிப்படையில் தாக்குதல் சம்பவங்கள் அரங்கேறி வரும் நிலையில், இந்த ஆண்டின் முதல் பாதியில் மட்டும் 1662 பேர் தாக்குதலில் சிக்கி உயிரிழந்துள்ளனர், 3581 பேர் காமுற்றுள்ளனர், என ஐக்கிய நாடுகள் மன்றம் வெளியிட்டுள்ள அறிக்கையில் தெரிவிக்கப்பட்டுள்ளது.

ஐஸ்லாந்தில் இருந்து நாடுகடத்தப்படும் சிக்கலில் இருக்கும் 12 வயது சிறுமிக்கும் அவரது தந்தைக்கும் அங்குள்ள மக்கள் தங்கள் ஆதரவை குவித்து வருகின்றனர்.

எதிர்வரும் அக்டோபர் மாதம் டப்ளின் ஒழுங்குமுறைப்படி ஐஸ்லாந்தில் இருந்து 12 வயது சிறுமி Hanyie Maleki நாடுகடத்தப்பட உள்ளார்.

இந்த நிலையில் அவரது பிறந்த நாளை கொண்டாடும் பொருட்டு 300க்கும் மேற்பட்ட பொதுமக்கள் விழா ஒன்றை ஏற்பாடு செய்து சிறப்பித்துள்ளனர்.

ஆப்கானிஸ்தான் நாட்டவரான Hanyie மற்றும் அவரது தந்தை Abrahim Maleki ஆகிய இருவரையும் விவாதத்துக்குரிய ஐரோப்பிய சட்டமான டப்ளின் ஒழுங்குமுறைப்படி ஐஸ்லாந்து அரசு, அவர்கள் எங்கிருந்து புறப்பட்டார்களோ அங்கே அனுப்பி வைக்க முடிவு செய்துள்ளது.

ஊனமுற்றவரான Abrahim Maleki குடும்பத்துடன் தங்களது நாட்டில் இருந்து ஈரான் சென்று அங்கிருந்து துருக்கி, பின்னர் கிரேக்கம் வழியாக ஜேர்மனி சென்றடைந்து, அங்கிருந்து தற்போது ஐஸ்லாந்தில் தஞ்சமடைந்துள்ளனர்.

ஈரானில் உள்ள அகதிகள் முகாமில் வைத்துதான் தற்போது 12 வயதாகும் Hanyie Maleki பிறந்துள்ளார். டப்ளின் ஒழுங்குமுறையை ஐஸ்லாந்து அரசு பயன்படுத்தும் என்றால் தந்தையும் மகளும் ஜேர்மனி நாட்டுக்கே திருப்பி அனுப்பட்ட வாய்ப்பு உள்ளதாக கூறப்படுகிறது.

இதனால் அவரது பிறந்த நாளை கோலாகலமாக கொண்டாட முடிவெடுத்துள்ள அப்பகுதி மக்களும் ஒருங்கிணைப்பாளர்களும் ஒன்றிணைந்து சிறப்பித்துள்ளனர்.

பிறந்தநாள் விழாவில் பங்கெடுத்த பலரும் முதன்முறையாக Hanyie Maleki ஐ சந்திக்கின்றனர். மட்டுமின்றி அவரது நீண்ட பயணத்தில் பயன்படுத்திக்கொள்ளும் வகையில் பொதுமக்கள் ஒன்றைணைந்து திரட்டிய 4,380 பவுண்ட் நிதியை அவரது பெயரில் வங்கியில் சேமித்துள்ளனர்.

இதனிடையே Abrahim Maleki முன்வைத்துள்ள கோரிக்கையை ஐஸ்லாந்து அரசு பரிசீலிக்க வேண்டும் என அகதிகளுக்கான அமைப்பான Solaris தொடர்ந்து அழுத்தம் அளித்து வருவதாக கூறப்படுகிறது.

மட்டுமின்றி அவர்களை ஐஸ்லாந்தில் குடியிருக்க அனுமதிக்க வலியுறுத்தி Solaris அமைப்பு 8,400 பேரிடம் இருந்து கையெழுத்து வேட்டையும் நடத்தியுள்ளனர்.

தொடர் ஏவுகணை சோதனை எதிரொலியாக பொருளாதார தடை விதித்துள்ள அமெரிக்காவுக்கு கடும் எச்சரிக்கை விடுத்துள்ளது வடகொரியா.

வடகொரியாவுக்கு எதிராக அமெரிக்கா கொண்டுவந்த பொருளாதார தடையை ஐக்கிய நாடுகள் மன்றம் ஏற்றுக் கொண்டதற்கு கடும் கண்டனம் தெரிவித்துள்ள அந்த நாடு, அமெரிக்காவை அழித்தொழிக்க வேண்டும் என எச்சரிக்கை விடுத்துள்ளது. குறித்த எச்சரிக்கையை வடகொரியாவின் அதிகாரப்பூர்வ செய்தி நிறுவனம் ஒளிபரப்பியுள்ளது.

ஆனால் குறித்த பொருளாதார தடைக்கு ஒப்புதல் அளித்தது ஐக்கிய நாடுகள் மன்றம் என்ற போதிலும், அதற்கு முயற்சி மேற்கொண்டது அமெரிக்கா என்பதால் அமெரிக்கா மீது வடகொரியா கடும் கோபத்தில் இருப்பதாக கூறப்படுகிறது.

குறித்த பொருளாதார தடை காரணமாக வடகொரியாவின் ஏற்றுமதி கடும் வீழ்ச்சியை சந்திக்கும் மட்டுமின்றி வெளிநாடுகளில் இருந்து வரும் முதலீடுகள் மட்டுப்படும். இதனால் கடும் பொருளாதார நெருக்கடியை வடகொரியா சந்திக்க நேரிடும்.

ஐக்கிய நாடுகள் மன்றத்தின் குறித்த தடையானது இந்த தலைமுறையில் எடுக்கப்பட்ட கடும் நடவடிக்கை என, ஐக்கிய நாடுகள் மன்றத்திற்கான அமெரிக்காவின் தூதர் Nikki Haley தெரிவித்துள்ளார்.