நாட்டின் 17 மாவட்­டங்­களில் ஏற்­பட்­டுள்ள கடு­மை­யான வரட்­சியின் கார­ண­மாக மக்கள் பெரும் அசௌ­க­ரி­யங்­களை எதிர்­நோக்­கி­யுள்­ளனர்.

இவ்­வ­ரு­டத்தின் இது­வ­ரை­யான காலப்­ப­கு­தியில் வரட்­சி­யினால் மாத்­திரம் 3 இலட்­சத்து 14 ஆயி­ரத்து 49 குடும்­பங்­களைச் சேர்ந்த 10 இலட்­சத்து 93 ஆயி­ரத்து 717 பேர் பாதிக்­கப்­பட்­டுள்­ள­தாக அனர்த்த முகா­மைத்­துவ மத்­திய நிலையம் அறி­வித்­துள்­ளது.

வடக்கு, கிழக்கு மற்றும் வட மேல் மாகா­ணங்­க­ளி­லேயே அதி­க­ளா­வானோர் வரட்­சி­யினால் குடி­நீ­ரின்றி கடு­மை­யான பாதிப்­புக்­க­ளுக்கு முகங்­கொ­டுத்­துள்­ள­தா­கவும், அவர்­க­ளுக்­கான குடி­நீரை பெற்­றுக்­கொ­டுப்­ப­தற்­கான நட­வ­டிக்­கை­களை மேற்­கொண்டு வரு­வ­தா­கவும் அனர்த்த முகா­மைத்­துவ மத்­திய நிலை­யத்தின் ஊடக பேச்­சாளர் பிரதிப் கொடிப்­பிலி தெரி­வித்தார். இது தொடர்பில் அவர் மேலும் தெரி­விக்­கையில்,

வட­மா­கா­ணத்தின் கிளி­நொச்சி மாவட்­டத்தில் 04 பிர­தேச செய­ல­கப்­பி­ரிவைச் சேர்ந்த 24 ஆயி­ரத்து 06 குடும்­பங்­களில் வசிக்கும் 83 ஆயி­ரத்து 378 பேரும், வவு­னியா மாவட்­டத்தில் 04 பிர­தேச செய­ல­கப்­பி­ரி­வைச்­சேர்ந்த 24 ஆயி­ரத்து 507 குடும்­பங்­களில் வசிக்கும் 85 ஆயி­ரத்து 771 பேரும் முல்­லைத்­தீவு மாவட்­டத்தின் 06 பிர­தேச செய­ல­கப்­பி­ரி­வைச்­சேர்ந்த 35 ஆயி­ரத்து 730 குடும்­பங்­களில் வசிக்கும் ஒரு இலட்­சத்து 15 ஆயி­ரத்து 308 பேரும், பாதிக்­கப்­பட்­டுள்­ளனர்.

யாழ்ப்­பாண மாவட்­டத்தின் 15 பிர­தேச செய­ல­கப்­பி­ரி­வைச்­சேர்ந்த 34 ஆயி­ரத்து 49 குடும்­பங்­களில் வசிக்கும் ஒரு இலட்­சத்து 24 ஆயி­ரத்து 206 பேரும், மன்னார்; மாவட்­டத்தில் 05 பிர­தேச செய­ல­கப்­பி­ரி­வைச்­சேர்ந்த 15 ஆயி­ரத்து 386 குடும்­பங்­களில் வசிக்கும் 52 ஆயி­ரத்து 152 பேரும் பாதிக்­கப்­பட்­டுள்­ளனர்.

கிழக்கு மாகா­ணத்தின் திரு­கோ­ண­மலை மாவட்­டத்தில் 11 பிர­தேச செய­ல­கப்­பி­ரி­வைச்­சேர்ந்த 27 ஆயி­ரத்து 646 குடும்­பங்­களில் வசிக்கும் 1 இலட்­சத்து ஐயா­யி­ரத்து 947 பேரும் மட்­டக்­க­ளப்பு மாவட்­டத்தில் 09 பிர­தேச செய­ல­கப்­பி­ரி­வைச்­சேர்ந்து 19 ஆயி­ரத்து 685 குடும்­பங்­களில் வசிக்கும் 65 ஆயி­ரத்து 341 பேரும், அம்­பாறை மாவட்­டத்தில் 09 பிர­தேச செய­ல­கப்­பி­ரி­வைச்­சேர்ந்து 11 ஆயி­ரத்து 672 குடும்­பங்­களில் வசிக்கும் 40 ஆயி­ரத்து 548 பேரும் வரட்­சி­யினால் பாதிக்­கப்­பட்­டுள்­ளனர்.

புத்­தளம் மாவட்­டத்தில் 13 பிர­தேச செய­ல­கப்­பி­ரி­வைச்­சேர்ந்த 36 ஆயி­ரத்து 783 குடும்­பங்­களில் வசிக்கும் ஒரு இலட்­சத்து 31 ஆயி­ரத்து 51 பேரும் பாதிக்­கப்­பட்­டுள்­ளனர்.

வட­மத்­திய மாகா­ணத்தில் பொலன்­ன­றுவை மாவட்­டத்தின் 03 பிர­தேச செய­ல­கப்­பி­ரி­வைச்­சேர்ந்த 6 ஆயி­ரத்து 556 குடும்­பங்­களில் வசிக்கும் 23 ஆயி­ரத்து 919 பேரும், அனு­ரா­த­புரம் மாவட்­டத்தின்; 11 பிர­தேச செய­ல­கப்­பி­ரி­வைச்­சேர்ந்த 16 ஆயி­ரத்து 729 குடும்­பங்­களில் வசிக்கும் 55 ஆயி­ரத்து 683 பேரும் பாதிக்­கப்­பட்­டுள்­ளனர்.

மத்­திய மாகா­ணத்தில் மாத்­தளை மாவட்­டத்தில் 05 பிர­தேச செய­ல­கப்­பி­ரி­வைச்­சேர்ந்த 5 ஆயி­ரத்து 832 குடும்­பங்­களில் வசிக்கும் 20 ஆயி­ரத்து 341 பேரும் கண்டி மாவட்­டத்தில் 02 பிர­தேச செய­ல­கப்­பி­ரி­வைச்­சேர்ந்த 72 குடும்­பங்­களில் வசிக்கும் 300 பேரும் பாதிக்­கப்­பட்­டுள்­ளனர்.

வடக்கு, கிழக்கு மற்றும் வட மேல் மாகா­ணத்­தி­லேயே அதி­க­ள­வானோர் குறித்த வரட்­சி­யினால் பாதிக்­கப்­பட்­டுள்­ளனர். தற்­போது இய­லு­மா­ன­வரை பாதிக்­கப்­பட்­டுள்­ளோ­ருக்­கான குடி­நீரை கொள்­க­லன்­களில் மூலம் விநி­யோ­கிப்­ப­தற்­கான நட­வ­டிக்­கைகள் மேற்­கொள்­ளப்­பட்டு வரு­கின்­றன. என்றார்.

இந்­நி­லையில் வட­மா­கா­ணத்தில் பாதிக்­கப்­பட்ட மக்­க­ளுக்கு குடி­நீரைப் பெற்றுக் கொடுப்­ப­தற்கு தேவை­யான நிதி மாவட்ட செயலாளர்களுக்கு வழங்கப்பட்டிருப்பதாகவும் அனர்த்த முகாமைத்துவ அமைச்சு குறிப்பிட்டுள்ளது. இதன்படி யாழ்ப்பாண மாவட்டத்துக்கு 48 இலட்சம் ரூபாவும், முல்லைத்தீவு மாவட்டத்துக்கு 21 இலட்சம் ரூபாவும், கிளிநொச்சி மாவட்டத்துக்கு 30 இலட்சம் ரூபாவும், வவுனியா மாவட்டத்துக்கு மூன்றரை இலட்சம் ரூபாவும் வழங்கப்பட்டிருப்பதாக அவ்வமைச்சு சுட்டிக்காட்டியுள்ளது.

கல்விப் பொதுத்­த­ரா­தர உயர்­தர பரீட்­சைக்கு இவ்­வ­ருடம் தோற்­ற­வுள்ள மாண­வர்­க­ளுக்­கான மேல­திக வகுப்­புக்கள் மற்றும் கருத்­த­ரங்­கு­களை நாளை மறு­தினம் முதல் நடத்த தடை­வி­திக்­கப்­பட்­டுள்­ள­தாக பரீட்சை திணைக்­களம் அறி­வித்­துள்­ளது.

குறித்த உத்­த­ரவை மீறி வகுப்­பு­களை நடத்­துவோர் தொடர்பில் முறைப்­பாடு கள் கிடைக்கும் பட்­சத்தில் அவர்கள் மீது சட்ட நட­வ­டிக்கை எடுக்­கப்­படும் எனவும் பரீட்­சைகள் ஆணை­யாளர் நாய கம் டபிள்யூ.எம்.என்.ஜே.புஷ்­ப­கு­மார தெரி­ வித்­துள்ளார்.

இது தொடர்பில் பரீட்­சைகள் ஆணை­யாளர் நாயகம் வெளி­யிட்­டுள்ள அறிக்­கை­யி­லேயே மேற்­கண்­ட­வாறு குறிப்­பி­டப்­பட்­டுள்­ளது. அவ்­வ­றிக்­கையில் அவர் மேலும் தெரி­விக்­கப்­பட்­டுள்­ள­தா­வது,

கல்விப் பொதுத் தரா­தர உயர்­தர பரீ ட்சை எதிர்­வரும் ஆகஸ்ட் மாதம் 8 ஆம் திகதி முதல் செப்­டெம்பர் மாதம் 2 ஆம் திகதி வரை 2230 பரீட்சை நிலை­யங்­களில் நடை­பெற உள்­ளது.

இந்­நி­லையில் குறித்த பரீட்­சைக்கு தோற்­ற­வுள்ள மாண­வர்­களை இலக்கு வைத்து நடத்­தப்­படும் மேல­திக வகுப்­புக்கள் மற்றும் கருத்­த­ரங்­கு­களை எதிர் ­வரும் ஆகஸ்ட் மாதம் 2 ஆம் திகதி நள்­ளி­ரவு முதல் நடத்­து­வ­தற்கு தடை­வி­திக்­கப்­பட்­டுள்­ளது.

அத்­துடன் பரீட்சை தொடர்­பி­லான மாதிரி வினாத்­தாள்­களை அச்­சிடல், அவ ற்றை விநி­யோ­கித்தல், மாதிரி வினாத்­தாள்­களை வழங்­கு­வ­தாக பதா­கைகள் ஒட்­டுதல், துண்டுப் பிரசு­ரங்­களை விநி­யோ­கித்தல் அல்­லது அச்சு ஊட­கங்கள் மூலம் பிர­சாரம் செய்தல் உள்­ளிட்ட செயற்­பா­டு­க­ளுக்கும் தடைவிதிக்­கப்­பட்­டுள்­ளது.

குறித்த உத்­த­ரவை மீறி வகுப்­பு­களை நடத்தும் தனி­நபர் அல்­லது நிறு­வ­ன­மொன்­றுக்கு எதி­ராக பரீட்­சைகள் திணைக்­க­ளத்தின் 1911 என்ற இலக்­கத்­துக்கோ அல்­லது அருகில் இருக்கும் பொலிஸ் நிலை­யத்­துக்கோ தொடர்புகொண்டு அறி­ விக்க முடியும். முறைப்­பா­டுகள் தொடர் பில் ஆராய்ந்து அவர்­க­ளுக்கு எதி­ராக சட்ட நட­வ­டிக்கை எடுக்­கப்­படும் என வும் அவ்­வ­றிக்­கையில் குறிப்­பி­டப்­பட்­ டுள்­ளது.

இம்­முறை குறித்த பரீட்­சைக்கு 3 இலட்­சத்து 15 ஆயி­ரத்து 27 பரீட்­சார்த்­திகள் தோற்­று­வ­தற்குத் தகுதி பெற்றுள்ளனர். அவர்களில் 2 இலட்சத்து 37 ஆயிரத்து 943 பாடசாலை பரீட்சார்த்திகளும் 77 ஆயிரத்து 284 தனிப்பட்ட விண்ணப்பதாரிகளும் தோற்றுவதற்கு தகுதிபெற்றுள்ளமை குறிப்பிடத்தக்கது.

நாட்டின் பல பகுதிகளில் பகல் வேளைகளில் இடைக்கிடையே மின்வெட்டு அமுலாகுமென இலங்கை மின்சார சபை அறிவித்துள்ளது. இது தொடர்பில் இலங்கை மின்சார சபையின் ஊடகப் பேச்சாளர் சுலக்ஷன ஜயவர்தன தெரிவித்துள்ளவை வருமாறு:-

“கடுமையான வறட்சியின் காரணமாக நீர் மின்சார உற்பத்தி வெகுவாகக் குறைந்துள்ளது. நுரைச்சோலை ‘லக்விஜய’ நிலக்கரி மின் நிலையம் கடந்த பத்து நாட்களாக பகுதியளவில் இயங்காததால் தேசிய மின் கட்டமைப்புக்கு 300 மெகாவோல்ட் மின் விநியோகம் தடைப்பட்டிருக்கிறது.

அத்துடன், கடந்த வெள்ளிக்கிழமை முதல் தனியார் மின்னுற்பத்தி நிலையமான களனிதிஸ்ஸ ‘சோஸிட்ஸ்’ செயலிழந்திருப்பதால் அதன் 163 மெகாவோல்ட் விநியோகமும் தடைப்பட்டுள்ளது.

நுரைச்சோலை மின் நிலையத்தின் பழுது பார்ப்பு வேலைகள் அடுத்த வார இறுதியிலேயே முடிவடையுமென எதிர்பார்க்கப்படுகின்றது.

நீர்த்தேக்கங்களிலுள்ள நீர் விவசாயத் தேவைகளுக்குப் பயன்படுத்தப்பட்டு வருவதால் பகல் நேர நீர் மின்சார உற்பத்தி 36 சதவிகிதமாகக் குறைவடைந்துள்ளது.

இவ்வாறான பிரச்சினைகளால் மின் பாவனை அதிகமாகவுள்ள பகல் வேளைகளில் அவ்வப்போது மின்வெட்டை அமுல்படுத்த வேண்டியுள்ளது.

இரவு நேரங்களில் நீர்த்தேக்கங்களிலுள்ள நீர் விவசாயத் தேவைக்கு வழங்கப்படாததால் இரவு வேளைகளில் மின்வெட்டைச் செய்யாமல் சமாளிக்க முடியும்.

பகல் வேளைகளில் முன்னறிவித்தல்கள் எதுவுமின்றி அமுலாக்கப்படும் மின்வெட்டு குறைந்த பட்சம் இரண்டு மணித்தியாலங்களுக்கு நீடிக்கலாம். இது நாளொன்றுக்கு இரண்டு முறை நடக்கலாம்.

எனவே, சுயமாக மின்பிறப்பாக்கிகளை (ஜெனரேட்டர்) வைத்திருப்பவர்கள் இயன்ற வரை பகல் வேளைகளில் அவற்றைப் பயன்படுத்துமாறு வேண்டுகோள் விடுக்கின்றோம்.

நுரைச்சோலை மற்றும் களனிதிஸ்ஸ மின் விநியோகங்கள் சீராகும் வரை இந்த மின்வெட்டு தவிர்க்க முடியாத ஒன்றாகும்” என்று கூறியுள்ளார்.

அம்­பாந்­தோட்டை துறை­மு­கத்தை முறை­கே­டான விதத்தில் சீனா­வுக்கு வழங்­கி­ய­தன்­ மூலம் ஜனா­தி­பதி மைத்­தி­ரி­பால சிறி­சே­ன­வி­னதும் பிர­தமர் ரணில் விக்­கி­ர­ம­சிங்­க­வி­னதும் இய­லாமை வெளிப்­பட்­டுள்­ளது. இந்­நாட்டில் உள்ள உழைக்கும் வர்க்கம் காட்­டிக்­கொ­டுக்­கப்­பட்­டுள்­ளது என்று அகில இலங்கை துறை­முக சேவைகள் ஊழியர் பொது ஒன்­றியம் தெரி­வித்­துள்­ளது.

மேலும் இந்­நாட்டை பாது­காக்­கவும் துறை­மு­க­சே­வையில் பணி­பு­ரியும் பொது­மக்­களின் நல­னுக்­கா­கவும் தொடர்ந்து போரா­ட­வுள்­ள­தா­கவும் நாடு­த­ழு­விய ரீதியில் அனைத்து தொழிற்­சங்­கங்­க­ளையும் இணைத்­துக்­கொண்டு வேலை­நி­றுத்தப் போராட்­டத்­துக்கு செல்­ல­வுள்­ள­தா­கவும் அச்­சங்­கத்தின் தலைவர் சந்­தி­ர­சிறி மஹா­க­மகே தெரி­வித்தார்.

மரு­தான சன­ச­மூக நிலை­யத்தில் நேற்று நடை­பெற்ற ஊட­க­வி­ய­ளாளர் மாநாட்டில் கலந்து கொண்டு உரை­யாற்­று­கை­யி­லேயே அவர் மேற்­கண்­ட­வாறு குறிப்­பிட்டார். அவர் மேலும் குறிப்­பி­டு­கையில்,

அம்­பாந்­தோட்டை துறை­மு­கத்தை சீனா­வுக்கு 99 வரு­டங்­க­ளுக்கு குத்­த­கை­க­ஙகு வழங்­கி­யதன் மூலம் இந்­நாட்டில் உழைக்கும் வர்க்கம் கடு­மை­யாக பாதிக்­கப்­ப­டு­வ­தற்கு நல்­லாட்சி அர­சாங்கம் உத­வி­யுள்­ளது. இல­ங­கைக்கும் சீனா­வுக்­கு­மி­டையில் ஏற்­ப­டுத்­தப்­பட்­டுள்ள ஒப்­பந்தம் முற்­றிலும் பொய்­யா­னது. நல்­லாட்சி அர­சாங்கம் அதன் வெளிப்­ப­டைத்­தன்­மையை ஒரு­போதும் மக்­க­ளுக்கு வெளிப்­ப­டுத்த விரும்­ப­வில்லை.

சீனா­வுக்கு இலா­பத்தில் 70 சத­வீ­தமும் இலங்­கைக்கு 30 சத­வீ­தமும் என்ற வகையில் ஒப்­பந்தம் மேற்­கொள்­ளப்­பட்­ட­தாக கூறு­கின்­றனர். ஆனால் நாம் முன்­னெ­டுத்த ஆர்ப்­பட்­டங்­களின் பின்­னரும் தொடர்ச்­சி­யான அழுத்­தங்­களின் பின்­ன­ருமே இந்த முடி­வுக்கு வந்­த­தாக அர­சாங்கம் கூறு­கின்­றது. முதலில் 80 க்கு 20 என பேசினோம். இப்­போது நமக்கு வெற்றி கிடைத்­துள்­ள­ள­தாக கூறு­கின்­றனர்.

இதில் என்ன வெற்றி இருக்­கின்­றது என தெரி­ய­வில்லை. உழைக்கும் வர்க்­கத்தை படு­கு­ழியில் தள்­ளி­விட்டு, எங்­க­ளுக்கு கொடுத்த வாக்­கு­று­தி­க­ளை­யெல்லாம் பொய்­யாக்­கி­விட்டு வெற்றி என கூறு­கின்­றனர். ஜனா­தி­பதி மைத்­தி­ரி­பால சிறி­சேன நல்­லாட்சி அர­சாங்­கத்தில் உழைக்கும் வர்க்­கத்தை பாது­காப்­ப­தாக கூறு­கின்றார். ஆனால் எவ்­வித ஆளு­மை­யு­மின்றி சர்­வ­தே­சத்­துக்கு எமது நாட்டை காட்­டிக்­கொ­டுத்­துள்­ளனர்.

இன்று அம்­பாந்­தோட்டை துறை­மு­கத்தை சீனா­வுக்கு தாரை வார்த்­த­வர்கள் இதன்­பின்னர் திரு­கோ­ண­மலை எண்ணைக் குதத்தை விற்­பனை செய்ய முடி­வெ­டுப்­பார்கள். இதற்கும் ஜனா­தி­பதி மைத்­தி­ரி­பால சிறி­சே­னவும் பிர­தமர் ரணில் விக்­கி­ர­ம­சிங்­கவும் துணை­நிற்­பார்கள். இதுவே இனிமேல் நடக்க போகின்­றது. இந்­நாட்டில் உள்ள வளத்தை சூறை­யா­டு­வ­தற்கு சர்­வ­தேச நாடு­க­ளுக்கு இட­ம­ளிப்­பது பெரும் துரோ­கச்­செ­ய­லாகும்.

இந்­நாட்டு மக்­களை ஏமாற்­றி­ய­மைக்கு ஜனா­தி­ப­தியும் பிர­த­மரும் அமைச்­சர்­க­ளுமே பொறுப்பு கூற வேண்டும். இனி­வரும் அழி­வு­க­ளுக்கும் அச்­சு­றுத்­தல்­க­ளுக்கும் இவர்­களே பொறுப்பு கூற வேண்டும். இந்­நாட்டை பாது­காக்­கவும் துறை­மு­க­சே­வையில் பணி­பு­ரியும் பொது­மக்­களின் நல­னுக்­கா­கவும் நாம் தொடர்ந்து போரா­ட­வுள்ளோம். இனி­வரும் வாரங்­களில் நாடு­த­ழு­விய ரீதியில் அனைத்து தொழிற்­சங்­கங்­க­ளையும் இணைத்து கொண்டு வேலை­நி­றுத்த போராட்­டத்­துக்கும் செல்­ல­வுள்ளோம்.

கூட்டு எதி­ர­ணி­யி­ன­ருடன் சேர்ந்து ஆர்ப்­பாட்­டத்தில் ஈடுபடுவது தொடர்பில் நாம் தீர்மானிக்கவில்லை. அவர்கள் அம்பாந்தோட்டை பொருளாதார வலயத்தை சீனாவுக்கு விற்பதாக கூறி ஆர்ப்பாட்டத்தில் ஈடுபட்ட போதும் பாராளுமன்றத்துக்கு முன்னாள் ஆர்ப்பாட்டம் மேற்கொண்ட போதும் எப்படி நடந்து கொண்டார்கள் என்பது எமக்கு தெரியும். எனவே எமது ஆர்ப்பாட்டங்களும் எதிர்ப்பு நடவடிக்கைகளும் உண்மையானதாகவும் இந்நாட்டு மக்களுக்காகவானதாகவும் இருக்கும் என்றார்.

யாழில் மேசன் வேலையில் ஈடுபட்டிருந்த இளைஞன் ஒருவர் திடீரென மயங்கி விழுந்த நிலையில் உயிரிழந்துள்ளார்.

யாழ். சரசாலைப் பகுதியைச் சேர்ந்த தேவராசா நந்தகுமார் (வயது 25) என்ற இளைஞரே இன்று முற்பகல் இவ்வாறு உயிரிழந்தவராவார். இது தொடர்பாக மேலும் தெரியவருவதாவது,

குறித்த இளைஞர் கடந்த சில தினங்களாக தெல்லிப்பழைப் பிரதேசத்தில் மேசன் வேலையில் ஈடுபட்டு வந்துள்ளார். இந்நிலையில் இன்றைய தினம் வழமை போன்று மேசன் வேலையில் குறித்த இளைஞர் ஈடுபட்டிருந்த போது இன்று முற்பகல் 10 மணியளவில் திடீரென மயக்கமடைந்து நிலத்தில் விழுந்துள்ளார்.

இதனையடுத்து மேற்படி இளைஞருடன் இணைந்து மேசன் வேளையில் ஈடுபட்டிருந்த சக தொழிலாளர்கள் குறித்த இளைஞரை மீட்டுத் தெல்லிப்பழை ஆதார வைத்தியசாலையில் அனுமதித்தனர்.

அங்கிருந்து அவர் மேலதிக சிகிச்சைகளுக்காக யாழ்ப்பாணம் போதனா வைத்தியசாலைக்கு மாற்றப்பட்டார். எனினும் சிகிச்சை பலனின்றி குறித்த இளைஞர் உயிரிழந்துள்ளார்.

சம்பவம் தொடர்பில் தெல்லிப்பழைப் பொலிஸார் மேலதிக விசாரணைகள் மேற்கொண்டு வருகின்றனர்.

திருகோணமலை, நிலாவெளி கடலில் குளிக்கச் சென்ற மருதமுனையைச் சேர்ந்த நிதீஸ் முகம்மட் (24 வயது) எனும் இளைஞர், நேற்று மாலை நீரில் மூழ்கி பலியாகியுள்ளாரென, நிலாவெளி பொலிஸார் தெரிவித்தனர்.

குடும்பத்துடன் சுற்றுலாச் சென்று, குளித்துக் கொண்டிருக்கும் போது, நீரில் மூழ்கிய தன் சகோதரனைக் காப்பாற்றச் சென்ற போதே, மேற்படி இளைஞர் நீரில் மூழ்கி பலியாகியுள்ளார்.

சம்பவத்தில் காப்பாற்றப்பட்டவர், நிலாவெளி வைத்தியசாலையின் அவசர சிகிச்சைப் பிரிவில் அனுமதிக்கப்பட்டுள்ளார்.

மேற்படி சகோதரர்கள் இருவரும், இரட்டையர்கள் என்பது குறிப்பிடத்தக்கது.

இளைஞனின் சடலத்தை, நேற்றிரவு (29) 8 மணியளவில் உறவினர்களிடம் ஒப்படைத்துள்ளதாகவும் சம்பவம் தொடர்பான மேலதிக விசாரணைகளை மேற்கொண்டு வருவதாகவும் நிலாவெளி பொலிஸார் தெரிவித்தனர்.

நாட்டில் அனைத்து பகுதிகளுக்கும் தொடர்ச்சியாக மின்சாரத்தை வழங்குவதில் சிரமம் ஏற்பட்டுள்ளதாக,மின்சாரம் மற்றும் புதுப்பிக்கத்தக்க எரிசக்தி அமைச்சு தெரிவித்துள்ளது.

நீர்மின் உற்பத்திநிலையங்களுக்கு அருகிலுள்ள நீர்த்தேக்கங்களில் நீர்மட்டம் குறைவடைந்துள்ளமையே இதற்கு காரணம் என, அமைச்சின் செயலாளர் சுலக்சன ஜெயவர்தன தெரிவித்துள்ளார்.

யாழ்ப்பாணத்தில் இரண்டு பொலிஸார் மீது இன்று மதியம் அடையாளம் தெரியாத இளைஞர்கள் குழுவினரினால் வாள் வெட்டு மேற்கொள்ளப்பட்டுள்ளதாக பொலிஸார் தெரிவிக்கின்றனர்.

பொலிஸ் நடமாடும் கண்காணிப்பு பணியில் சென்று கொண்டிருந்த போதே இந்த தாக்குதல் இடம்பெற்றுள்ளதாக தெரியவந்துள்ளது.

வாள்வெட்டிற்கு இலக்காகி படுகாயமடைந்த இரு பொலிஸாரும் யாழ்.போதனா வைத்தியசாலை அதி தீவிர சிகிச்சைப்பிரிவில் அனுமதிக்கப்பட்டுள்ளனர்.

கொக்குவில் பொற்பதி வீதிப் பகுதியில் 4 மோட்டார் சைக்கிளில் வந்த 10 ற்கும் மேற்பட்ட இளைஞர்கள் துரத்தி துரத்தி இன்று (30.07) இந்த தாக்குதலை மேற்கொண்டுள்ளனர்.

யாழ்ப்பாண கோப்பாய் பொலிஸ் நிலையத்தில் கடமையாற்றும் தமிழ் மற்றும் சிங்கள பொலிஸார் இருவரே வாள்வெட்டு மேற்கொள்ளப்பட்டுள்ளதாக விசாரணையில் இருந்து தெரியவந்துள்ளது.

குறித்த இரு பொலிஸாரும் துப்பாக்கி கொண்டு செல்லாமல், பொது மக்களினால் மேற்கொள்ளப்பட்ட முறைப்பாடுகளை விசாரிப்பதற்காக சென்ற போதே அடையாளம் தெரியாத இளைஞர்கள் பின்தொடர்ந்து சென்று வெட்டியுள்ளனர்.

சம்பவத்தினைக் கண்ட பொதுமக்கள் பொலிஸாருக்கு தகவல் வழங்கியுள்ளனர். சம்பவ இடத்திற்கு சென்ற பொலிஸார் இருவரையும் யாழ்.போதனா வைத்தியசாலையில் அனுமதித்துள்ளனர்.

சம்பவம் தொடர்பான மேலதிக விசாரணைகளை கோப்பாய் பொலிஸார் மேற்கொண்டு வருகின்றனர்.

குருணாகல் – பன்னல பகுதியில் இடம்பெற்ற வாகன விபத்தில் தம்பதியினர் உயிரிழந்துள்ளதாக தெரிவிக்கப்படுகின்றது.

குருணாகல் – நீர்கொழும்பு பிரதான வீதியின் கொஸ்கஸ் சந்தியில் இந்த விபத்து இன்று இடம்பெற்றுள்ளதாக பொலிஸார் குறிப்பிட்டுள்ளனர். வான் ஒன்றும் மோட்டார் சைக்கிளும் மோதிக் கொண்டதில் இந்த விபத்து ஏற்பட்டுள்ளது.

மோட்டார் சைக்கிளில் மோதுண்ட தம்பதியினர் படுகாயமடைந்த நிலையில் தம்பதெனிய ஆதார வைத்தியசாலையில் அனுமதிக்கப்பட்டதாகவும், எனினும் சிகிச்சை பலனின்றி அவர்கள் உயிரிழந்துள்ளதாகவும் தெரிவிக்கப்படுகிறது.

அனுராதபுரத்தில் நடைபெற்ற பூஜை வழிபாடுகளில் பங்கேற்று கிரியுல்லவிலிருந்து பன்னல நோக்கிப் பயணித்த வான் வண்டியே மோட்டார் சைக்கிளுடன் மோதி விபத்துக்குள்ளாகி உள்ளது.

வான் வண்டியின் சாரதிக்கு ஏற்பட்ட நித்திரையால் இந்த விபத்து ஏற்பட்டுள்ளதா? என்பது குறித்து விசாரணைகள் நடத்தப்பட்டு வருவதாக பன்னல பொலிஸார் தெரிவித்துள்ளனர்