பிரித்தானிய நாட்டில் ஆங்கில மொழியை தவறாக பேசிய நபரை 15 வயது சிறுவன் ஒரே குத்தில் கொன்றுள்ள வழக்கு தொடர்பான விசாரணை விரைவில் முடிவுக்கு வரவுள்ளது. இங்கிலாந்து நாட்டில் உள்ள Harlow நகரில் தான் இத்துயரச் சம்பவம் நிகழ்ந்துள்ளது.

போலந்து நாட்டை சேர்ந்த Arkadisusz Jozwik(40) என்பவர் தனது நண்பர்களுடன் இங்கிலாந்து நாட்டிற்கு சுற்றுலா சென்றுள்ளார். கடந்தாண்டு ஆகஸ்ட் மாதம் ஹார்லோ நகருக்கு நண்பர்களுடன் ஷொப்பிங் சென்றுள்ளார். அப்போது, இவருடன் 15 வயது சிறுவன் ஒருவன் உரையாடியுள்ளார்.

இருவரும் நடந்து சென்றபோது சிறுவனிடன் போலந்து நாட்டு நபர் ஆங்கிலத்தில் பேசியதாக கூறப்படுகிறது.

ஆனால், அவர் ஆங்கில மொழியை தவறாக பேசியபோது அதை சிறுவன் கிண்டலாக விமர்சனம் செய்துள்ளார்.

அப்போது, இருவருக்கும் இடையே தகராறு ஏற்பட்டுள்ளது. தகராறு கைகலப்பில் முடிந்தபோது சிறுவன் தனது கையால் பலமாக நபரின் பின் தலையில் தாக்கியுள்ளார்.

எதிர்பாராத தாக்குதலால் நிலைகுலைந்து போன நபர் சாலையில் விழுந்துள்ளார். நபரை மருத்துமனையில் அனுமதித்தபோது அவரது கபாலம் உடைந்தது மட்டுமின்றி மூளையும் பாதித்துள்ளதை மருத்துவர்கள் கண்டுபிடித்தனர்.

மேலும், சிகிச்சை பலனளிக்காமல் இரண்டு தினங்களுக்கு பின்னர் நபர் உயிரிழந்துள்ளார். தற்போது 16 வயதாகவும் சிறுவன் மீது வழக்கு பதிவு செய்யப்பட்டு விசாரணை நடைபெற்று வருகிறது. எதிர்வரும் ஆகஸ்ட் 10-ம் திகதிக்குள் தீர்ப்பு வெளியாக வாய்ப்புள்ளதாக தகவல்கள் தெரிவிக்கின்றன.

அமெரிக்க இராணுவத்தில் திருநங்கைள் எந்த விதத்திலும் சேவையாற்ற முடியாது என்று டிரம்ப் தனது டுவிட்டர் பக்கத்தில் தெரிவித்துள்ளார்.

கடந்த ஆண்டு ஒபாமா தலைமையிலான நிர்வாகம் அமெரிக்க இராணுவத்தில் திருநங்கைகள் வெளிப்படையாக சேவை செய்ய அனுமதிக்க முடிவு செய்தது.

அதன் பின் ஆறுமாத காலத்திற்கு பின்னர் திருநங்கைகளை பணியில் சேர்க்க பாதுகாப்புத்துறை அமைச்சர் ஜேம்ஸ் ஒப்புதல் அளித்தார்.

இதைத் தொடர்ந்து குடியரசு கட்சியைச் சேர்ந்த சிலர் திருநங்கைகள் பணியில் அமர்த்தப்படுவதற்கு எதிராக குரல் கொடுத்தனர்.

இந்நிலையில் அமெரிக்க ஜனாதிபதி டிரம்ப் தனது டுவிட்டர் பக்கத்தில், இராணுவப்படையின் அதிகாரிகள் மற்றும் வல்லுனர்களுடன் கலந்து ஆலோசித்த பின் அமெரிக்க அரசு எந்த விதத்திலும் திருநங்கைகளை பணியில் ஏற்றுக்கொள்ளவோ அல்லது அனுமதிக்கவோ கூடாது என அறிவுறுத்தப்பட்டுள்ளதாக பதிவேற்றம் செய்துள்ளார்.

நமது இராணுவம் தீர்க்கமான மற்றும் மாபெரும் வெற்றிகளை அடைவதில் கவனம் செலுத்த வேண்டுமே தவிர திருநங்கைகளை இராணுவத்தில் சேர்ப்பதால் உண்டாகும் வியக்கத்தக்க மருத்துவ செலவுகள் மற்றும் இடையூறுகளுக்கு உள்ளாகக்கூடாது எனவும் கூறியுள்ளார்.

டிரம்பின் இந்த முடிவிற்கு ஒரு சிலர் எதிர்ப்பு தெரிவித்துள்ளனர்.

அமெரிக்க இராணுவத்தில் சேவையாற்றி வரும் 1.2 மில்லியன் பேரில், 2,450 பேர் திருநங்கைகள் என கடந்த 2016-ஆம் ஆண்டு தி இண்டிபெண்டண்ட் ரேண்ட் கார்போரேசன் கணக்கிட்டுள்ளது குறிப்பிடத்தக்கது.

பாகிஸ்தானில் பஞ்சாப் மாகாணம், ராஜ்பூர் கிராமத்தைச் சேர்ந்தவர் Umer Wadda. இவர் அங்குள்ள Ashfaq என்பவரின் சகோதரியை கடந்த ஜுலை மாதம் 16-ஆம் திகதி பாலியல் வன்கொடுமை செய்துள்ளார்.

இதனால் இது தொடர்பாக அக்கிராமத்தில் உள்ள ஊர்பஞ்சாயத்து தலைவர்கள் சார்பில் பஞ்சாயத்து நடத்தப்பட்டுள்ளது.

இதை விசாரித்த தலைவர்கள் Umer Wadda-வின் சகோதரியை பாலியல் வன்கொடுமை செய்யும் படி தீர்ப்பு வழங்கியுள்ளனர். Umer Wadda-வின் சகோதரிக்கு 16-வயது அவரின் பெயர் தெரிவிக்கப்படவில்லை.

இதனால் அதிர்ச்சியடைந்த Umer Wadda-வின் குடும்பத்தினர் பஞ்சாயத்து தலைவர்களிடம் கெஞ்சியுள்ளனர். ஆனால் அவர்களோ இது போன்ற செயலுக்கு பழிக்கு பழி தான் சரி என்று கூறி தீர்ப்பு வழங்கியுள்ளனர்.

இந்த சம்பவம் அவர்கள் குடும்பத்தினர் முன்னரே அரங்கேறியுள்ளது. இச்சம்பவத்தை அறிந்த பொலிசார் உடனடியாக அக்கிராமத்திற்கு விரைந்துள்ளனர். இது தொடர்பாக சம்பந்தப்பட்ட 30 பேரை உடனடியாக கைது செய்துள்ளனர்.

இது குறித்து பொலிசார் கூறுகையில், இது தொடர்பாக விசாரணை மேற்கொண்டு வருவதாகவும், வழக்கை சமரசம் செய்ய இயலாதவாறு, கடுமையாக நடவடிக்கை எடுக்கப்படும் என்று தெரிவித்துள்ளனர்.

ஒரே நேரத்தில் 25 பேரை திருமணம் செய்து வாழ்ந்து வந்த கனடா நாட்டு மதத்தலைவர் மீது நடவடிக்கை பாயவுள்ளது.

அமெரிக்கா மற்றும் கனடாவில் வசித்து வரும் இனக்குழுவினர் மோர்மோன், இவர்களிலிருந்து லாட்டர் டே ஸைண்ட்ஸ் என்ற சிறு குழுவினர் தனியாக பிரிந்து சென்று தங்களை இயேசு ஆலய வழிபாட்டு முறையினை பின்பற்றுபவர்கள் என அறிவித்து கொண்டனர்.

இவர்கள் ஒன்றுக்கு மேற்பட்ட திருமணங்களை செய்து கொள்வதில் நம்பிக்கை உடையவர்கள்.

இந்த பிரிவை சேர்ந்த வின்ஸ்டன் பிளாக்மோர் மற்றும் ஜேம்ஸ் ஓலர் மீது கனடா நாட்டு பலதார மணச்சட்டத்தின் கீழ் வழக்கு தொடுக்கப்பட்டுள்ளது.

வின்ஸ்டன் 25 பெண்களையும், ஜேம்ஸ் 5 பெண்களையும் திருமணம் செய்து கொண்டுள்ளதாக கூறப்படுகிறது.

இதுதொடர்பான வழக்கு பல ஆண்டுகளாக நடந்து வந்த போதிலும், தற்போது தான் தெளிவான முடிவு கிடைத்துள்ளது.

இதுகுறித்து பிரிட்டிஷ் கொலம்பியா நீதிமன்ற நீதிபதி வழங்கியுள்ள தீர்ப்பில், வின்ஸ்டன் மற்றும் ஜேம்ஸ் பல பெண்களுடன் வாழ்ந்து வருவது ஆதாரங்களுடன் நிரூபிக்கப்பட்டுள்ளது, விரைவில் தண்டனை அறிவிக்கப்படும் என தெரிவித்துள்ளார்.

கனடா நாட்டு சட்டப்படி இருவருக்கும் தலா ஐந்து ஆண்டுகள் சிறைத்தண்டனை கிடைக்க வாய்ப்புள்ளதாக தெரியவந்துள்ளது.

தன்னுடைய மத நம்பிக்கையின்படி இவை அனைத்தும் தெய்வீக திருமணங்கள் என கருத்து தெரிவித்துள்ள வின்ஸ்டன், கனடா நாட்டு பலதார மணசட்டத்தினை எதிர்த்து மேல்முறையீடு செய்ய உள்ளதாக தெரிவித்துள்ளார்.