நுவரெலியாவில் இளைஞர் ஒருவர் தனது திறமையால் ஆளில்லாமல் தூரத்தில் இருந்து கட்டுப்படுத்தும் வகையில் முச்சக்கரவண்டியை தயாரித்துள்ளார்.

நுவரெலியா – களுகெலை பிரதேசத்தை சேர்ந்த சமிந்த ருவான் குமார என்ற 31 வயதுடைய இளைஞரே இவ்வாறு தானியக்க முச்சக்கரவண்டியை கண்டுபிடித்துள்ளார்.

இவர் (ரிமோட் கொன்ரோல்) ஊடாக இயங்கக்கூடிய வகையில் 5 நாட்களில் முச்சக்கரவண்டியை தயாரித்துள்ளார்.

இயந்திரவியல் தொழிலில்ஈடுபட்டுவரும் குறித்த நபர், எரிபொருள் ஊடாக இயக்க வைக்கும் முச்சக்கரவண்டியை (ரிமோட் கொன்ரோல்) ஊடாக இயங்க வைப்பதற்கு எடுத்துக்கொண்ட முயற்சி பலனளிப்பதாக தெரிவிக்கப்படுகின்றது.

இவ்வாறு தயாரிக்கப்பட்ட முச்சக்கரவண்டியை தலவாக்கலை நகரசபை மைதானத்தில் பார்வையாளர்களுக்கு மத்தியில் இயங்க வைத்தமை அனைவரினதும் கவனத்தை ஈர்த்துள்ளது.

தனது சொந்த செலவில் தயார் செய்யப்பட்ட இந்த முச்சக்கரவண்டியை போல எதிர்காலத்தில் இன்னும் பல (ரிமோட் கொன்ரோல்) மூலம் கட்டுப்படுத்தக்கூடிய இயந்திரங்களை கண்டுபிடிக்க முடியும் என்றும் சமிந்தருவான் குமார நம்பிக்கை வெளியிட்டுள்ளார்.

அதற்கான பொருளாதார ரீதியில் உதவிகளை செய்யுமிடத்து இன்னும் பல்வேறு வகையான தொழில்நுட்ப ரீதியான செயற்பாடுகளை கண்டுபிடிக்க முடியும் என்றும் அவர் ஊடகவியலாளர்கள் மத்தியில் தெரிவித்துள்ளார்.

 
கிளிநொச்சி, செல்வாநகர் கிராமத்தைச் சேர்ந்த விவசாயி ஒருவருக்கு ஜனாதிபதியின் விருது கிடைக்கப்பெற்றுள்ளது.

2016ல் தேசிய உணவு உற்பத்தியில் ஆற்றிய சிறந்த பணியினை பாராட்டும் வகையில் ஜனாதிபதி விருது வழங்கும் நிகழ்ச்சி திட்டத்தின் கீழ் தேசிய ரீதியில் இரண்டாம் இடத்தினை கிளிநொச்சி, செல்வாநகரைச் சேர்ந்த விவசாயி மயில்வாகனம் இராஜகோபால்(59) என்பவருக்கு கிடைத்துள்ளது.

இதில் முதலாம் இடத்தினை களுத்துறையைச் சேர்ந்து விவசாயிக்கு கிடைத்துள்ளது. இரண்டாம் இடத்தினை பெற்ற இவருக்கு சான்றிதழ் விருது உட்பட நான்கு லட்சம் ரூபா பணமும் வழங்கி கௌரவிக்கப்பட்டுள்ளார்.

தனியே பயிர்ச்செய்கை மட்டுமன்றி மாடு வளர்ப்பு, கோழி வளர்ப்பு போன்ற செயற்பாடுகளும் மேற்கொள்ளப்படுவதோடு, இயற்கை முறை பசளை பயன்பாட்டினை அதிகமாக பயன்படுத்துகின்ற விவசாய நடவடிக்கைகளை அதிகம் மேற்கொள்கின்றார்.

இதற்கு முன்னரும் இராஜகோபால் விவசாயத்திற்காக நான்கு தடவைகள் பல சான்றிதழ்களையும் விருதுகளையும் பெற்றுள்ளார் என்பது குறிப்பிடத்தக்கது.

கிளிநொச்சியில் தற்போது மிகவும் வறட்சியான காலநிலை தொடர்கின்ற போது இராஜகோபாலின் காணி பசுமையாக காணப்படுகிறது. மரக்கறிகள், பழவகைள், உள்ளிட்ட பல்வேறு விவசாய உற்பத்தி நடவடிக்கைகளில் ஈடுப்பட்டு வருகின்றார்.

தனதும் தனது குடும்ப அங்கத்தவா்களின் உழைப்பின் மூலம் மாத்திரமே விவசாய நடவடிக்கைகளை மேற்கொள்கின்ற இராஜகோபால் தான் சந்திக்கும் நெருக்கடியாக சந்தையில் விவசாயிகள் எந்த உற்பத்தி பொருட்களை கொண்டு சென்றாலும் பத்துக்கு ஒன்று கழிவு எடுப்பதை மிகவும் மனவருத்ததுடன் கூறுகின்றார்.

அதிகளவு உடல் உழைப்பை செலுத்தி பல மாதங்கள் விவசாய நடவடிக்கைளில் ஈடுப்பட்டு உற்பத்தி பொருட்களை சந்தைக்கு கொண்டு செல்கின்ற போது வியாபாரிகள் இடைத்தரகர்கள் பத்து கிலோவுக்கு ஒரு கிலோ கழிவாக எடுக்கின்றனா்.

இது விவசாயிகளுக்கு ஒரு சாபக்கேடு என சுட்டிக்காட்டும் அவா் உதாரணமாக தரமான பச்சை மிளகாய், நூறு கிலோ கிராம் சந்தைக்கு கொண்டு சென்றால் அங்கு பத்து கிலோ கழிவாக பெறப்படுகிறது. இதன்போது தங்களின் மனம் வெதும்புகிறது எனவும் இது மிகவும் அநீதியானது என்றும் குறிப்பிடுகின்றார்.

எனவேதான் அவா் விவசாயிகள் சார்பாக பத்துக்கு ஒன்று என்ற கழிவு முறையை நடைமுறையில் இருந்து நீக்குமாறு கோரிக்கை விடுக்கின்றார்.

நாட்டில் நிலவும் வறட்சியால் 3 இலட்சத்து 15 ஆயிரத்து 775 குடும்பங்களைச் சேர்ந்த 10இலட்சத்து 88 ஆயிரத்து 187 பேர் பாதிக்கப்பட்டுள்ளனர்.

வடக்கு, கிழக்கு, வட மத்திய, வடமேல், தெற்கு, மத்திய மற்றும் ஊவா முதலான ஏழு மாகாணங்களில் 16 மாவட்டங்களைச் சேர்ந்தவர்களே இவ்வாறு பாதிக்கப்பட்டுள்ளதாக அனர்த்த முகாமைத்துவ மத்திய நிலையம் இன்று நண்பகல் வெளியிட்ட அறிக்கையில் குறிப்பிடப்பட்டுள்ளது.

வட மாகாணமே வரட்சியால் அதிக பாதிப்பை எதிர்நோக்கியுள்ளது. அங்கு ஒரு இலட்சத்து 33ஆயிரத்து 678 குடும்பங்களைச் சேர்ந்த, 4 இலட்சத்து 62 ஆயிரத்து 815 பேர்பாதிக்கப்பட்டுள்ளனர்.

யாழ்ப்பாணத்தில் 34 ஆயிரத்து 49 குடும்பங்களைச் சேர்ந்த ஒரு இலட்சத்து 24 ஆயிரத்து206 பேரும், முல்லைத்தீவில் 35 ஆயிரத்து 730 குடும்பங்களைச் சேர்ந்த ஒரு இலட்சத்து 15ஆயிரத்து 308 பேரும், கிளிநொச்சி 24 ஆயிரத்து 6 குடும்பங்களைச் சேர்ந்த 83 ஆயிரத்து378 பேரும் பாதிக்கப்பட்டுள்ளனர்.

அத்துடன், வவுனியாவில் 24 ஆயிரத்து 507 குடும்பங்களைச் சேர்ந்த 85 ஆயிரத்து 771பேரும், மன்னாரில் 15 ஆயிரத்து 386 குடும்பங்களைச் சேர்ந்த 54 ஆயிரத்து 152 பேரும்பாதிக்கப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது

கொச்­சிக்­கடை பொலிஸ் பிரி­வுக்கு உட்­பட்ட நகை விற்­பனை நிலையம் ஒன்றில் ஆறு இலட்சம் ரூபாவுக்கு மேல் பெறுமதியான 13 பவுண் தங்க நகை­களை கொள்­வ­னவு செய்வது போன்று அங்கு வருகை தந்த நால்வர் அடங்­கிய குழு திருடிச் சென்­றுள்­ளது.

சம்­பவம் இடம்­பெற்ற அன்று குறித்த நகைக் கடைக்கு ஆண் ஒரு­வரும் மூன்று பெண்­களும் நகைகள் வாங்­கு­வது போன்று வந்­துள்­ளனர். அவர்­களில் 13 மற்றும் 18 வய­தான இரு பெண்கள் அடங்­கி­யி­ருந்­தனர்.

இவர்­க­ளுடன் வருகை தந்த ஆண் கடையில் இருந்த நகைப் பெட்­டியை திருடி தான் அணிந்­தி­ருந்த சாரத்­துக்குள் மறைத்து வைக்கும் காட்சி அங்கு பொருத்­தப்­பட்­டுள்ள கண்­கா­ணிப்பு கெம­ராவில் தெளி­வாக பதி­வா­கி­யுள்­ளது.

சம்­பவம் இடம்­பெற்ற வெள்­ளிக்­கி­ழமை இரவு கடை­யி­லி­ருந்த நகை­களின் இருப்பை உரி­மை­யாளர் பார்த்த போதே நகைகள் திரு­டப்­பட்ட விடயம் தெரிய வந்­துள்­ளது.

இவர்கள் அனை­வரும் ஒரே குடும்­பத்தைச் சேர்ந்­த­வர்கள் போன்றே காணப்­பட்­டனர். அவர்­களில் பெண் நகை­களை வாங்­கு­வது போன்று அவற்றைப் பார்­வை­யிட்­டுள்ளார். அவர்­க­ளுடன் வந்த ஆண் இதன்­போது நகைகள் அடங்­கிய பெட்­டியைத் திருடி தான் அணிந்து வந்த சாரத்­துக்குள் மறைத்து வைத்­துள்ளார்.

அவர்­க­ளுடன் கூட வந்த இரு சிறு­மி­யர்­களும் இதற்கு ஒத்­து­ழைப்பு வழங்­கு­வ­தற்­காக திரு­டு­வதை காணாமல் இருக்கும் வகையில் சூழ்ந்து நின்­றுள்­ளனர்.

பின்னர் அவர்கள் எந்­த­வித நகை­க­ளையும் கொள்­வ­னவு செய்­யாமல் மாலை 5.12 மணி­ய­ளவில் கடை­யி­லி­ருந்து வெளி­யே­றி­யுள்­ளனர். இவைகள் கடையில் பொருத்­தப்­பட்­டுள்ள சி.சி.­ரி.வி. கம­ராவில் தெளி­வாக பதி­வா­கி­யுள்­ளது.

இந்தச் சம்­பவம் தொடர்­பாக கொச்­சிக்­கடை பொலிஸ் நிலை­யத்தில் முறைப்பாடு செய்துள்ளோம் என்றார். சம்பவம் தொடர்பாக கொச்சிக்கடை பொலிஸார் விசாரணை மேற்கொண்டுள்ளனர். இதுவரை எவரும் கைது செய்யப்படவில்லை.