பருத்தித்துறையில் பொலிஸாரின் துப்பாக்கி சூட்டுக்கு இலக்காகி உயிரிழந்த இளைஞனின் இறுதிச் சடங்கு இன்று நடைபெறவுள்ளது.

இதன்போது அந்தப் பகுதியில் வன்முறைச் சம்பவங்கள் இடம்பெற வாய்ப்புள்ளதாக எச்சரிக்கப்பட்டுள்ளது.

இதற்கான முன்னேற்பாடாக வடமராட்சியில் அதிகளவு பொலிஸார் மற்றும் சிறப்பு அதிரடிப்படையினரும் குவிக்கப்பட்டுள்ளனர்.

மணல்காடு பகுதியில் மணல் ஏற்றிச் சென்றதாக கூறப்படும் வாகனம் மீது துப்பாக்கிச் சூடு நடத்தியமையில் இளைஞர் ஒருவர் உயிரிழந்திருந்தார்.

துன்னாலையைச் சேர்ந்த யோகராசா தினேஸ் என்ற 24 வயதுடைய இளைஞனே இவ்வாறு கொல்லப்பட்டிருந்தார்.

இதனால் ஆத்திரமடைந்த கிராம மக்கள் அங்கிருந்து பொலிஸ் நிலையத்தை முற்றுகையிட்டு தாக்குதல் நடத்தியிருந்தனர்.

இதேவேளை குறித்த இளைஞன் மீது தாக்குதல் நடத்திய பருத்தித்துறை பொலிஸ் நிலையத்தைச் சேர்ந்த உதவி ஆய்வாளர் சிவராசா சஞ்சீவன், காவலர் மொகமட் முபாரக் ஆகியோர் கைது செய்யப்பட்டு விளக்க மறியலில் வைக்கப்பட்டுள்ளனர்.

 
அமெரிக்காவில் இலங்கை பெண் ஒருவர் சிறந்த சமையல்காரராகியுள்ளார். இலங்கையில் சாதாரண குடும்பம் ஒன்றில் பிறந்து அமெரிக்காவில் சிறந்த சமையல்காரராக மாறி பெண், அந்த நாட்டு உணவகம் ஒன்றுக்கு உரிமையாளராகியுள்ளார்.

அயோமா கருணாரத்ன என பெயர் கொண்ட குறித்த இலங்கை பெண், திருமணத்திற்கு பின்னர் அயோமா வைலன் என அழைக்கப்படுகின்றார்.

கண்டி மாஹாமாய பாடசாலையின் பழைய மாணவியான அவர் சாதாரண ஒரு குடும்பத்தில் பிறந்தவராகும். அவரது தந்தை பேராதனை பகுதியில் உள்ள மிகச்சிறிய கடை ஒன்றின் உரிமையாளராகும்.

கல்வி நடவடிக்கையில் அதிகம் திறமையான அவருக்கு வெளிநாட்டில் கற்பதற்கான புலமைப்பரிசில் ஒன்று கிடைத்துள்ளது. எனினும் அதனை பெற்றுக்கொள்வதற்காக 750 டொலர்களை அவரால் செலுத்த முடியவில்லை.

இந்நிலையில் இலங்கையில் கேக் தயாரிக்க ஆரம்பித்த அவர் தனியார் நிறுவனம் ஒன்றில் தொழில் செய்ய ஆரம்பித்துள்ளார். இதன்போது அவரை அமெரிக்கா நபர் ஒருவர் திருமணம் செய்து கொள்ள விருப்பம் தெரிவித்துள்ளார்.

அதற்கமைய அவரை திருமணம் செய்து கொண்டு அமெரிக்கா சென்றவர் சிறிய அளவிலான உணவகம் ஒன்றை அங்கு ஆரம்பித்துள்ளார். உணவகத்தில் அமெரிக்கர்களுக்கான இலங்கை உணவு சமைக்க ஆரம்பித்துள்ளார்.

இந்த நிலையில் அங்கு உணவு பெற்றுக் கொள்ள வந்த அமெரிக்கா பெண் ஒருவர் இந்த உணவகம் தொடர்பில் பத்திரிகையில் கட்டுரை ஒன்றை எழுதியுள்ளார். அன்று முதல் குறித்த உணவகத்திற்கு அமெரிக்கர்கள் அதிகம் வர ஆரம்பித்துள்ளார்.

நாளடைவில் பிரபலமடைந்த அந்த உணவகம் 2009ஆம் கலிபோர்னியாவில் சிறந்த உணவகமாக தெரிவு செய்யப்பட்டிருந்தது.

அதனைத் தொடர்ந்து அவருக்கு சிறந்த சமையல்காரருக்கான விருது வழங்கிய கௌரவிக்கப்பட்டுள்ளது.

டெங்கு காய்ச்சல் பரவுவதை ஒரு மாதத்திற்குள் 50 வீதத்தால் குறைப்பதற்கு துரித திட்டமொன்றை நடைமுறைப்படுத்தவுள்ளதாக சுகாதார அமைச்சர் ராஜித சேனாரத்ன குறிப்பிட்டுள்ளார்.

உலக சுகாதார ஸ்தாபனத்தின் நிபுணத்துவ குழுவினரால் தயாரிக்கப்பட்ட அறிக்கையின் பிரகாரம் இந்தத் திட்டம் நடைமுறைப்படுத்தப்படும் என நியூஸ்பெஸ்டுக்கு வழங்கிய செவ்வியில் அமைச்சர் சுட்டிக்காட்டினார்.

உலக சுகாதார ஸ்தாபனத்தினால் நான்கு விசேட நிபுணர்கள் நாட்டிற்கு அனுப்பிவைக்கப்பட்டுள்ளதுடன்,டெங்கு காய்ச்சலைத் தடுப்பதற்கான வழிமுறைகள் குறித்து அவர்களிடம் தாம் அறிக்கை கோரியிருந்ததாகவும் அமைச்சர் ராஜித சேனாரத்ன கூறினார்.

இந்த விசேட குழுவினர், அமைச்சரவை முன்னிலையிலும் பிரசன்னமாகி நிலைமை தொடர்பில் விளக்கமளிக்கவுள்ளனர்.

இலங்கையில் டெங்கு காய்ச்சலுக்காக வைத்தியசாலைகளில் முன்னெடுக்கப்படும் சிகிச்சைகளை உலக சுகாதார ஸ்தாபனம் பாராட்டியுள்ளது என்ற போதிலும், தற்போதைய நிலை குறித்து திருப்தியடைய முடியாதென சுகாதார அமைச்சர் தெரிவித்தார்.

ஊடக அமைச்சு, ஊடக நிறுவனங்கள் இணைந்து டெங்கு பரவுவதை ஒழிப்பதற்காக மக்களுக்கான விழிப்புணர்வு நடவடிக்கைகளை முன்னெடுத்து வருவதாக சுட்டிக்காட்டிய அமைச்சர் ராஜித சேனாரத்ன, ஊடக நிறுவனங்கள் மிகவும் அர்ப்பணிப்புடன் இதுகுறித்து செயற்பட்டு வருவதாகவும் குறிப்பிட்டார்.

எவ்வாறாயினும், எதிர்வரும் மூன்று வாரங்களுக்குள் டெங்கு ஒழிப்பிற்கான உடனடி செயற்பாட்டுத் திட்டமொன்றை நடைமுறைப்படுத்தவுள்ளதாகவும் அமைச்சர் கூறினார்.

எனினும், டெங்கு ஒழிப்பிற்காக பிரான்ஸில் அறிமுகப்படுத்தப்பட்ட தடுப்பூசி, பிலிப்பைன்ஸில் பரீட்சார்த்தமாக பயன்படுத்தப்பட்ட போதிலும், இதுவரை அது வெற்றியளிக்கவில்லை என்றும் சுகாதார அமைச்சர் மேலும் தெரிவித்தார்.

நுவரெலியாவை தொடர்ந்து முதன் முறையாக கொழும்பு கோட்டை ரயில் நிலையத்திற்கு முன்னாலுள்ள பேரீச்ச மரமும் பூத்து காய்த்துள்ளமை பார்ப்பவர் கண்களை அதிசயத்தில் ஆழ்த்தி உள்ளது.

இவ்வருடம் நாட்டில் நிலவிய அதிக வெப்பநிலை காரணமாகவே இவை காய்க்க தொடங்கியுள்ளதாக தெரிவிக்கப்படுகிறது.

குறித்த மரம் சுமார் 50 ஆண்டுகள் பழமையானது என ரயில் நிலையத்தில் பணிப்புரியும் ஊழியர் ஒருவர் தெரிவித்துள்ளார்.

மிரிஹான தடுப்பு முகாமொன்றில் வைக்கப்பட்டுள்ள 22 வயதான ரோஹிஞ்சா முஸ்லிம் பெண் மீது பாலியல் துஷ்பிரயோகம் செய்த ​பொலிஸ் கான்ஸ்டபிளை, பாதிக்கப்பட்டதாக கூறப்படும் அந்த பெண் அடையாளம் காட்டியுள்ளார்.

கடந்த மாதம் 18ம் திகதி நடைபெற்றதாக கூறப்படும் அந்த சம்பவம் தொடர்பாக, அந்தப் பெண் கொடுத்த புகாரின் பேரில், சம்பந்தப்பட்ட தடுப்பு முகாமில் பணியாற்றும் சந்தேகநபரான கான்ஸ்டபிள் கைது செய்யப்பட்டு நீதிமன்ற உத்தரவுப்படி விளக்கமறியலில் வைக்கப்பட்டிருக்கிறார்.

இதன்படி, திங்கட்கிழமை நுகேகொட நீதவான் நீதிமன்றத்தில் நடைபெற்ற அடையாள அணிவகுப்பில் சந்தேகநபரான கான்ஸ்டபிளை பாதிக்கப்பட்ட இந்த பெண் அடையாளம் காட்டியதாக, அந்தப் பெண்ணுக்கு சட்ட உதவிகளை வழங்கி வருகின்ற ஆர்.ஆர்.ரி சட்ட நிறுவனத்தை சேர்ந்த வழக்கறிஞர் சிராஸ் நூர்டின் தெரிவித்துள்ளார்.

அடையாளம் காணப்பட்ட சந்தேகநபர் நீதிமன்ற உத்தரவின் பேரில் எதிர்வரும் 20ம் திகதி வரை தொடர்ந்தும் விளக்கமறியலில் வைக்கப்பட்டுள்ளதாகவும் அவர் குறிப்பிட்டார் என, பிபிசி செய்திகள் குறிப்பிடுகின்றன.

மிரிஹான தடுப்பு முகாமில் நீதிமன்ற உத்தரவின் பேரில் 7 பெண்கள் மற்றும் 16 சிறுவர்கள் உள்ளிட்ட மியான்மர் நாட்டை சேர்ந்த, 30 ரோஹிஞ்சா முஸ்லிம் அகதிகள் தடுத்து வைக்கப்பட்டுள்ளனர்.

சுமார் 5 வருடங்களாக இந்தியாவில் ஐக்கிய நாடுகள் அகதிகள் அமைப்பின் பராமரிப்பில் புதுடெல்லியிலும் தமிழ்நாடு அதிராம்பட்டினத்திலும் தங்கியிருந்த இவர்கள் கடந்த ஏப்ரல் மாதம் 28ம் திகதி தமிழ்நாட்டிலிருந்து அவுஸ்திரேலியாவிற்கு படகு மூலம் புறப்பட்டுள்ளனர்

படகு வழி தவறி இலங்கை கடல் எல்லைக்குள் பிரவேசித்த நிலையில் 30ம் திகதி காங்கேசன்துறை கடல் பகுதியில் இலங்கை கடற்படையினரால் இந்த 30 பேரும் கைது செய்யப்பட்டு, நீதிமன்ற உத்தரவின் பேரில் மிரிஹான சட்ட விரோத குடியேறிகள் தடுப்பு முகாமில் தற்போது வைக்கப்பட்டுள்ளனர்.

ஐ.நா அகதிகள் அமைப்பின் கண்காணிப்பில் இலங்கையில் அவர்கள் தஞ்சம் பெற விரும்புகின்றார்கள். அகதிகளுக்கான அந்தஸ்து வழங்கும் அனுமதி அட்டை வழங்க ஐ.நா அகதிகள் அமைப்பு ஏற்கனவே இணக்கம் தெரிவித்திருந்தமை குறிப்பிடத்தக்கது.

இந்தநிலையில், இவர்களில் 22 வயதான பெண்ணொருவர் தனது நோயின் காரணமாக அரச மருத்துவமனையொன்றில் தங்கியிருந்து சிகிச்சை பெற அனுமதிக்கப்பட்டிருந்தார்.

சிகிச்சை முடிந்து அழைத்துச் சென்ற சந்தர்ப்பத்தில் பொலிஸ் கான்ஸ்டபிள் ஒருவரால் விடுதியொன்றுக்கு அழைத்துச் செல்லப்பட்டு பாலியல் துஷ்பிரயோகம் செய்யப்பட்டதாக கூறப்படுகின்றது.

இந்த சம்பவம் தொடர்பாக பாதிக்கப்பட்ட பெண் கொகுவல பொலிஸில் புகார் கொடுத்தார். இதனையடுத்து சந்தேகநபரும் கைது செய்யப்பட்டார்.

அக்­க­ரைப்­பற்று பொலிஸ் பிரி­வுக்கு உட்­பட்ட சின்­ன­மு­கத்­து­வார கடற்­கரை பிர­தே­சத்தில் நேற்று முன்­தினம் நீரா­டிய போது காணாமல் போன ஒரே குடும்­பத்தைச் சேர்ந்த இரு சகோ­த­ரர்­களின் சட­லங்­களும் நேற்று மீட்­கப்­பட்­டன.

ஆலை­ய­டி­வேம்பு, நாவற்­காடு பிரிவைச் சேர்ந்த குமா­ர­சு­வாமி சஜித் (19), குமா­ர­சு­வாமி சிதுஜன் (21) ஆகிய சகோ­த­ரர்­களே உயி­ரி­ழந்­த­வர்கள் என அக்­க­ரைப்­பற்று பொலிஸார் தெரி­வித்­தனர்.

சம்­பவ தினம் தம்­பட்­டையில் உள்ள அவர்­க­ளது உற­வி­னர்­களின் வீட்­டுக்குச் சென்று விட்டு வரும் வழியில் இவர்கள் இரு­வரும் மற்­று­மொரு நண்­பரும் சேர்ந்து ரெஜி­போ­மி­லான மிதப்பின் உத­வி­யுடன் கடலில் நீராடிக் கொண்­டி­ருந்த போதே இச்­சம்­பவம் நடை­பெற்­றுள்­ள­தாக கரை சேர்ந்­தவர் தெரி­வித்­துள்ளார்.

நீராடிக் கொண்­டி­ருக்­கையில் மிதப் பின் ஒரு பகுதி சேத­ம­டைந்து இளைய சகோ­தரர் கடலில் மூழ்­கி­ய­தை­ய­டுத்து அவரை காப்­பாற்றும் நோக்கில் கடலில் பாய்ந்த மூத்த சகோ­த­ரரும் கட­ல­லையால் அள்­ளுண்டு செல்­லப்­பட்­ட­தா­கவும் அவர் கூறினார்.

இதே­வேளை, இச்­சம்­ப­வத்தை கண்­ணுற்ற உல்­லா­சப்­பி­ர­யாணி ஒருவர் கடலில் மூழ்­கி­ய­வர்­களை காப்­பாற்­று­வ­தற்­காக அதிக பிர­யத்­தனம் மேற்­கொண்­ட­தா­கவும் நேரில் கண்­ட­வர்கள் தெரி­வித்­தனர்.

அம்­மு­யற்சி தோல்­வி­ய­டைந்­ததை தொடர்ந்து பொது­மக்­களின் உத­வி­யுடன் தம்­பட்டை மற்றும் சின்­ன­மு­கத்­து­வார மீன­வர்­களின் உத­வி­யுடன் இரு­வரின் உடல்­களும் மீட்­கப்­பட்­டன.

அக்­க­ரைப்­பற்று பொலிசார் சம்­பவம் தொடர்பில் விசா­ர­ணை­களை ஆரம்­பித்­துள்ள நிலையில் அக்கரைப்பற்று மாவட்ட நீதிமன்ற நீதிபதி ஏ.பீற்றர்போல் சம்பவ இடத்துக்குச் சென்று நேரில் சடலங்களை பார்வையிட்டதுடன் பிரேத பரிசோதனைகளை நடாத்துமாறு உத்தரவிட்டார்.