மகனை பிரிந்துவாழ்ந்த ஏக்கத்தில், பெண் மருத்துவர் தற்கொலை செய்துகொண்டுள்ள சம்பவம் அவரது குடும்பத்தினரிடையே பெரும் துக்கத்தை ஏற்படுத்தியுள்ளது.

சென்னையில் சூளைமேடுபகுதியில் வசித்தவர் சுதா மல்லிகா. சென்னை அரசு ஸ்டான்லி மருத்துவமனையில் பயிற்சி மருத்துவராக பணியாற்றி வந்தார்.

சுதாமல்லிகாவின் கணவர் சதீஷ்குமாரும் அதே மருத்துவமனையில் மருத்துவராக உள்ளார். எம்.பி.பி.எஸ். படிக்கும் போது இவர்களுக்குள் மலர்ந்த காதல் இருவீட்டார் சம்மதத்துடன் இரண்டாண்டுகளுக்கு முன் திருமணத்தில் முடிந்தது.

மருத்துவ தம்பதியருக்கு ஒன்றரை வயதில் ஒரு மகன் இருக்கிறான். கணவன் மனைவி இருவரும் அன்றாட பணிக்கு வந்து விடுவதால் குழந்தையை பராமரிக்க ஆள் இல்லாமல் வேதனையில் திணறினர்.

ஈரோட்டில் இருக்கும் சுதா மல்லிகாவின் பெற்றோர் குழந்தையை தாங்கள் பார்த்துக் கொள்வதாக முன்வந்ததால் குழந்தையை அங்கேயே விட்டுவிட்டனர்.

குழந்தை தன்னுடைய தாயாரிடம் இருந்தாலும் சுதாமல்லிகாவின் மனம் சென்னையில் நிம்மதியாக இல்லை. தினமும் தாயாருக்குப் போன் செய்து குழந்தையின் குரலை போனில் கேட்டு வருவதை வழக்கமாக வைத்திருந்தார்.

இந்நிலையில் நேற்று வழக்கமான நேரத்தில் தாயாருக்கு சுதாமல்லிகா போன் செய்யவில்லை. சுதாமல்லிகாவின் போன் வராததோடு அவரது எண்ணிலும் தொடர்பு கொள்ள முடியவில்லை.

இதையடுத்து அவரது தாயார் சுதாமல்லிகாவின் கணவர் சதீஷ்குமார் போனில் தொடர்பு கொண்டார். இதனால் பதறிய சதீஷ்குமார் வீட்டில் சுதாமல்லிகாவை தேடியுள்ளார்.

அப்போது தனியறையில் சுடிதாரின் துப்பட்டாவில் சுதாமல்லிகா தூக்கிட்ட நிலையில் பிணமாகக் கிடந்ததை சதீஷ்குமார் காண நேர்ந்தது.

தற்கொலைக்கான காரணமாக ஒரு கடிதத்தையும் சுதா மல்லிகா எழுதியுள்ளார். அதில், ‘தாய்ப்பாசத்தில் ஒவ்வொரு நாளும் துடிக்கிறேன் மகனே’, என்று தொடங்கி மகனின் பிரிவால் படும் துயரத்தை மட்டுமே எழுதி வைத்துள்ளார்.

சுதாமல்லிகாவின் பெற்றோருக்கு தகவல் கொடுக்கப்பட்டுள்ளது. சுதாமல்லிகாவின் உடல், உடற்கூறு ஆய்வுக்காக அவர் பணியாற்றிய அதே ஸ்டான்லி மருத்துவமனைக்கு பொலிசாரால் அனுப்பி வைக்கப்பட்டுள்ளது

மும்பையில் ஆட்டோ ஓட்டுநர் ஒருவர் தனது மகனை மடியில் வைத்துக்கொண்டு ஆட்டோ ஓட்டி பிழைப்பு நடத்தி வருவது நெகிழ்ச்சியை ஏற்படுத்தியுள்ளது.

சயீத்- யாசிம் தம்பதியினருக்கு 1 மகனும், 3 மாத குழந்தையும் உள்ளது. இளம் வயது யாசீமை பக்கவாதம் தாக்கியதால் அவரால் தனது பச்சிளம் குழந்தையை சரியாக பார்த்துக்கொள்ள முடியவில்லை.

இந்தத் தம்பதிக்கு உறவினர்களும் கிடையாது. ஆட்டோ ஓட்டினால்தான் அரை வயிறு கஞ்சியாவது குடிக்க முடியும். மீண்டும் வேலைக்குச் செல்லவேண்டிய கட்டாயம்.

மூன்று மாதக் குழந்தையைப் பக்கத்து வீட்டுக்காரர் பார்த்துக்கொள்ள, மகனை என்ன செய்வது எனத் தெரியவில்லை.

சரி… நம்முடனே இருக்கட்டும் என வைத்துக்கொண்டார். வாடிக்கையாளர்கள் வந்தால், மகனை முன் இருக்கையில் தன்னுடன் வைத்துக்கொள்வார். சிறுவன் என்பதால் அடிக்கடி உறங்கிவிடுவான்.

அப்போது முன் இருக்கையில் மகனை மடியில் கிடத்தியவாறே ஆட்டோ ஓட்டுவதை முகமது சயீத் வழக்கமாக வைத்திருந்தார்.

இதனை அந்த ஆட்டோவில் பயணம் செய்த வினோத் என்பவர் புகைப்படம் எடுத்து தனது டுவிட்டர் பக்கத்தில் வெளியிட்டுள்ளார்.

சயீத்தின் தொலைபேசி எண், வங்கி கணக்கு எண் ஆகியவற்றை தனது டுவிட்டர் பக்கத்தில் வினோத் வெளியிட்டதால், சயீத்தின் மனைவிக்கு தற்போது பல்வேறு தரப்பில் இருந்து உதவிகள் குவிந்துள்ளன.

தமிழகத்தில் வெயில் சுட்டெரிக்கும் என்று வானிலை ஆய்வு மையம் எச்சரித்தது போலவே பல நகரங்கள் சுட்டெரிக்கின்றன. திருத்தணியில் அதிகபட்சமாக 112 டிகிரி பாரன்ஹீட் வெப்பம் பதிவாகியுள்ளது.

வட தமிழகத்தில் அனல் காற்று வீசும் என்று வானிலை ஆய்வு மையம் எச்சரித்துள்ளது. அக்னி நட்சத்திர காலத்தை மக்கள் உணரத் தொடங்கியுள்ளனர். திகுதிகுவென பற்றி எரிகின்றன. பல நகரங்களில் அனலை வாரி இறைத்தது போல வெப்பம் சுட்டெரிக்கிறது.

வெப்பத்தின் பாதிப்பை தாங்க முடியாத மக்கள் வீடுகளுக்குள்ளே முடங்கியுள்ளனர். வெயில் தணிந்த பின்னர் வெளியில் போகலாம் என்று தங்களின் பணிகளை ஒத்தி வைத்துள்ளனர்.

அனலடிக்கும் சென்னை சென்னையில் நேற்று முதலே வெப்பம் அதிகரித்துள்ளது. இன்று காலை முதலே 100 டிகிரி பாரனைட்டை தாண்டி பதிவாகி வருகிறது.

இதனால் புழுக்கம் அதிகரித்துள்ளது. கடல் காற்று வீசியும் அனலின் வேகத்தை மக்களால் தாக்கு பிடிக்க முடியவில்லை. திகுதிகு திருத்தணி திருவள்ளூர் மாவட்டம் திருத்தணியில் காலை முதலே வெயில் வாட்டி எடுக்கிறது.

இன்று மாநிலத்திலேயே அதிகபட்சமாக 112 டிகிரி பாரன்ஹீட் வெப்பம் பதிவானது. மக்கள் நடமாட்டம் குறைந்து சாலைகள் வெறிச்சோடி காணப்படுகின்றன.

100 டிகிரி பாரன்ஹீட் கடந்த வாரங்களில் வெப்பம் சற்றே தணிந்திருந்த நிலையில் நேற்று முதல் மீண்டும் அக்னி பகவான் தனது ஆட்டத்தை ஆரம்பித்து விட்டார்.

மாநிலம் முழுவதும் வெயில் வாட்டி வருகிறது. வேலூர், திருவண்ணாமலை உள்ளிட்ட பல நகரங்களில் 100 டிகிரி பாரன்ஹீட்டுக்கும் அதிகமான வெப்பம் பதிவாகியுள்ளது.

வெப்பத்தின் தாக்கத்தில் இருந்து தப்பிக்க மக்கள் வீடுகளுக்குள் முடங்கியுள்ளனர்.

அனல்காற்று எச்சரிக்கை வடதமிழகம், புதுச்சேரியில் அனல் காற்று வீசும் என்று சென்னை வானிலை ஆய்வு மையம் தெரிவித்துள்ளது. தமிழ்கத்தில் உள், தென்மாவட்டங்களில் ஓரிரு இடங்களில் லேசான மழை பெய்யலாம் என்றும் தெரிவித்துள்ளது.