வவுனியாவில் முள்ளிவாய்க்கால் நினைவு தினம் வடமாகாண சபை உறுப்பினர் சிவாஜிலிங்கம் தலைமையில் இன்று (14.05.2017) மாலை 6 மணியளவில் வவுனியா மாவட்ட செயலகத்திற்கு அருகேயுள்ள பண்டாரவன்னியன் நினைவுத்தூபிக்கு முன்பாக இடம்பெற்றது.

இந் நிகழ்வில் வன்னி மாவட்ட பாராளுமன்ற உறுப்பினர் செல்வம் அடைக்கலநாதன், வடமாகாணசபை உறுப்பினர் செந்தில்நாதன் மயூரன், விந்தன் கனகரத்தினம் முன்னாள் பாராளுமன்ற உறுப்பினர் வினோ நோகராதலிங்கம், தமிழீழ விடுதலை இயக்கத்தின் செயலாளர் நாயகம் என்.ஸ்ரீகாந்தா, கிழக்கு மாகாணசபை உறுப்பினர் ஜனா மற்றும் பொதுமக்கள் என பலரும் கலந்து கொண்டனர்.

இதன்போது முள்ளிவாய்க்காலில் இறுதி யுத்ததின்போது உயிரிழந்தவர்களுக்கான ஈகைச்சுடர் ஏற்றப்பட்டதுடன் அஞ்சலியும் செலுத்தப்பட்டது.
இதன்போது முள்ளிவாய்க்காலில் இறுதி யுத்ததின்போது உயிரிழந்தவர்களுக்கான ஈகைச்சுடர் ஏற்றப்பட்டதுடன் அஞ்சலியும் செலுத்தப்பட்டது.

 
வவுனியாவில் மேற்கொள்ளப்பட்டுவரும் சுகாதாரத் தொண்டர்களின் போராட்டம் வடமாகாண சுகாதாரத் தொண்டர்களின் போராட்டமாக மாற்றமடைந்துள்ளது.

இவர்களின் போராட்டம் இன்று (14.05.2017) 11ஆவது நாளாக மேற்கொள்ளப்பட்டு வருகின்றது.

யாழ்ப்பாணம், மன்னார், கிளிநொச்சி போன்ற பகுதிகளிலுள்ள சுகாதாரத் தொண்டர்கள் ஒன்றிணைந்து வவுனியா போராட்டக்களத்துடன் இணைந்து நேற்று முதல் போராட்டத்தை மேற்கொண்டு வருகின்றனர்.

யாழ்ப்பாணத்திலிருந்து 20 சுகாதாரத் தொண்டர்களும் வவுனியாவில் தங்கியிருந்து போராட்டகளத்தில் தமது ​
நியமனத்திற்காக போராட்டத்தினை மேற்கொண்டு வருகின்றனர்.

வன்னி மாவட்ட நாடாளுமன்ற உறுப்பினர்களான சிவசக்தி ஆனந்தன், சி.சிவமோகன் வடமாகாண சுகாதார அமைச்சர் ப.சத்தியலிங்கம் ஆகியோர் போராட்ட களத்திற்குச் சென்று தமது ஆதரவினை வழங்கியதுடன் சுகாதாரத் ​
தொண்டர்களின் போராட்டம் ​
நியாயமானது என்று தெரிவித்து நியமனம் வழங்குவதற்கு வலியுறுத்துவதாகத் தெரிவித்துள்ளனர்.
​
நியமனம் கிடைக்கும் வரையில் தமது போராட்டத்தினை ​
மேற்கொள்ளுவதாகவும் யாழ்ப்பாணத்தில் தம்மால் மேற்கொண்ட போராட்டத்திற்கு ஆதரவு வழங்க எவரும் முன்வரவில்லை எனவே வவுனியாவிலுள்ள போராட்ட களத்தில் இணைந்துகொண்டுள்ளதாக யாழ்ப்பாணத்திலிருந்து வந்து போராட்டகளத்திலுள்ள சுகாதாரத் தொண்டர்கள் தெரிவித்துள்ளனர்.

 
வவுனியாவில் போராட்டத்தினை மேற்கொண்டு வரும் கையளிக்கப்பட்டு காணாமல் ஆக்கப்பட்ட உறவுகள் தொடர்ந்தும் சுழற்சி முறையில் இன்று (14.05.2017) 80வது நாளாகவும் மழை, வெயில் என்பவற்றை பொருட்படுத்தாது தற்காலிக தகரக்கொட்டகைக்குள் தமது போராட்டத்தினை முன்னெடுத்து வருகின்றனர்.

கையளிக்கப்பட்ட தமது உறவினர்களை விடுவிக்கக்கோரியும், அரசியல் கைதிகளை விடுதலை செய்யக்கோரியும், பயங்கரவாதச் சட்டத்தினை நீக்குமாறு கோரியும் தமது போராட்டத்தினை முன்னெடுத்து வருகின்றனர்.

இப் போராட்டத்தில் ஈடுபட்டவர்களை கூட்டமைப்பின் அம்பாறை மாவட்ட பாராளுமன்ற உறுப்பினர் கோடீஸ்வரன், வன்னி மாவட்ட பாராளுமன்ற உறுப்பினர் சிவசக்தி ஆனந்தன், ஜனநாயக போராளிகள் கட்சியின் ஊடகப் பேச்சாளர் துளசி ஆகியோர் சென்று பார்வையிட்டதுடன் அவர்களுடன் கலந்துரையாடினர்.

இதன்போது தீர்வு கிடைக்கும் வரை இச் சுழற்சி முறையிலான உண்ணாவிரத போராட்டம் தொடரும் என போராட்டத்தில் ஈடுபட்டுள்ள காணாமல் ஆக்கப்பட்டோரின் உறவினர்கள் தெரிவித்தனர்.

பெரும் நிதிச் செல­வில் வவு­னி­யா­வில் அமைக்­கப்­பட்ட பேருந்து நிலை­யம் பாழ­டை­வ­தற்கு முன்­னர் மாற்று ஏற்­பா­டு­களை மேற்கொண்டு அதை மக்­கள் பயன்­பாட்­டுக்கு விட வேண்­டும் என்று மாவட்ட மக்­கள் கோரிக்கை விடுத்துள்ளனர்.

முறையான திட்­ட­மி­ட­லின்மை கார­ண­மா­க­வும், ஒத்­து­ழைப்பு இன்மையாலும் 195 மில்­லி­யன் நிதிச் செல­வில் அமைக்­கப்­பட்ட பேருந்து நிலை­யம் கால்­ந­டை­க­ளி­ன­து கூடா­ர­மா­க விளங்குகின்­றது. மாவட்­டத்­தின் அபி­வி­ருத்­திக்கு உகந்த வகையில் பயன்­ப­டுத்த ஆவன செய்ய வேண்­டும்.

மக்­க­ளின் வரிப்பணத்­தில் அமைக்­கப்­பட்ட இந்­தத் திட்­டம் வீணா­காத வகை­யில் பொருத்­த­மான முடிவை மேற்­கொள்ள வேண்­டும். பேருந்து நிலை­ய­மா­கவோ அல்­லது பொருத்­த­மான செயல்­பாட்டையோ மேற்­கொண்டு கட்­ட­டம் பாதிப்படையாதவாறு பாதுகாக்க முன்­வர வேண்­டும் என்று அவர்­கள் கோரிக்கை விடுத்துள்ளனர்.

 
வவுனியா இளைஞர் கழகத்தின் ஏற்ப்பாட்டில் வவுனியா மாவட்ட இளைஞர் கழகங்களுக்கிடையிலான நான்கு அணிகள் கொண்ட போட்டியில் கூமாங்குளம் சுப்பர் ஸ்டார் விளையாட்டுக்கழகம் வெற்றி பெற்றது.

சிறி சுமன விளையாட்டுக் கழகமும் கூமாங்குளம் சுப்பர் ஸ்டார் விளையாட்டுக் கழகத்திற்கும் இடையில் இன்று (14.05.2017) வவுனியா தமிழ் மத்திய மகா வித்தியாலயத்தில் கரப்பந்தாட்ட போட்டியின் இறுதி போட்டி நடைபெற்றது.

இப் போட்டியில் சிறி சுமன விளையாட்டு கழகத்தினை 4 புள்ளிகள் வித்தியாசத்தில் வீழ்த்தி கூமாங்குளம் விளையாட்டு கழகம் வெற்றி பெற்று தேசிய ரீதியில் நடைபெறும் கரப்பந்தாட்ட போட்டிக்கு தெரிவாகியுள்ளது.

சிறி சுமன விளையாட்டு கழகம் 20 புள்ளிகளையும் கூமாங்குளம் சுப்பர் ஸ்டார் 24 புள்ளிகளையும் பெற்றமை குறிப்பிடத்தக்கது.

இவர்கள் கூமாங்குளம் கிராமத்திற்கு மட்டுமன்றி வவுனியா மாவடத்திற்கே பெருமையினை தேடித்தந்துள்ளனர்.

வவுனியா சிறைச்சாலையில் தடுத்து வைக்கப்பட்டிருந்த சிறைக்கைதியோருவருக்கு நேற்றுமுன்தினம் (12.05.2017) ஏற்ப்பட்ட சுகயீனம் காரணமாக வவுனியா மாவட்ட பொது வைத்தியசாலையில் அனுமதிக்கப்பட்டார். எனினும் சிகிச்சை பலனின்றி உயிரிழந்துள்ளார். இச் சம்பவம் தொடர்பாக மேலும் தெரியவருகையில்..

வவுனியாவிலுள்ள சிறையில் விளக்கமறியிலில் வைக்கப்பட்டு சிறைத்தண்டனை பெற்று வந்த சி.சாமுவேல் என்ற 66 வயதுடைய மன்னார் பகுதியைச் சேர்ந்த சிறைக்கைதியே சுகயீனம் காரணமாக வவுனியா மாவட்ட பொது வைத்தியசாலையில் அனுமதிக்கப்பட்டு சிகிச்சை பலனின்றி நேற்று(13.05.2017) காலை உயிரிழந்துள்ளதாக வைத்தியசாலைத் தகவல்கள் தெரிவிக்கின்றன.