வவுனியா செட்டிகுளத்தில் நேற்று முன்தினம் (07.03.2017) வீதியில் இரு பெண்கள் நடந்து சென்று கொண்டிருந்த சமயத்தில் வேகமாக மோட்டார் சைக்கிலில் வந்த இருவர் அவர்களின் கழுத்திலிருந்த தங்கச் சங்கிலியினை ( ஒருபவுண்) அபகரித்துச் சென்றுள்ளனர்.

இச் சம்பவம் தொடர்பாக செட்டிக்குளம் பொலிஸ் நிலையத்தில் முறைப்பாடு செய்யப்பட்டுள்ளது.

வவுனியாவில் நேற்று (07.03.2017) தொழிநுட்பக் கல்லூரிக்கு சென்ற மாணவியை காணவில்லை என வவுனியா பொலிஸ் நிலையத்தில் முறைப்பாடு செய்யப்பட்டுள்ளது. இவ்விடயம் தொடர்பாக மேலும் தெரியவருகையில்,

வவுனியா வேப்பங்குளத்திலிருந்து நேற்று (07.03.2017) காலை 8.30 மணிக்கு தொழிநூட்ப கல்லூரிக்கு சென்ற 20வயதுடைய பெண் மாலை 5.30 மணி ஆகியும் வீடு திரும்பாததையடுத்து அவரது பெற்றோரால் வவுனியா பொலிஸ் நிலையத்தில் முறைப்பாடு செய்யப்பட்டுள்ளது.

இச் சம்பவம் தொடர்பான மேலதிக விசாரணைகளை வவுனியா பொலிஸார் மேற்கொண்டுவருகின்றனர்.

 
வவுனியா ஓமந்தை பிரதான வீதியிலுள்ள வேளாங்கன்னி தேவாலயத்தின் உண்டியல் உடைக்கப்பட்டு பணம் திருடப்பட்டுள்ளதாக பொலிஸார் தெரிவித்துள்ளனர்.

இந்த தேவாலயத்தின் உண்டியல் ஏற்கனவே இரண்டு தடவைகள் உடைக்கப்பட்டு பணம் திருடப்பட்டுள்ளதாகவும் ஆரம்பக்கட்ட விசாரணைகள் மூலம் தெரிய வந்துள்ளது.

இந்த சம்பவம் தொடர்பாக பொலிஸார் மேலதிக விசாரணைகளை மேற்கொண்டு வருகின்றனர்.

 
வவுனியாவில் கடந்த 13 நாட்களாக தமது போராட்டத்தினை மேற்கொண்டு வரும் கையளிக்கப்பட்டு காணாமல் ஆக்கப்பட்ட உறவுகள் தொடர்ந்தும் சுழற்சி முறையில் இன்று (08.03.2017) 13ஆவது நாளாக தமது போராட்டத்தினை முன்னெடுத்து வருகின்றனர்.

கையளிக்கப்பட்ட தமது உறவினர்களை விடுவிக்கக்கோரியும் அரசியல் கைதிகளை விடுதலை செய்யக்கோரியும் அவசரகாலச்சட்டத்தினை நீக்குமாறு கோரி தமது போராட்டத்தினை முன்னெடுத்து வருகின்றமையை குறிப்பிடத்தக்கது.

 
வவுனியாவில் கடந்த 13 நாட்களாக தமதுபோராட்டத்தினை மேற்கொண்டு வரும் கையளிக்கப்பட்டு காணாமல் ஆக்கப்பட்டோரின் உறவினர்கள் தொடர்ந்தும் சுழற்சி முறையில் இன்று (08.03.2017) 13ஆவது நாளாக தமது போராட்டத்தினை முன்னெடுத்து வருகின்றனர்.

இந் நிலையில் மகளிர்தினமான இன்று அனாதைகளாக்கப்பட்டு வீதியில் தள்ளப்பட்டுள்ள அவர்கள் தமது உள்ளக்குமுறல்களை வெளிப்படுத்துவிதமாக போராட்டம் நடைபெறும் இடத்தில் இன்று (08.03.2017) மதியம் 12.00 மணிமுதல் 12.30 மணிவரை சுமார் 30 நிமிடங்கள் தங்களது உள்ளத்தில் இருக்கும் வேதனைகள், துன்பங்களை வெளிப்படுத்தும் ஒருவடிவமாக இந்த ஒருமித்த அழுகுரல்களாவது அனைவரின் காதுகளையும் எட்டி அவர்களது மனச்சாட்சியைத் தூண்டட்டும் எனத் தெரிவித்து ஒப்பாரிப் போராட்டத்தில் ஈடுபட்டனர்.

இவ் ஒப்பாரிப்போராட்டத்தின் போது போராட்டத்தில் ஈடுபட்ட மூன்று தாய்மார் மயங்கி கீழே வீழ்ந்தனர். எனினும் வைத்தியசாலைக்கு செல்லாமல் தொடர்ந்தும் சுழற்சி முறையிலான உண்ணாவிரத போராட்டத்தில் ஈடுபட்டுவருகின்றனர்.

 
வவுனியா காத்தார்சின்னக்குளம் பகுதியில் இன்று (08.03.2017 மதியம் 12.30 மணியளவில் பாதுகாப்பற்ற கிணற்றினுள் வீழ்ந்து ரவீந்திரன் பிரவீனன் என்ற ஒன்றரை வயது குழந்தை இறந்துள்ளது. மேலும் இச்சம்பவம் பற்றி தெரியவருகையில் ,

இவரது தந்தையார் கொழும்பில் பணிபுரிந்து வருகின்றார். தாயார் வவுனியாவிற்கு சென்றிருந்து வேளை குறித்த குழந்தை தாத்தாவின் அரவணைப்பில் இருந்துள்ளார்.

தாத்தா குறித்த குழந்தையினை வீட்டினுள் விட்டுவிட்டு வீட்டுக்கு அருகே காணப்படும் காணியில் ஆட்டினை கட்டி விட்டு வருவதற்காக சென்றுள்ளார்.

அந்த சமயத்தில் தாத்தாவை தேடிச் சென்ற குறித்த குழந்தை (ரவீந்திரன் பிரவீனன்) வீட்டிக்கு அருகே காணப்படும் பாதுகாப்பற்ற கிணற்றினுள் வீழ்ந்துள்ளார்.

ஆட்டினை கட்டி விட்டு வீடு திரும்பிய தாத்தா குழந்தையினை தேடிய போது குழந்தை கிடைக்கவில்லை . குறித்த குழந்தையின் சகோதரன் ( வயது 3) கிணற்றிற்கு அருகே சென்ற பொழுது கிணற்றினுள் குழந்தை இருந்ததை அறிந்து உடனே தாத்தாவிற்கு தெரிவித்துள்ளார்.

கிணற்றினுள் குதித்து தாத்தா குழந்தையினை மீட்டெடுத்து வவுனியா பொது வைத்தியசாலையில் உயிரிழந்த நிலையில் அனுமதித்துள்ளார்.

தற்போது சடலம் வவுனியா மாவட்ட வைத்தியசாலையில் பிரேத பரிசோதனைகளுக்காக வைக்கப்பட்டுள்ளது.

 
வவுனியாவில் தொடர் சுழற்சி முறையில் மேற்கொள்ளப்பட்டு வரும் உணவு தவிர்ப்புப் போராட்டம் இன்று (07.03.2017) 12வது நாளாகத் தொடர்ந்து இடம்பெற்று வருகின்றது.

இப் போராட்டத்திற்கு இன்று காலை தேசிய மீனவர் ஒத்துழைப்பு இயக்கத்தின் உறுப்பினர்கள் தமது ஆதரவினை வழங்கியிருந்தனர்.

மேலும் ஜனாதிபதிக்கு தபால் அனுப்பும்போராட்டம் இன்றும் தொடர்ந்து இடம்பெற்று வருகின்றது.

கையளிக்கப்பட்டு கடத்தப்பட்ட தமது உறவுகளை ஒப்படைக்குமாறும் அவசர காலச்சட்டத்தினை நீக்குமாறும், சிறையிலுள்ள அரசியல் கைதிகளை உடன் விடுதலை செய்யுமாறும் தெரிவித்து தமது போராட்டத்தினை இன்று 12ஆவது நாட்களாக மேற்கொண்டு வருகின்றனர்.