தூத்துக்குடியில் நடைபெற்ற பள்ளிகளுக்கு இடையிலான குத்து சண்டை விளையாட்டு போட்டியில் பங்கேற்ற மாணவி திடீரென்று மயங்கி விழுந்து உயிரிழந்த சம்பவம் பரபரப்பை ஏற்படுத்தியுள்ளது.

தமிழகத்தின் தூத்துக்குடி மாவட்டத்தில் உள்ள மாவட்ட விளையாட்டு அரங்கத்தில் கேலோ இந்திய திட்டத்தின்கீழ் மாவட்ட அளவிலான விளையாட்டு போட்டிகள் மற்றும் தெரிவு போட்டிகள் நடைபெற்றன.

இதில் தூத்துக்குடி சோரீஸ்புரம் பள்ளி 9ம் வகுப்பு மாணவி மாரீஸ்வரி குத்துசண்டை போட்டியில் சக போட்டியாளருடன் மோதிய போது திடீரென மயங்கிய நிலைக்கு சென்றுள்ளார்.

உடனே மாரீஸ்வரியை மைதானத்தில் அமர வைத்து முதலுதவி அளித்து, தனியார் மருத்துவமனையில் சேர்த்துள்ளனர்.

பின்னர் மேல்சிகிச்சைக்காக மாரீஸ்வரியை அரசு மருத்துவகல்லூரி மருத்துவமனையில் சேர்த்த போது அங்கு சிகிக்சை பலனின்றி மாணவி மாரீஸ்வரி மரணமடைந்தார்.

மாணவி மாரீஸ்வரியின் மரணம் குறித்து தூத்துக்குடி உதவி ஆட்சியர் மருத்துவமனைக்கு வந்து விசாரணை மேற்கொண்டுள்ளார்.

அதிமுக சார்பில் தமிழகத்தின் முதலமைச்சராக பதவியேற்க வேண்டும் என்பது தமது நீண்ட 10 வருட கனவு என்று அக்கட்சியின் பொதுச்செயலாளர் சசிகலா தெரிவித்துள்ளார்.

முன்னாள் முதலமைச்சர் ஜெயலலிதா மறைவுக்கு பின்னர் அதிமுகவின் பொதுச்செயலாளர் பொறுப்புக்கு ஜெயலலிதாவின் தோழியான சசிகலா அந்த கட்சி நிர்வாகிகளால் தெரிவு செய்யப்பட்டார்.

ஆனால் அக்கட்சியின் தொண்டர்கள் மத்தியில் சசிகலா மீது கடுமையான எதிர்ப்பு இருந்து வருகிறது. இந்த எதிர்ப்பை சமாளிக்கும் நோக்கில் சமீபத்தில் மாவட்டச் செயலாளர்களின் கூட்டம் ஒன்றை நடத்த சசிகலா முடிவு செய்து தொடர்ந்து நடத்தி வருகிறார்.

இந்த நிலையில் போயஸ் கார்டனில் ஒன்று கூடிய சசிகலா உறவினர்கள் அடுத்த கட்ட நகர்வுகள் குறித்து ஆலோசித்துள்ளனர். அப்போது, முதலமைச்சர் ஓ.பன்னீர் செல்வம் மீது அதிருப்தியையும் சந்தேகத்தையும் சசிகலா வெளிப்படுத்தியிருக்கிறார்.

பொதுச்செயலாளர் பதவிக்கும் பன்னீர் செல்வம் ஆசைப்பட்டார். அவர் காட்டுறது பணிவல்ல, நடிப்பு. மத்திய அரசோடு நாம இணக்கமா நடந்துக்கிறதுன்னு வாக்குறுதி தந்திருக்கோம். ஆனாலும் அவங்க, பன்னீரை முழு கண்ட்ரோலில் வச்சு நமக்கு குடைச்சல் கொடுப்பாங்க.

எனக்கு எதிரா எதிர்ப்புகளும் விமர்சனங்களும் அதிகரிச்சுகிட்டு வருது. இதைக் கட்டுப்படுத்த உங்களால முடியல’ என சசிகலா கூறியிருக்கிறார்.

அவர் அதிருப்தியா இப்படிச் சொல்லவும், கூட இருந்த உறவினர்களும் நடராஜனும் பன்னீரை நாங்க கவனிச்சுகிட்டுதான் இருக்கோம்னு சொல்ல,

முதலமைச்சர் பதவியை ஏற்றுக்கொள்வதில் சசிகலா உறுதியாக இருப்பதாக அப்போது தெரிவித்துள்ளார்.

மட்டுமின்றி, இது என்னோட பத்து வருடக் கனவு எனவும் சசிகலா உறுதிபட தெரிவித்ததும் உறவினர்கள் மத்தியில் நிம்மதி ஏற்பட்டுள்ளதாக தகவல்கள் வெளியாகியுள்ளன.

தன்னுடைய பிரெஞ்சு மனைவியை கொன்று, துண்டித்த அவருடைய உடலை குளிர்பதனப் பெட்டியில் வைத்திருந்த இந்தியருக்கு ஆயுள் காலம் முழுவதற்கும் சிறை தண்டனை விதிக்கப்பட்டுள்ளது.

இரண்டு வயதான மகன், இந்த சம்பவம் நடைபெற்றபோது, பொடேவின் (வலது) பெற்றோரிடம் இருந்துள்ளான் 2013 ஆம் ஆண்டு நடந்த இந்த கொலை குற்றத்திற்கான தண்டனையை மும்பையின் புறநகரிலுள்ள தானே நீதிமன்றம் புதன்கிழமை வழங்கியது.

கிரிஷ் பொடே என்பவர் தன்னுடைய மனைவி மதுவந்தி பாதக்கை கொன்று, உடலை துண்டித்து வைத்திருந்ததாக நீதிமன்றத்தில் அரசு தரப்பு வழங்கறிஞர்கள் வாதிட்டனர். இந்த குற்றத்தை உறவினர்களிடம் தொலைபேசி மூலம் பொடே தெரிவிக்க, அவர்கள் காவல்துறைக்கு தகவல் அளித்ததால், இந்த சம்பவம் வெளியே தெரிய வந்தது.

ஆயுள் தண்டனை என்பது இந்தியாவில் 14 ஆண்டு சிறை தண்டனையோடு முடிந்து விடுகிறது. ஆனால், இந்த குற்றத்தின் கொடூரத்தை கவனத்தில் கொண்டு, தானே மாவட்ட நீதிமன்ற நீதிபதி மிர்துலா பாத்தியா, பொடே உயிர் இருக்கும் வரை, வாழ்க்கை முழுவதையும் சிறையில் கழிக்க வேண்டுமென தீர்ப்பளித்திருக்கிறார். தன்னுடைய தாய் பிரெஞ்சு குடிமகள் என்பதால் பாதக் பிரெஞ்ச் பாஸ்போட் வைத்திருந்தார்.

2006 ஆம் ஆண்டு ஜூன் 20 ஆம் திகதி திருமணம் செய்துகொண்ட இந்த ஜோடி, மும்பையின் பயேன்டர் பகுதியில் வாழ்ந்தது. அவர்களுக்கு இருந்த இரண்டு வயதான மகன், இந்த சம்பவம் நடைபெற்றபோது, பொடேவின் பெற்றோரிடம் இருந்துள்ளான். கத்தியால் பொடே தன்னுடைய மனைவியை தாக்கியதாக காவல்துறையினர் தெரிவித்திருக்கின்றனர்.

பணத்திற்காகவும், பதாக் பிரான்ஸூக்கு திரும்ப வேண்டும் என்பதற்கும் இந்த ஜோடி அடிக்கடி மோதிக் கொண்டதாக காவல்துறை கூறியுள்ளது.