இந்தியாவில் பெற்ற மகனை கருணைக் கொலை செய்ய அனுமதி கோரி பெற்றோர் பிரதமர், ஜனாதிபதி மற்றும் முதல்வருக்கு கடிதம் எழுதியுள்ள சம்பவம் உருக வைத்துள்ளது.

ஆக்ராவை சேர்ந்த விபின் என இளைஞர் இரத்த சோகை (aplastic anaemia) நோயால் கடுமையாக பாதிக்கப்பட்டுள்ளார். அவரின் சிகிச்சைக்காக பெற்றோர் பணம் செலவழித்தும் இதுவரை எந்த பலனும் இல்லை.

இந்நிலையில் ஏழை பெற்றோர் மாநில முதல்வர், பிரதமர், ஜனாதிபதிக்கு கடிதம் ஒன்றை கழுதியுள்ளனர். அதில், மகனின் சிகிச்சை செலவுக்கு உதவ வேண்டும் என கோரிக்கை விடுத்துள்ளனர்.

இல்லையெனில் அவரை கருணைக் கொலை செய்ய அனுமதி அளிக்குமாறு கோரியுள்ளனர். இந்நிலையில், பலர் கண்டிப்பாக அரசாங்கம் சிகிச்சைக்காக உதவி செய்யும் என நம்பிக்கை தெரிவித்து வருகின்றனர்.

சென்னை பொலிசாருக்கு பல நேரங்களில் சவாலாக விளங்கி வந்தவர் நீராவி முருகன் (36). தூத்துக்குடியை சேர்ந்த இவர் மீது 45க்கும் மேற்பட்ட கொலை, கொள்ளை, வழிப்பறி உள்ளிட்ட பல்வேறு வழக்குகள் உள்ளன.

துரைப்பாக்கத்தில் தனியார் பள்ளி ஆசிரியை வேலத்திடம் செயின் பறித்த சம்பவத்தில் தலைமறைவாக இருந்த அவரை பொலிசார் கடந்த மாதம் கைது செய்தார்கள்.

தற்போது சிறை கம்பி எண்ணி கொண்டிருக்கும் நீராவி முருகனை பற்றி தெரியாத ஒரு விடயத்தை பற்றி பொலிசார் தெரிவித்துள்ளார்கள்.

நீராவி முருகனுக்கு கடவுள் பக்தி அதிகமாம். முன்னர் அவன் வேறு குற்றசெயலில் ஈடுப்பட்டு தலைமறைவாக இருந்த போது ஆந்திர மாநிலத்தின் ரேணிகுண்டாவில் தன் காதலி ரேவதி வீட்டில் இருந்துள்ளார்.

அங்கு அவரை பொலிசார் பிடித்த போது மொட்டை தலையுடன் இருந்துள்ளான். அதற்கான காரணம் கேட்டதற்கு தனக்கு சாமி நம்பிக்கை அதிகம் என்றும் இது திருப்பதி கோவிலில் தன் காதலியுடன் போன போது போட்ட மொட்டை எனவும் இது தன் பாவத்தை கழிக்க என அவர் பொலிசாரிடம் கூறியுள்ளார்.

அதுமட்டுமில்லாமல், செயின் பறிக்கும் போது அடையாளம் தெரியாமல் இருக்க அடிக்கடி தன்னுடைய கெட்டஅப்பை மாற்ற மொட்டையடிப்பதும் இவர் வழக்கமாம்.

ஏற்கனவே கணவனை இழந்த ரேவதியுடன் தாலி கட்டாமல் கணவனாக நீராவி முருகன் வாழ்ந்து வந்தார் என்பது குறிப்பிடத்தக்கது.

பிரான்ஸில் மரணமடைந்த இந்திய இளைஞரின் உடல் 14 நாட்களுக்கு பிறகு நேற்று மாலை சொந்த ஊரான திருநறையூருக்கு கொண்டுவரப்பட்டுள்ளது.

இதில் மணிமாறன் (வயது 27) என்ற தமிழ் இளைஞரின் உடலே உறவினர்களிடம் ஒப்படைக்கப்பட்டுள்ளதாக த ஹிந்து செய்தி வெளியிட்டுள்ளது.

தஞ்சாவூர் மாவட்டம் கும்ப கோணம் அருகே உள்ள திருநறையூர் சிவன் கோயில் சன்னதி தெருவைத் சேர்ந்தவர் விவசாயி தங்கவேலுவின் மகனே மணிமாறன்.

மணிமாறன் பி.இ. படித்துவிட்டு கடந்த 4 ஆண்டுகளுக்கு முன்னர் பிரான்ஸ் நாட்டுக்கு எம்.எஸ் (மாஸ்டர் ஆப் சயின்ஸ்) படிக்கச் சென்றுள்ளார்.

சில மாதங்களுக்கு முன்னர் படிப்பு முடிந்துவிட்ட நிலையில், அங்கு உள்ள தனியார் நிறுவனம் ஒன்றில் பணியாற்றிவந்துள்ளார்.

இந்நிலையில், கடந்த மாதம் 23ஆம் திகதி பிரான்ஸ் நாட்டில் மர்ம நபர்களால் மணிமாறன் கொலை செய்யப்பட்டார்.

பிரான்ஸ் நாட்டிலிருந்து மணிமாறனின் உடல் விமானம் மூலம் நேற்று சென்னை வந்தடைந்துள்ளது.

மணிமாறனின் சடலத்தைப் பார்த்து உறவினர்கள் கதறி அழுதுள்ளனர் என குறிப்பிடப்பட்டுள்ளது.

யாஸ்மீன் மானக் என்ற பெண், பொடி பில்டிங்கில் அசத்தி இந்தியாவின் இரும்பு பெண் என்று நிரூபித்து, தனது உருவ தோற்றத்தை வைத்து அசிங்கமானவள் என்று கிண்டல் செய்தவர்களுக்கு தக்க அவமானத்தை ஏற்படுத்தும் வகையில் பெரும் தலை குனிவை ஏற்படுத்தியுள்ளார்.

யாஸ்மீன் தனது சிறுவயதில் எடுத்துக் கொண்ட ஒரு தவறான மருந்து அவரை உடல் மற்றும் உடல் தோற்றம் ரீதியாக முற்றிலும் அவர் ஒரு ஆண் தோற்றத்தை அடைந்தார். இதனால் இவரின் வாழ்க்கையில் பல இடங்களில் இவரைப் பற்றிய ஏளனம் பேச்சுக்களை கேட்கும் நிலை ஏற்பட்டது.

எனவே தன்னம்பிக்கையை இழந்த யாஸ்மீன் மீண்டும் தன்னம்பிக்கை பெற ஜிம்மிற்கு சென்று கடுமையாக பயிற்சிகள் மேற்கொண்டு, பொடி பில்டிங்கில் ஆர்வத்தை அதிகரிக்கச் செய்தார்.

பின் யாஸ்மின் 300 ஆண்கள் பொடி பில்டிங்கில் சாதித்தது மட்டுமின்றி, சொந்தமாக ஒரு ஜிம்மும் நடத்தி, அதில் ஏறத்தாழ 300-க்கும் மேற்பட்ட ஆண்களுக்கு பயிற்சி அளித்து வருகிறார்.

இவ்வாறு பல திறமைகளை கொண்ட யாஸ்மீன் தொழிலதிபர், ஃபிட்னஸ் இன்ஸ்ட்ரக்டர், பொடி பில்டர், பைக்கர் என தனது அழகான திறமைகளை அதிகரித்துக் கொண்டே இருக்கிறார்.

சமீபத்தில் நடைபெற்ற மிஸ். ஆசியா பொடி பில்டிங் போட்டியில், கலந்துக் கொண்ட யாஸ்மீன், வெற்றி பெற்று, வெண்கல பதக்கத்தை வென்று சாதித்துள்ளார்.

மேலும், யாஸ்மீன் மானக் கடந்த 2016ம் வருடம் நடைபெற்ற பொடி பில்டிங் ஃபெடரேஷன் நடத்திய மிஸ் இந்தியா போட்டியிலும் வென்றுள்ளார் என்பது குறிப்பிடத்தக்கது.

சென்னை மேடவாக்கம் காந்தி நகரை சேர்ந்தவர் அறிவழகன்(வயது 25), இவர் பிரபல வணிக வளாகம் ஒன்றில் எலக்ட்ரிக்கல் என்ஜினியராக வேலை பார்த்து வருகிறார்.

இந்நிலையில் கடந்த இரு தினங்களுக்கு முன்பு மிக கொடூரமாக கொல்லப்பட்ட நிலையில் சடலமாக மீட்கப்பட்டார்.

சம்பவதினத்தன்று இரவு 11.30 மணியளவில் மர்ம கும்பலொன்று வீட்டுக்குள் நுழைந்ததாகவும், அறிவழகனை கத்தியால் குத்தி கொலை செய்துவிட்டு தப்பியோடி விட்டதாகவும் பொலிசுக்கு தகவல் கிடைத்தது.

தடுக்க சென்ற அறிவழகனின் மனைவி சுரோகாவுக்கும் கத்தி குத்து விழுந்தது, இதனால் மருத்துவமனையில் அனுமதிக்கப்பட்டுள்ளார்.

இதனை தொடர்ந்து பொலிஸ் அதிகாரிகள் விரைந்து சென்று விசாரணை நடத்தினர், அதற்கு சுரேகா, புத்தாண்டு தினத்தன்று சிலர் எனது வீட்டருகில் மது அருந்திக் கொண்டிருந்தனர், இதனை என் கணவர் தட்டிக்கேட்டார். உடனே கோபமடைந்தவர்கள் என் கணவரை குத்தி விட்டு தப்பியோடி விட்டனர் என தெரிவித்தார்.

இதுதொடர்பாக பொலிசார் விசாரணை நடத்தியதில் நள்ளிரவு யாரும் வந்து சென்றதாக தெரியவில்லை என அக்கம்பக்கத்தினர் கூறியுள்ளனர், எனவே சுரேகாவிடம் மீண்டும் பொலிசார் விசாரணையை தீவிரப்படுத்தியுள்ளனர்.

அப்போது அவர், அதே பகுதியை சேர்ந்த கணபதி என்பவரை காதலித்து வந்ததும், கள்ளக்காதலன் உடன் சேர்ந்த அறிவழகனை தீர்த்துக் கட்டியதும் தெரியவந்தது.

இருவரையும் கைது செய்துள்ள பொலிசார் சிறையில் அடைத்துள்ளனர், சுரேகா அளித்துள்ள வாக்குமூலத்தில், கணபதியுடன் தொடர்பு ஏற்பட்டவுடன் அறிவழகனுடன் வாழப்பிடிக்கவில்லை.

அடிக்கடி சந்தேகப்பட்டார், இதுபற்றி கணபதியிடம் கூறியதும் கணவரை கொன்றுவிட்டு சந்தோஷமாக வாழலாம் என கூறினார்.

இதன்படி மது அருந்திய வாலிபர்கள் மீது பழியை போட்டுவிடலாம் என திட்டம் தீட்டினோம், அன்றிரவு 11.30 மணியளவில் கணபதி என் வீட்டுக்கு வந்தார்.

ஆழந்த உறக்கத்தில் இருந்த என் கணவரை தலையணையால் அமுக்கினோம், சத்தம் போட்டுவிடுவார் என்ற பயத்தில் கத்தியால் குத்தினோம்.

பின்னர் சடலத்தை வெளியே தூக்கி வீசியதுடன், மது குடித்தவர்களே கொலை செய்துவிட்டதாக தெரியவேண்டும் என்பதற்காக காலி மதுபாட்டில்களை சடலத்திற்கு அருகில் வீசினோம்.

அடுத்து கணபதி தப்பிச்சென்றுவிட்டார், நான் சமையலை சென்று கத்தியால் என் கையை வெட்டிக் கொண்டோம், இதனால் பொலிசுக்கு சந்தேகம் வராது என நம்பினோம், கடைசியில் மாட்டிக் கொண்டோம் என தெரிவித்துள்ளார்.

இந்தியாவில் நபர் ஒருவர் மனைவி, மகள்கள உட்பட 11 பேரை கழுத்தறுத்து கொன்று தானும் கழுத்தறுத்து தற்கொலை செய்துக்கொண்ட சம்பவம் வெளிச்சத்திற்கு வந்து அதிர வைத்துள்ளது.

உத்தரப்பிரதேச மாநிலம் அமேதி மாவட்டத்திலே இந்த கொடூர சம்பவம் நடந்துள்ளது.

குடும்ப பாரத்தினால் 45 வயதான ஜமாலுதீன் தனது மனைவி மற்றும் 5 மகள்கள், சகோதரர்களின் மனைவிகள் என 11 பேரை பூச்சி மருந்தை கொடுத்து கத்தியால் கழுத்தறுத்து கொன்று பின்னர், அவரும் தற்கொலை செய்திருக்கலாம் என பொலிசார் தெரிவித்துள்ளனர்.

எனினும், சம்பவயிடத்தில் இரண்டு கத்திகள் கண்டுபிடிக்கப்பட்டுள்ளதால் மர்மநபர்கள் சிலர் இந்த கொலைகளை செய்திருக்கலாம் என்னும் கோணத்திலும் பொலிசார் விசாரித்து வருகின்றனர்.

இந்நிலையில், இறந்தவர்களின் பிரேத பரிசோதனை அறிக்கையின் மூலம் உண்மை வெளிச்சத்திற்கு வரும் என பொலிசார் தெரிவித்துள்ளனர்.