தமிழக முன்னாள் முதலமைச்சர் ஜெயலலிதாவின் உடல் மெரினா கடற்கரையில் எம்ஜிஆர் சமாதிக்கு அருகே அடக்கம் செய்யப்பட்டது.

இந்த ஈமச்சடங்கில் வழக்கத்திற்கு மாறான இரண்டு நிகழ்வுகள் கவனிக்கப்படுகின்றன. முதலாவதாக ஜெயலலிதாவின் உடல் எரிப்பதற்கு பதிலாக புதைக்கப்பட்டுள்ளது. வைஷ்ணவிதே பிராமணிய முறைப்படி இறந்தவர்களின் உடலை எரிப்பது தான் வழக்கம். ஆனால் அதற்கு எதிராக உடல் புதைக்கப்பட்டுள்ளது.

இரண்டாவதாக ஜெயலலிதாவின் தோழி சசிகலா தலைமையில் ஜெயலலிதாவின் அண்ணன் மகன் தீபக் ஜெயகுமார் இறுதிச்சடங்குகளை செய்து முடித்தார்.

இந்து முறைப்படி பெண்கள் இறுதிச்சடங்குகள் செய்வதற்கோ, செய்யும் இடத்திலே இருக்கவோ அனுமதிக்கப்படுவதில்லை.

மாலை 6.05 மணிக்கு ஜெயலலிதாவின் உடல் சந்தனப்பேழையில் வைத்து புதைக்கப்பட்டது. வந்திருந்தவர்களில் பெரும்பாலும் எவரும் ஒப்பாரி வைத்து அழவில்லை.

அதிமுக முன்னாள் கவுன்சிலர் அஞ்சுலட்சுமி, தொலைக்காட்சி தம்பதிகளான கணேஷ்கர், ஆர்த்தி ஆகியோர் தவிர வேறு எவரும் பெரிதாக அழவில்லை.

மக்கள் வெள்ளத்தில் ஜெயலலிதாவின் இறுதி ஊர்வலம் நடைபெற்றது. நாடெங்கும் உள்ள தலைவர்கள் பலரும் நேரில் அஞ்சலி செலுத்தினர். 60 குண்டுகள் முழங்க முழு அரசு மரியாதையுடன் உடல் நல்லடக்கம் செய்யப்பட்டது.

அரசியல் கட்சி தலைவர்கள், பொது மக்கள் அஞ்சலிக்கு பின்னர் ஜெயலலிதா உடல் நல்லடக்கம் செய்யப்பட்டது.

மறைந்த முதல்வர் ஜெயலலிதாவின் உடல் நேற்று மாலை சென்னை மெரினா கடற்கரையில் உள்ள எம்.ஜி.ஆர். நினைவிடத்தில் இராணுவ மரியாதையுடன் நல்லடக்கம் செய்யப்பட்டது.

கடந்த 1987, டிசம்பர் மாதம் 24 ம் திகதி அதிகாலை எம்.ஜி.ஆர் மறைந்ததாக செய்தி வெளியிடப்பட்டது. பின்னர் அவரது உடல் மெரினாவில் அடக்கம் செய்யப்பட்டு நினைவிடமும் எழுப்பப்பட்டது.

அதன் பிறகு நினைவிடத்திற்குச் சென்ற மக்களுக்கு யாரோ ஒருவர், எம்.ஜி.ஆரின் கைக்கடிகார ஓசை இன்னமும் கேட்கிறது என்று கூறியுள்ளார்.

எம்.ஜி.ஆர் எப்போதும் அணிந்திருந்த அந்த பெரிய ‘Rado’ கைக்கடிகாரம் அவருடனேயே புதைக்கப்பட்டதாகவும் அது இன்னும் ஓடிக்கொண்டிருப்பதாகவும் சமாதியின் மீது காது வைத்துக் கேட்கும்போது அது ஓடும் சத்தம் காதில் விழுவதாகவும் சொல்லப்பட்ட அந்த செய்தியை எம்.ஜி.ஆரின் மீது கொண்டிருந்த அளப்பரிய அன்பால் மக்கள் நம்பினார்கள்.

என்ன அதிசயமோ அது, இந்தச் செய்தி தென் தமிழகம் முழுவதும் பரவி கடிகார ஒலியைக் கேட்பதற்காகவே மக்கள் எம்ஜிஆர் நினைவிடத்துக்கு சுற்றுலா வரத் தொடங்கினர்.

இன்றும் எம்.ஜி.ஆர் சமாதியின் மீது லட்சக்கணக்கான பேர் காது கொடுத்துக் கேட்க முயற்சிக்கிறார்கள், இருப்பினும் எம்.ஜி.ஆரை அடக்க மேடையில் வைத்த போது, தலையில் தொப்பி, கண்ணாடி, வலது கையில் ஒரு கடிகாரம், கைவிரலில் ஒரு மோதிரம் ஆகியவற்றுடனே நல்லடக்கம் செய்தனர்.

அதேபோல் அவரை அரசியல் குருவாக ஏற்றுக்கொண்டு அரசியல் வாழ்வில் மகுடம் சூடிய ஜெயலலிதாவின் உடல் நல்லடக்கம் செய்யப்படும் போது, கைகளில் வளையல், கைக்கடிகாரம், காதில் கம்மல் அணிந்த நிலையில் அவரது உடல் சந்தனப் பேழையில் வைக்கப்பட்டு அடக்கம் செய்யப்பட்டது.

ஜெயலலிதா இந்த மண்ணுலகத்தை விட்டு மறைந்தாலும் அவரது புகழ் மக்கள் மனதை விட்டு மறையாது என்பது நிச்சயம்.

தமிழக முதல்வராக இருந்த ஜெயலலிதா உடல்நிலை பாதிப்பால் மரணமடைந்த அதிர்ச்சி தாங்காமல் 19 பேர் உயிரிழந்துள்ளனர்.

தமிழக முன்னாள் முதல்வர் ஜெயலலிதா மரணமடைந்த செய்தி கேட்டு அதிர்ச்சியடைந்து தமிழகம் முழுவதும் 19 பேர் உயிரிழந்துள்ளனர்.

செய்யூர் அருகே கடலூர் காலனியை சேர்ந்தவர் பாவாடைராயன். அவரது மகன் ஜெயராமன். (வயது 60). கூலி தொழிலாளியான இவர் அதிமுக கட்சியின் தீவிர தொண்டர். மறைந்த முதல்வர் ஜெயலலிதாவின் மறைவு செய்தியை தனியார் தொலைக்காட்சியை பார்த்து கொண்டிருந்த ஜெயராமன் அதிர்ச்சி அடைந்து மாரடைப்பினால் செவ்வாய்க்கிழமை அதிகாலை உயிரிழந்தார். இது குறித்து கூவத்தூர் காவல்துறையினர் விசாரித்து வருகின்றனர்.

மேலும், நாகை மாவட்டம் மயிலாடுதுறையை சேர்ந்த அதிமுக பிரமுகர் சிவப்பிரகாசம் (65). நேற்று மதியம் தமிழக முதல்வர் ஜெயலலிதா கவலைக்கிடம் என்று செய்தி வந்ததை பார்த்ததும் அதிர்ச்சியில் மயங்கி விழுந்து இறந்தார்.

கிருஷ்ணகிரி மாவட்டம் வீரமலையை சேர்ந்தவர் சின்னபிள்ளை (53). அதிமுக கிளை செயலாளர். நேற்று இரவு முதல்வர் ஜெயலலிதா காலமானார் என்ற செய்தியை டிவியில் பார்த்து கொண்டிருந்தார். அப்போது அவருக்கு திடீர் மாரடைப்பு ஏற்பட்டு உயிரிழந்தார்.

இதேபோல், சின்னகரடியூர் பகுதியை சேர்ந்தவர் மாணிக்கம் (76), அதிமுக தொண்டர். நேற்று மாலை முதல்வர் மிகவும் கவலைக்கிடமான நிலையில் இருப்பதாக வெளியான தகவலை கேட்டு அதிர்ச்சியடைந்து மாரடைப்பு ஏற்பட்டு இறந்தார்.

காவேரிப்பட்டணம் ஒன்றியம் விலாங்குமுடியை சேர்ந்தவர் பாப்பாத்தி (60). அதிமுகவின் தொண்டர். நேற்று இரவு டிவியில் முதல்வர் ஜெயலலிதா இறந்த செய்தி வெளியானதை பார்த்து அதிர்ச்சியடைந்து மாரடைப்பு ஏற்பட்டு இறந்தார்.

தர்மபுரி மாவட்டம் ஊட்டமலையை சேர்ந்தவர் முருகேசன் (55). அதிமுக தொண்டர். நேற்று மாலை முதல்வர் இறந்ததாக வெளியான தகவலைக் கேட்டு மனமுடைந்து தற்கொலை செய்து கொண்டார்.

சேலம் மாவட்டம் சென்றாயனூர் பகுதியை சேர்ந்தவர் அய்யம்மாள் (65), .நாகை கீச்சாங்குப்பம் சுனாமி குடியிருப்பை சேர்ந்த ராமன்(54). திருச்சி திருவெறும்பூர் பகுதியைச் சேர்ந்த ஆரோக்கியசாமி (80). ஆகியோர் ஜெயலலிதாவின் மறைவு செய்தியை கேட்ட அதிர்ச்சியில் உயிரிழந்தனர்.

மேலும், புதுக்கோட்டை மாவட்டம் ஆலங்குடி பகுதியை சேர்ந்த எம்சிஏ பட்டதாரியான மனுநாயகி ஜெயலலிதா இறந்த செய்தி கேட்டு அதிர்ச்சியில் மயங்கி விழுந்து மரணமடைந்தார். இவர் ஜெயலலிதாவின் தீவிர ரசிகையாகவும் இருந்துள்ளார்.

இவர்களை போல் ஜெயலலிதாவின் மறைவு செய்தியை கேட்ட அதிர்ச்சியில் தமிழகம் முழுவதும் 19 பேர் உயிரிழந்துள்ளனர்.

 
ஒரு பெண்ணின் எல்லைகள் இவைதான் என வகுத்திருந்தவற்றைத் தகர்த்தெறிந்து சாதனை படைத்தவர் ஜெயலலிதா.

அவரின் மறைவுக்குக் கட்சி பேதமின்றிப் பலரும் கண்ணீர் சிந்துவதற்கு முக்கியக் காரணம், ஒரு பெண்ணான நாம் இதைச் செய்யலாமா? என்று எந்த இடத்திலும் தாழ்வு மனப்பான்மையை வெளிப்படுத்திக் கொள்ளாமல், தன் ஆளுமையை வளர்த்துக்கொண்டு நிகரில்லாத தலைமையாக விளங்கியதே!

பல தலைவர்களோடு கைகோத்து தேர்தல் களத்தைச் சந்தித்து வெற்றி, தோல்விகளைப் பார்த்தவர்.

எப்போதும் தன் ஆளுமையைச் சரித்துக் கொள்ளாதவர். இத்தகைய பண்புகளைக் கொண்டிருந்த ஜெயலலிதா, தன் வாழ்க்கையில் நேசித்த பெண்களில் ஐந்து பேர் முக்கியமானவர்கள்.

அன்னை சந்தியா

தன்னுடைய சிறுவயதிலேயே அப்பாவை இழந்த ஜெயலலிதாவுக்கு அம்மாவாக மட்டுமல்லாமல் சிறந்த தோழியாகவும் இருந்தவர் சந்தியா. ஜெயலலிதாவின் ஒவ்வோர் அசைவையும் அன்போடு கவனித்து வழிநடத்தியவர்.

அதேபோல, அம்மாவின் அரவணைப்பை எப்போதும் விரும்பும் பெண்ணாக இருந்தார் ஜெயலலிதா.

சென்னை, சர்ச் பார்க் கான்வென்ட்டில் தான் படிக்க வந்ததைப்பற்றி குறிப்பிடும்போது, “பல ஆண்டுகள் அம்மாவைப் பிரிந்து பெங்களூரில் இருந்த எனக்கு, சென்னையில் அம்மாவுடன் இருந்து படிக்கும் வாய்ப்பாக அமைந்தது” என உற்சாகமானார்.

ஒரு நிகழ்ச்சிக்குச் செல்லவேண்டுமானால், என்ன உடை உடுத்திச் செல்வது என்பதில்கூட அம்மாதான் உதவ வேண்டும். பள்ளிக்குச் செல்லும்போது அடம்பிடித்தவர், பின்னாளில் நடிக்கச் செல்லும்போது, இன்றைக்கு லீவு போட்டுவிடவா என அடம்பிடிப்பாராம்.

அப்போதும் செல்லக் கோபத்துடன் கடிந்துகொண்டு, அனுப்பி வைப்பது அம்மாதான். பள்ளிக்கோ, நடிக்கவோ எங்கு சென்றுவிட்டு வீட்டுக்குத் திரும்பினாலும், வீட்டில் இருந்து அம்மா வரவேற்க வேண்டும் என்பதில் கறாராக இருப்பராம் ஜெயலலிதா.

இவரின் மனதை நன்கறிந்த அம்மா, தான் வெளியே எங்கு சென்றிருந்தாலும் ஜெயலலிதா வீட்டுக்கு வரும் நேரத்துக்குத் தவறாமல் ஆஜராகிவிடுவார்.

ஜெயலலிதாவிடம் அவர் மிகவும் கடுமையாக நடந்துகொண்ட ஒரே விஷயம், பரதநாட்டியம் பழகுவதற்குத்தான்.

நாட்டியம் கற்றுக்கொடுக்க வரும் குருவிடம், தலை வலிக்கிறது… வயிறு வலிக்கிறது… என ஏதேனும் ஒரு காரணம் சொல்லி அனுப்பிவிடுவார்.

இந்த விஷயம் அம்மாவுக்குத் தெரிந்ததும் கண்டிப்போடு, உனக்கு என்னவானாலும் சரி, பரதநாட்டிய வகுப்புக்குச் சென்றே ஆகவேண்டும் என வற்புறுத்துவாராம்.

அந்த நடனம் தான் சினிமா வாழ்க்கைக்கு கை கொடுத்தது என்பார் ஜெயலலிதா. ‘பத்திரிகைகளில் வரும் எதிர்மறைச் செய்திகளைத் தலைக்குள் ஏற்றிக்கொள்ளாதே’ என்று ஆறுதல்படுத்திய அம்மாவையே தன்னுடைய குரு, சிநேகிதி, வழிகாட்டி என்பார் ஜெயலலிதா.

கேத்ரின் சைமன்

ஜெயலலிதாவின் ஆங்கிலத் திறன் எல்லோரையும் வியக்க வைக்கக்கூடியது. சின்ன இடறல் கூட இல்லாமல் ஆங்கிலத்தில் உரையாற்றுவார் என்பதற்கு மாநிலங்களவையில் அவர் நிகழ்த்திய பேச்சுக்களே உதாரணம்.

ஜெயலலிதாவின் இநந்த் திறமைக்கு, அவரின் ஆசிரியர்களே காரணம். அவர்களில் முதன்மையானவர், கேத்ரின் சைமன்.

சென்னை சர்ச் பார்க் கான்வென்ட்டில் ஜெயலலிதா படிக்கும்போது, அவரிடம் அன்புகொண்டு தனிக்கவனம் எடுத்துக்கொண்டவர்.

மாணவர்களோடு நட்புறவுடன் பழகி, அவர்களைப் பண்படுத்தும் குணம்கொண்டவர் கேத்ரின் சைமன்.

சில மாதங்களுக்கு முன் கேத்ரின் இறந்தபோது, ‘தன் வாழ்க்கையில் பெரும் தாக்கத்தை ஏற்படுத்தியவர் என் ஆசிரியர்’ என நெகிழ்வோடு குறிப்பிட்டார் ஜெயலலிதா.

இந்திராகாந்தி

1984ம் ஆண்டு மாநிலங்களவை உறுப்பினராக ஜெயலலிதா நியமிக்கப்பட்டபோது, நாடாளுமன்றத்தில் ஆங்கிலத்திலும், சக எம்.பிக்களிடம் இந்தியிலும் பேசி அசரவைத்தார்.

இந்த மொழியாற்றல் இந்திரா காந்தியின் நட்பு கிடைக்க வழிசெய்தது. இயல்பாகவே இந்திரா காந்தியின் மீது ஈர்ப்பும் பிரமிப்பும் உள்ள ஜெயலலிதா, இந்திரா காந்தியுடன் நெருக்கமானார்.

அது எந்தளவுக்கு என்றால், ஜெயலலிதா, தனக்கு ஒரு நெருக்கடி வந்தபோது, “அம்மா… எனத் தொடங்கித் தன் நிலையை விளக்கி, உதவுமாறு கடிதம் எழுதியபோது… இந்திரா காந்தி, டெல்லியிலிருந்து தனக்கு நம்பிக்கையானவர்களை அனுப்பி ஆறுதலும் உதவியும் செய்யவைத்தார்.

நம்பிக்கை தரும் இளம் அரசியல் தலைவர் என ஜெயலலிதா மீது இந்திரா காந்திக்கும் அன்பு இருந்தது.

அதனால்தான் யூகோஸ்லேவியா நாட்டு அதிபருக்குத் தரப்பட்ட விருந்துக்கு ஜெயலலிதாவை அழைத்திருந்தார்.

அந்த விருந்தில் கலந்துகொண்டவர்கள் மொத்தம் 16 பேர்தான் எனும்போதே, இதன் முக்கியத்துவத்தை உணர முடியும். ஒவ்வொரு நாட்டு அதிபரிடமும் ஜெயலலிதாவை அறிமுகம் செய்துவைத்தார் இந்திரா காந்தி.

தன் அரசியல் வாழ்வைப் பிரகாசிக்கவைக்கப் பெரிதும் உதவுவார் என நம்பிக்கையோடு இருந்த ஜெயலலிதாவுக்கு இந்திரா காந்தியின் படுகொலை பெரும் இடியாக விழுந்தது.

மனோரமா

‘ஆச்சி’ என்று திரை உலகினரால் அன்போடு அழைக்கப்பட்ட மனோரமாவும் ஜெயலலிதாவும் திரைப்படங்களில் நடிக்கும்போதிருந்தே நல்ல தோழிகள்.

பல திரைப்படங்களில் இணைந்து நடித்ததன் மூலம் நட்பு இன்னும் வலுப்பட்டது. தனிப்பட்ட வாழ்வில் ஏற்றம், சரிவு ஏற்படும்போதெல்லாம் ஒருவருக்கொருவர் ஆதரவாக இருந்தனர்.

ஜெயலலிதா அரசியலுக்கு வந்தபிறகு, மனோரமா அவருக்கு ஆதரவாக தேர்தல் பிரசாரம் செய்தார்.

மனோரமா இறந்தபோது, ஜெயலலிதா சிறுதாவூரில் இருந்தார். பரபரப்பான அரசியல் சூழல்நிலவிய நேரம் அது. ஆனாலும் அங்கிருந்து வந்து அஞ்சலி செலுத்தினார்.

‘தன் அம்மாவுக்குப் பிறகு, தன்னை அம்மு என பாசத்தோடு அழைக்கும் மனோரமா, தனக்கு மூத்த சகோதரி என நினைவுகூர்ந்தார்.

சசிகலா

ஜெயலலிதாவின் உடன்பிறவா சகோதரியாகக் கருதப்படுவர் சசிகலா. தமிழ்நாடு அரசின் செய்தித்துறையில் மக்கள் தொடர்பு அதிகாரியாக இருந்த நடராசனின் மனைவி.

வீடியோ கசட் வாடகைக்கு விடும் கடையை நடத்தி வந்தவர். ஜெயலலிதா அறிமுகமான சிறிது காலத்திலேயே அவரின் நம்பிக்கைக்கு உரியவராக மாறினார்.

எம்.ஜி.ஆர் இறந்த பிறகு, ஜெயலலிதாவுக்கு உறுதுணையாக இருந்தார். பின்னாட்களில் போயஸ் கார்டனிலேயே குடியேறும் அளவுக்கு இவரின் நட்பு வளர்ந்தது. இவரின் சகோதரி மகன் சுதாகரனை ஜெயலலிதா வளர்ப்பு மகனாக தத்தெடுத்து பிரமாண்ட திருமணம் செய்து வைத்தார்.

ஜெயலலிதாவின் நிழலாக தொடரும் அளவுக்கு அவரின் நம்பிக்கையைப் பெற்றவர். வெற்றியிலும் தோல்வியிலும் கூடவே இருக்கும் இவர்களின் நட்பில், சில நேரங்களில் உரசல்கள் வந்தபோதிலும், இன்று, ஜெயலலிதாவின் உடல் அருகே கலங்கி நிற்கும் வரை உடன் இருப்பவர்.

தமி­ழ­கத்தின், நடுத்­தர வர்க்­கத்து வாழ்க்கைச் சூழல் கொண்ட லைன் வீடு. ஜான்­ஸியும், லட்­சு­மியும் அங்கு தான் குடி­யி­ருக்­கி­றார்கள். வெளி­யு­ல­கத்தைப் பொறுத்­த­வரை இரு­வரும் சகோ­த­ரிகள். ஆனால் ஓரி­ன­ச்சேர்க்கை ஈர்ப்பால் இரு­வரும் தம்­ப­தி­க­ளா­கவே வாழ்ந்து வருகின்றனர்.

ஜான்ஸிக்கு சொந்த ஊர் செங்­கற்­பட்டு. லட்­சு­மிக்கு காஞ்­சி­புரம். ஒரு எக்ஸ் போர்ட் நிறு­வ­னத்தின் விடு­தியில் தங்­கி­யி­ருந்­த­போது காதல் பற்­றிக்­கொண்­டது. இரு­வரும் வாழ்க்­கையில் இணைந்து விட்­டார்கள்.

“நான் லட்­சு­மியை சந்­திச்­சது ரொம்­பவே சங்­க­ட­மான தருணம். என் பிரி­யத்­துக்கு உரிய ஒரு பெண்ணை இழந்­துட்டு தனி­மை­யில தவிச்ச நேரம். “உன் கூடப் பேசிக்­கிட்டே இருக்­கனும் போல­ருக்கு ஜெனி…

உன் மடி­யில தலை வச்சுப்படுத்தா கவ­லை­யெல்லாம் மறந்­து­போ­கு­துடி..”ன்னு லட்­சுமி சொல்வா. அதே­மா­திரி தேடல் எனக்கும் இருந்­துச்சு. சமூகம் எங்­களை தம்­ப­தியா ஏத்­துக்­கா­துன்னு தெரியும்.

நம்ம வாழ்க்­கையைத் தீர்­மா­னிக்க சமூ­கத்­துக்கு என்ன உரிமை இருக்கு. நாம தானே தீர்­மா­னிக்­கனும்…” -என்­கிறார் ஜெனி. “எனக்கு நாலைஞ்சு வயசு இருக்­கும்­போதே, குடும்­பத்­தோட தேயிலை தோட்­டத்­துல வேலை செய்ய போயிட்டோம்.

பத்தாம் வகுப்பு வரைக்கும் படிச்சேன். 13 வய­சுல எல்­லோ­ருக்கும் வர்ற பருவ சிந்­த­னைகள் எனக்கும் வந்­துச்சு. ஆனா, என் தேடல்ல ஆண்கள் இல்லை. என் வய­துள்ள பெண்கள் தான் இருந்­தாங்க.

குறிப்பா, உஷா என் மன­துக்கு இதமா இருந்தா. எங்க வீட்­டுல எப்­பவும் இருக்­க­மான சூழ்­நிலை இருக்கும். என் பிரச்­சி­னை­களை பேசக்­கூட முடி­யாது. யாரும் காது கொடுத்துக் கேட்க மாட்­டாங்க.

ஆனா, உஷா என் மேல அவ்­வ­ளவு அன்பு காட்­டுனா. இணை பிரி­யாத தோழி­களா இருந்த நாங்க, ஒரு கட்­டத்­துல பிரிக்க முடி­யாத இணை­களா மாறிட்டோம்.

ஒருநாள், நாங்க ரெண்டு பேரும் தனிச்­சி­ருந்­ததை அம்மா பார்த்­திட்­டாங்க. பெரிய அதிர்ச்சி அவங்­க­ளுக்கு. அடி, உதை. தோழ­மையா இருந்த ரெண்டு குடும்­பமும் கடும் சண்­டை­யோட பிரிஞ்­சுச்சு.

உட­ன­டியா ரெண்டு பேருக்­குமே திரு­மண ஏற்­பாடு தொடங்­குச்சு. “யாரா­வது பெண் பார்க்க வந்தா, விஷத்தை குடிச்­சிட்டு செத்­து­ருவேன்”னு சொல்­லிட்டேன். உஷாவை மூணா­றுல இருந்த சொந்­தக்­கா­ரங்க வீட்­டுல கொண்டு போய் விட்­டுட்­டாங்க. மூணாறு போய் வீதி வீதியா தேடினேன்.

மலைப்­ப­கு­தி­யில ஒரு வீட்­டுல இருந்தா. அவ­ளுக்கு நிச்­ச­ய­தார்த்தம் அள­வுக்குப் போயி­டுச்சு. “இனிமே இங்கே இருக்­கக்­ கூ­டாது”ன்னு, ஒருநாள் அதி­கா­லை­யில ரெண்டு பேரும் ஊரை­விட்டு கிளம்­பிட்டோம்.

ஆனா, பஸ் கிளம்­பு­ற­துக்கு முன்­னா­டியே எங்­களை பிடிச்­சுட்­டாங்க. அவ தற்­கொ­லைக்கு முயற்சி செஞ்சா… நான் சுவர்ல முட்­டிக்­கிட்டு அழுதேன். தேயிலை எஸ்டேட் பூராவும் வேடிக்கை பார்த்­துச்சு.

இதுக்கு மேல போராட முடி­யா­துன்னு தெரிஞ்சு போச்சு. “சரி… சொந்­தக்­கா­ரங்­கள்லாம் சந்­தோ­ஷப்­ப­டுற மாதிரி உனக்­கான ஒரு வாழ்க்­கையை அமைச்­சுக்­கோன்னு சொல்லி அவளை அமை­திப்­ப­டுத்­திட்டு நான் செங்­கற்­பட்­டுல இருந்த மாமா வீட்­டுக்கு வந்­துட்டேன்.

ஆனா, வீட்­டுல இருக்கப் பிடிக்­கலே. வெறுத்துப் போச்சு. ஒரு எக்ஸ்போர்ட் நிறு­வ­னத்­தில சேந்து, ஹோஸ்­டல்­லயே தங்­கிட்டேன். அங்கே தான் லட்­சு­மியும் வேலை செஞ்­சுக்­கிட்­டி­ருந்தா. ரொம்ப சீக்­கி­ரமே என்­கிட்ட ஒட்­டிக்­கிட்டா.

மன­சுக்கு உகந்த தோழியா இருந்தா. அவ கூட இருந்தா கஷ்­ட­மெல்லாம் மறைஞ்­சது போல இருந்­துச்சு. பெரிய ஆறு­தலா இருந்தா. ஒருநாள், “உன் வாசனை பிடிச்­சி­ருக்­குடி… நீ மட்டும் ஆம்­பி­ளையா இருந்தா, உன்­னைத்தான் கட்­டி­யி­ருப்பேன்”னு சொன்னா.

“ஏன் இப்ப கல்­யாணம் பண்­ணிக்க மாட்­டியா”ன்னு கேட்டேன். அப்­ப­டித்தான் எங்க உறவு தொடங்­குச்சு. லட்­சு­மியும் என்னை மாதிரி தான். அவ­ளுக்கும் ஆண்கள் மேல ஈர்ப்பே இல்லை. நாங்க ஏன் இப்­படி இருக்­கோம்ங்­கிற கேள்­விக்கு எங்­க­கிட்ட பதில் இல்லை. பிறப்­பி­லேயே இப்­ப­டி­யான்னு கேட்டா, ஆமான்னு தான் சொல்­லுவேன்.

நான் ஆண் இல்லை. பெண் தான். ஆனா, என்னை ஈர்க்­கி­றது பெண் தான். இது வெறும் பாலியல் மட்டும் சார்ந்த விஷ­ய­மில்லை. மனசு சம்­பந்­தப்பட்­டது.
ஒரு ஆணை, என் இணையா நினைச்­சுக்­கூடப் பார்க்க முடி­யலே.

அண்­ணனா, தம்­பியா, அப்­பாவா அந்த உறவை நான் மதிக்­கிறேன். அதுக்கு மேல, இன்­னொரு உறவா அந்த மேலா­திக்­கத்தை என்­னால தாங்க முடி­யாது…”- உணர்­வு­பூர்­வ­மாக பேசு­கிறார் ஜான்ஸி.

“நாங்க ஒருத்­த­ருக்கு ஒருத்தர் மனப்­பூர்­வமா விரும்­பினோம். இது எங்க தோழி­க­ளுக்கும் தெரியும். சில தோழிகள், “இதெல்லாம் என்­னடி வாழ்க்கை… வெளி­யில தெரிஞ்சா, தப்பாப் பேசு­வாங்க”ன்னு சொன்­னாங்க.

சில தோழிகள் எங்­களைப் புரிஞ்­சு­கிட்­டாங்க. அவங்க முன்­னாடி மோதிரம் மாத்தி எங்க உறவை உன்­ன­த­மாக்கிக்கிட்டோம். திரு­மண விழாவை கொண்­டாடித் தீர்த்­தாங்க. தனியா வீடு பிடிச்சு வாழ்க்­கையை ஆரம்­பிச்சோம். வெளி­யில எங்க உறவைப் பத்தி யாருக்கும் தெரி­யாது.

ரெண்டு பேரும் பியூட்­டி­ஷியன் தொழிலைக் கத்­துக்­கிட்டோம். ஒரு தெலுங்கு சீரியல் நடி­கைக்­கிட்ட வேலைக்குச் சேந்தோம். கை நிறைய சம்­பளம் கிடைக்­குது. லட்­சு­மிக்கு அம்மா இல்லை. அப்பா மட்டும் தான்.

அவ­ருக்கு மாதா­மாதம் ஒரு தொகையை அனுப்­பி­டுவோம். என்னைப் பெத்­த­வங்­க­ளுக்கும் கொஞ்சம் பணம் அனுப்­புவோம். எந்த மனச்­சிக்­கலும் இல்லை. நல்ல புரிதல் உள்ள இணையா லட்­சுமி இருக்கா. வீட்­டுக்­குள்ள என்னை மாமான்னு தான் கூப்­பி­டுவா. ஒரு வேலையும் செய்ய விட­மாட்டா.

“என்ன நீ பொம்­பளை மாதிரி வேலை­யெல்லாம் செய்­யிறே”ன்னு கேப்பா… “நான் பொம்­பள தாண்டி”ன்னா சிரிப்பா. எப்­போ­தா­வது நாங்க, எங்க எதிர்­கா­லத்தைப் பத்தி யோசிக்­கி­ற­துண்டு.

இந்த சமூ­கத்­தில எங்­களை மாதிரி வெளி­யில ஒரு வாழ்க்­கையும், வீட்­டுக்­குள்ள ஒரு வாழ்க்­கையும் வாழுற எவ்­வ­ளவோ பெண்கள் இருக்­காங்க. திரு­ம­ண­மான பெண்கள் நிறைய பேர், இப்­ப­டி­யான மறை­முக படியான மறைமுக உறவோட வாழுறாங்க. நூத்துக்கு ஐம்பது பெண்கள் நிறைய கொடுமைகளை அனுபவிச்சு க்கிட்டு சகிப்புத்தன்மையோட வாழ்ந்துக்கிட்டிருக்காங்க.

ஆண்டவன் புண்ணியத்துல எங்களுக்கு அந்தமாதிரி கொடுமையான வாழ்க்கை அமையலே. எங்களால குழந்தைகளைப் பெத்துக்க முடியாது. ஆனா, தத்தெடுக்க முடியும், அதுக்கு சில சட்ட மாற்றங்கள் வரவேண்டியிருக்கு. அதுவரைக்கும் நாங்க காத்திருப்போம்…” என்கிறார் ஜான்ஸி.

நன்றி விகடன்

துக்ளக் இதழின் ஆசிரியரும், நடிகரும், பிரபல எழுத்தாளருமான சோ ராமசாமி இன்று காலமானதாக இந்திய ஊடகங்கள் தெரிவிக்கின்றன.

உடல்நலம் பாதிக்கப்பட்டு சென்னை அப்பலோ வைத்தியசாலையில் அனுமதிக்கப்பட்டு இருந்த சோ ராமசாமி சிகிச்சை பலனின்றி இன்று அதிகாலை 4.40 மணிக்கு உயிரிழந்ததாக அவரின் குடும்பத்தினர் தெரிவித்துள்ளனர்.

சிறந்த அரசியல் விமர்சகராக சோ, தான் நடத்தி வந்த துக்ளக் பத்திரிக்கையிலும் நாடகங்களிலும் அரசியல் விமர்சனம் செய்தது பெரிதும் புகழ் பெற்றுள்ளார்.

இதே போல் தமிழ் சினிமாவில் 200 படங்களில் நடித்துள்ளார். எம்.ஜி.ஆர்., சிவாஜி, ரஜினி, கமல் ஆகியோருடன் நடித்துள்ளார். 4 படங்களை இயக்கியுள்ளார்.தனது நடிப்பு மற்றும் இயக்கம் மூலம் பெரும் தடம் பதித்தவர் என்பதும் குறிப்பிடத்தக்கது.

முதல்வர் ஜெயலலிதாவின் மரணத்தை முன் கூட்டியே கணித்துள்ளது தமிழ் பஞ்சாங்கம் ஒன்று. அது தற்போது வட்ஸ் அப்பில் வைரல் ஆகி வருகிறது.

கார்த்திகை மாதத்தில் சூரியன் விருச்சிக ராசியில் சஞ்சரிக்கும் காலமாகும். விருட்சிகத்தில் சனி சஞ்சாரம் செய்து கொண்டிருக்கிறார். இது ராசிக்கு எட்டாம் இடம். எட்டில் சூரியனும் சனியும் இணைந்து உள்ளதால் பிரபல பெண் அரசியல் தலைவரின் மரணம் ஏற்படும் என்று பஞ்சாங்கம் கணித்துள்ளது.

தமிழக முதல்வர் ஜெயலலிதா திங்கட்கிழமை நள்ளிரவு மரணமடைந்தார். அவரது உடல் பொதுமக்கள் அஞ்சலிக்குப் பின்னர் மெரீனா கடற்கரையில் எம்.ஜி.ஆர் நினைவிடத்தில் நல்லடக்கம் செய்யப்பட்டது.

முதல்வர் ஜெயலலிதாவின் மரணத்தை இத்தனை சீக்கிரம் யாரும் எதிர்பார்த்திருக்க மாட்டார்கள். செப்டம்பர் மாதம் சட்டசபையில் கம்பீரமாக கர்ஜித்த ஜெயலலிதா, செப்டம்பர் 21ம் திகதி மெட்ரோ ரயில் விழாவில் பேசிய முதல்வர் ஜெயலலிதா, உடல்நலக்குறைவு ஏற்பட்டு முகம் காட்டாமல் மரணித்து விட்டார் என்பதை அதிமுக தொண்டர்கள் பலராலும் நம்ப முடியவில்லை.

ஜெயலலிதாவின் மரணம் கோடிக்கணக்கான அதிமுக தொண்டர்களை சோகத்தில் ஆழ்த்தியுள்ளது. இந்த துயரத்தில் இருந்து எப்போது மீள்வார்கள் என்பதுதான் கேள்விக்குறியாக உள்ளது.