தமிழ்த் தேசியக்கூட்டமைப்பின் வன்னி மாவட்ட பாராளுமன்ற உறுப்பினரும் பாராளுமன்ற குழுக்களின் பிரதி அவைத்தலைவருமான செல்வம் அடைக்கலநாதனின் தந்தை இன்று (04.12.20160) ஞாயிற்றுக்கிழமை மாலை யாழ் வைத்திய சாலையில் காலமானார்.

செல்வம் அடைக்கலநாதனின் தந்தையான அடைக்கலம் அமிர்தநாதன் (வயது 83),திடீர் சுகவீனம் காரணமாக இன்று அதிகாலை மன்னார் வைத்தியசாலையில் சிகிச்சைக்காக அனுமதிக்கப்பட்டு மேலதிக சிகிச்சைக்காக யாழ் வைத்தியசாலைக்கு மாற்றப்பட்டார்.

இந்த நிலையில் மாலை 3.30 மணியளவில் யாழ் வைத்தியசாலையில் சிகிச்சை பலனின்றி உயிரிழந்துள்ளார்.

இந்த தகவலை, செல்வம் அடைக்கலநாதன் உறுதிப்படுத்தியுள்ளதோடு இறுதி கிரிகைகள் தொடர்பான விபரங்கள் பின்னர் அறிவிக்கப்படும் எனவும் தெரிவித்துள்ளார்.

மேலும் பாராளுமன்ற உறுப்பினர் செல்வம் அடைக்கலநாதனின் தந்தையான அடைக்கலம் அமிர்தநாதன் ஒரு சிறந்த சித்த வைத்தியர் என்பது குறிப்பிடத்தக்கது.

நண்பன் ஒருவருடன் நீராடச் சென்ற சிறுவன் ஒருவன் நீரில் மூழ்கி பரிதாபமாக மரணமடைந்துள்ளதாக தெரிவிக்கப்படுகிறது.

வாழைச்சேனை பொலிஸ் பிரிவிற்கு உட்பட்ட கிண்ணையடியில் தளவாய் என்ற இடத்தை சேர்ந்த தயானந்தன் மிறோஜன் (வயது 12) என்பவரே இவ்வாறு உயிரிழந்ததாக தெரிவிக்கப்படுகின்றது.

கிண்ணையடியில் உள்ள உறவினர்களின் வீட்டில் சில காலமாக வசித்து வந்த சிறுவன், பிரிதொரு சிறுவனுடன் நேற்று (03.12.2016) நீராடச் சென்ற நிலையிலேயே இச் சம்பவம் நிகழ்ந்துள்ளதாக பொலிஸார் குறிப்பிட்டுள்ளனர்.

மேலும் கிராம மக்களின் உதவியுடன் நீரில் மூழ்கிய சிறுவனின் உடல் மீட்கப்பட்டதாகவும் தெரியவருகிறது.

இதேவேளை பிரேதப் பரிசோதனைக்காக வாழைச்சேனை ஆதார வைத்திய சாலைக்கு சடலம் அனுப்பி வைக்கப்பட்டுள்ளதோடு மேலதிக விசாரணைகளை வாழைச்சேனை பொலிஸார் மேற்கொண்டு வருகின்றனர்.

நாட்டில் அரிசியின் விலை தொடர்ச்சியாக உயர்வடைந்து செல்கின்றது. இந்த ஆண்டின் ஆரம்பம் முதல் இதுவரையில் அரிசியின் விலை 30 வீதத்தினால் உயர்வடைந்துள்ளது.

கொழும்பு புறக்கோட்டை அரிசி மொத்த விற்பனை கடைகளில் நடத்திய ஆய்வு மூலம் இந்த தகவல் வெளியிடப்பட்டுள்ளது.

சாதாரணமாக பயன்பாட்டுக்கு உகந்த அரிசி ஒரு கிலோவின் விலை 90 ரூபாவாக உயர்வடைந்துள்ளது. இதற்கு முன்னதாக ஒரு கிலோ அரிசியின் விலை 60 ரூபாவாக காணப்பட்டது.

அரிசி ஆலை உரிமையாளர்கள் சிலர் சந்தையை கட்டுப்படுத்தி வரும் காரணத்தினால் விலைகள் இவ்வாறு உயர்வடைந்துள்ளன.

பாரிய அளவிலான அரிசி வியாபாரிகளை கட்டுப்படுத்தினால் மட்டுமே அரிசியின் விலையை குறைக்க முடியும் என சிறிய அரிசி ஆலை உரிமையாளர்கள் சுட்டிக்காட்டியுள்ளனர்.

மலேசியாவிலிருந்து சீனாவின் தலைநகர் நோக்கி சென்ற எம்.எச்.370 பயணிகள் விமானம் வான்பரப்பில் காணாமல் போயிருந்தது. காணாமல் போன விமானத்தை தேடி பல்வேறு நாடுகளை சேர்ந்த நிபுணர்கள் தேடுதல் நடவடிக்கையில் ஈடுபட்டர்.

தற்போது விமானம் விபத்துக்குள்ளானதாக தகவல் வெளியானதுடன் விமானத்தின் பாகங்களும் கண்டுபிடிக்கப்பட்டுள்ளன.

எம்.எச்.370 மலேசிய விமானத்தின் பாகங்களை கண்டுபிடிப்பதற்கு இலங்கையின் கடல்சார் விஞ்ஞானி ஒருவர் உதவியுள்ளதாக தகவல் வெளியாகி உள்ளது.

சரித்த பட்டிஆராச்சி என்ற அவர் மேற்கு அவுஸ்திரேலியா பல்கலைக்கழகத்தின் பேராசிரியராக பணியாற்றுகிறார்.

மாதிரிகளை பயன்படுத்தி அவர் மேற்கொண்ட ஆய்விற்கமைய எம்.எச்.370 மலேசிய விமானத்தின் பாகங்கள் கிடைக்க கூடிய பிரதேசம் தொடர்பில் சில தகவல்களை வெளியிட்டுள்ளார்.

பேராசிரியர் பட்டிஆராச்சி கண்டுபிடித்து, வெளியிட்ட தகவல்களுக்கமைய ரீயூனியன் தீவில் விமானத்தின் பறக்கும் பாகம் கிடைத்துள்ளது.

கடந்த 2015ஆம் ஆண்டு ஜுன் மாதம் அந்த பாகம் கண்டுபிடிக்கப்பட்டுள்ளது. இங்கு சிதைந்த பாகங்கள் கிடைக்கும் பிரதேசம் மாத்திரம் இன்றி ரீயூனியன் தீவிற்கு குறித்த பாகங்கள் வந்து சேறும் காலத்தை உட்பட சரியாக அவர் குறிப்பிட்டுள்ளார்.

அதன் ஒரு வருடத்திற்கு பின்னர் எம்.எச்.370 மலேசிய விமானத்திற்கு என்ன நடந்ததென தேடிச் சென்ற ஆய்வு பணியாளரான அமெரிக்க நாட்டை சேர்ந்த பிலேன் கிப்ஸனுக்கு, மடகாஸ்கர் கடலோரத்தில் விமானத்தின் ஒரு பாகம் கிடைத்துள்ளது. எனினும் அந்த பாகம், பேராசிரியர் பட்டிஆராச்சி வழங்கிய தகவலுக்கமையவே மீட்கப்பட்டுள்ளதாக தெரிவிக்கப்படுகின்றது.

2014ம் ஆண்டு மார்ச் மாதம் 227 பயணிகள் உட்பட 239 பேருடன் பயணித்த, மலேசிய விமான நிறுவனத்திற்கு சொந்தமான விமானம் காணாமல் போயிருந்தது. அதில் பயணித்த அனைவரும் உயிரிழந்துள்ளதாக மலேசிய பிரதமர் அறிவித்திருந்தார் என்பது குறிப்பிடத்தக்கது.

ஜா-எல, துடெல்ல பிரதேசத்தில் மோட்டார் சைக்கிளில் பயணித்த நபர், வீதியில் சென்று கொண்டிருந்த பாடசாலை மாணவர் ஒருவருக்கு தலைக்கவசத்தால் தாக்கிவிட்டு சென்றுள்ளார்.

பிரபல கல்லூரியில் கல்விகற்கும் 14 வயதுடைய மாணவர் ஒருவர் மீதே இந்த தாக்குதல் மேற்கொள்ளப்பட்டுள்ளதாக தெரிவிக்கப்படுகின்றது.

குறித்த தாக்குதல் சம்பவம் தொடர்பாக இணையத்தளத்தில் செய்திகள் வெளியிடப்பட்டு வருகின்றன.

பாடசாலை மாணவர்கள் வீதியில் சென்றுகொண்டிருந்தபோது, வேகமாக வந்த மோட்டார் சைக்கிளில் பயணித்த ஒருவர் இந்த தாக்குதலை நடாத்திவிட்டு தப்பிச்சென்றுள்ளார்.

இதேவேளை, தாக்குதலுக்கு உள்ளான மாணவர் தற்போது மருத்துவமனையில் சிகிச்சை பெற்று வருவதாகவும் தெரிவிக்கப்பட்டுள்ளமை குறிப்பிடத்தக்கது.

2016 ஆம் ஆண்டின் உலக அழ­கு­ராணி (Miss World 2016) போட்டி அமெ­ரிக்­காவில் ஆரம்­ப­மா­கி­யுள்­ளது.

இலங்­கையின் சார்பில் மிஸ் வேர்ல்ட் ஸ்ரீலங்கா 2016 அழகு­ராணி அம்­ரிதா டி சில்வா பங்­கு­பற்­று­கிறார்.

இறுதிச் சுற்று எதிர்­வரும் 18 ஆம் திகதி நடை­பெ­ற­வுள்­ளது. 116 நாடு­களின் அழ­கு­ராணிகள் இப் ­போட்டியில் பங்­கு­பற்­று­கின்­றனர்.

இப்­ போட்­டியில் பங்­கு­பற்றும் அழ­கு­ரா­ணி­களில் தமது அபி­மா­னத் ­துக்­கு­ரி­ய­வர்­க­ளுக்கு இணையத்தளம் மூலம் மக்கள் வாக்­க­ளிக்­கலாம். இந்­நி­லையில், தனக்கு வாக்­க­ளிக்­கு­மாறு இலங்கை அழ­கு­ராணி அம்­ரிதா டி சில்வா கோரி­யுள்ளார்.

http://pageantsnews.com/vote-now-will-win-miss-world-2016/ எனும் இணை­யத்­த­ளத்தில் வாக்­கு­களை அளிக்க முடியும். இப் போட்டியில் பங்குபற்றும் அழகுராணிகள் சிலரை படங்களில் காணலாம்.