நுரைச்சோலை அனல் மின் நிலையம் செயல் இழந்து உள்ளதாக தெரிவிக்கப்பட்டுள்ளது.

அனுராதபுரம் ட்ரான்ஸ்மிசன் லைனில் ஏற்பட்ட கோளாறு காரணமாகவே நுரைச்சோலை அனல் மின் நிலையம் செயல் இழந்து உள்ளதாக குறிப்பிடப்பட்டுள்ளது.

இன்று முற்பகல் 11 மணியளவில் இந்த கோளாறு ஏற்பட்டதாக மின்சக்தி மற்றும் புதுப்பிக்கத்தக்க சக்தி அமைச்சின் ஊடகப் பேச்சாளர் சுலக்‌ஷன ஜயவர்தன தெரிவித்தார்.

இதனால் மின் உற்பத்தி நிலையத்தின் 3 பிரதான மின் உற்பத்தி இயந்திரங்களும் செயல் இழந்துள்ளதாகவும் குறிப்பிட்டார்.

நுரைச்சோலை அனல் மின் நிலையம் செயல் இழந்துள்ளதால் வடக்கு, வடமத்திய மற்றும் கிழக்கு மாகாணங்களில் மின் தடை ஏற்பட்டுள்ளது.

தமிழ்த் தேசிய மாணவர் பேரவையின் “விடியலை நோக்கி ” செயற்றிட்டத்தின் மூலம் முல்லைத்தீவு மாவட்ட குரவில் தமிழ் வித்தியாலயத்தில் உள்ள போரினால் மிகவும் பாதிக்கப்பட்ட மாணவர்களுக்கு கற்றல் உபகரணங்கள் வழங்கப்பட்டது.

பேரவையின் செயலாளர் ச.தமிழ்ச்செல்வன் தலைமையில் நடைபெற்ற நிகழ்வில் பேரவையின் நிறுவனர் ஆ.யோன்சன் மற்றும் வித்தியாலயத்தின் முதல்வர் ஆகியோர் சிறப்புரை ஆற்றினார்கள்.

இந்த நிகழ்வில் பேரவையின் முக்கிய உறுப்பினர்களும் கலந்துகொண்டார்கள்.

இலங்கையில் பிரபல்யம் அடைந்து வரும் Renault KWID வாகனத்தில் ஏற்பட்டுள்ள கோளாறு கண்டுபிடிக்கப்பட்டுள்ளது. இதனையடுத்த குறித்த வாகன தயாரிப்பு நிறுவத்தினால் 50 ஆயிரம் வாகனங்களை மீளப்பெற்றுக்கொள்ள நடவடிக்கை எடுக்கப்பட்டுள்ளதாக தகவல் வெளியாகியுள்ளது.

எரிபொருள் நிறப்பும் பகுதியில் கோளாறு கண்டுபிடிக்கப்பட்டமையின் காரணமாக இந்த நடவடிக்கை மேற்கொள்ளப்பட்டன.

எனினும் இலங்கையில் இறக்குமதி செய்யப்பட்ட வாகனங்களில் இவ்வாறான கோளாறுகள் இல்லையென இறக்குமதி செய்த நிறுவனம் அறிவித்துள்ளது.

மே மாதத்திற்கு முன்னர் இந்திய சந்தையில் இறக்குமதி செய்யப்பட்ட வாகனங்களே இவ்வாறு மீள கோரப்பட்டுள்ளதாகவும், இலங்கைக்கு அந்த வாகனம் ஜுன் மாதத்திற்கு பின்னரே கொண்டு வரப்பட்டுள்ளதாக தெரிவிக்கப்படுகின்றது.

அதற்கமைய இலங்கையில் இறக்குமதி செய்யப்பட்ட Renault KWID வாகனங்கள் மீள பெற்றுக்கொள்ள வேண்டிய அவசியம் இல்லை. இதனால் வடிக்கையாளர்கள் குழப்பம் அடையத் தேவையில்லை என குறித்த நிறுவனம் அறிவித்துள்ளது.

யாழ் நெடுந்தீவில் நேற்று இடம் பெற்ற மோட்டார் சைக்கிள் விபத்தில் இளைஞர் ஒருவர் பரிதாபகரமான முறையில் உயிரிழந்துள்ளார்.

நெடுந்தீவு பிரதேசப்பகுதியை வசிப்பிடமாகக் கொண்ட தர்மதுரை பகீரதன் (24 ) என்ற இளைஞரே இவ்வாறு மரணமடைந்துள்ளார்.

குறிந்த இளைஞர் யாழ் பகுதியில் இருந்து ஏ9 பிரதான வீதியில் பயணம் செய்துள்ளார். இதன் போது மோட்டார் சைக்கிள் வேகக்கட்டுப்பாடு இழந்ததன் காரணமாக வீதியை விட்டு விலகி மின் கம்பம் ஒன்றுடன் மோதியுள்ளது.

இதன் காரணமாக தலையில் பலத்த காயம் ஏற்பட்டு இளைஞர் மரணமடைந்துள்ளார்.

விபத்து தொடர்பில் மேலதிக விசாரணைகளை யாழ் பொலிசார் மேற்கொண்டு வருகின்றமை குறிப்பிடத்தக்கது.

தேவையற்ற ஊடகப் பரபரப்புக்கள் நாட்டின் எதிர்காலத்தை மோசமாக பாதிக்கும் என ஊடக அமைச்சின் செயலாளர் நிமால் போபகே தெரிவித்துள்ளார். ஊடக அறிக்கை ஒன்றின் மூலம் அவர் இதனைத்தெரிவித்துள்ளார்.

பாதுகாப்பு அமைச்சின் கீழ் இயங்கி வரும் துறையொன்று தொடர்பில் அண்மையில் நடைபெற்ற நிகழ்வில் ஜனாதிபதி ஆற்றிய உரை தொடர்பில் ஊடகங்களில் செய்தி அறிக்கையிடப்பட்டிருந்தது.

இவ்வாறு செய்தி அறிக்கையிடும் போது ஜனாதிபதி மற்றும் பிரதமரின் நற் பெயருக்கு களங்கம் ஏற்படக்கூடிய வகையில் செய்தி அறிக்கையிடுவதனை தவிர்க்க வேண்டும்.

நாட்டின் எதிர்காலத்தைக் கூட நிர்ணயிக்கக்கூடிய இவ்வாறான ஓர் சந்தர்ப்பத்தில் ஊடகங்களை எவ்வாறு செயற்படுத்த வேண்டும் என்பதனை புரிந்து ஒழுக்க விதிகளை மீறாது செயற்பட வேண்டிய தார்மீக கடப்பாடு ஊடகங்களுக்கு உண்டு.

பிழையான அர்த்தப்படுத்தல்களின் ஊடாக பல்வேறு சிக்கல் நிலைமைகள் ஏற்படக்கூடிய அபாயம் காணப்படுகின்றது.

ஜனாதிபதி மைத்திரிபால சிறிசேனவினால் ஆற்றிய முழு உரையின் சில வசனங்களை மட்டும் எடுத்து செய்தி அறிக்கையிட்டு பிழையான தகவல்களை அர்த்தப்படுத்தல்களை மக்கள் மத்தியில் கொண்டு சேர்ப்பது ஊடக தர்மத்திற்கு அழகாகாது.

ஜனாதிபதியின் செயற்பாடுகள் உள்நாட்டிலும் சர்வதேச ரீதியிலும் போற்றப்படுகின்ற நிலைமை காணப்படுகின்றது.

இவ்வாறான நிலையான தேவையற்ற அர்த்தப்படுத்தல்களின் ஊடாக கலகம் விளைவிப்பது நாட்டின் எதிர்காலத்தையே பாதிக்கக் கூடும் என நிமால் போபகே தனது ஊடக அறிக்கையில் தெரிவித்துள்ளார்.