தமிழ், தெலுங்கு பட உலகில் முன்னணி கதாநாயகியாக இருந்தவர் ஸ்ரேயா. இவர் 2003-ல் எனக்கு 20 உனக்கு 18 என்ற படம் மூலம் கதாநாயகியாக அறிமுகமானார். ஜெயம்ரவியுடன் நடித்த மழை, தனுசுடன் நடித்த திருவிளையாடல் ஆரம்பம் படங்கள் அவரை பிரபலபடுத்தின. இதைத்தொடர்ந்து ரஜினிகாந்துடன் சிவாஜி படத்தில் ஜோடி சேர்ந்தார். இந்த படம் 2007ல் வெளியாகி வெற்றிகரமாக ஓடியது.

இதனால் அவருக்கு பட வாய்ப்புகள் குவிந்தன. விஜய், விக்ரம், விஷால், ஜீவா உள்ளிட்ட பலருடன் ஜோடியாக நடித்தார். ஆனால் சமீபகாலமாக புதுமுக கதாநாயகிகள் வரத்து அதிகமானதால் ஸ்ரேயாவுக்கு படங்கள் குறைந்து விட்டன. அக்கா, அண்ணி வேடங்களில் நடிக்கவே அழைப்புகள் வருகின்றன.

ஸ்ரேயாவுக்கு தற்போது 34 வயது ஆகிறது. இதனால் அவருக்கு பெற்றோர் மாப்பிள்ளை பார்ப்பதாகவும் விரைவில் திருமணம் செய்து கொள்வார் என்றும் பட உலகில் பேசப்பட்டது.

இந்த நிலையில், மேற்கிந்தியத் தீவுகள் கிரிக்கெட் வீரர் வெய்ன் பிராவோவுடன் ஸ்ரேயாவுக்கு காதல் மலர்ந்துள்ளதாக பரபரப்பு தகவல் வெளியாகி உள்ளது. மும்பையில் உள்ள ஒரு பிரபல ஹோட்டலுக்கு அவர்கள் ஜோடியாக வந்தார்கள். அங்கு அருகருகே உட்கார்ந்து உணவு சாப்பிட்டார்கள். நீண்ட நேரம் சிரித்து பேசிக்கொண்டு இருந்தனர். பின்னர் அங்கிருந்து வெளியேறி ஒரே காரில் புறப்பட்டு சென்றார்கள்.

அப்போது சிலர் செல்போனில் படம்பிடித்தனர். அதுபற்றி அவர்கள் கண்டுகொள்ளவில்லை. இருவரும் ஜோடியாக ஓட்டலுக்கு சென்று வந்த படங்கள் சமூக வலைத்தளங்களில் தற்போது பரவி வருகின்றன.

வெய்ன் பிராவோ ஐ.பி.எல். கிரிக்கெட் போட்டியில் சென்னை சூப்பர் கிங்ஸ் அணியில் விளையாடியவர் என்பது குறிப்பிடத்தக்கது. இந்திய கலாசார பண்பாடுகள் தனக்கு மிகவும் பிடித்து இருக்கிறது என்று பேட்டிகளிலும் அடிக்கடி சொல்லி வந்தார்.

ஸ்ரேயாவும், வெய்ன் பிராவோவும் திருமணம் செய்துகொள்ள முடிவெடுத்து இருப்பதாக பட உலகில் தகவல் பரவி உள்ளது.

சிவகார்த்திகேயன் நடிப்பில் பாக்யராஜ் கண்ணன் இயக்கத்தில் கடந்த வாரம் வெளிவந்த படம் ரெமோ. இப்படத்தில் சிவகார்த்திகேயன் பெண் வேடத்திலும் நடித்துள்ளார். சிவகார்த்திகேயன் படங்களிலேயே அதிக செலவில் உருவான படமும் இதுதான். இப்படத்தை பற்றி கலவையான விமர்சனங்கள் எழுந்தாலும், படத்தின் வசூல் சிறப்பாகவே அமைந்துள்ளது.

இந்நிலையில், ரெமோ படத்தின் நன்றி தெரிவிக்கும் விழாவில் சிவகார்த்திகேயன் மிகவும் உணர்ச்சிவசப்பட்டு பேசி கண்கலங்கினார். தான் செய்யும் வேலையை யாரோ தடுப்பதாக ஒரு குற்றச்சாட்டையும் வைத்தார். சிவகார்த்திகேயனின் உணர்ச்சிகரமான பேச்சு தமிழ் சினிமா வட்டாரத்தில் பெரும் அதிர்வலையை ஏற்படுத்தியுள்ளது.

இந்நிலையில் நடிகரும், தென்னிந்திய நடிகர் சங்கத்தின் பொதுச் செயலாளருமான விஷால் இன்று தமிழக முதல்வர் ஜெயலலிதா பூரண நலம்பெற வேண்டி காஞ்சிபுரத்தில் நடந்த சிறப்பு பூஜையில் கலந்துகொண்டார். பின்னர், செய்தியாளர்களிடம் பேசிய அவரிடம், சிவகார்த்திகேயன் விவகாரம் குறித்து கேட்கப்பட்டது.

அதற்கு அவர் பதிலளிக்கும்போது, சிவகார்த்திகேயனுக்கு ஏற்பட்டுள்ள பிரச்சினைக்கு உரிய தீர்வு காணப்படும். சக நடிகனாக நான் அவருக்கு துணை நிற்கின்றேன். இதுதொடர்பாக, நடிகர் சங்கத்திலும் புகார்கள் வந்துள்ளது. அந்த புகார்கள் மீது நடவடிக்கை நடைபெற்றுக் கொண்டிருக்கின்றது. விரைவில் நல்ல தீர்வு கிடைக்கும் என்று தெரிவித்தார்.

மேலும் அவர் தெரிவிக்கையில் சினிமாவில் பல துறைகளில் இதுபோன்ற பிரச்சினைகள் இருக்கின்றது. சிவகார்த்திகேயன் போன்று ஒருகாலத்திலும் நானும் பிரச்சினைகளை சந்திதேன் என்று பேசினார்.

இந்த பிரச்சினையில் சிம்புவும் சிவகார்த்திகேயனுக்கு ஆதரவாக குரல் கொடுத்துள்ளார். அவர் இது தொடர்பாக தெரிவிக்கும்போது , கவலைப்படாதே சிவா, இந்தப் பிரச்சினை உனக்கு மட்டும் நேர்ந்துவிடவில்லை. இந்த மாதிரி பிரச்சினை செய்பவர்வள் யார் என்று எனக்கும் தெரியும்.

பிரச்சினை செய்கிறவர்களுக்கு அது மட்டும்தான் செய்யத் தெரியும். நம்முடைய குறிக்கோள் கடின உழைப்பு ஒன்று மட்டுமே. மற்றதையெல்லாம் கடவுளிடம் விட்டுவிடு, அவர் பார்த்துக் கொள்வார் என்று சிவகார்த்திகேயனுக்கு ஆறுதல் தெரிவித்துள்ளார்.

24 AM STUDIOS நிறு­வனம் சார்பில் ஆர்.டி.ராஜா தயா­ரித்து, சிவ­கார்த்­தி­கேயன் இரட்டை வேடங்­களில் நடித்த ‘ரெமோ’ வெற்­றி­க­ர­மாக ஓடிக்­கொண்­டி­ருப்­பதை முன்­னிட்டு நன்றி தெரி­விக்கும் விழா நேற்று முன்தினம் நடை­பெற்­றது.

இந்த விழாவில் இயக்­குநர் பாக்­யராஜ் கண்ணன், சிவ­கார்த்­தி­கேயன், கீர்த்தி சுரேஷ், கே.எஸ்.ரவி­குமார், சரண்யா பொன்­வண்ணன், சதீஷ், பி.சி.ஸ்ரீராம், அனிருத், ஒலிப்­ப­தி­வாளர் ரசூல் பூக்­குட்டி, மற்றும் பலர் கலந்து கொண்­டனர். அப்­போது சிவ­கார்த்­தி­கேயன் பேசும்­போது,

‘‘என்னை இப்­ப­டத்தில் கதா­நா­ய­க­னாக நடிக்க வைத்த பாக்­யராஜ் கண்­ண­னுக்கு நன்றி! நான் அழ­காக இருக்­கிறேன் என்று என்னை உணர வைத்­தவர் பி.சி.ஸ்ரீராம் சார். அவ­ரு­டைய ஒளிப்­ப­திவில் நடித்­தது எனக்கு மிகவும் பெருமை.

நான் லேடி கெட்­டப்பில் நடிக்கும் போது, நடிகை கீர்த்தி சுரேஷ் பல உத­விகள் செய்தார். அது மறக்க முடி­யாது. இப்­ப­டத்தின் தயா­ரிப்­பாளர் ஆர்.டி. ராஜா கடின உழைப்­பாளி.

இப்­ப­டத்­திற்­காக அதி­க­மாக உழைத்­தவர் அவர்தான். நான் 18 மணி­நேரம் வேலை பார்த்து விட்டு வீடு திரும்­புவேன். என் குடும்­பத்­துடன் இருப்பேன். ஆனால், இந்த படம் துவங்­கிய நாளி­லி­ருந்து ராஜா வீட்­டுக்கு கூட செல்­லாமல் தொடர்ந்து வேலை பார்ப்பார்.

இப்­படி வேலை செய்யும் இவரை பலர் வேலை செய்ய விடாமல் தடுக்­கி­றார்கள். நாங்கள் யாருக்கும் எந்த கெடு­தலும் செய்­த­தில்லை. ஆனால், எங்­களை வேலை செய்ய விடாமல் தடுக்­கி­றார்கள்.

ஏன் இப்­படி செய்­கி­றார்கள் என்று எங்­க­ளுக்கு தெரி­ய­வில்லை’’ என்று கூறி­ய­வாறு கண்­க­லங்­கினார் சிவ­கார்த்­தி­கேயன். ஒரு சில நிமி­டங்கள் கழித்து மீண்டும் பேசு­கையில், ‘‘எந்த ஒரு படமும் நூற்­றுக்கு நூறு பேரையும் திருப்­தி­ப­டுத்­தாது.

அப்­ப­டி­யான படத்தை யாராலும் எடுக்க முடி­யாது. சில­ருக்கு பிடிக்கும், சில­ருக்கு பிடிக்­காது. இது காலம் கால­மாக இருந்து வரு­கிற விடயம் தான். பிடித்தால் நான்­றாக எழு­துங்கள்! பிடிக்­க­வில்­லை­யென்றால் குறை­களை சுட்டி காட்­டுங்கள்! திருத்திக் கொள்­கிறோம்.

இப்­ப­டத்தின் வெற்றி எங்­க­ளுக்கு பெரும் உற்­சாகம் தரு­கி­றது. இது வெற்­றி­விழா இல்லை! இப்­ப­டத்தை வெற்­றி­பெற செய்­த­வர்­க­ளுக்கு நன்றி தெரிவிக்கும் விழா தான்! இந்த டீம் மீண்டும் இணைந்து படங்கள் பண்ணும்! நாங்கள் முடிந்தவரை யிலும் தரமான படங்களை தர முயற்சிப்போம்’’ என்றார்.