திருவள்ளூர் மாவட்டத்தில் செல்லக்கடி கடித்ததற்காக 3 வயது குழந்தையை தாய்மாமனே கொலை செய்துள்ள சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது.

திருவள்ளூர் மாவட்டம் பெரியபாளையம் அழிஞ்சிவாக்கத்தைச் சேர்ந்த முருகன் என்பவர் சில வருடங்களுக்கு முன்பு அதே பகுதியைச் சேர்ந்த ஹேமலா என்பவரை திருமணம் செய்து கொண்டார்.

இந்த தம்பதியருக்கு ஹேமந்த் என்ற 3 வயது ஆண்குழந்தை உள்ளது. இந்நிலையில், ஹேமலாவின் சகோதரரான தமிழ்செல்வன் என்பவர் முதுகலை பட்டம் படித்து வேலைக்கு செல்லாமல் ஊர் சுற்றி திரிந்துள்ளார்.

இந்நிலையில், தமிழ்செல்வன் தினமும் தனது அக்கா மகன் ஹேமந்த் உடன் விளையாடுவது வழக்கம்.

அது போல விளையாடிக் கொண்டிருக்கையில், செல்லமாக ஹேமந்த் தமிழ்செல்வனை அடிக்கவும், கடிக்கவும் செய்துள்ளார்.

இதனால் ஆத்திரமடைந்த தமிழ்செல்வன் ஹேமந்தை கொலை செய்ய திட்டமிட்டார்.

இதனையடுத்து, நேற்றிரவு ஹேமந்த் தூங்கி கொண்டு இருந்தபோது அவரை யாருக்கும் தெரியாமல் நைசாக வீட்டிலிருந்து தூக்கி கொண்டு கழிவுநீர் தொட்டி அருகே சென்றுள்ளார்.

அங்கு கை, கால்களை கட்டியதோடு ஹேமந்த்தின் கழுத்தை நெரித்து கொலை செய்துவிட்டு கழிவு நீர் தொட்டியில் போட்டுள்ளார்.

காலையில் குழந்தையை காணாமல் அனைவரும் தேடியபோது, தமிழ்செல்வனும் ஒன்றும் தெரியாதது போல் அவர்களுடன் சேர்ந்து தேடியுள்ளார்.

உடனடியாக பெற்றோர்கள் பெரியபாளையம் பொலிசுக்கு தகவல் தெரிவிக்கவே, விரைந்து வந்த அதிகாரிகள் குழந்தையை தேடியுள்ளனர்.

தீவிர தேடுதல் வேட்டைக்கு பின் குழந்தையை கண்டுபிடித்துள்ளனர், தொடர்ந்து அனைவரிடமும் விசாரணை நடத்தியதில் தமிழ்செல்வன் பதிலில் பொலிசுக்கு திருப்தியில்லாமல் இருந்தது.

இவரிடம் கிடுக்குப்பிடி விசாரணை நடத்தியதில் குற்றத்தை ஒப்புக்கொண்டார், இந்த சம்பவம் பெரும் பரபரப்பை ஏற்படுத்தியுள்ளது.

திருநெல்வேலி மாவட்டத்தை சேர்ந்த லட்சுமண பெருமாள் என்பவர், தனது மகளை காதலித்து வந்த நபரை அரிவாளால் வெட்டி கொலை செய்துள்ளார்.

லட்சுமண பெருமாளின் மகள் கஸ்தூரி என்பவர் திருநெல்வேலியில் உள்ள மருத்துவமனையில் செவிலியராக பணியாற்றி வந்துள்ளார்.

கஸ்தூரியும், சிவகுருநாதன் என்பவரும் காதலித்து வந்துள்ளனர், இந்த காதல் விவகாரம் கஸ்தூரியின் வீட்டுக்கு தெரியவந்ததையடுத்து, அவரை பணிக்கு செல்ல வேண்டாம் என அவரது வீட்டில் கூறியுள்ளனர்.

மேலும், தனி அறையில் அடைத்துவைத்துள்ளனர். இதனை அறிந்த சிவகுருநாதன் கஸ்தூரியின் வீட்டிற்கு சென்று பெண் கேட்டுள்ளார்.

ஆனால், ஜாதியை காரணம் காட்டி இந்த திருமணத்திற்கு கஸ்தூரியின் தந்தை எதிர்ப்பு தெரிவித்துள்ளார், மேலும் தனது மகளை மறந்துவிட வேண்டும் எனவும் அறிவுறுத்தியுள்ளார்.

இதனால், இவர்கள் இருவருக்குள்ளும் வாக்குவாதம் ஏற்பட்டுள்ளது. பின்னர் சாதுர்யமாகப் பேசிய லட்சுமணபெருமாள், அருகேயுள்ள கோயிலுக்கு சிவகுருநாதனை அழைத்துச் சென்றார். அங்கு சென்றதும் தான் மறைத்து வைத்திருந்த அரிவாளால் சிவகுருநாதனை சரமாரியாக வெட்டியுள்ளார்.

இதில் அவர், ரத்த வெள்ளத்தில் சம்பவ இடத்திலேயே இறந்தார். பின்னர் அரிவாளுடன் லட்சுமண பெருமாள், தேவர்குளம் காவல்நிலையம் சென்று சரண் அடைந்தார்.

அவர் பொலிசில் அளித்துள்ள வாக்குமூலத்தில், மாற்று திறனாளியான என்னால் எந்த வேலையும் செய்ய முடியாது. மனைவி பீடி சுற்றி வந்தார். மகன் சிவநேசன், ஆய்வக தொழில்நுட்ப படிப்பு படித்து நாகர்கோவிலில் வேலை பார்த்து வருகிறார். கஸ்தூரியை கஷ்டப்பட்டு படிக்க வைத்து வேலை வாங்கி கொடுத்தேன்.

அவர் வேறு சமுதாயத்தைச் சேர்ந்த வாலிபரை காதலித்து வந்துள்ளார். இதனையறிந்த நான் அவரை கண்டித்தேன். பலமுறை எச்சரித்தும் அவர்கள் கேட்கவில்லை இதனால் இவ்வாறு செய்தேன் என தெரிவித்துள்ளார்.

தற்போது, இதுகுறித்து பொலிசார் மேற்கொண்டு விசாரணை நடத்தி வருகின்றனர்.

தமிழக முதலமைச்சர் ஜெயலலிதாவுக்கு நுரையீரலில் இருப்பது தொற்று கிருமி இல்லை என தமிழச்சி தனது பேஸ்புக் பக்கத்தில் தெரிவித்துள்ளார்.

முதலமைச்சர் ஜெயலலிதா உடல் நிலை சரியில்லாத காரணத்தினால் கடந்த 15 நாட்களுக்கு மேலாக சென்னை அப்பல்லோ மருத்துவமனையில் சிகிச்சை பெற்று வருகிறார்.

அவருக்கு சிறப்பு சிகிச்சை அளிப்பதற்காக லண்டன் மருத்துவர் ரிச்சர்டு தலைமையிலான மருத்துவர்கள் குழு மற்றும் உடல் நிபுணத்துவம் மருத்துவர்களான டெல்லி எய்ம்ஸ் மருத்துவர்கள் குழு என சிறப்பு மருத்துவர்கள் பலர் சிகிச்சை அளித்து வருகின்றன.

அதைத் தொடர்ந்து நேற்று அப்பல்லோ நிர்வாகம் அளித்த மருத்துவ அறிக்கையில் ஜெயலலிதாவின் உடல் நிலை முன்னேற்றம் அடைந்து வருவதாகவும், சிகிச்சை தொடர்பாக அவர் நீண்ட நாட்களுக்கு மருத்துவமனையில் தங்க நேரிடும் என கூறப்பட்டிருந்தது.

இந்நிலையில் பிரான்ஸ்சைச் சேர்ந்த தமிழச்சி என்பவர் கடந்த சில தினங்களுக்கு முன்னர் முதல்வர் ஜெயலலிதா மர்மமான முறையில் இறந்து விட்டார் என பேஸ் புக் பக்கத்தில் பதிவேற்றம் செய்திருந்தார். அது தமிழகத்தில் காட்டுத் தீ போல் பரவி பலரையும் அதிர்ச்சியடைய வைத்தது.

அதன் பின்னர் மருத்துவர்கள் ஜெயலலிதா நல்ல நிலையில் இருக்கிறார் எனவும் தொடர்ந்து சிகிச்சை அளித்தால் சில தினங்களில் வீடு திரும்பிவிடுவார் என கூறினர். முதல்வர் ஜெயலலிதாவின் உடல் நிலை குறித்து பரவும் வதந்திகளை யாரும் நம்ப வேண்டாம் என தெரிவித்திருந்தனர்.

அதைத் தொடர்ந்து தற்போது தமிழச்சி என்பவர் தனது பேஸ்புக் பக்கத்தில் முதல்வர் ஜெயலலிதாவுக்கு நுரையீரல் தொற்று நோய் இல்லை எனவும் Species என்ற செலுத்தப்பட்ட கிருமி என்றும் பதிவேற்றம் செய்துள்ளார்.

பெங்­க­ளூ­ருவில், சகோ­த­ரரின் மகளை 10 ஆண்­டு­க­ளாக பாலியல் வல்­லு­றவு செய்து கர்ப்­பத்தை கலைத்த ஹோட்டல் உரி­மை­யா­ளரை பொலிஸார் கைது செய்­துள்­ளனர்.

பெங்­க­ளூரு அசோக் நகர் பொலிஸ் பிரி­வுக்­குட்­பட்ட பகு­தியில் வசித்து வரு­பவர் சீலா (வயது21, பெயர் மாற்­றப்­பட்­டுள்­ளது). இவர் அந்த பகு­தியில் உள்ள தனியார் கல்­லூ­ரியில் படித்து வரு­கிறார்.

இவ­ரு­டைய பெற்றோர் கடந்த 2006ஆம் ஆண்டு உயி­ரி­ழந்­துள்­ளனர். இதனால், மாலா தனது தந்தையின் சகோ­த­ர­ரான ராஜூ என்­ப­வரின் கண்­கா­ணிப்பில் வளர்ந்து வந்தார். ராஜூ ஹோட்டல் நடத்தி வரு­கிறார்.

இந்த நிலையில் கடந்த 10 ஆண்­டு­க­ளாக அதா­வது, சீலா சிறு­மி­யாக இருந்­ததில் இருந்தே அவரை ராஜூ பாலியல் வல்­லு­றவு செய்து வந்­த­தாக கூறப்­ப­டு­கி­றது. மேலும், சம்­பவம் குறித்து வெளியில் கூறினால் கொலை செய்து விடு­வ­தா­கவும் அவர், சீலாவை மிரட்­டி­யுள்ளார்.

உயிர் பயத்தில் சீலா தனக்கு நேரும் கொடூ­ரத்தை யாரி­டமும் கூறாமல் இருந்­துள்ளார். இதனை ராஜூ தனக்கு சாதா­க­மாக பயன்­ப­டுத்திக் கொண்டு தொடர்ந்து உறவில் ஈடு­பட்டு வந்­துள்ளார்.

இதற்­கி­டையே சீலா கர்ப்­ப­ம­டைந்­துள்ளார். இதனை அறிந்த ராஜூ, சீலாவின் கர்ப்­பத்தை கலைத்துள்ளார்.

பின்னர் கடந்த சில நாட்­க­ளுக்கு முன்பு கல்­லூ­ரியில் இருந்து வீடு திரும்­பிய சீலாவை மீண்டும் வல்லுறவுக்­குட்­படுத்­தி­யுள்ளார். இந்­நி­லை­யி­லேயே தனது வாழ்க்கை இப்­படி ஆகி­விட்­டதே என்று மனம் உடைந்த சீலா, தனக்கு நேர்ந்த கொடுமை குறித்து தனது தோழி­யிடம் கூறி கதறி அழு­துள்ளார். இது ­கு­றித்து, அவ­ரு­டைய தோழி, சீலா படித்து வரும் கல்­லூரி முதல்­வ­ரிடம் தெரி­வித்­துள்ளார்.

அதனை தொடர்ந்து சீலாவின் சார்பில் கல்­லூரி நிர்­வாகம் அசோக் நகர் பொலிஸ் நிலை­யத்தில் ராஜூ மீது முறைப்­பாடு செய்­தது. அதனை தொடர்ந்து பொலிஸார் வழக்­குப்­ப­திவு செய்து ராஜூவை கைது செய்­தனர்.

பாதிக்­கப்­பட்ட சீலா அரச பெண்கள் காப்­ப­கத்தில் சேர்க்­கப்­பட்­டுள்ளார். ஹோட்டல் உரி­மை­யாளர் ஒருவர் தனது சகோ­த­ரரின் மகளை 10 ஆண்டுகளாக வல்­லு­றவு செய்து கர்ப்பத்தை கலைத்த சம்பவம் பெரும் பரபரப்பை ஏற்படுத்தியுள்ளது.

இந்தியாவின் ஐதராபாத்தில் சாலையில் விளையாடிக் கொண்டிருந்த மூன்று வயது குழந்தையை 16 வயது சிறுவன் பெட்ரோல் ஊற்றி எரித்த சம்பவம் அதிர்ச்சியை ஏற்படுத்தியுள்ளது.ஐதராபாத்தை சேர்ந்த முகமது அலி ஷபிர்(வயது 3) மற்றும் சில குழந்தைகள் சாலையில் விளையாடிக் கொண்டிருந்தனர்.

அப்போது அதே சாலையை சேர்ந்த 16 வயது சிறுவன் பைக்கில் வந்துள்ளான்.சாலையின் நடுவே விளையாடிய ஷபிரை விலகிச் செல்லும்படி கூறியுள்ளான்.ஷபிருக்கு எதுவும் புரியாமல் நின்று கொண்டிருக்கவே, கடும் கோபமடைந்த 16 வயது சிறுவன் ஷபிர் மீது பெட்ரோலை ஊற்றி தீ வைத்துள்ளான்.

ஷபிர் அலறித் துடிக்கவே அக்கம்பக்கத்தினர் விரைந்து வந்து மருத்துவமனையில் அனுமதித்துள்ளனர்.உயிருக்கு ஆபத்தான நிலையில் சிறுவன் சிகிச்சை பெற்று வருவதாக மருத்துவர்கள் தெரிவித்துள்ளனர்.இந்நிலையில் குறித்த சிறுவனை கைது செய்த பொலிசார் விசாரணை நடத்தி வருகின்றனர்.