மத்திய பிரதேசத்தில் கனமழை பெய்து வருகிறது. வெள்ள பாதிப்பை பார்வையிட சென்ற அந்த மாநில முதல்வரை பொலிசார் தூக்கிச் சென்றது பொதுமக்களிடையே அதிருப்தியை ஏற்படுத்தியுள்ளது.

வட மாநிலங்களான பீகார், உ.பி, மத்திய பிரதேசம், மேற்கு வங்காளத்தில் கனமழை பெய்து வருகிறது. இதனால் அங்குள்ள முக்கிய நதியான கங்கை அபாயக்கட்டத்தை தாண்டி வெள்ளம் கரைபுரண்டோடுகிறது. இதனால் பல கிராமங்கள் வெள்ளத்தில் மூழ்கியுள்ளன.

மத்திய பிரதேசத்தில் ரெவா, சாட்னா மற்றும் பன்னா ஆகிய மாவட்டத்தில் வெள்ளம் பாதிக்கப்பட்ட இடத்தை அம்மாநில முதல்வர் சிவ்ராஜ் சிங் சவுகான் பார்வையிட்டார். பன்னா மாவட்டத்தில் வெள்ளத்தால் பாதிக்கப்பட்ட பகுதிகளை தரை வழியாகச் சென்று பார்வையிட்டார்.

ஒரு பகுதியில் அவர்கள் பார்வையிட சென்றபோது அவர்கள் சென்ற பாதையில் திடீரென வெள்ளம் ஒரு அடி அளவிற்குச் சென்றது. இதனால் முதல்வருக்கு பாதுகாவலுக்கு சென்ற பொலிசார் அவரை தூக்கிச் சென்றனர். இந்த படம் சமூக வலைத்தளங்களில் வைரலாக பரவி வருகிறது.

சவுகான் எதைப் பற்றி கவலைப்படாமல் தரை வழியாக அவரது பயணத்தை மேற்கொண்டார். பொலிசார் முதல்வரை தூக்கிச் சென்ற சம்பவம் பொதுமக்களிடையே அதிருப்தியை ஏற்படுத்தியுள்ளது.

உத்திரபிரதேசத்தில் தண்ணீர் கேட்டு வந்த 6 வயது சிறுமியை 10 வயது சிறுவன் பாலியல் பலாத்காரம் செய்திருப்பது அதிர்ச்சியை ஏற்படுத்தியுள்ளது.

உத்திரபிரதேச மாநிலம் இன்சாலி மாவட்டத்தில் கடந்த வெள்ளிக்கிழமை இரவு ஒரு ரிக்க்ஷா ஓட்டியின் 6 வயது மகள், அருகில் இருந்த வீட்டில் குடிப்பதற்கு தண்ணீர் கேட்டுள்ளார்.

வீட்டில் இருந்து வெளியே வந்த 10 வயது சிறுவன் உள்ளே வா தண்ணீர் தருகிறேன் என கூறி அழைத்துள்ளான்.

ஆனால் உள்ளே சென்றதும் அச்சிறுவன் திடீரென்று சிறுமியை பாலியல் பலாத்காரம் செய்துள்ளான். இதனால் பயந்து போன அச்சிறுமி தொடர்ந்து கூச்சலிட்டு அழுதுள்ளார்.

இச்சத்தத்தை கேட்ட அருகில் இருந்த சிறுமியின் உறவினர்கள் அந்த சிறுவனிடன் இருந்து காப்பாற்றி, அருகில் உள்ள மருத்துவமனையில் பரிசோதனைக்காக அனுமதித்துள்ளனர்.

இதனால் சிறுவனை பொலிசார் காவலில் எடுத்து விசாரித்து வருகின்றனர்.

ஒரு 10 வயது சிறுவன், 6 வயது சிறுமியை பாலியல் பலாத்காரம் செய்திருப்பது, பொற்றோர்கள் மத்தியில் பெரும் அதிர்ச்சியை ஏற்படுத்தியுள்ளது.

மத்திய பிரதேசத்தில் பெருமழையினால் பாதிக்கப்பட்ட கட்டிடம் ஒன்றின் இடிபாடுகளில் சிக்கிய 12 வயது சிறுமியை தமது உயிரை துச்சமென நினைத்து கால்பந்து பயிற்சியாளர் ஒருவர் காப்பாற்றிய சம்பவம் நெகிழ்ச்சியை ஏற்படுத்தியுள்ளது.

மத்திய பிரதேசத்தில் சில நாட்களாக பெரும் மழை கொட்டித்தீர்த்து வருகிறது. அங்குள்ள பல கட்டிடங்களும் மழையினால் பாதிக்கப்பட்டுள்ளன.

இந்த நிலையில் கட்டிடம் ஒன்றின் இடிபாடுகளில் சிக்கிய 12 வயது சிறுமியின் பரிதாபக்குரல் அப்பகுதியில் கடந்து சென்ற 42 வயதான கால்பந்து பயிற்சியாளர் பப்லூ மார்ட்டின் என்பவருக்கு கேட்டுள்ளது.

இதனையடுத்து துரிதகதியில் செயல்பட்ட அவர் உடனடியாக அந்த கட்டிடத்தினுள் புகுந்து அந்த 12 வயது சிறுமி பிரபா என்பவரை காப்பாற்றியுள்ளார்.

ஆனால் அவரால் அந்த கட்டிடத்தின் இடிபாடுகளில் இருந்து வெளியேற முடியாமல் போனது. இதில் அவருக்கு பலத்த காயம் ஏற்பட்டுள்ளது.

இச்சம்பவம் குறித்து அறிந்த அப்பகுதி மக்கள் உடனடியாக அவரை கட்டிட இடிபாடுகளில் இருந்து மீட்டு வெளியே எடுத்துள்ளனர்.

ஆனால் அவரது உயிரை அவர்களால் காப்பாற்ற முடியாமல் போனது. மேலும் அந்த கட்டிடத்தில் சிக்கிய இன்னொருவரும் உயிரிழந்ததாக கூறப்படுகிறது. 4 பேர் காயமடைந்துள்ளனர்.

மழைக்கு முன்னரே அந்த கட்டிடத்தை காலி செய்யும்படி உள்ளூர் அதிகாரிகள் எச்சரிக்கை விடுத்திருந்ததால் அதில் தங்கியிருந்தவர் வெளியேறியுள்ளனர்.

ஆனால் அந்த கட்டிடத்தின் காவலாளியின் மகளை காப்பாற்றும் முயற்சியில் மாநில அளவில் பிரபலமான ஒரு கால்பந்து பயிற்சியாளர் உயிரை விட்டுள்ள சம்பவம் அப்பகுதி மக்களை நெகிழச்செய்துள்ளது.

தேமுதிக தலைவர் விஜயகாந்த் தன் கட்சியை பலப்படுத்த பழைய முயற்சியை கையில் எடுத்துள்ளார். கட்சி தொடங்கப்பட்டபோது, மாநிலம் முழுவதும் சுற்றுப்பயணம் செய்து, கட்சியினரை அவர் அடிக்கடி சந்தித்தார். கட்சியினர் இல்ல நிகழ்ச்சிகளில் அதிகளவில் பங்கேற்றார். இதுமட்டுமின்றி பொது மக்கள் பிரச்னைகளுக்காக களத்தில் இறங்கி போராடினார்.

ஆனால் எதிர்க்கட்சி தலைவரான பின் அவரது நடவடிக்கைகள் மாறின. சென்னையில் இருந்தபடியே, நிர்வாகிகளை இயக்க ஆரம்பித்தார்.
இதன் எதிரொலியாக, லோக்சபா, சட்டசபை தேர்தல்களில், தேமுதிக படுதோல்வியை சந்தித்தது. இதனால் அக்கட்சியில் இருந்து முக்கிய நிர்வாகிகள், 90 சதவீதம் பேர் வெளியேறி விட்டனர்.

ரசிகர் மன்றத்தில் இருந்து கட்சிக்கு வந்தவர்கள் மட்டுமே, அதிகளவில் எஞ்சியுள்ளனர்.

இந்நிலையில் கட்சியை பலப்படுத்துவதற்கான முயற்சிகளில் விஜயகாந்த் இறங்கியுள்ளார். இதற்காக, தன் பழைய, முயற்சியை அவர் கையில் எடுத்துள்ளார்.

வெளிமாவட்ட நிர்வாகிகளிடம் தொலைபேசியில் பேசுவது, அவர்களை சென்னை அழைத்து ஆலோசிப்பது உள்ளிட்ட நடவடிக்கைகளை விஜயகாந்த் துவங்கி உள்ளார்.

இதுமட்டுமின்றி, விஜயகாந்த் உத்தரவுப்படி, அவரது மனைவி பிரேமலதா, மைத்துனர் சுதீஷ் ஆகியோர் கட்சியினர் இல்ல நிகழ்ச்சிகளில் பங்கேற்பதில் தீவிரம் காட்டி வருகின்றனர்.