காதலுக்கு எதிர்ப்பு தெரிவித்த தோழிக்கு தேனீரில் விஷம் கலந்து கொன்ற இளம்பெண்ணைப் பற்றிய தகவல் வெளியாகியுள்ளது.

இந்தோனேசியா நாட்டின் தலைநகரான ஜகார்த்தாவைச் சேர்ந்தவர்கள் மிர்னா சலிகின், ஜெசிகா வாங்சோ 7 ஆண்டுகளாக இணைபிரியா தோழிகளாக பழகி வந்துள்ளார்கள். சிட்னியில் வடிவமைப்பு கல்லூரியில் பயின்ற இருவரும் ஒன்றாகவே தங்கியிருந்தனர்.

கடந்த 2015 ஆம் ஆண்டு மிர்னா தனது தோழியின் நலன் கருதி, ஜெசிகா காதலித்து வந்த நபர் போதை மருந்துக்கு அடிமையானவர் என கூறி உள்ளார். மேலும் ஜெசிகா மற்றும் அவரது காதலருக்கும் இடையே இருக்கும் உறவை கைவிடும்படி மிர்னா வலியுறித்தியும் உள்ளார். இதற்கு மறுப்பு தெரிவித்த ஜெசிகா மிர்னாவிடம் சண்டையிட்டுள்ளார்.

இதனையடுத்து, மிர்னா தனது தோழியிடம் இருந்து விலகியே இருந்துள்ளார். இந்நிலையில், தொடர்புகள் அறுந்துப்போய் இருந்த மிர்னாவிடம் கடந்த ஆண்டு வட்ஸ்அப் மூலம் மீண்டும் தொடர்பை ஏற்படுத்திக்கொண்ட ஜெசிகா, மிர்னாவை கொலை செய்ய முடிவு செய்துள்ளார்.

இதைதொடர்ந்து, இந்தோனேசியாவில் உள்ள தனது தோழி பூன் ஜுவிடா என்பவருடன் இணைந்து ஜெசிகா, மிர்னாவை கொலை செய்ய திட்டமிட்டு ஒரு ஹோட்டலில் சந்திக்க அழைத்துள்ளார். ஜெசிகா, மிர்னா வருவதற்கு முன்னதாகவே அவருக்கு மிகவும் பிடித்தமான தேனீரில் விஷம் கலந்து வைத்திருந்துள்ளார்.

மிர்னா வந்ததும் எவருக்கும் சந்தேகம் வராத வகையில் விஷம் கலந்த தேனீரை மிர்னாவிடம் கொடுத்து குடிக்க வைத்துள்ளார். ஆனால் ஒரு வாய் மட்டுமே அந்த தேனீரை அருந்திய மிர்னா, அதன் சுவை வேறு மாதிரி இருப்பதை உணர்ந்து குடிக்க மறுத்துள்ளார். ஆனால், அருந்திய அந்த ஒரு வாய் தேனீரே அவரது உயிரை பறிக்க போதுமானதாக இருந்துள்ளது.

கடந்த ஜனவரி மாதம் 6 ஆம் நடந்த இந்த சம்பவத்தில் தொடர்புடைய ஜெசிகா, தற்போது இந்த கொலை வழக்கு விசாரணையை சந்தித்து வருகிறார்.

இச்சம்பவத்திற்கு ஓராண்டுக்கு முன்னதாகவே ஜெசிகா தனது காதல் முறிவாலும், தோழியின் பிரிவாலும் மனமுடைந்து தற்கொலை முயற்சியில் ஈடுபட்டுள்ளார். தனது முன்னாள் காதலரின் வாகனத்தை சூறையாடியுள்ளார். மேலும் மது போதையில் கார் ஓட்டியதில் விபத்துக்குள்ளாகியிருக்கிறார்.

மலேசிய ஏர்லைன்ஸ் விமானம் எம்.எச்.370, கடந்த 2014ம் ஆண்டு மார்ச் மாதம் 8ம் திகதி கோலாலம்பூரில் இருந்து சீன தலைநகர் பீஜிங் நோக்கி புறப்பட்டு சென்றது. அதில் 227 பயணிகளும், 12 சிப்பந்திகளும் இருந்தனர். ஆனால் சிறிது நேரத்திலேயே அந்த விமானம், நடுவானில் மாயமானது.

அந்த விமானம் இந்தியப்பெருங்கடலில் விழுந்து நொறுங்கி இருக்கக்கூடும் என கருதப்படுகிறது. ஆனால் 1 லட்சத்து 20 ஆயிரம் சதுர கிலோமீட்டர் பரப்பளவில் 135 மில்லியன் டொலர் (சுமார் ரூ.905 கோடி) செலவில் தேடும் பணி நடந்தும், அந்த விமானத்தைப்பற்றிய எந்த துப்பும் கிடைக்கவில்லை.

இந்த நிலையில் அந்த விமானத்தில் இருந்து பெறப்பட்ட சிக்னல்களை அவுஸ்திரேலியாவை சேர்ந்த வல்லுனர்கள் ஆராய்ந்தார்கள். அதில் அந்த விமானத்தின் என்ஜினில் கோளாறு ஏற்பட்டு, அது நிமிடத்துக்கு 20 ஆயிரம் அடி என்ற வேகத்தில் தொடங்கி அதிவேகமாக கடலில் விழுந்திருப்பதாக கண்டறிந்துள்ளனர்.

அந்த விமானம் கடைசி நேரத்தில் செயற்கைக்கோள்களுடன் தானியங்கி கைகுலுக்கல் சிக்னல்களை பல முறை செய்திருக்கிறது எனவும் தெரிய வந்துள்ளது.

இந்த சிக்னல்களில் இருந்து, அந்த விமானம் தற்போது தேடல் பணி நடந்து வருகிற 1 லட்சத்து 20 ஆயிரம் சதுர கி.மீ. பரப்பளவில்தான் விழுந்திருக்க வேண்டும் என அவுஸ்திரேலிய போக்குவரத்து பாதுகாப்பு அமைப்பின் தலைமை கமிஷனர் கிரேக் ஹ¨ட் கூறி உள்ளார்.

போர்த்துகல் நாட்டின் Funchal நகரில் உள்ள காட்டுப்பகுதியில் ஏற்பட்ட திடீர் தீவிபத்தால் அப்பகுதி மக்கள் பெரும் திண்டாட்டத்திற்கு ஆளாகியுள்ளனர்.காட்டுக்குள் ஏற்பட்ட தீவிபத்தானது, அருகில் இருக்கும் இருப்பிடங்களை நோக்கி புயல் வேகத்தில் பரவி வருவதால், Funchal நகரில் உள்ள சுமார் 400 மக்கள் வெளியேற்றப்பட்டுள்ளனர்.

மேலும், இங்கு 6 வீடுகள் எரிந்து சேதமடைந்துள்ளன. இந்த தீயினை அணைக்கும் பணியில் சுமார், 3,000 தீயணைப்பு வீரர்கள் ஈடுபட்டுள்ளனர். இதில், வடக்குபகுதியில் தான் அதிகமான தீ பரவி வருகிறது என அதிகாரிகள் தெரிவித்துள்ளனர்.இப்பகுதியில் உள்ள யூகலிப்டஸ் காடுகள் மற்றும் பைன் மரங்கள் நிறைந்த பகுதிகள், மழையின்மை காரணத்தால் மிகவும் வறட்சியடைந்து காணப்பட்டுள்ளது. இக்காரணத்தினாலேயே இங்கு தீவிபத்து ஏற்பட்டுள்ளதாக கூறப்படுகிறது.

மேலும், தீயினால் ஏற்பட்ட புகைமண்டலங்கள் வானத்தை நோக்கியும் எழும்பிய வண்ணம் உள்ளன, இந்த புகையின் தாக்கத்தால் உடல்நலரீதியாக பாதிக்கப்பட்ட மக்கள் மருத்துவ சிகிச்சைக்கு அனுப்பி வைக்கப்பட்டுள்ளனர்.

லண்டனில் ரோட்டில் நடந்துசென்று கொண்டிருந்த முதியவரிடம் பாலியல் தொழிலாளி சண்டையிட்ட வீடியோ இணையதளத்தில் வெளியிடப்பட்டு 40,000 பார்வையாளர்களால் பார்வையிடப்பட்டுள்ளது.வாழ்சல்ல நகரில் உள்ள ரோட்டில் முதியவர் ஒருவர் நடந்துசென்றுகொண்டிருக்கிறார், அப்போது அவருக்கு அருகில் வரும் பாலியல் தொழிலாளி, எனக்கு என்னுடைய பணம் வேண்டும் எனக்கு என்னுடைய பணம் வேண்டும் என சத்தம் போட்டு கத்துகிறார்.

இதனை கேட்ட அம்முதியவர் கண்டுகொள்ளாமல் சென்றாலும், அந்த பெண்மணி விடாமல் துரத்தி எனக்கு பணம் வேண்டும் என்று சண்டையிடுகிறார், இதனை நபர் ஒருவர் வீடியோ எடுத்துக்கொண்டிருக்கையில், அவரை பார்த்து நான் பொலிசிடம் சொல்லிவிடுவேன் என மிரட்டில் விடுக்கிறார்.

மேலும், பாலியல் தொழிலாளியான என்னிடம் இந்த முதியவர் உறவு வைத்துகொண்டு, அதற்கான முழுத்தொகைகையும் கொடுக்கவில்லை, மாறாக என்னுடைய சேவைக்கு £2 மட்டுமே செலுத்தியுள்ளார், அதனால் மீதியுள்ள தொகையை எனக்கு தரவேண்டும் என சண்டையிட்டுள்ளார்.இப்பெண்மணியிடம் இருந்து தப்பிக்க முடியாத முதியவர் ஒரு கட்டத்தில், தான் கையில் வைத்திருந்த ஸ்டிக்கை வைத்து அவரை அடித்து விரட்டுகிறார். இந்த சம்பவம் தொடர்பான வீடியோ இணையதளத்தில் வெளியிடப்பட்டுள்ளது.