டெல்லியைச் சேர்ந்த ஃபைஷான் படேல்- சனா தம்பதியர் ஐரோப்பிய நாடுகளுக்கு தேனிலவு செல்ல திட்டமிட்டிருந்தனர். இதற்கான பயண ஏற்பாடுகளை முடித்து நேற்று (ஓகஸ்ட் 8) விமானம் ஏற வேண்டிய சூழலில் சனாவின் கடவுச்சீட்டு காணாமல் போய்விட்டது.

சனாவின் கடவுச்சீட்டு தொலைந்தாலும் அவரது கணவர் ஃபைஷான் படேல் தனியாக தேனிலவுப் பயணத்துக்கு விமானம் ஏறிவிட்டார். விமானத்தில் ஏறிய படேல் தனது இருக்கைக்கு பக்கத்தில் மனைவியின் புகைப்படத்தை ஒட்டி வைத்து ´மனைவி இல்லாமல் தேனிலவு பயணம் செய்கிறேன் என்று ட்விட் செய்தார்.

அந்த ட்விட்டை பார்த்த மத்திய வெளியுறவுத்துறை அமைச்சர் சுஷ்மா சுவராஜ் உங்கள் மனைவியை உடனடியாக என்னை தொடர்பு கொள்ள சொல்லுங்கள். நாளை அவருக்கு டூப்ளிகேட் கடவுச்சீட்டு வழங்க நடவடிக்கை எடுக்கிறேன் என்று பதிலளித்தார்.

அதன்படி சனாவுக்கு டூப்ளிகேட் கடவுச்சீட்டு வழங்கப்பட்டதாக தகவல்கள் வெளியாகியுள்ளன. ஆனால் சனா தேனிலவுக்கு போய் சேர்ந்தாரா என்பது குறித்து எந்தவித தகவலும் இதுவரை இல்லை.

குஜராத்தில் உள்ள கிர் வனவிலங்கு சரணாலயத்தில் சிங்கங்கள் உள்ள பகுதியில் இறங்கி படமெடுத்த கிரிக்கெட் வீரர் ரவீந்திர ஜடேஜாவுக்கு 20,000 அபராதம் விதிக்கப்பட்டுள்ளது.

குஜராத்தின் ஜூனாகாத்தில் அமைந்துள்ளது பிரசித்திபெற்ற கிர் வனவிலங்கு சரணாலயம். வனவிலங்குகள் உள்ள பகுதிக்கு ஜீப் மூலம் பார்வையாளர்கள் அழைத்து செல்லப்படுவது வழக்கம். சிங்கம் உள்ள பகுதிக்கே ஜீப்பில் அழைத்து செல்லப்படுவதால் பார்வையாளர்கள் இப்பகுதிக்கு செல்ல அதிகம் அலைமோதுவது வழக்கம்.

வனவிலங்குகள் உள்ள பகுதிக்கு அருகே அழைத்து சென்று பார்வையாளர்களை காட்டும் போதிலும், ஜீப்பில் இருந்து இறங்குவதற்கு யாருக்கும் அனுமதி அளிக்கப்படுவது இல்லை.

இந்நிலையில், கடந்த ஜூன் மாதம் ரவீந்திர ஜடேஜா அத்துமீறி ஓடும் ஜீப்பில் இருந்து இறங்கி சிங்கங்கள் முன்பாக படமெடுத்துள்ளார்.

சமூக வலைதளங்களில் இந்த புகைப்படங்கள் வெளியான நிலையில், வனவிலங்கு சரணாலயம் இது தொடர்பாக விசாரணை நடத்த உத்தரவிட்டது. அதன்படி, கடந்த ஜூன் மாதம் வனவிலங்கு சரணாலயத்திற்கு வந்திருந்த ஜடேஜா விதிகளை மீறி ஜீப்பில் இருந்து இறங்கி படம் எடுத்ததால் அவருக்கு ரூ.20,000 அபராதம் விதிக்கப்பட்டதாக தெரிவிக்கப்பட்டுள்ளது.

மேலும், ஜடேஜாவுடன் நின்றிருந்த அவரது மனைவிக்கும் அபராதம் விதிக்கப்பட்டுள்ளதாவும், முழு விசாரணை அறிக்கை வந்தவுடன் ஜடேஜா தம்பதியுடன் இருந்த வன அலுவலர் மீது துறை ரீதியான நடவடிக்கை எடுக்கப்படும் என்றும் சரணாலயம் தரப்பில் தெரிவிக்கப்பட்டுள்ளது.

கொடைக்கானல் தனியார் விடுதியில் கணவன், மனைவி மற்றும் இரு மகள்கள் உள்ளிட்ட 4 பேர் விஷமருந்தியதில் கணவரைத் தவிர மற்ற மூவரும் உயிரிழந்துள்ள சம்பவம் அதிர்ச்சியை ஏற்படுத்தியுள்ளது.

நாமக்கல் மாவட்டம், எருமைப்பட்டியைச் சேர்ந்தவர் சுப்பிரமணி (48). இவரது சகோதரர் மணிகண்டன். இவர்களது நிலத்தில் சுப்பிரமணி வீடு கட்டியுள்ளார். அந்த வீட்டை மணிகண்டன் தனக்கு வேண்டுமென கேட்டுள்ளார். அதற்கு சுப்பிரமணி, வீடு கட்டுவதற்குச் செலவான 7 லட்சத்தை தருவதென்றால் விட்டை அவரது பெயருக்கு எழுதி தருவதாக கூறியுள்ளார்.

இந்த விவகாரம் தொடர்பாக அவர்களுக்குள் தகராறு ஏற்பட்டுள்ளது. மேலும், சுப்பிரமணியின் குடும்பத்திலும் அடிக்கடி தகராறு ஏற்பட்டுள்ளது.

இந்த நிலையில், கடந்த 2 நாள்களுக்கு முன்பு சுப்பிரமணி, அவரது மனைவி கௌசல்யா (34), மகள்கள் ஜனனி (17), இலக்கியா (14) ஆகிய 4 பேரும் கொடைக்கானலுக்கு சுற்றுலா சென்றுள்ளனர். பேருந்து நிலையத்தின் பின்புறம் பிலிஸ்விலா பகுதியிலுள்ள தனியார் விடுதியில் தங்கியுள்ளனர்.

திங்கள்கிழமை இரவு சுப்பிரமணி, தான் வைத்திருந்த விஷ மருந்தை குளிர்பானத்தில் கலந்து மனைவி மற்றும் குழந்தைகளுக்கு கொடுத்துவிட்டு தானும் குடித்துள்ளார். இந்த நிலையில் அடுத்த நாள் அதிகாலையில் திடீரென சுப்பிரமணி தங்கியிருந்த அறையிலிருந்து சத்தம் கேட்டதாக கூறப்படுகிறது.

இதனை அடுத்து, விடுதியில் இருந்தவர்கள் அறைக்கு வந்து, ஆபத்தான நிலையில் இருந்த அவர்களை கொடைக்கானல் அரசு மருத்துவமனைக்கு கொண்டு சென்றுள்ளனர்.

ஆனால் வழியிலேயே கௌசல்யா மற்றும் மகள்கள் ஜனனி, இலக்கியா ஆகிய மூவரும் உயிரிழந்தனர். சுப்பிரமணி மருத்துவமனையில் சிகிச்சை பெற்று வருகிறார்.

இறந்த ஜனனியின் கையில் கடிதம் ஒன்று இருந்துள்ளது. அதில், எங்களது வீட்டை அபகரித்து, பணமும் கொடுக்காமல் ஏமாற்றிய சித்தப்பா மணிகண்டன்தான் எங்களது சாவுக்குக் காரணம் என எழுதப்பட்டிருந்ததாக பொலிசார் தெரிவித்துள்ளனர்.

கடிதத்தைக் கொடைக்கானல் பொலிசார் கைப்பற்றி விசாரணை மேற்கொண்டு வருகின்றனர். இச்சம்பவம் அப்பகுதியில் அதிர்ச்சியை ஏற்படுத்தியுள்ளது.

உலகில் நடக்கும் அனைத்து சம்­ப­வங்­க­ளை­யுமே நாம் வியப்­போ­டுதான் தற்­போது பார்க்­கின்றோம். ஏனெனில் இப்­ப­டியும் நடக்­குமா என்ற ஆச்­ச­ரி­யத்­து­டனே ஒவ்­வொரு சம்­ப­வங்­களும் நடக்­கின்­றன.

மகளின் கண­வ­ருடன் தாய் தொடர்பு, தந்­தை­யுடன் மரு­மகள் கள்­ளக்­காதல், சகோ­த­ரி­யுடம் சகோதரன் கள்­ளக்­காதல் போன்ற கொடூ­ர­மான சம்­ப­வங்கள் இன்று அரங்­கேறி வரு­கின்­றன.

அந்த வகையில் அண்­மையில் இந்­தி­யாவின் பீகார் மாநி­லத்தில் ஒரு சம்­பவம் இடம்­பெற்­றுள்­ளது. தனது மனை­வியின் தாயோடு கள்­ளத்­தொ­டர்பு ஏற்­பட்டு, பின்னர் அவ­ரையே திரு­மணம் செய்து கொண்ட சம்­ப­வமே அது.

பீகார் மாநிலம் மாதே­புரா மாவட்­டத்தில் வசித்து வரு­பவர் சூராஜ் ( 22) . இவர் 42 வய­தான தனது மாமியார் ஆஷா தேவியை காத­லித்து திரு­மணம் செய்­துள்ளார்.

சில மாதங்­க­ளுக்கு முன்பு சூரஜ் என்­ப­வ­ருக்கும் லலி­தா­விற்கும் திரு­மணம் நடை­பெற்­றுள்­ளது. திரு­மணம் நடந்த சில தினங்­க­ளுக்கு பின்பு சூரா­ஜிற்கு உடல் நிலை சரி­யில்லை என்று அவரை பார்த்­துக்­கொள்ள லலி­தாவின் தாய் ஆஷா தேவி அவர்­களின் வீட்­டுக்குச் சென்­றுள்ளார்.

ஆஷாவின் கணவர் டில்­லியில் பணி­பு­ரி­வதால், மரு­மகன் சூராஜ் மற்றும் மாமியார் ஆஷா­விற்கு இடையே கள்ளக் காதல் ஏற்­பட்டு இரு­வரும் வெளி­யேயும் தொடர்ந்து சந்­தித்து வந்­துள்­ளனர்.

அதன் பின்னர் இரு­வரும் திரு­மணம் செய்து கொண்டு சேர்ந்து வாழ முடிவு செய்­துள்­ளனர். கடந்த ஜூன் மாதம் இரு­வரும் ஊரை­விட்டு ஓடி­விட்­ட­தா­கவும், பின்னர் தங்­களின் கிரா­மத்­திற்கு சென்­ற­தா­கவும் கூறப்­ப­டு­கி­றது.

இத­னை­ய­டுத்து ஆஷாவும் சூராஜூம் மீண்டும் அவர்கள் கிரா­மத்­துக்குச் சென்று, ஊர் பஞ்சாயத்திடம் இரு­வரும் ஒரு­வரை ஒருவர் தீவி­ர­மாக காத­லிப்­பதாகவும் சேர்த்து வைக்­கு­மாறும் தெரி­வித்­துள்­ளனர். இத­னை­ய­டுத்து பஞ்­சா­யத்தும் அவர்­க­ளுக்கு அனு­மதி அளித்­துள்­ளது.

இந்­நி­லையில் தற்­போது இரு­வரும் சேர்ந்து வாழ்ந்து வரு­கின்­றனர். இதற்கு முந்­தைய திருமணத்தில் இருந்து சட்­ட­ரீ­தி­யாக விவா­க­ரத்து வாங்கி இரு­வரும் பிரிந்து வந்­த­னரா என்­பது பற்றி எந்த தக­வலும் இல்லை.

மேலும் தனது மகளுடன் சேர்ந்து சூராஜுடன் வாழ ஆஷா விருப்பம் தெரிவித்துள்ளார். ஆனால் இவர்களின் இந்த செயலால் அவர்களது குடும்பத்தினர் கடும் கோபமடைந்துள்ளனர்.