ஐதராபாத்தில் பேஸ்புக் காதலனை திருமணம் செய்து கொள்வதற்காக கணவரிடம் விவாகரத்து கோரிய மனைவி கொலை செய்யப்பட்டுள்ளார்.ஐதராபாத்தில் வசித்து வந்த ரூபேஷ்(35), சிந்தியா(32) ஆகிய இருவரும் காதலித்து திருமணம் செய்து கொண்டனர், இவர்களுக்கு ஷான்யா(7) என்ற மகள் உள்ளார்.சிந்தியாவுக்கு பேஸ்புக் மூலம் பிரெஞ்சு நாட்டு நபருடன் பழக்கம் ஏற்பட்டுள்ளது, இந்த பழக்கம் நாளடைவில் காதலாக மாறியுள்ளது, இதனைத் தொடர்ந்து பிரெஞ்சு நபரை திருமணம் செய்யப்போவதாகவும் தனக்கு விவாகரத்து வேண்டும் என தனது கணவரிடம் சிந்தியா கூறியுள்ளார்.

இதனால் கணவன், மனைவி இடையே அடிக்கடி தகராறு நடந்து வந்த நிலையில், நேற்று முன்தினம் இதுதொடர்பாக இருவருக்கும் இடையே மீண்டும் தகராறு ஏற்பட்டது.இதனால் ஆத்திரமடைந்த ரூபேஷ் கத்தியால், சிந்தியாவை சரமாரி வெட்டியதில், சிந்தியா ரத்தவெள்ளத்தில் அதே இடத்தில் பரிதாபமாக இறந்தார்.

இதையடுத்து ரூபேஷ், சிந்தியாவின் உடலை துண்டு, துண்டாக வெட்டி ஒரு சூட்கேசில் அடைத்து காரில் வைத்துக்கொண்டார். பின்னர் மகள் ஷான்யாவையும் காரில் அழைத்துக்கொண்டு ரங்காரெட்டி மாவட்டம், ஷென்ஷாபாத் அருகே மதனப்பல்லி என்ற இடத்தில் ஆள் நடமாட்டம் இல்லாத பகுதிக்கு சென்றார்.

அங்கு சூட்கேஸ் மீது பெட்ரோல் ஊற்றி தீ வைத்துவிட்டு இரவு 7 மணியளவில் வீட்டிற்கு புறப்பட்டார். அப்போது சேற்றில், காரின் டயர் சிக்கிக்கொண்டது. இதில் அப்பகுதி மக்களிடம் அவர் சிக்கிக்கொண்டதையடுத்து, அப்பகுதி மக்கள் தகவல் தெரிவித்தனர்.தகவலின் பேரில் பொலிசார் சம்பவ இடத்திற்கு சென்று ரூபேஷிடம் விசாரணை நடத்தினர்.அதில், தனது மனைவியை வெட்டி கொலை செய்துவிட்டு சடலத்தை இங்கு கொண்டு வந்து எரித்ததை ஒப்புக்கொண்டார். இதையடுத்து பொலிசார் வழக்குபதிவு செய்து ரூபேஷை கைது செய்தனர்.

நுங்கம்பாக்கம் ரயில் நிலையத்தில் படுகொலை செய்யப்பட்ட மென்பொறியாளர் சுவாதி வழக்கின், அடுத்தடுத்த நகர்வுகள் விசாரணையின் போக்கையே கேள்விக்குட்படுத்தும் விதமாக ஆகிக்கொண்டிருக்கின்றன.

ராம்குமார் பேசிவிடக் கூடாது என்பதற்காக அவரது கழுத்தை அறுத்தது மட்டுமல்ல, ராம்குமாரின் வாக்குமூலமே சினிமா வசனத்தை மிஞ்சும் வகையில் உள்ளது’ என அதிர்ச்சி கிளப்புகின்றனர் வழக்கறிஞர்கள்.

சுவாதி படுகொலை வழக்கில் செங்கோட்டையைச் சேர்ந்த ராம்குமார், கடந்த வெள்ளிக்கிழமை அன்று பொலிஸாரால் கைது செய்யப்பட்டார்.

கைது செய்வதற்காக பொலிஸ் வந்துவிட்ட சூழலை உணர்ந்து கொண்ட ராம்குமார், கழுத்தை அறுத்துக் கொண்டு தற்கொலைக்கு முயன்றதாக அரசு மருத்துவமனையில் சேர்க்கப்பட்டார்.

இந்நிலையில் நேற்று சென்னை முதன்மை அமர்வு நீதிமன்றத்தில் ஜாமீன் கேட்டு விண்ணப்பித்த ராம்குமார், ‘ சுவாதி கொலைக்கும் எனக்கும் தொடர்பில்லை. காவல்துறையினருடன் வந்த நபர்களே கழுத்தை அறுத்ததாக’ தெரிவித்துள்ளதாக வெளியான தகவல்கள் அதிர்ச்சியை ஏற்படுத்தியுள்ளன.

இதுகுறித்து சுவாதி கொலை வழக்கில், ராம்குமார் சார்பாக ஜாமீன் மனு மீதான விசாரணையில் ஆஜரான வழக்கறிஞர் கிருஷ்ணமூர்த்தியிடம் நாம் பேசிய போது, ” சுவாதி கொலையைப் பொறுத்தவரையில், ஏராளமான சந்தேகங்கள் எழுகின்றன.

ராம்குமார் கொடுத்ததாகச் சொல்லப்படும் வாக்குமூலம், பாரதிராஜாவின் சினிமா வசனத்தையே மிஞ்சுகிறது. பொலிஸார் யாரோ ஒருவரைக் காப்பாற்ற முயற்சி செய்கின்றனர் என்பது தெளிவாகத் தெரிகிறது என்றவர், வழக்கு தொடர்பாக எழும் சந்தேகங்களை நம்முன் பட்டியலிட்டார்.

1. நெல்லை மருத்துவமனையில் இருந்த போது, நீதிபதி முன்னிலையில் வாக்குமூலம் கொடுத்திருக்கிறார். பொலிஸார் எழுதிய தாள்களில் ராம்குமார் கையெழுத்துப் போட்டிருக்கிறார். அந்தப் பேப்பரின் இறுதியில், ‘படித்துப் பார்த்தேன் சரி’ என்ற வார்த்தை இருக்கிறது. அந்த இடத்தில் ராம்குமார் கையெழுத்துப் போட்டிருக்கிறார். அந்த வாக்குமூலத்தில் மூன்று மாதங்களுக்கு முன்பு வேலை தேடி சென்னை வந்ததாகவும், பிரபல ஜவுளிக்கடையில் வேலை பார்த்தாகவும் சொல்கிறார். அப்போது பேஸ்புக் மூலம் சுவாதியின் தொடர்பு கிடைத்ததாகவும் சொல்கிறார். மூன்று மாதத்திற்குள் காதல் உருவாகி, கொலை வரைக்கும் செல்லுமா?

2. அதில், இரண்டு முறை ரயில்வே ஸ்டேஷன் வாசலில் வைத்தே அடித்ததாகவும், தன்னை அவமானப்படுத்தியதால் வாயை வெட்ட வேண்டும் என நண்பர்கள் சொன்னதாகவும், அதன்பேரில் அரிவாளை அவர்கள் கொடுத்ததாகவும் சொல்கிறார். யார் அந்த நண்பர்கள் என எந்த இடத்திலும் தெரிவிக்கப்படவில்லை. இது ஏன்?

3. சுவாதி உயிரோடு இருக்கக் கூடாது என நினைத்த நபர்கள்தான், ராம்குமாரை ஒரு கருவியாகப் பயன்படுத்தியுள்ளனர். செங்கோட்டை பகுதியில் மிகுந்த சாதுவான பையனாகத்தான் ராம்குமார் இருந்திருக்கிறார். இவரை சிலர் பயன்படுத்தியிருக்க வாய்ப்பு உள்ளது. அவர்களைக் காப்பாற்றும் முயற்சியில் காவல்துறை இறங்கியுள்ளதா?

4. மூன்று மாதங்களுக்கு முன்பு, சுவாதியைக் கொலை செய்ய வேண்டும் என்பதற்காகவே ராம்குமார் சென்னை வந்திருக்க வாய்ப்பு அதிகம். இவருக்குப் பின்னால் இருக்கும் மர்ம நபர்கள் யார்?

5. நள்ளிரவில் கைது செய்யச் சென்றபோது, பிளேடால் ராம்குமார் அறுத்துக் கொள்ளும் காட்சி என ஒரு படம் வெளியானது. கழுத்தில் அறுபட்டிருக்கும் பகுதியில் இன்னும் கொஞ்சம் ஆழமாக வெட்டுப்பட்டிருந்தால், ராம்குமாரால் பேசியிருக்கவே முடியாது. மிகத் துல்லியமாக கழுத்துப் பகுதியில் வெட்டியிருக்கிறார்கள். அவர் பேசவே கூடாது என பொலிஸார் முடிவு செய்தார்களா? அந்த நள்ளிரவில் இந்தக் காட்சியை கமராவில் படம் பிடித்தது யார்?

6. ‘ராம்குமார்தான் குற்றவாளி, வேறு யாருமில்லை’ என கமிஷனர் ராஜேந்திரன் உடனே வெளியிட வேண்டிய கட்டாயம் என்ன? சுவாதியின் பெற்றோரை பேச விடாமல் தடுப்பது யார்?

7. வீடியோ பதிவில், கொலையாளி எனச் சொல்லப்படும் நபரும் ராம்குமாரும் ஒருவர்தான்’ என தடய அறிவியல் துறை ஆய்வு செய்து அறிக்கை கொடுக்காத போது, இருவரும் ஒருவர்தான் என்ற முடிவுக்குக் காவல்துறை எப்படி வந்தது?

8. தனியார் மென்பொருள் நிறுவனத்தில், முதன்முதலாக மைசூரில் வேலை பார்த்திருக்கிறார் சுவாதி. கொலைக்கான பின்னணி அங்கிருந்தே தொடங்குகிறதா? மூன்று மாதங்களாக ஒருவர் பின் தொடர்கிறார் என்பது தெரிந்தும் அவரது பெற்றோரின் கவனத்திற்கு இந்த விவகாரம் வரவில்லையா? காவல்துறையில் சுவாதி புகார் தெரிவிக்காதது ஏன்? பி.ஈ படிப்பை பாதியில் நிறுத்திய ராம்குமாரை, இந்தக் கொலைத் திட்டத்திற்காகத் தயார்படுத்தியிருக்கிறார்கள் என வலுவான சந்தேகம் எழுகிறது. சுவாதி உயிரோடு இருக்கக் கூடாது எனத் திட்டமிட்டவர்கள் யார்? –

என வழக்கின் குளறுபடிகளை வரிசைப்படுத்திய வழக்கறிஞர் கிருஷ்ணமூர்த்தி, இறுதியாக, நுங்கம்பாக்கம் ரயில் நிலையத்தில் காலை நேரம் இந்தப் படுகொலை அரங்கேறியிருக்கிறது.

இந்த வழக்கில் பல்வேறு கேள்விகள் எழுகின்றன. அவை அனைத்திற்குமான விடை வெளியில் வர வேண்டும். இனியும் இதுபோன்ற கொலைகள் நடந்துவிடக் கூடாது என்ற எண்ணத்தில், அரசுக்கு உதவி செய்யவே இந்த வழக்கில் ஆஜராகியுள்ளேன்.

சுவாதி கொலைக்குக் காரணமானவர்கள் தண்டிக்கப்பட வேண்டும் என்பதில் உறுதியாக இருக்கிறேன் என்றார் உறுதியாக.

-விகடன்-

படுகொலை செய்யப்பட்ட சுவாதி கொலை வழக்கில் நாளுக்கு நாள் புதியதும், புதினமானதுமான செய்திகள் வெளிவந்துகொண்டுதான் இருக்கின்றன.

கடந்த மாதம் 24ஆம் திகதி நுங்கம்பாக்கம் ரயில் நிலையத்தில் வைத்து பொறியியல் பட்டதாரியான சுவாதி வெட்டி கொலை செய்யப்பட்டார்.
இந்த சம்பவத்துடன் தொடர்புடைய சந்தேகநபர் ராம்குமார் தற்போது கைது செய்யப்பட்டு சிறையில் அடைக்கப்பட்டுள்ளார்.

இந்நிலையில், சுவாதியை ராம்குமாருக்கு அறிமுகப்படுத்தி வைத்தவர் குறித்து தற்போது செய்திகள் வெளியிடப்பட்டுள்ளன.

சுவாதிக்கும், ராம்குமாருக்கு எப்படி நட்பு ஏற்பட்டது என்பது குறித்து பொலிஸார் விசாரணைகளை மேற்கொண்டுள்ளனர்.

இவ்விசாரணைகளின் போது இந்த விடயம் தெரியவந்துள்ளது. சுவாதியும், ராம்குமாரும் பேஸ்புக் மூலமாகவே நண்பர்களாகியுள்ளனர். அதன் பின்னரே சுவாதியின் வீட்டிற்கு அருகில் ராம்குமார் தங்கியுள்ளார்.

இது குறித்து கருத்து தெரிவித்துள்ள பொலிஸார், ”சுவாதியும், சூர்யபிரகாஷ் என்பவரும் பேஸ்புக்கில் நண்பர்கள்.

அத்துடன், சூர்யபிரகாசும், ராம்குமாரும் பேஸ்புக் நண்பர்கள். இந்நிலையில் சூர்யபிரகாஷ் மூலமாகவே ராம்குமாருக்கு சுவாதியின் நட்பு கிடைத்துள்ளது.

இதேவேளை, சுவாதி கொலை வழக்கில் குற்றவாளியை பொலிஸார் ஒருவார காலம் தேடிய நிலையிலும் சூர்யபிரகாஷ் அமைதியாக இருந்துள்ளார்.

அத்துடன், சுவாதியின் மற்றொரு நண்பரான முகமது பிலால் சித்திக், என்பவர் பொலிஸாருக்கு பல முக்கிய தகவல்களைத் வழங்கியிருந்தார்.

எனினும், சுவாதியின் பேஸ்புக் நண்பரான சூர்யபிரகாஷ் இதன் போது எந்தத் தகவலையும் எங்களுக்கு வழங்கவில்லை.

எனவே, அவரிடம் விசாரணைகளை மேற்கொள்ள திட்டமிட்டுள்ளதாக” பொலிஸார் மேலும் தெரிவித்துள்ளனர்.