இலங்கை மத்திய வங்கியின் ஆளுநர் பதவிக்கு புதிதாக நியமிக்கப்படுபவரின் பதவிக்காலம் 6 ஆண்டுகள் ஆகும் என நிதி இராஜாங்க அமைச்சர் லக்ஷ்மன் யாப்பா அபேவர்தன தெரிவித்துள்ளார்.

ஸ்ரீலங்கா சுதந்திரக் கட்சியின் தலைமையகத்தில் இடம்பெற்ற ஊடகவியலாளர் சந்திப்பிலேயே அவர் மேற்கண்டவாறு தெரிவித்துள்ளார்.

மத்திய வங்கியின் ஆளுநராகக் கடமையாற்றிய அர்ஜுன் மகேந்திரனின் பதவிக்காலம் நேற்றுடன் முடிவடைந்துள்ள நிலையிலேயே அவர் இவ்வாறு தெரிவித்துள்ளார்.

10 இல் கல்வி கற்கும் தனது காதலியை கடத்திச் சென்று பாலியல் துஷ்பிரயோகத்திற்கு உட்படுத்தியதாக கூறப்படும் 17 வயது இளைஞனை பொலிஸார் கைதுசெய்துள்ளனர். கைதுசெய்யப்பட்ட இளைஞன் தனது கல்வியை இடைநிறுத்திவிட்டு மீன்பிடித் தொழிலில் ஈடுபட்டு வருகின்றார். குறித்த மாணவியின் தாய் வெளிநாடொன்றில் பணிபுரிந்துள்ள நிலையில், மாணவி தந்தையுடன் சிலாபம் பகுதியில் வசித்து வந்துள்ளார்.

கடந்த ஏப்ரல் 12 ஆம் திகதி குறித்த மாணவி காணமல் போயுள்ள நிலையில், மாணவியின் தந்தை மகளை தேடவில்லையென தெரிவிக்கப்படுகின்றது. எனினும் வெளிநாட்டிலிருந்து வருகைத்தந்த தாய் மகளை தேடியுள்ளதுடன், கணவரை பொலிஸில் முறைப்பாடு செய்யுமாறு தெரிவித்துள்ளார். அதன் பிறகு குறித்த மாணவியின் தந்தை பொலிஸில் முறைப்பாடு செய்துள்ளார்.

முறைப்பாட்டின் அடிப்படையில் பொலிஸார் குறித்த இருவரையும் கண்டுபிடித்து விசாரணையை மேற்கொண்டதில் இளைஞன் மாணவியை கடத்தி பாலியல் துஷ்பிரயோகம் மேற்கொண்டமை தெரியவந்துள்ளது. இதன்போது மாணவி பொலிஸாரிடம், குறித்த இளைஞனை காதலித்ததாகவும், அதன் காரணமாகவெ இளைஞன் கடத்திச் சென்றதாகவும் தெரிவித்துள்ளார்.

கடத்திச் சென்ற இளைஞன் மாணவியை தன்னுடைய இடத்தில் இரண்டு நாட்கள் தங்க வைத்திருந்ததோடு, ஏப்ரல் 15 ஆம் திகதி கறுவலகஸ்வெவ பகுதியிலுள்ள இளைஞனின் உறவினரின் வீட்டில் தங்க வைத்ததாக மாணவி தெரிவித்துள்ளார். இதேவேளை மணவி வைத்திய பரிசோனைகளுக்காக சிலாபம் வைத்தியசாலையில் அனுமதிக்கப்பட்டுள்ளதுடன், இளைஞனை கைது செய்து சிலாபம் மாவட்ட நீதிமன்றத்தில் முன்னிலைப்படுத்த நடவடிக்கை எடுத்துள்ளதாக பொலிஸார் தெரிவித்தனர்.

30,000 ரூபா வரையில் மாத வருமானம் பெற்றுக் கொள்வோருக்கு இலவச சட்ட உதவிகளை வழங்க இலங்கை சட்டத்தரணிகள் சங்கம் தீர்மானித்துள்ளது. 30,000 ரூபா வரையில் மாத வருமானத்தைக் கொண்டவர்களுக்கு இலவச அடிப்படையில் சட்ட உதவிகளை வழங்க தீர்மானிக்கப்பட்டுள்ளது என இலங்கை சட்டத்தரணிகள் சங்கத்தின் தலைவர் ஜனாதிபதி சட்டத்தரணி ஜிப்ரி அழகரட்னம் தெரிவித்துள்ளார். கொழும்பில் நேற்று நடைபெற்ற செய்தியாளர் சந்திப்பில் அவர் இதனைத் தெரிவித்துள்ளார்.

இதுவரை காலமும் 15,000 ரூபா மாத வருமானம் ஈட்டுவோருக்கு மட்டுமே இலவச சட்ட உதவிகள் வழங்கப்பட்டு வந்தமை குறிப்பிடத்தக்கது. தற்போது இந்த சலுகை மாதம் 30,000 ரூபா வருமானம் ஈட்டுவோருக்கும் வழங்க தீர்மானித்துள்ளதாகத் தெரிவித்துள்ளார்.இதேவேளை, சங்கத்தின் சிரேஸ்ட சட்டத்தரணிகள் சட்ட உதவிகளை ஆலோசனைகளை இலவசமாக வழங்குவார்கள் என சங்கத்தின் உப தலைவர் சட்டத்தரணி சாலிய பீரிஸ் தெரிவித்துள்ளார்.

மேலதிக வகுப்புக்குச் செல்வதாக கூறி காட்டுப் பகுதிக்குச் சென்ற பாடசாலை மாணவ, மாணவியர்கள் நால்வர் கைது செய்யப்பட்டு பிணையில் விடுவிக்கப்பட்டுள்ளதாக களுத்துறை பொலிஸார் தெரிவித்துள்ளனர். களுத்துறை பிரதேசத்தில் பிரபலமான பாடசாலை ஒன்றில் இம்முறை சாதாரண தர பரீட்சைக்கு தோற்றவுள்ள மாணவ, மாணவியர்கள் நால்வரே, கடந்த 26ம் திகதி காட்டுப் பகுதிக்குச் சென்றதாகவும், நீண்ட நேரம் ஆகியும் இவர்கள் திரும்பி வராததை அவதானித்த பிரதேசவாசிகள் களுத்துறை தெற்கு பொலிஸாரிடம் முறையிட்டுள்ளனர்.

இதனையடுத்து குறித்த பகுதிக்கு பொலிஸார் சென்ற போது மாணவர்கள் இருவர் தப்பிச்சென்று பின்னர் பொலிஸில் சரணடைந்ததாகவும் குறிப்பிடப்பட்டுள்ளது. அத்துடன் இவர்களை நீதிமன்றில் ஆஜர்படுத்திய போது ஒருவருக்கு ஒரு லட்சம் அடிப்படையில் பிணை வழங்கி விடுவிக்க களுத்துறை நீதவான் நீதிபதி உதேஸ் ரணதுங்க உத்தரவிட்டுள்ளார். மேலும் மாணவிகள் இருவரையும் பரிசோதனைக்காக வைத்தியசாலையில் அனுமதித்துள்ளதாகவும் பொலிஸார் குறிப்பிட்டுள்ளனர்.

சுகாதார அமைச்சின் அனுமதி கிடைக்கும் வரை ஆனமடுவ நீதிமன்றஅதிகாரத்திற்குட்பட்ட பகுதிகளில் குடிநீர் போத்தல்களை விநியோகிப்பது தடைசெய்யப்பட்டுள்ளதாக உத்தரவு பிறப்பிக்கப்பட்டுள்ளது.ஆனமடுவ நீதவான் நீதிபதி ஜனனி.எஸ்.விஜயதுங்க இந்த உத்தரவினை பிறப்பித்துள்ளார்.

நவகத்தேகம – முல்லேகம பிரதேச வர்த்தக நிலையங்களில் 5 லீற்றர் குடிநீர்போத்தல்களில் கழிவு கலந்துள்ளதாக கூறி சுகாதார பரிசோதகர்களின் பொறுப்பில் குறித்த நீர் போத்தல்கள் எடுக்கப்பட்டுள்ளமையே இதற்கான காரணம் என்றுதெரிவிக்கப்பட்டுள்ளது.

மேலும், சுகாதார பரிசோதகர்களின் பரிசோதனைக்கு அமைய குறித்த போத்தல்களில் எணணெய் மற்றும் கிரீஸ் என்பன கலந்துள்ளமை கண்டுபிடிக்கப்பட்டுள்ளதாகவும்குறிப்பிடப்பட்டுள்ளது.இதன்காரணமாக சுகாதார அமைச்சின் அனுமதி கிடைக்கும் வரை குறித்த குடிநீர்போத்தல்கள் விநியோகம் தடைசெய்யப்படுவதாக குறிப்பிடப்பட்டுள்ளது.

இனந்தெரியாத பெண்ணொருவர் நேற்று பிற்பகல் தனது தாயாரை கடுகண்ணாவ பேருந்து நிலையத்தின் அருகில் கைவிட்டு சென்றுள்ளதாக தெரிவிக்கப்பட்டுள்ளது.

இதனைக்கண்ட பிரதேசவாசிகள் இணைந்து, குறித்த பெண்ணை கடுகண்ணாவ பொலிஸாரிடம் ஒப்படைத்துள்ளனர்.நிச்சயம் இவர் போன்ற பெண்கள் தண்டிக்கப்பட வேண்டியவர்களே, மேலும் 80 வயதான தாயை தெருவில் விட்டு சென்ற பெண் தொடர்பான விசாரணைகளை பொலிஸார் மேற்கொண்டு வருகின்றனர்.

மன்னார் உயிலங்குளம் சென் பீற்றர் ஆலய பங்கு பணிமனையில் வைத்து இனம் தெரியாத நபர்களினால் கடத்தப்பட்டுள்ளதாக கூறப்படும் குடும்பஸ்தர் நேற்றிரவு காயங்களுடன் நொச்சிக்குளம் பகுதியில் மீட்கப்பட்டுள்ளார்.

முதுகுப் பகுதியில் பலத்த எரிகாயங்களுடன் குறித்த குடும்பஸ்தர் மீட்கப்பட்டுள்ளார்.

மன்னார் பள்ளிமுனை தெற்கைச் சேர்ந்த 3 பிள்ளைகளின் தந்தையான எஸ்.அன்ரன் டெனி (வயது-38) என்ற குடும்பஸ்தர் நேற்று முன்தினம் புதன்கிழமை அதிகாலை உயிலங்குளம் சென் பீற்றர் ஆலய பங்கு பணிமனையில் வைத்து இனம் தெரியாத நபர்களினால் கடத்தப்பட்டார்.

குறித்த கடத்தல் குறித்து அவரது மனைவி நேற்று முன்தினம் புதன்கிழமை இரவு மன்னார் பொலிஸ் நிலையத்தில் முறைப்பாடு செய்துள்ளார்.

குறித்த குடும்பஸ்தர் உயிலங்குளம் சென் பீற்றர் ஆலய பங்கு பணிமனையில் கடமையாற்றி வந்த நிலையில் நேற்று முன்தினம் புதன்கிழமை அதிகாலை 2.30 மணியளவில் ஆலய பங்கு பணிமனையில் வைத்து கடத்திச் செல்லப்பட்டுள்ளதாக அவரது மனைவி தெரிவித்துள்ளார்.

குறித்த கடத்தல் குறித்து வன்னி மாவட்ட பாராளுமன்ற உறுப்பினர் சாள்ஸ் நிர்மலநாதனிடம் முறைப்பாடு செய்யப்பட்டுள்ளது.

இந்த நிலையில் கடத்தப்பட்ட குறித்த குடும்பஸ்தர் கண் மற்றும் கைகள் கட்டப்பட்ட நிலையில் நேற்றிரவு நொச்சிக்குளம் கிராம பகுதியில் விடப்பட்டதாக தெரிவிக்கப்படுகின்றது.

குறித்த குடும்பஸ்தரின் அபயக்குரலை செவிமடுத்த சிலர் உடனடியாக உயிலங்குளம் பொலிஸாருக்கு தகவல் வழங்கிய நிலையில் பொலிஸார் சம்பவ இடத்திற்குச் சென்று காயங்களுடன் காணப்பட்ட குறித்த குடும்பஸ்தரை மீட்டு மன்னார் பொது வைத்தியசாலையில் அனுமதித்தனர்.

குறித்த குடும்பஸ்தரின் முதுகுப் பகுதியில் பலத்த எரிகாயங்கள் காணப்படுகின்றது.

குறித்த குடும்பஸ்தரின் கடத்தல் குறித்து மன்னார் மற்றும் உயிலங்குளம் பொலிஸார் விசாரணைகளை மேற்கெண்டு வருகின்றனர்.

குறித்த குடும்பஸ்தர் ஏன், எதற்காக கடத்தப்பட்டார் என்ற விடயம் இது வரை வெளியாகவில்லை.