சென்னை நுங்கம்பாக்கம் ரயில் நிலையத்தில் வைத்து, பெண் பொறியாளர் சுவாதியை கொலை செய்த குற்றவாளியின் வரை படத்தினை பொலிசார் வெளியிட்டுள்ள நிலையில், வட்ஸ் அப்பில் குற்றவாளியின் தவறான புகைப்படம் வெளியாகி வருகிறது.

தமிழகத்தில் அதிர்ச்சி அலையை ஏற்படுத்தியுள்ள இந்த கொலை குற்றத்தை புரிந்த குற்றவாளியை விரைவில் நெருங்கிவிடுவோம் என சென்னை கமிஷ்னர் ராஜேந்திரன் தெரிவித்துள்ளார்.

இதற்கிடையில், இரண்டு வருடங்களுக்கு முன், தீவிரவாதி பன்னா இஸ்மாயில், மற்றும் பக்ருதீனுடன் கைதாகி சிறையில் இருக்கும் தீவிரவாதி பிலால் மாலிக்கின் புகைப்படத்தினை வெளியிட்டு, இவன்தான் சுவாதியை கொன்ற மிருகம் என்று செய்தி வட்ஸ் அப்பில் வைரலாக பரவி வருகிறது.

இதற்கு முன்னர் நடிகர் வய்.ஜி.மகேந்தின் தனது முகநூல் பக்கத்தில், சுவாதி என்ற என்ற பிராமணப் பெண் கொடூரமாக பிலால் மாலிக் என்ற மிருகத்தால் வெட்டி கொல்லப்பட்டுள்ளார் என்ற பதிவினை ஷேர் செய்ததன் மூலம் சர்ச்சையில் சிக்கியுள்ளார் என்பது குறிப்பிடத்தக்கது.

புதுச்சேரி மாநிலத்தின் முன்னேற்றத் தூதராக ரஜினிகாந்த் வர வேண்டும் என்று அம்மாநில ஆளுநர் கிரண்பேடி அழைப்பு விடுத்துள்ளார்.

புதுவை மாநிலத்தின் புதிய ஆளுநராகப் பொறுப்பேற்றுள்ள கிரண்பேடி அதிரடியாக பல விஷயங்களைச் செய்ய ஆரம்பித்துள்ளார்.

அம்மாநிலத்தை வளர்ச்சிப் பாதையில் கொண்டு செல்ல வேண்டும், முதலீடுகளை ஈர்க்க வேண்டும் என்ற நோக்கில் சில அறிவிப்புகளைச் செய்து வருகிறார்.

அதில் ஒன்றுதான் ரஜினிக்கான அழைப்பு. சர்வதேச அளவில் புகழ்பெற்ற நடிகர் என்ற முறையில் ரஜினி, புதுவையின் முன்னேற்றத் தூதராக (Brand Ambassador for Prosperous Pudhucherry) வர வேண்டும் என்று ட்விட்டரில் கூறியுள்ளார் கிரண் பேடி.

மேலும் புதுச்சேரியில் உள்ள அரசு ஊழியர்கள் அனைவருக்கும் கபாலி படத்தின் டிக்கெட்டுகளை ஊக்கப் பரிசாக அம்மாவட்ட கலெக்டர் வழங்குவதாக அறிவித்துள்ளதாகவும், இது அங்கே பெரிய அளவில் வேலை செய்துள்ளது என்றும் கிரண் பேடி தெரிவித்துள்ளார்.

வீட்டில் கழிப்பறை கட்டினால் 4 கபாலி டிக்கெட் இலவசம் என்ற புதுவித முயற்சியை புதுச்சேரி மாவட்ட ஆட்சியர் அறிவித்துள்ளார்.

இதுகுறித்து மாவட்ட ஆட்சியர் கூறியுள்ளதாவது, புதுச்சேரி மண்ணாடிப்பட்டில் உள்ள செல்லிபட்டு கிராமத்தை, மாவட்ட ஊரக வளர்ச்சி முகமை மூலம் இரு நாட்கள் ஆய்வு செய்தோம்.

அங்கிருந்த 772 வீடுகளில் 447 வீடுகளில் கழிவறை இல்லாதது அறிந்தோம். அதையடுத்து வீடுகளில் கழிவறை அவசியம் என்பதை வலியுறுத்தினோம்.

வீடுகளில் கழிவறை கட்ட அரசு 20 ஆயிரம் மானியம் தருவதை தெரிவித்தோம். மேலும், கழிவறை கட்டுவதை ஊக்குவிக்க புதிய முயற்சியை எடுத்தோம்.

மக்கள் தாமாகவே முன்வந்து யூலை 15க்குள் கழிவறை கட்டுவதை உறுதி செய்ய விரும்பினோம். அவ்வாறு கழிவறை கட்ட முன்வரும் குடும்பத்துக்கு ரஜினி நடித்த கபாலி படத்தின் 4 டிக்கெட்டுகள் தர முடிவு எடுத்துள்ளோம்.

திரையரங்குகளுடன் பேசி இதற்கான ஏற்பாடுகள் அடுத்து செய்வோம் என்று கூறியுள்ளார்.

மாவட்ட ஆட்சியரின் இந்த முடிவு குறித்து ஆளுநர் கிரண்பேடி தனது டுவிட்டர் பக்கத்தில், புதுச்சேரி மாவட்ட ஆட்சியர், கழிவறை கட்டுவோருக்கு இலவச திரைப்பட டிக்கெட் தர உள்ளது நல்ல பலன் தரும் என்று குறிப்பிட்டுள்ளார்.

இந்தியா ராஜஸ்தானில் பலாத்காரத்துக்குள்ளான பெண்ணுடன் அம்மாநிலத்தின் மகளிர் சங்க உறுப்பினர் சிரித்த முகத்துடன் செல்பி எடுத்துள்ள சம்பவம் பெரும் பரபரப்பை ஏற்படுத்தியுள்ளது.பலாத்காரம் செய்யப்பட்ட பெண்ணுடன் மகளிர் சங்கத்தின் உறுப்பினர் ஒருவர் எடுத்த செல்பி இணையத்தில் பரவி வருகிறது. இதையடுத்து, இந்த விவகாரம் தொடர்பாக எழுத்துப்பூர்வமாக விளக்கம் அளிக்குமாறு மகளிர் சங்கத்தின் உறுப்பினருக்கு சங்கத்தின் தலைவி உத்தரவிட்டுள்ளார்.சம்பவத்தன்று ஜெய்ப்பூர் வடக்குப் பகுதியில் உள்ள மகிளா பொலிஸ் நிலையத்திற்கு பலாத்காரத்தால் பாதிக்கப்பட்ட பெண் ஒருவர் புகார் அளிக்கச் சென்றுள்ளார்.

அப்போது ராஜஸ்தான் மகளிர் சங்கத்தின் தலைவி சுமன் ஷர்மா மற்றும் உறுப்பினர் குர்ஜார் ஆகியோர் அப்பெண்ணை நேரில் சந்திக்க அங்கு சென்றுள்ளனர். பாதிக்கப்பட்ட பெண்ணிடம் சுமன் விசாரித்துக் கொண்டிருந்த போது, அருகில் இருந்த குர்ஜார் இந்த செல்பிக்களை எடுத்துள்ளார்.அதுவும் பாதிக்கப்பட்ட பெண்ணின் அருகில் சிரித்தபடி முகத்தை வைத்துக் கொண்டு அவர் செல்பி எடுத்துள்ளார். இந்த சம்பவத்தை அங்கிருந்த வேறு ஒருவர் அதை புகைப்படமெடுத்து இணையத்தில் பதிவேற்றம் செய்து விட்டார்.பாதிக்கப்பட்ட பெண்ணின் மனநிலையைப் புரிந்து கொள்ளாமல் செயல்பட்ட குர்ஜாருக்கு எதிராக கண்டனங்கள் எழுந்த நிலையில் , இந்த செல்பி குறித்து தனக்கு எதுவும் தெரியாது என மகளிர் சங்கத் தலைவி சுமன் ஷர்மா விளக்கமளித்துள்ளார்.

இது தொடர்பாக மகளிர் சங்கத் தலைவி சுமன் ஷர்மா தெரிவிக்கையில்,

“பலாத்காரத்துக்குள்ளான பெண்ணுடன் நான் பேசிக்கொண்டிருந்த போது சங்க உறுப்பினர் இந்த செல்பிக்களை எடுத்துள்ளார். அவர் செல்பி எடுக்கும் போது நான் கவனிக்கவில்லை. இது போன்ற செயல்களில் எனக்கு உடன்பாடு கிடையாது.எழுத்துப்பூர்வமாக விளக்கம் அளிக்குமாறு நான் அவரை கேட்டுக்கொண்டுள்ளேன்” எனத் தெரிவித்துள்ளார்.

குறித்த சம்பவத்தில் பாதிக்கப்பட்ட பெண், ராஜஸ்தானில் உள்ள அல்வார் மாவட்டத்தைச் சேர்ந்தவர். வரதட்சணையாக 51 ஆயிரம் வழங்காததால் தனது கணவர் மற்றும் இரு சகோதரர்களால் தான் பாலியல் பலாத்காரம் செய்யப்பட்டதாக அவர் பொலிஸில் முறைப்பாடு அளித்துள்ளார்.அத்துடன் அப்பெண்ணின் நெற்றியிலும் கையிலும் கணவர் குடும்பத்தார் ‘வரதட்சணை தராததவர்’ என பச்சை குத்தியுள்ளனர்.