சீரற்ற காலநிலையினால் வெள்ளம் ஏற்படக்கூடும் என முன்கூட்டியே தெரிந்துக் கொண்டமையால் பாராளுமன்றத்தையும், அதனைச் சூழுவுள்ள பிரதேசத்தையும் பாதுகாக்க முடிந்ததாக மேல்மாகாண அபிவிருத்தி அமைச்சர் சம்பிக்க ரணவக்க தெரிவித்துள்ளார்.மேலும், எமது உறுப்பினர்கள் மிகவும் பொறுப்புடன் வெள்ள நிலைமையின் போது செயற்பட்டார்கள்.

பாதிக்கப்பட்ட அதிகமான இடங்களுக்கு தனியாகவும், குழுவாகவும் சென்று பல்வேறு உதவிகளைச் செய்துள்ளார்கள் எனவே அவர்களுக்கு எனது நன்றியைத் தெரிவிப்பதாகவும் குநிப்பிட்டுள்ளார்.வெள்ளத்தினால் பாதிக்கப்பட்ட இலங்கை காணி சீர்திருத்த அபிவிருத்தி சபையில் பணிபுரியும் பணியாளர்களுக்கு நிவாரணங்களை பெற்றுக்கொடுக்கும் நிகழ்வில் நேற்றைய தினம் கலந்துக் கொண்ட போதே அவர் இதனைத் தெரிவித்துள்ளார்.

அத்துடன் குறித்த அனர்த்த நேரத்தின் போது விமானப்படையினர், இராணுவத்தினர்மற்றும் கடற்படையினர்,பொலிஸாரின் சேவைகள் அளப்பரியதாகக் காணப்பட்டது. எனவே அவர்களுக்கும் நன்றி கூறுவதாக தெரிவித்துள்ளார்.

இதேவேளை 19 ஆம் திகதி பெய்த அடைமழையின் போது பாராளுமன்றம் நீரில் மூழ்கும் அபாயம் உள்ளதாக நாம் அனைவரும் யோசித்தோம்.இதேப்போல் தான் 2010இல் பாராளுமன்றம் வெள்ளத்தால் மூழ்கியதால் பல நட்டங்கள் எமக்கு ஏற்பட்டது.ஆனால், இம்முறை கடற்படையினர் முன்கூட்டியே பல நடவடிக்கைகளை முன்னெடுத்திருந்தனர்.

அதனால் தான் பாராளுமன்றத்தை வெள்ளத்திலிருந்து மீட்டெடுக்க முடிந்தது என்றும் அமைச்சர் குறிப்பிட்டுள்ளார்.அத்துடன் இன்று உலக நாடுகள் அனைத்தும் இயற்கை அனரத்தங்களுக்கு முகங்கொடுத்துள்ளதை நாம் அறிவோம் இதற்கு நாம் மட்டும் விதிவிலக்கல்ல.ஆனால், ஏற்படும் பாதிப்புக்களை குறைக்க எம்மால் முடியும்.

அதனால் தான் கொழும்பு நகரில் காணப்படும் சட்டவிரோத கட்டிடங்களை அப்புறப்படுத்துவதற்கான நடவடிக்கைகளை முன்னெடுக்கவுள்ளதாகவும் அமைச்சர் குறிப்பிட்டுள்ளமை சுட்டிக்காட்டத்தக்கது.

வாகனங்களின் விலை அதிகரிப்பை தான் பத்திரிகை வாயிலாகவே அறிந்துக்கொண்டதாக பிரதி அமைச்சர் ஹர்ஸ டி சில்வா தெரிவித்துள்ளார்.அத்துடன் எனது அமைச்சுப் பதவிக்கும் இதற்கும் எவ்வித தொடர்பும் இல்லை என்றும் அவர் குறிப்பிட்டுள்ளார்.

நேற்று இரவு தொலைக்காட்சி நிகழ்ச்சி ஒன்றில் கலந்துக்கொண்ட போதே அவர் இதனைத்தெரிவித்துள்ளார்.இதேவேளை , வாகனங்களின் விலை அதிகரிப்பு தொடர்பில் நிதி அமைச்சர் எவ்வித கலந்துரையாடல்களையும் முன்கூட்டியே நடத்தவில்லை என்று தெரிவித்த பிரதிஅமைச்சர் வரி அதிகரிப்பே வாகனங்களின் விலை அதிகரிப்புக்கு காரணம் என்று நிதிஅமைச்சர் கூறும் கருத்தை தான் ஏற்றுக்கொள்வதாகவும் குறிப்பிட்டுள்ளார்.

சீமெந்தின் விலையானது 60 ரூபாவால் அதிகரிக்கப்பட்டுள்ளது.இந்த விலை அதிகரிப்பு நேற்று முதல் அமுலுக்கு வந்துள்ளதாக தெரிவிக்கப்பட்டுள்ளது.இதற்கான அனுமதியை நுகர்வோர் சேவைகள் அதிகார சபை வழங்கியுள்ளது.

இதற்கமைய 870 ரூபாவாக காணப்பட்ட சீமெந்து ஒரு மூட்டையின் விலை 930 ரூபாவாக அதிகரிக்கப்பட்டுள்ளது.குறிப்பாக 5 வகையான சீமெந்து நிறுவனங்களின் சீமெந்துகளின் விலை அதிகரிக்கப்பட்டுள்ளதாகவும் தெரிவிக்கப்பட்டுள்ளது.

மருமகனால் தாக்கப்பட்ட ஹொரவப்பொத்தானை பொலிஸ் நிலைய பொறுப்பதிகாரியின் மனைவி இன்று (02) உயிரிழந்துள்ளார்.கடந்த மாதம் 25ஆம் திகதி குறித்த பொலிஸ் அதிகாரியின் மருமகன் தனது மனைவியையும், மாமியாரையும் கடுமையாகத் தாக்கியுள்ளார். இதன்போது குறித்த நபரின் மனைவி சம்பவ இடத்திலேயே உயிரிழந்துள்ளார்.

இதன்போது பொலிஸ் அதிகாரியின் மனைவி பலத்த காயங்களுக்குள்ளாகி அனுராதபுரம் வைத்தியசாலையில் அனுமதிக்கப்பட்டு நேற்று இரவு உயிரிழந்துள்ளார் என வைத்தியசாலை வட்டாரங்கள் குறிப்பிட்டுள்ளன.மேலும் இந்த சம்பவத்தின் பிரதான சந்தேகநபரை கைது செய்து விளக்கமறியலில் வைக்கப்பட்டுள்ளமை குறிப்பிடத்தக்கது.

சட்டவிரோதமான முறையில் ஆடை விற்பனையில் ஈடுப்பட்டு வந்த இரு இந்தியர்கள் உட்பட இலங்கைப் பெண் ஒருவரை கண்டி சுற்றுலாத் துறை பொலிஸார் கைது செய்துள்ளனர்.பொலிஸாரின் திடீர் தேடுதல் நடவடிக்கையின் போது சந்தேகநபர்களான இவர்கள் நேற்று இரவு கைது செய்யப்பட்டுள்ளனர்.

சுற்றுலா விசாவில் இலங்கைக்கு வந்த இந்தியர்கள், இலங்கை பெண் ஒருவரின் ஆதரவுடனேயே இவ்வாறு ஆடை விற்பனைகளில் ஈடுப்பட்டு வந்ததாக பொலிஸார் குறிப்பிட்டுள்ளனர்.சந்தேகநபர்களான மூவரும் இன்று கண்டி நீதிமன்ற நீதவான் முன்னிலையில் ஆஜர்ப்படுத்தப்பட உள்ளதாக பொலிஸார் தெரிவித்துள்ளனர்.