கனடா நாட்டில் உலகம் அழியப்போவதாக கூறி 5 நண்பர்களை கொலை செய்த மாணவர் ஒருவர் நீதிமன்றத்தில் தனது குற்றத்தை ஒப்புக்கொண்டுள்ளார்.அல்பேர்ட்டா மாகாணத்தில் உள்ள கல்கேரி நகரில் மேத்தியூ டி க்ரூட்(24) என்ற வாலிபர் அங்குள்ள பல்கழைக்கழகம் ஒன்றில் அறிவியல் மற்றும் உளவியல் பயின்று வந்துள்ளார்.

இவரது தந்தை காவல் துறையில்உயர் பொறுப்பில் பணியாற்றி வருகிறார். ஆனால், இந்த மாணவர்போதை மருந்து பழக்கத்திற்கு ஆளானதால் மன உளைச்சல் பிரச்சனைகளும் அடிக்கடி ஏற்பட்டு வந்துள்ளன.இந்நிலையில், கடந்த 2014ம் ஆண்டில் சமூகவலைத்தளத்தில் பரபரப்பான பதிவுகளை வெளியிட்டுள்ளார்.

அதில், ‘இந்த உலகம் விரைவில் அழியப்போகிறது. இந்த அழிவிற்கு காரணமாக இருக்கும் சில ரத்தக் காட்டேறிகளை கொல்ல வேண்டும்.மேலும், அமெரிக்க ஜனாதிபதியான ஒபாமா கிறித்துவ மதத்திற்கு எதிரானவர்’என பரபரப்பு தகவலை வெளியிட்டுள்ளார்.இந்த தகவலை வெளியிட்ட சிலதினங்களுக்கு பிறகு நண்பர்களுடன் கல்லூரி வளாகத்திற்கு அருகே உள்ள ஒரு குடியிருப்பு ஒன்றில் பார்ட்டிக்கு ஏற்பாடுசெய்துள்ளார்.இந்த பார்ட்டியில் ஒரு பெண் உள்பட 22 முதல் 27 வயதுடைய நண்பர்கள் பங்கேற்றுள்ளனர்.

இந்நிலையில், நள்ளிரவு நேரத்தில் பொலிசாருக்கு பரபரப்பு தகவல் ஒன்று வந்துள்ளது.தகவல் பெற்ற பொலிசார் அங்குசென்று பார்த்தபோது, 5 பேரில் மூவர் ஏற்கனவே ரத்த வெள்ளத்தில் இறந்துக் கிடந்துள்ளனர். மேலும், பெண் உள்படஇருவர் உயிருக்கு போராடியுள்ளனர்.ஆனால்,இருவரும் மருத்துவமனையில் அனுமதிக்கப்பட்ட நிலையிலும் சிகிச்சை பலனின்றி உயிரிழந்தனர்.இந்த சம்பவம் தொடர்பாக மேத்தியூவை பொலிசார் கைது செய்து சோதனை செய்தபோது, அவரது உடுப்பிற்குள் சமையல் செய்யப்பயன்படுத்தப்படும் ‘கிராம்பு மற்றும் பூண்டு’ ஆகியஉணவு பொருட்களை இருந்ததை கண்டு அதிர்ச்சி அடைந்துள்ளனர்.

அப்போது, ‘கிராம்பு மற்றும் பூண்டு’ ஆகியவற்றை நம்முடன் வைத்திருந்தால் ரத்தக் காட்டேறிகள் நம்மை நெருங்காது’என மேத்தியூ விளக்கம் அளித்துள்ளார்.மேலும், 5 பேரும் ரத்தக் காட்டேறிகள் என்பதால்அவர்கள் கொல்லப்பட வேண்டியவர்கள் ’என மேத்தியூ கோபத்துடன் பேசியுள்ளார்.

அல்பேர்ட்டா மாகாணத்தை உலுக்கிய இந்த கொலை நிகழ்ந்த2 வருடங்களுக்கு பிறகு இந்த வழக்குநேற்று நீதிமன்றத்திற்கு வந்துள்ளது.‘கொலையைதான் செய்யவில்லை’என வாக்குவாதம் செய்த மேத்தியூ இறுதியில் தனது குற்றங்கள் அனைத்தையும் நீதிபதி முன்னால் ஒப்புக்கொண்டுள்ளார்.இந்த வழக்கு தொடர்பான இறுதி தீர்ப்பு இன்னும் சில வாரங்களில் வெளியாகலாம் என எதிர்ப்பார்க்கப்படுகிறது.

சுவிட்சர்லாந்து நாட்டில் ஒவ்வொரு குடிமகனுக்கும் சராசரி ஊதியம் வழங்கப்பட வேண்டும் என்ற புதிய சட்டத்திற்கு ஆதரவு தெரிவித்துள்ள சுவிஸ் பிரசாரக் குழுவினர் தற்போது கின்னஸ் சாதனை ஒன்றை நிகழ்த்தியுள்ளனர்.உலக நாடுகளிலேயே முதன் முறையாக சுவிஸில் உள்ள குடிமகன் ஒவ்வொருவருக்கும் அடிப்படை ஊதியம் வழங்குவது தொடர்பாக அரசு வாக்கெடுப்பு ஒன்றை நடத்தவுள்ளது.

இந்த புதிய சட்டம் மூலம் பணிக்கு செல்லும் அல்லது பணி இல்லாமல் இருக்கும் ஒவ்வொரு சுவிஸ் குடிமகனுக்கும் ஒரு குறிப்பிட்ட ஊதியத்தை அரசு மாதந்தோறும் வழங்க திட்டமிடப்பட்டுள்ளது.ஆனால், இந்த புதிய சட்டத்திற்கு பொதுமக்கள் ஆதரவு அளித்தால் மட்டுமே அதனை நடைமுறைப்படுத்தப்படும்.

இது தொடர்பாக அடுத்த மாதம் 5ம் திகதி பொது வாக்கெடுப்பு நடைபெறவுள்ளது. இந்த புதிய சட்டத்தை மக்கள் ஆதரிக்க வேண்டும் என வலியுறுத்தி Basic Income Switzerland என்ற பிரசாரக் குழுவினர் மக்களிடம் விழிப்புணர்வை ஏற்படுத்தி வருகின்றனர்.இதன் ஒரு பகுதியாக சுவிஸில் உள்ள ஜெனிவா நகரில் உலகிலேயே அதிக நீளமுள்ள விளம்பர பலகையை உருவாக்கியுள்ளனர்.இந்த விளம்பரமானது 87,350 சதுரடி பரப்பளவு கொண்டதால், இது தற்போது கின்னஸ் புத்தகத்தில் இடம்பெற்றுள்ளது.

இந்த பிரசாரக் குழுவை சேர்ந்த நபர்கள் நாடு முழுவதும் உள்ள இளைஞர்களுக்கு அரசு 2,500 பிராங்க் (3,74,900 இலங்கை ரூபாய்) வழங்க வேண்டும் என்ற கோரிக்கையை அரசுக்கு விடுத்துள்ளனர்.இந்த புதிய சட்டம் நடைமுறைக்கு வந்தால், இளைஞர்கள் மட்டுமின்றி ஒவ்வொரு குடிமகனுக்கும் ஒரு குறிப்பிட்ட ஊதியம் அரசு சார்பாக வழங்கப்படும்.எனினும், இந்த புதிய சட்டம் நிறைவேற்றப்படுவதும் நிராகரிக்கப்படுவதும் அடுத்த மாதம் நடைபெற உள்ள பொது வாக்கெடுப்பில் தெரியவரும் என்பது குறிப்பிடத்தக்கது.