பிர­தமர் ரணில் விக்­கி­ர­ம­சிங்க மூன்று நாள் விஜயமாக நாளை வடக்­கிற்கு விஜயம் செய்யவுள்ளார்.
இந்த விஜ­யத்தின் போது யாழ்ப்­பாணம், கிளிநொச்சி, முல்­லைத்­தீவு ஆகிய மாவட்­டங்­க­ளுக்கு பிர­தமர் செல்­ல­வுள்ளார். அத்­துடன் பிரதமர் ரணில் விக்­கி­ர­ம­சிங்க வெள்ளி மற்றும் சனி ஆகிய இரு தினங்­களில் யாழ்ப்­பா­ணத்தில் பல நிகழ்­வு­களில் கலந்து கொள்­ள­வுள்­ள­துடன், முக்­கிய பல பிர­மு­கர்­க­ளையும் சந்திக்கவுள்ளார்.

ஞாயிறு தினத்­தன்று கிளி­நொச்­சியில் தமிழ் தேசிய கூட்­ட­மைப்பின் பாரா­ளு­மன்ற உறுப்பினர்­களை சந்­திக்­க­வுள்­ள­து­டன, முல்லைத்­தீ­விற்கும் பிர­தமர் விஜயம் செய்யவுள்ளார்.

நாட்டில் ஆட்சி மாற்றம் ஏற்­பட்ட பிறகு ஜனாதிபதி மைத்­தி­ரி­பா­ரல சிறி­சேன, முன்னாள் ஜனா­தி­பதி சந்­தி­ரிக்கா பண்­டா­ர­நா­யக்க குமாரதுங்க, பிர­தமர் ரணில் விக்­கி­ர­ம­சிங்க ஆகிய மூவரும் கடந்த திங்­கட்­கி­ழமை வடக்கிற்­கான விஜ­யத்தை மேற்­கொண்டனர்.

இந்­நி­லையில் பிர­தமர் மாத்­திரம் நாளை வடக்கிற்கு விஜயம் செய்­ய­வுள்­ளமை விஷேட அம்­ச­மாக கரு­தப்­ப­டு­கி­றது. இதன்­படி வௌ்ளிக்­கி­ழ­மை­யான நாளை யாழ்ப்பா­ணத்­திற்கு விஜயம் செய்­ய­வுள்ள பிரதமர் ரணில் விக்­கி­ர­ம­சிங்க நல்லுர் கோயில் , நாவலர் ஜூம்மா மஸ்ஜித், மற்றும் ஆதினம் தேவஸ்­தானம் ஆகிய வணக்­கஸ்­த­ளங்­க­ளுக்கு சென்று வழி­பா­டு­களில் ஈடுப்படவுள்ளார்.

மேலும் யாழ் .மறை மாவட்ட ஆயர் தோமஸ் சௌந்­த­ர­நா­யகம், தென் இந்­திய அருட்­தந்தை டெனியல் தியா­க­ராஜா ஆகிய மதத்தலைவர்களின் ஆசி­யையும் பெற­வுள்ளார்.

இந்த விஜ­யத்தின் போது மீள்­கு­டி­யேற்ற வேலைத்­திட்டம் மற்றும் புனர்­வாழ்வு பெற்ற இளை­ஞர்கள் தொடர்­பி­லான கலந்துரையாடிலும் பிர­தமர் பங்குகொள்ளவுள்ளார். மேலும் பெண்­களின்  பிரதி­நி­தி­க­ளையும் சந்­திக்­க­வுள்ள பிர­தமர் ரணில் விக்­கி­ர­ம­சிங்க, கர்ப்பிணித்தாய்மார்களுக்கு போசாக்கு உணவு வழங்கும் வேலைத்­திட்­டத்­திலும் கலந்து கொள்­ள­வுள்ளார்.

அத்­தோடு மீன­வர்­க­ளையும் சந்­தித்து பேசவுள்ளார். இதன் பின்னர் பருத்­தி­து­றை­யி­லுள்ள பிர­பல பாட­சா­லை­யாக கரு­தப்­படும் ஹார்ட்லி கல்­லுரி நிக­ழ­வொன்­றிலும் கலந்து கொள்­ள­வுள்ளார்.

இதே­வேளை சனிக்­கி­ழமை யாழ் மாவட்ட தேசிய பாட­சாலை அதி­பர்­களை சந்­தித்து தற்­போது மாவட்ட பாட­சா­லையில் காணப்­படும் பிரச்­சினை குறித்து பேச்­சு­வார்த்தை நடத்­த­வுள்ளார். பிர­தமர் ரணில் விக்­கி­ரம சிங்க வடக்கு விஜ­யத்­தின்­போது நெடுந்­தீ­விற்கும் விஜயம் செய்­ய­வுள்ளார்.

அத்­தோடு இந்த விஜ­யத்தின் போது பலாலி படைத்­த­லை­மை­ய­கத்­திற்கு சென்று பொலிஸ், விமா­னப்­படை உள்­ளிட்ட முப்­படை அதி­கா­ரி­க­ளுடன் விஷேட பேச்­சு­வார்த்தை நடத்­த­வுள்ளார். மேலும் பலாலி பாது­காப்பு தளத்­தையும் பார்­வை­யி­ட­வுள்ளார்.

இதனை அடுத்து பிர­தமர் ரணில் விக்­கி­ர­ம­சிங்க ,கிளி நொச்­சிக்கு விஜயம் செய்­ய­வுள்ளார்.
ஞாயிற்று கிழமை காலை 9.30 மணி­ய­ளவில் கிளி­நொச்சி மாவட்ட செய­ல­கத்தில் வைத்து தமிழ் தேசிய கூட்­ட­மைப்பு பாரா­ளு­மன்ற உறுப்­பி­னர்­களை சந்­திக்­க­வுள்ளார். இதன்­போது அர­சியல் பிரச்­சி­னைகள் தொடர்பில் விரி­வாக ஆரா­யப்­ப­ட­வுள்­ளன.

பிர­தமர் ரணில் வி்க்கிர­ம­சிங்­கவின் மூன்று நாள் விஜ­யத்தில் இறுதியாக முல்லைதீவிற்கு சென்று அங்குள்ள பொது மக்களை சந்திக்கும் நிகழ்வில் கலந்து கொள்ளவுள்ளார்.
பிரதமர் ரணில் விக்கிரமசிங்கவிற்கும் வடக்கு மாகாண முதலமைச்சர் சி.வி விக்கினேஸ்வரனுக்கும் இடையில் நிலவும் முரண்பாடுகளுக்கு மத்தியிலேயே இந்த விஜயத்தினை பிரதமர் முன்னெடுக்கவுள்ளமை விஷேட அம்சமாகவே கருதப்படுகிறது.

ஏழாலை ஸ்ரீ முருகன் வித்தியாலய நீர்த்தாங்கியில் நஞ்சு கலந்த சம்பவத்தில் முக்கிய சந்தேகநபர் ஒருவரை   செய்துள்ளதாக சுன்னாகம் பொலிஸார் தெரிவித்தனர்.

இந்த சம்பவம் தொடர்பில் சந்தேகத்தின் பேரில் கடந்த 23ம் திகதி திங்கட்கிழமை கைது செய்யப்பட்ட பாடசாலை காவலாளிகள் இருவரும் பொலிஸ் பிணையில் விடுவிக்கப்பட்டுள்ளதாகவும், தேவையேற்படின் விசாரணைக்கு அழைக்கப்படுவார்கள் என்றும் பொலிஸார் தெரிவித்தனர்.

ஏழாலை ஸ்ரீ முருகன் வித்தியாலய நீர்த்தாங்கியில் கடந்த 18 ஆம் திகதி இரவு நஞ்சு குடிநீரில் கலக்கப்பட்டது. மறுநாள் அந்நீரைப் பருகிய 26 மாணவர்கள் யாழ்.போதனா வைத்தியசாலையில் அனுமதிக்கப்பட்டனர். இந்த சம்பவம் தொடர்பில் விசாரணைகளை மேற்கொண்ட பொலிஸார், நீர்த்தாங்கியினுள் இருந்து நஞ்சு போத்தல் ஒன்றை மீட்டமை குறிப்பிடத்தக்கது.

மோட்டார் சைக்கிளில் பயணிப்பவர்கள் முகத்தை முழுமையாக மறைத்து தலைக்கவசம் அணிய தடை விதிக்க பொலிஸார் தீர்மானித்துள்ளனர்.

அதன்படி இத்திட்டம் எதிர்வரும் ஏப்ரல் 2ம் திகதி தொடக்கம் அமுலுக்கு வருவதாக பொலிஸ் ஊடகப் பேச்சாளர் ருவான் குணசேகர அறிவித்துள்ளார்.

முன்னதாக முகத்தை முழுமையாக மறைத்து தலைக்கவசம் அணிய தடை விதிக்க அரசாங்கம் தீர்மானித்து பின்னர் அதனை வாபஸ் பெற்ற நிலையில் தற்போது மீண்டும் அத்திட்டத்தை செயற்படுத்த தீர்மானித்துள்ளது.

ஜனாதிபதி மைத்திரிபால சிறிசேன உள்ளிட்ட குழுவினர் உத்தியோகபூர்வ விஜயமொன்றை மேற்கொண்டு சீனாவிற்கு சென்றுள்ளனர்.

ஜனாதிபதி உள்ளிட்ட குழுவினர் கடந்த பயணத்தில் இந்தியா சென்றது போன்று இம்முறையும் பயணிகள் விமானத்தில் சீனா நோக்கிச் சென்றுள்ளார்.

யு.எல்.868 என்ற சாதாரண பயணிகள் விமானத்தில் ஜனாதிபதி உள்ளிட்ட குழுவினர் இன்று (25.03) பகல் 1.30 அளவில் சீனாவின் தலைநகர் பீஜிங் நோக்கிச் சென்றுள்ளனர்.

மைத்திரிபால சிறிசேன ஜனாதிபதியாக பதவியேற்ற பின் சீனாவிற்கு விஜயம் செய்யும் முதல் சந்தர்ப்பம் இதுவென்பது குறிப்பிடத்தக்கது.

நீதிமன்றத்தில் சிறுவர்களை ஆஜர்படுத்துவதற்கான வயதெல்லையை எட்டு வயதில் இருந்து 12 வயது வரை அதிகரிப்பதற்கு தேசிய சிறுவர் பாதுகாப்பு அதிகார சபை தீர்மானித்துள்ளது.

சர்வதேச ரீதியில் அங்கீகரிக்கப்பட்ட சட்டத்திற்கு அமைய புதிய விதிமுறைகளை அறிமுகப்படுத்தவுள்ளதாக தேசிய சிறுவர் பாதுகாப்பு அதிகார சபையின் தலைவர் நட்டாஷா பாலேந்திரன் குறிப்பிட்டுள்ளார்.

எதிர்காலத்தில் எந்தவொரு சட்ட நடவடிக்கைக்காகவும் 12 வயதிற்கு குறைந்த சிறுவர்களை நீதிமன்றத்தில் ஆஜர்படுத்த முடியாது என அவர் தெரிவித்துள்ளார்.

இதேவேளை 12 வயதுக்கு குறைந்த சிறுவர்களால் மேற்கொள்ளப்படுகின்ற தவறுகளை திட்டமிடப்பட்ட குற்றங்களாக கருத முடியாது என தேசிய சிறுவர் பாதுகாப்பு அதிகார சபை தெரிவித்துள்ளது.

தவறு செய்யும் சிறுவர்களை புனர்வாழ்வு நிலையத்திற்கு அனுப்பிவைப்பதே மிகவும் சிறந்ததென தேசிய சிறுவர் பாதுகாப்பு அதிகார சபையின் தலைவர் மேலும் குறிப்பிட்டுள்ளார்.

கர்ப்ப்பிணித் தாய்மார்களுக்கு புழுக்கள் அடங்கிய பொருட்களை வழங்கிய கினிகத்தேனை பகுதியில் உள்ள மூவரிடம் நீதிமன்றம் தண்டப்பணம் அறவிட்டு, விடுதலை செய்துள்ளது.

ஒரு தனியார் தொகை கடை உரிமையாளருக்கும், இவ்வாறான பொருட்களை பெற்றுக்கொண்ட கினிகத்தேனை கூட்டுறவு சங்கத்தின் தலைவருக்கும், பொருட்களை களஞ்சியப்படுத்தி வைத்திருந்த உத்தியோகத்தர் ஒருவருக்கும் தலா 15000 ரூபா படி 3 பேருக்கும் 45000 ரூபா தண்டப் பணமாக அறிவித்து விடுதலை செய்யப்பட்டுள்ளனர்.

மேற்படி நபா்களை நேற்று ஹற்றன் நீதவான் ஐ.பி.டி.லியனகே முன்னிலையில் ஆஜர்ப்படுத்தும்போது மேற்படி நபர்கள் குற்றத்தை ஒப்புக்கொண்டதன் காரணமாக நீதவான் இவ்வாறு உத்தரவிட்டுள்ளார்.

சுகாதார அமைச்சின் ஏற்பாட்டில் கர்ப்பிணி தாய்மார்களுக்கு போசணை பொருட்கள் வழங்கும் நிகழ்வு 21.03.2015 அன்று நோர்வூட் வெஞ்சர் பகுதியில் இடம்பெற்றது.

இவ்வாறு வழங்கிய போசனை பொதியில் கெளப்பீ 1 கிலோ, பருப்பு 1 கிலோ, பயறு 1 கிலோ, கடலை 1 கிலோ, சோயா 500 கிராம், நெத்தலி 500 கிராம், செமன் டின் 2, சிவப்பு அரிசி 2 கிலோ ஆகியன அடங்கிய பொதியையே வழங்கியுள்ளனர்.

இவ்வாறு வழங்கிய பொதியை பார்க்கும்போது அதில் இருந்த கெளப்பீ, கடலை, நெத்தலி ஆகியவற்றில் புழுக்கள் இருக்கின்றதாக பொது சுகாதார பரிசோதகர்களுக்கு கர்ப்பிணி தாய்மார்கள் முறையிட்டுள்ளனர்.

இதனையடுத்து பொதிகள் வழங்கிய இடத்திற்கு விரைந்த சுகாதார பரிசோதகா்கள் அதனை சோதனை செய்யும் போது இவ்வாறு 130 பொதிகளில் புழுக்கள் இருந்ததை உறுத்திப்படுத்தினார்கள்.

அதன்பின் இந்த அத்தியாவசிய பொருட்களை வழங்கிய கினிகத்தேனை பகுதியில் உள்ள ஒரு தனியார் தொகை கடையை 22.03.2015 அன்று பொகவந்தலாவ சுகாதார பரிசோதகர்கள் சுற்றி வளைப்பினை மேற்கொண்டபோது அங்கு விற்பனைக்காக பாவிக்கமுடியாத நிலையில் இருந்த சில அத்தியா வசிய பொருட்களை சுகாதார பரிசோதகர்கள் கைப்பற்றிருந்தமை குறிப்பிடதக்கது.

அத்தோடு 23.03.2015 அன்று ஹற்றன் நீதவான் முன்னிலையில் இவ்விடயத்தை ஆஜர்ப்படுத்தும் போது பாவிக்க முடியாத நிலையில் இருந்த பொருட்களை அழிக்குமாறு சுகாதார பரிசோதகருக்கு நீதவான் உத்திரவிட்டதையடுத்து, அப்பொருட்கள் நேற்று சுகாதார பரிசோதகர் பி.எல்.கே வசந்தவினால் அழிக்கப்பட்டது.