யாழ்ப்பாணத்துக்கு விஜயம் செய்த இந்தியப் பிரதமா் நரேந்திர மோடி வடமாகாண அமைச்சா்களைச் சந்தித்து சம்பிரதாயபூா்வமாக மாத்திரமே கலந்துரையாடியதாகவும்,

இதனால் தமது பிரச்சினைகளை முழுமையாக எடுத்துக் கூற முடியவில்லை எனவும் வடமாகாண விவசாய அமைச்சா் பொ.ஐங்கரநேசன் தொிவித்தாா்.

யாழ் பொது நுாலக கேட்போா் கூடத்தில் இச் சந்திப்பு இடம்பெற்றது.
இச் சந்திப்பில் அதற்கான எதிா்பாா்ப்புக்களுடன் அமைச்சா்கள் சென்றிருந்ததாகவும், தமது கோாிக்கைகளை முன் வைத்து கலந்துரையாடுவதற்காக ஒதுக்கப்பட்ட நேரம் போதாததனால் தமது கோாிக்கைகளை மகஜராக பிரதமா் மோடியிடம் கையளித்ததாகவும் தொிவித்தாா்.

மகஜரைப் பெற்றுக் கொண்ட இந்தியப் பிரதமா் தமிழ் மக்கள் நலன் தொடா்பில் தான் மேலும் அக்கறை செலுத்துவதாக தொிவித்தாா் என அமைச்சா் ஐங்கரநேசன் மேலும் தொிவித்தாா்.

வீரகேசரி இணையத்தளம் இன்று காலை Moroccan Haxorz என்ற அமைப்பின் பெயர் குறிப்பிட்ட அமைபினரால் முடக்கப்பட்டிருந்தது.

சுதந்திர பாலஸ்தீனம்(Free Palastine) என்ற கோரிக்கைகாக இணையத்தளம் முடக்கப்பட்டிருந்ததாக குறிப்பிடப்பட்டுள்ளது.

கடந்த மாதமும் ஐஎஸ்ஐஎஸ் என்ற அமைப்பின் பெயர் குறிப்பிட்டு இணையத்தளம் முடக்கப்பட்டிருந்தமை குறிப்பிடத்தக்கது.

இரண்டு நாள் உத்தியோகபூர்வ விஜயம் மேற்கொண்டு இலங்கை வந்துள்ள இந்தியப் பிரதமர் நரேந்திர மோடி இன்று யாழ்ப்பாணம் சென்றுள்ளார்.

யாழ் நூலகத்தில் யாழ்ப்பாண கலாசார நிலையத்திற்கான அடிக்கல் நாட்டும் நிகழ்வில் மோடி கலந்து கொண்டு உரையாற்றினார். இதன்போது அவர் கூறியதாவது,

யாழ்ப்பாணம் புதிய அடையாளத்தை காட்டுகின்றது. இலங்கையும் இந்தியாவும் பௌதீகமான தொடர்புகள் மட்டுமின்றி, கலாச்சாசர ரீதியான விடயங்களிலும் ஒன்றுபட்டுள்ளன என்பதை எல்லோரும் அறிவார்கள்.

யாழ்ப்பாண கலாச்சார மண்டபத்திற்கான நிர்மாணப் பணிகளை ஆரம்பித்து வைப்பதில் மகிழ்ச்சியடைகின்றேன். குறித்த காலப்பகுதிக்குள் யாழ் கலாசார நிலையத்தின் நிர்மாணப் பணிகள் நிறைவு செய்யப்பட்டு மக்களிடம் கையளிக்கப்படும் என உறுதியளிக்கிறேன்.

யாழில் நிர்மாணித்து கொடுக்கப்படும் கலாச்சார நிலையம் மிகவும் புராதன நுட்பம் வாய்ந்த கலாச்சார விடயங்களை அடையாளப்படுத்த போகிறது.

யாழ்ப்பாணத்தில் இருந்த நூலகம் உலகத்தின் மிகப் பெரிய நூலகமாக இருந்துடன் அதில் ஒரு இலட்சத்திற்கும் மேற்பட்ட நூல்கள் இருந்தன.

பின்னாளில் அது எரிக்கப்பட்டது. எரிக்கப்பட்ட புத்தங்களை நாங்கள் வழங்குவோம். மிகவும் பிரசித்தமான மற்றும் முக்கியமான புத்தகங்களை வழங்குவோம்.

ஒரு நாட்டை அபிவிருத்தி செய்ய சகோதரத்துவம், சொந்த அர்ப்பணிப்பு என்பன தேவை. இலங்கையின் அபிவிருத்திக்கு தேவையான அனைத்து உதவிகளையும் இந்தியா வழங்கும், நான் என்றும் உங்களுடன் இருப்பேன் என மோடி கூறினார்.

வடமாகாணத்திற்கு இன்று விஜயம் செய்துள்ள இந்தியப் பிரதமர் நரேந்திர மோடி அங்கு இடம்பெற்ற பல்வேறு நிகழ்வுகளில் கலந்துகொண்டார்.

இந்த நிகழ்வுகளை அடுத்து வடக்கு மாகாண முதலமைச்சர் சி.வி.விக்னேஸ்வரனை சந்தித்து கலந்துரையாடினார். இந்த சந்திப்பு இன்று பிற்பகல் யாழ்ப்பாணம் பொது நூலகத்தில் நடைபெற்றது.

இலங்கையிலிருந்து டுபாய் நோக்கிப் பயணித்த விமானத்தில் 13 வயது சிறுமி மீது பாலியல் குற்றம் புரிந்த வர்த்தகர் ஒருவருக்கு (45) ஓராண்டு காலம் சிறைத்தண்டனை வழங்கப்பட்டுள்ளது.

கடந்த வருடம் நவம்பர் மாதம் 5 ஆம் திகதி இடம்பெற்ற குற்றம் தொடர்பில் விசாரணைகளின் பின்னர் தண்டனை வழங்கப்பட்டுள்ளது.

இலங்கையிலிருந்து பயணித்துள்ள வர்த்தகருக்கு அருகில் அமர்ந்து குறித்த சிறுமி பயணித்துள்ளார். விமானத்தில் விளக்குகள் அணைக்கப்பட்ட சந்தர்ப்பத்தில் வர்த்தகர் சிறுமி மீது பாலியல் குற்றம் புரிய முயற்சித்துள்ளார். உடனடியாக சிறுமி விமான பணியாளர்களுக்கு இது குறித்து அறிவித்துள்ளார்.

இதன்போது சிறுமியை சமாதானம் செய்ய முயற்சித்துள்ள நபர் மன்னிப்புக் கோரியுள்ளார். எனினும் மீண்டும் விளக்குகள் அணைக்கப்பட்டபோது சிறுமியை பாலியல் ரீதியாக துன்புறுத்தியுள்ளார்.

இதனால் ஆத்திரமடைந்த சிறுமி சத்தமிட்டு பயணிகள் அனைவருக்கும் இதனை தெரியப்படுத்தியுள்ளார்.

விமானம் டுபாயை சென்றடைந்தவுடன் வர்த்தகரை கைது செய்த அந்நாட்டுப் பொலிஸார் விசாரணைகளை மேற்கொண்டுள்ளனர்.

வர்த்தகர் போதையில் இருந்துள்ளதாக ஆரம்பகட்ட விசாரணைகளிலிருந்து தெரியவந்துள்ளது. இதனையடுத்து சிறுமியிடமும் பயணிகளிடமும் வாக்குமூலத்தை பொலிஸார் பெற்றுக்கொண்டதுடன் நீதிமன்றுக்குக்கு சமர்ப்பித்தனர்.

இலங்கை வர்த்தகரை கடுமையாக எச்சரித்த நீதிமன்றம் ஒருவருட கால சிறைத்தண்டனையை வழங்கியுள்ளது.

எதிர்வரும் ஏப்ரல் மாதம் 14ம் திகதிக்கு பின்னர் இந்தியா செல்லும் இலங்கை சுற்றுலாப் பயணிகளுக்கு வருகைதரு விசா (ஒன் அரைவல் விசா) வழங்கப்படும் என இலங்கை வந்த பிரதமர் நரேந்திர மோடி தெரிவித்தார்.

கொழும்பில் நேற்று இடம்பெற்ற ஜனாதிபதி சிறிசேனவுடனான இருதரப்பு சந்திப்பின் பின்னர் அவர் இதனை தெரிவித்தார். இந்திய பிரதமர் மேலும் குறிப்பிடுகையில்..

மக்களே எமது உறவின் இதயம். எனவே இரண்டு நாடுகளுக்கிடையில் மக்கள் தொடர்பை அதிகரிப்பதற்கு பல தீர்மானங்களை நாம் எடுத்துள்ளோம்.

சுற்றுலாத்துறை ஊக்குவிக்கவும் நடவடிக்கை எடுத்துள்ளோம். அந்த வகையில் இலங்கையிலிருந்து இந்தியா செல்லும் சுற்றுலாப்பயணிகள் எதிர்வரும் ஏப்ரல் மாதம் 14ம் திகதிக்கு பின்னர் இந்திய விமான நிலையத்துக்கு வந்த பின்னர் வீசா பெறுதல் சலுகையை ( ஒன் அரைவல் வீசா) அனுபவிக்கலாம்.

அதாவது இலங்கையிலிருந்து செல்லும் சுற்றுலாப் பயணிகள் இந்திய விமான நிலையத்திலிருந்து விசா பெற்றுக்கொண்டால் போதுமானது.

இதனை எதிர்வரும் தமிழ், சிங்களப் புத்தாண்டு காலத்திலிருந்து அமுல்படுத்தவுள்ளோம்.

இந்தியாவின் எயார் இந்தியா விமான நிலையம் கொழும்புக்கும், புதுடில்லிக்குமிடையில் நேரடி விமான சேவைகளை ஆரம்பிக்கவுள்ளது.

விரைவில் இலங்கையில் இந்தியத் திருவிழா ஒன்றை நடத்துவதற்கு எதிர்பார்க்கின்றோம். அதில் பௌத்த பாரம்பரிய விடயங்கள் உள்ளடக்கியிருக்கும் என்றார்.

பாரதப் பிரதமர் நரேந்திர மோடி அவர்களின் வருகையை முன்னிட்டு யாழ் தேசிய மீனவர் ஒத்துழைப்பு இயக்கத்தினால் இன்று காலை 10 மணியளவில் யாழ் நகரில் கவனயீர்ப்புப் போராட்டமொன்று முன்னெடுக்கப்பட்டது.

வடபகுதி மக்கள் எதிர்நோக்கும் பிரச்சினைகளை வலியுறுத்தியே இந்தக் கவனயீர்ப்பு போராட்டம் நடைபெற்றது.

இப்போராட்டமானது யாழ் நகரிலே ஆரம்பமாகி நடை பவனியாக இந்தியத் துணைத்தூதரகத்தைச் சென்றடைந்தது. போராட்டகாரர்களால் இந்தியத் துணைத்தூதரகத்தில் மகஜர் ஒன்று கையளிக்கப்பட்டது. அவ் மகஜரிலே குறிப்பிடப்பட்டுள்ளதாவது,

தங்களின் வருகையின் மூலம் தமிழ் மக்கள் எதிர்நோக்கி வரும் பல்வேறு துன்பங்களுக்கு விடிவு கிட்டுமென்று நாம் நம்புகின்றோம்.

இலங்கை அரசாங்கத்திற்கு தாங்கள் அழுத்தம் கொடுத்து தீர்க்கப்பட வேண்டிய பிரச்சினைகளை தீர்க்க வேண்டும் என்றும் அத்துடன் தாங்கள் நேரடி கவனம் எடுத்து தீர்க்க வேண்டிய பிரச்சனைகளும் உண்டு என்பதை தங்களின் கவனத்துக்கு கொண்டு வருகின்றோம்.

நீண்டகாலமாக தமிழ் மக்களுக்கும் இலங்கை அரசாங்கத்துக்கும் இடையில் தீர்க்க்படாத பிரச்சினையாக தமிழ் மக்களின் அரசியல்ப் பிரச்சினையாக இருந்து வருகின்றது.

இவ்அரசியல்ப் பிரச்சினை காரணமாக நாட்டில் எற்பட்ட போர்ச்சூழல் மற்றும் பொருளாதார நெருக்கடி போன்றவற்றினால் பாதிக்கப்பட்ட மக்கள் இன்னமும் அந்த போர்ச்சூழலுக்குள்ளும் பொருளாதார நெருக்கடிக்குள்ளும் வாழ்ந்து கொண்டிருக்கிறார்கள்.

இவ்வாறு வாழ்ந்து வரும் மக்களின் பிரச்சினைகளைத் தீர்ப்பதற்கான வழிவகைகளை தாங்கள் காலதாமதமின்றி மேற்கொள்ள வேண்டும் என்பதே தங்களின் வருகையை முன்னிட்டு நாம் எதிர்பார்க்கும் விடயமாகும் என குறிப்பிடப்பட்டுள்ளது.

இந்தியப் பிரதமர் மோடி தலைமன்னாருக்கு விஜயம் செய்து, மன்னார்- தலைமன்னாருக்கு இடையிலான ரயில் சேவையை உத்தியோகபூர்வமாக ஆரம்பித்து வைத்துள்ளார்.

இலங்கைக்கு இரண்டு நாள் விஜயம் மேற்கொண்டுள்ள இந்திய பிரதமர் இன்று காலை வடக்கிற்கான விஜயத்தினை மேற்கொண்டிருந்தார்.

அதற்கமைய தலைமன்னார் பகுதிக்கு இந்திய விமானப்படையினரின் உலங்குவானூர்தி மூலம் சென்றடைந்த மோடி தலைமன்னார் ரயில் நிலையத்தை திறந்து வைத்ததுடன் மடுவுக்கான ரயில் சேவையினையும் ஆரம்பித்து வைத்துள்ளார். தலைமன்னாரில் மோடிக்கு அமோக வரவேற்பு அளிக்கப்பட்டுள்ளது.